ദു​ബാ​യി: ഏ​ഷ്യാ ക​പ്പ് ടി20 ​ക്രി​ക്ക​റ്റ് ഫൈ​ന​ലി​ൽ ഇ​ന്ത്യ ഇ​ന്ന് പാ​ക്കി​സ്ഥാ​നെ നേ​രി​ടും. ഞാ​യ​റാ​ഴ്ച രാ​ത്രി എ​ട്ടി​ന് മ​ത്സ​രം ആ​രം​ഭി​ക്കും. തു​ട​ർ​ച്ച​യാ​യ ര​ണ്ടാം ഏ​ഷ്യാ ക​പ്പ് കി​രീ​ട​വും പാ​ക്കി​സ്ഥാ​നെ​തി​രേ ടൂ​ർ​ണ​മെ​ന്‍റി​ലെ തു​ട​ർ​ച്ച​യാ​യ മൂ​ന്നാം ജ​യ​വു​മാ​ണ് ഇ​ന്ത്യ​യു​ടെ ല​ക്ഷ്യം.

ഗ്രൂ​പ്പ് ഘ​ട്ട​ത്തി​ൽ പാ​ക്കി​സ്ഥാ​നെ ആ​റ് വി​ക്ക​റ്റി​നും സൂ​പ്പ​ർ ഫോ​റി​ൽ ഏ​ഴ് വി​ക്ക​റ്റി​നും ത​ക​ർ​ത്ത ഇ​ന്ത്യ ടൂ​ർ​ണ​മെ​ന്‍റി​ൽ അ​പ​രാ​ജി​ത​രാ​ണ്. പാ​ക്കി​സ്ഥാ​നാ​ക​ട്ടെ ഇ​ന്ത്യ​യോ​ട് ഏ​റ്റ തു​ട​ർ​തോ​ൽ​വി​ക​ൾ​ക്ക് മ​റു​പ​ടി ന​ൽ​കാ​നു​മാ​ണ് ഇ​റ​ങ്ങു​ന്ന​ത്. ഓ​പ്പ​ണ​ർ അ​ഭി​ഷേ​ക ശ​ർ​മ്മ​യു​ടെ മി​ന്നു​ന്ന ഫോ​മാ​ണ് ഇ​ന്ത്യ​യു​ടെ പ്ര​തീ​ക്ഷ.

പ​വ​ർ​പ്ലേ​യെ ഇ​ത്ര​മാ​ത്രം ഉ​പ​യോ​ഗി​ക്കു​ന്ന ബാ​റ്റ​ർ ഏ​ഷ്യാ​ക​പ്പി​ലി​ല്ല. ക​ളി​ഗ​തി​യെ മാ​റ്റി​മ​റി​ക്കാ​ൻ ക​ഴി​യു​ന്ന എ​ട്ട് ബാ​റ്റ​ർ​മാ​രു​ടെ സാ​ന്നി​ധ്യ​മാ​ണ് ഇ​ന്ത്യ​ൻ ബാ​റ്റി​ങ്ങി​ന്‍റെ ക​രു​ത്ത്. ശു​ഭ്‌​മ​ൻ ഗി​ൽ, തി​ല​ക് വ​ർ​മ, സൂ​ര്യ​കു​മാ​ർ യാ​ദ​വ്, സ​ഞ്ജു സാം​സ​ൺ, ഹാ​ർ​ദി​ക് പാ​ണ്ഡ്യ, ശി​വം ദു​ബെ, അ​ക്‌​സ​ർ പ​ട്ടേ​ൽ എ​ന്നി​വ ഒ​റ്റ​യ്ക്ക് മ​ത്സ​രം ജ​യി​ക്കാ​ൻ​ക​ഴി​യു​ന്ന ബാ​റ്റ​ർ​മാ​രാ​ണ്.

ബൗ​ളി​ങ്ങി​ൽ ജ​സ്പ്രീ​ത് ബും​റ​യു​ടെ മ​ങ്ങി​യ ഫോ​മാ​ണ് തി​രി​ച്ച​ടി. എ​ന്നാ​ൽ നി​ർ​ണായക മ​ത്സ​ര​ങ്ങ​ളി​ൽ ഫോ​മി​ലേ​ക്കു​യ​രു​ന്ന ശീ​ലം ബും​റ​യ്ക്കു​ണ്ട്. വ​രു​ൺ ച​ക്ര​വ​ർ​ത്തി - കു​ൽ​ദീ​പ് യാ​ദ​വ് - ​അ​ക്‌​സ​ർ പ​ട്ടേ​ൽ സ്‌​പി​ൻ ത്ര​യം ടൂ​ർ​ണ​മെ​ന്‍റി​ൽ മു​ൻ​പു​ന​ട​ന്ന ര​ണ്ടു​ക​ളി​യി​ലും പാ​ക്കി​സ്ഥാനെതിരെ തി​ള​ങ്ങി​യി​രു​ന്നു.

സൂ​പ്പ​ർ ഫോ​റി​ലെ ഇ​ന്ത്യ- ശ്രീ​ല​ങ്ക അ​വ​സാ​ന മ​ത്സ​ര​ത്തി​ലേ​തി​ന് സ​മാ​ന​മാ​യി റ​ണ്‍​സ് ഒ​ഴു​കു​ന്ന പി​ച്ചാ​ണ് ഫൈ​ന​ലി​നും. എ​ന്നാ​ൽ ബാ​റ്റിം​ഗ് നി​ര​യെ എ​റി​ഞ്ഞു വീ​ഴ്ത്താ​ൻ ശ​ക്ത​രാ​യ താ​ര​ങ്ങ​ളാ​ണ് ഇ​രു ടീ​മി​ലും ബൗ​ളിം​ഗ് ആ​ക്ര​മ​ണ​ത്തി​നു​ള്ള​ത്.