ഡെ​റാ​ഡൂ​ണ്‍: ഉ​ത്ത​രാ​ഖ​ണ്ഡി​ലെ ഉ​ത്ത​ര​കാ​ശി ജി​ല്ല​യി​ലെ ധ​രാ​ളി ഗ്രാ​മ​ത്തി​ൽ വ​ൻ​നാ​ശം​വി​ത​ച്ച മി​ന്ന​ല്‍ പ്ര​ള​യ​ത്തി​ല്‍ കാ​ണാ​താ​യ 67 പേ​ര്‍ മ​രി​ച്ച​താ​യി പ്ര​ഖ്യാ​പി​ച്ച് ആ​ഭ്യ​ന്ത​ര മ​ന്ത്രാ​ല​യം. ദു​ര​ന്ത​മു​ണ്ടാ​യി 52 ദി​വ​സം ക​ഴി​ഞ്ഞി​ട്ടും ഇ​വ​രെ​ക്കു​റി​ച്ച് ഒ​രു വി​വ​ര​വു​മി​ല്ലാ​ത്ത സാ​ഹ​ച​ര്യ​ത്തി​ലാ​ണ് ന​ട​പ​ടി.

നി​ല​വി​ലെ ജ​ന​ന മ​ര​ണ ആ​ക്ടി​ലെ വ്യ​വ​സ്ഥ​ക​ള്‍ മ​റി​ക​ട​ന്നാ​ണ് പ്ര​ഖ്യാ​പ​നം. കാ​ണാ​താ​കു​ന്ന​വ​രെ ഏ​ഴ് വ​ര്‍​ഷം ക​ഴി​ഞ്ഞു മാ​ത്ര​മേ സാ​ധാ​ര​ണ മ​രി​ച്ച​താ​യി പ്ര​ഖ്യാ​പി​ക്കാ​റു​ള​ളു. എ​ന്നാ​ൽ, ഏ​ഴു വ​ര്‍​ഷ​ത്തെ കാ​ത്തി​രി​പ്പ് ഒ​ഴി​വാ​ക്കി മ​ര​ണ ര​ജി​സ്‌​ട്രേ​ഷ​ന്‍ ന​ട​ത്താ​ന്‍ ര​ജി​സ്ട്രാ​ര്‍ ജ​ന​റ​ല്‍ ഓ​ഫ് ഇ​ന്ത്യ പ്ര​ത്യേ​ക അ​നു​മ​തി ന​ല്‍​കു​ക​യാ​യി​രു​ന്നു.

ദു​ര​ന്ത​സ​ഹാ​യം ല​ഭ്യ​മാ​ക്കാ​നാ​ണ് ന​ട​പ​ടി​യെ​ന്നാ​ണ് മ​ന്ത്രാ​ല​യം അ​റി​യി​ച്ച​ത്. ബ​ന്ധു​ക്ക​ളു​ടെ കൂ​ടി അ​ഭ്യ​ർ​ഥ​ന​യി​ലാ​ണ് ന​ട​പ​ടി. ഇ​തോ​ടെ ധ​രാ​ളി​യി​ലെ പ്ര​ള​യ​ത്തി​ല്‍ കാ​ണാ​താ​യ​വ​രു​ടെ കു​ടും​ബ​ങ്ങ​ള്‍ സം​സ്ഥാ​ന ദു​രി​താ​ശ്വാ​സ നി​ധി​യി​ല്‍ നി​ന്നും ധ​ന​സ​ഹാ​യം ല​ഭി​ക്കാ​ന്‍ അ​ര്‍​ഹ​രാ​വും.