ദോഹയിലെ മുത്ത്
ഏ​പ്രി​ൽ 22. രാ​ജ്യം ലോ​ക്സ​ഭാ തെ​ര​ഞ്ഞെ​ടു​പ്പി​ന്‍റെ ചൂ​ടി​ലാ​ണ്. എ​ല്ലാ​വ​രു​ടെ​യും ശ്ര​ദ്ധ തെ​ര​ഞ്ഞെ​ടു​പ്പി​ലും സ്ഥാ​നാ​ർ​ഥി​ക​ളി​ലു​ം. ശ്രീ​ല​ങ്ക​യി​ൽ പ​ള്ളി​ക​ളി​ല​ട​ക്ക​മു​ണ്ടാ​യ സ്ഫോ​ട​ന​ങ്ങ​ൾ വ​ലി​യ പ്രാധാ​ന്യ​ത്തോ​ടെ വാർത്തകളിൽ വ​രു​ന്നു. സ്പോ​ർ​ട്സ് പേ​ജി​ൽ ഐ​പി​എ​ല്ലും. ഇ​ന്ത്യ​യി​ൽ നി​ന്ന് നൂ​റു​ക​ണ​ക്കി​ന് കി​ലോ​മീ​റ്റ​റു​ക​ൾ അ​ക​ലെ ദോ​ഹ​യി​ൽ ഏ​ഷ്യ​ൻ അ​ത്‌​ല​റ്റി​ക് ചാ​ന്പ്യ​ൻ​ഷി​പ്പ് വേദി. അവിടെ അതുവരെ വാ​ർ​ത്ത​ക​ളി​ൽ പ്ര​ത്യ​ക്ഷ​പ്പെ​ടാ​തെ ഒ​രു മ​ത്സ​രാ​ർ​ഥി. ചെ​സ്റ്റ് ന​ന്പ​ർ 194. ഗോ​മ​തി മാ​രി​മു​ത്തു. അ​ങ്ങ​നെ​യാ​ണ് അ​വ​രു​ടെ പേ​ര്. വ​നി​താ വി​ഭാ​ഗം 800 മീ​റ്റ​റി​ലാ​ണ് ഗോ​മ​തി​യു​ടെ മ​ത്സ​രം. മ​ത്സ​രം ആ​രം​ഭി​ച്ചു. ട്രാ​ക്കി​ൽ ഗോ​മ​തി​യു​ടെ മുന്നി​ൽ മൂ​ന്നു​പേ​ർ പി​ന്നീട​ത് നാ​ലാ​യി... അ​ഞ്ചാ​യി... ഫി​നി​ഷിം​ഗ് ലൈ​നി​ലേ​ക്ക് 50 മീ​റ്റ​ർ മാ​ത്രം ബാ​ക്കി.

ഗോ​മ​തി​യു​ടെ മ​ന​സി​ൽ എ​ന്തൊ​ക്കെയോ മി​ന്നി​മ​റ​ഞ്ഞു. വെ​ങ്ക​ല​മാ​ണെ​ങ്കി​ലും ഒ​രു മെ​ഡ​ൽ വേ​ണം. ഗോ​മ​തി​യു​ടെ വേ​ഗം കൂ​ടി. മൂ​ന്നി​ലു​ണ്ടാ​യി​രു​ന്ന മ​ത്സ​രാ​ർ​ഥി​ക​ളു​ടെ എ​ണ്ണം കു​റ​ഞ്ഞു. ഫി​നി​ഷിം​ഗ് ലൈ​നി​ന്‍റെ തൊ​ട്ടു മു​ന്പി​ൽ വ​ച്ച് മു​ന്നി​ലു​ണ്ടാ​യി​രു​ന്ന അ​വ​സാ​ന​ത്തെ ആ​ളെ​യും മ​റി​ക​ട​ന്നു. ക​സാ​ഖി​സ്ഥാ​ൻ താ​രം മാ​ർ​ഗ​രി​റ്റ​യെ​യും ചൈ​ന​യു​ടെ വാ​ങ് ചു​ൻ യു​വി​നെ​യും മ​റി​ക​ട​ന്ന് 2:02.70 സെ​ക്ക​ൻ​ഡി​ൽ ഗോ​മ​തി നേ​ടി​യ​ സ്വ​ർ​ണ​ത്തി​ന്‍റെ വി​ല അ‍​റി​യ​ണ​മെ​ങ്കി​ൽ 30 വ​ർ​ഷം പി​ന്നോ​ട്ട് ന​ട​ക്ക​ണം. ദാ​രി​ദ്ര്യ​വും ക​ഷ്ട​പ്പാ​ടും സാ​ന്പ​ത്തി​ക ബാ​ധ്യ​ത​യും മാ​ത്രം നി​റ​ഞ്ഞ ഗോ​മ​തി​യു​ടെ ജീ​വി​തം അ​റി​യ​ണം.

