കീ​വ്: യു​ക്രെ​യ്ൻ സ​ന്ദ​ർ​ശി​ക്കാ​നെ​ത്തി​യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി പ്ര​സി​ഡ​ന്‍റ് വ്ളാ​ദി​മി​ർ സെ​ല​ൻ​സ്കി​യു​മാ​യി കൂ​ടി​ക്കാ​ഴ്ച ന​ട​ത്തി. ച​ർ​ച്ച​യ്ക്കി​ടെ ഇ​ന്ത്യ - യു​ക്രെ​യ്ൻ സ​ഹ​ക​ര​ണം ശ​ക്ത​മാ​ക്കാ​നു​ള്ള നാ​ലു ക​രാ​റു​ക​ളി​ൽ ഇ​രു​രാ​ജ്യ​ങ്ങ​ളും ഒ​പ്പു വ​ച്ചു.

വി​വി​ധ മേ​ഖ​ല​ക​ളി​ൽ സ​ഹ​ക​രി​ച്ച് പ്ര​വ​ർ​ത്തി​ക്കാ​ൻ ഇ​ന്ത്യ​യും യു​ക്രെ​യ്നും തീ​രു​മാ​നി​ച്ചു. പോ​ള​ണ്ട് സ​ന്ദ​ർ​ശ​നം പൂ​ർ​ത്തി​യാ​ക്കി ട്രെ​യി​ൻ മാ​ർ​ഗം യു​ക്രെ​യ്നി​ലെ​ത്തി​യ മോ​ദി​ക്ക് ഊ​ഷ്മ​ള സ്വീ​ക​ര​ണ​മാ​ണ് ഒ​രു​ക്കി​യി​രു​ന്ന​ത്. തു​ട​ർ​ന്ന് ഇ​രു നേ​താ​ക്ക​ളും ര​ക്ത​സാ​ക്ഷി​ക​ളാ​യ കു​രു​ന്നു​ക​ള്‍​ക്ക് യു​ക്രെ​യ്ന്‍ ദേ​ശീ​യ ച​രി​ത്ര മ്യൂ​സി​യ​ത്തി​ലെ സ്മാ​ര​ക​ത്തി​ലെ​ത്തി ആ​ദ​ര​മ​ര്‍​പ്പി​ച്ചു.

യു​ദ്ധം ഏ​റ്റ​വും കൂ​ടു​ത​ലാ​യി ബാ​ധി​ക്കു​ന്ന​ത് ചെ​റി​യ കു​ട്ടി​ക​ളെ​യാ​ണ്. ജീ​വ​ന്‍ ന​ഷ്ട​പ്പെ​ട്ട കു​ട്ടി​ക​ളു​ടെ കു​ടും​ബ​ങ്ങ​ള്‍​ക്കൊ​പ്പ​മാ​ണ് എ​ന്‍റെ ഹൃ​ദ​യം. വേ​ര്‍​പാ​ടി​ന്‍റെ ദുഃ​ഖം താ​ങ്ങാ​നു​ള്ള ശ​ക്തി അ​വ​ര്‍​ക്കു​ണ്ടാ​ക​ട്ടെ എ​ന്ന് ഞാ​ന്‍ പ്രാ​ര്‍​ഥി​ക്കു​ന്നു. സ്മാ​ര​ക​ത്തി​ല്‍ ആ​ദ​ര​മ​ര്‍​പ്പി​ച്ച ശേ​ഷം മോ​ദി എ​ക്‌​സി​ല്‍ കു​റി​ച്ചു.

10 മ​ണി​ക്കൂ​ര്‍ ട്രെ​യി​ന്‍ യാ​ത്ര ചെ​യ്താ​ണ് പ്ര​ധാ​ന​മ​ന്ത്രി യു​ക്രെ​യ്ന്‍ ത​ല​സ്ഥാ​ന​മാ​യ കീ​വി​ലെ​ത്തി​യ​ത്. റ​ഷ്യ-​യു​ക്രെ​യ്ന്‍ യു​ദ്ധം തു​ട​ങ്ങി​യ ശേ​ഷം എ​ല്ലാ ലോ​ക​നേ​താ​ക്ക​ളും പോ​ള​ണ്ടി​ല്‍ ഇ​റ​ങ്ങി ട്രെ​യി​ന്‍​മാ​ര്‍​ഗ​മാ​ണ് യു​ക്രെ​യ്നി​ലേ​ക്ക് പോ​കു​ന്ന​ത്.

ന​യ​ത​ന്ത്ര ബ​ന്ധം ആ​രം​ഭി​ച്ച് 30 -ാം വ​ർ​ഷ​ത്തി​ലാ​ണ് ഒ​രു ഇ​ന്ത്യ​ൻ പ്ര​ധാ​ന​മ​ന്ത്രി യു​ക്രെ​യ്നി​ലെ​ത്തി​യ​ത്. ഒ​രു ദി​വ​സ​ത്തെ സ​ന്ദ​ർ​ശ​നം പൂ​ർ​ത്തി​യാ​ക്കി രാ​ത്രി​യോ​ടെ ന​രേ​ന്ദ്ര മോ​ദി ഇ​ന്ത്യ​യി​ലേ​ക്ക് തി​രി​ക്കും.