ബാല്യത്തിലെ "ഹർഡിൽസ്'

ത​മി​ഴ്നാ​ട്ടി​ലെ തൃ​ച്ചി​യി​ൽ മു​തി​ക​ണ്ടം എ​ന്ന ഉ​ൾ​നാ​ട​ൻ ഗ്രാ​മ​ത്തി​ലാ​ണ് ഗോ​മ​തി​യു​ടെ ജ​ന​നം. വ​ർ​ഷം 1989. ആ​ധു​നി​ക സൗ​ക​ര്യ​ങ്ങ​ളൊ​ന്നു​മി​ല്ലാ​ത്ത ഗ്രാ​മം. എ​ന്തി​ന​ധി​കം. വൈ​ദ്യൂ​തി പോ​ലും ഗ്രാ​മ​ത്തി​ലു​ണ്ടാ​യി​രു​ന്നി​ല്ല. അ​ച്ഛ​ൻ മാ​രി​മു​ത്തു. അ​മ്മ​യു​ടെ പേ​ര് രാ​സാ​ത്തി. ഗോ​മ​തി ഉ​ൾ​പ്പെ​ടെ നാ​ലു മ​ക്ക​ൾ അ​തി​ൽ ഏ​റ്റ​വും ഇ​ള​യ​വ​ളാ​ണ് ഗോ​മ​തി. കൃ​ഷി​യി​ട​ത്തി​ൽ കൂ​ലി​വേ​ല ചെ​യ്താ​ണ് രാ​സാ​ത്തി​യും, മാ​രി​മു​ത്തു​വും ത​ങ്ങ​ളു​ടെ മ​ക്ക​ളെ വ​ള​ർ​ത്തി​യ​ത്.



ദാ​രി​ദ്ര്യ​വും ക​ഷ്ട​പ്പാ​ടും മാ​ത്രം നി​റ​ഞ്ഞ ബാ​ല്യ- കൗ​മാ​ര​ങ്ങ​ൾ. വീ​ട്ടി​ലെ അ​വ​സ്ഥ കൂ​ടു​ത​ൽ പ​രി​താ​പക​ര​മാ​യ​തോ​ടെ ഗോ​മ​തി​യൊ​ഴി​കെ​യു​ള്ള​വ​ർ പ​ത്താം ക്ലാ​സി​ൽ പ​ഠ​നം ഉ​പേ​ക്ഷി​ച്ചു. ഗോ​മ​തി പ​ഠി​ത്തം തു​ട​രാ​ൻ പ്ര​ധാ​ന കാ​ര​ണം അ​ച്ഛ​നാ​ണ്. ചെ​റു​പ്പം മു​ത​ൽ കാ​യി​ക മ​ത്സ​ര​ങ്ങ​ളി്ൽ ഗോ​മ​തി മി​ക​വ് പു​ല​ർ​ത്തി​യി​രു​ന്നു. കാ​യി​ക രം​ഗ​ത്ത് ഓ​രോ​ത​വ​ണ​യും നേ​ട്ട​ങ്ങ​ൾ കൈ​വ​രി​ക്കു​ന്പോ​ഴും ഒ​രു​നാ​ൾ അ​വ​ൾ ഉ​യ​ര​ങ്ങ​ളി​ൽ എ​ത്തു​മെ​ന്ന് ഉ​റ​ച്ച വി​ശ്വാ​സം മാ​രി​മു​ത്തു​വി​നു​ണ്ടാ​യി​രു​ന്നു. അ​വ​ളി​ൽ ഏ​റ്റ​വു​മ​ധി​കം പ്ര​തീ​ക്ഷ വെ​ച്ച​തും ആ ​പി​താ​വ് ത​ന്നെ​യാ​ണ്. അ​തു​കൊ​ണ്ടാ​ണ് മ​റ്റു മ​ക്ക​ൾ പ​ഠി​പ്പ് നി​ർ​ത്തി​യി​ട്ടും ഗോ​മ​തി​യു​ടെ പ​ഠ​നം തു​ട​രാ​ൻ മാ​രി​മു​ത്തു തീ​രു​മാ​നി​ച്ച​തും.

അച്ഛനെന്ന ദൈവം

ഉ​പ​രിപഠ​ന​ത്തി​നാ​യി ഗോ​മ​തി തെ​ര​ഞ്ഞെ​ടു​ത്ത​ത് തി​രു​ച്ചി​റ​പ്പ​ള്ളി​യി​ലെ ഹോ​ളി ക്രോ​സ് കോ​ള​ജാ​ണ്. അ​വി​ടെവ​ച്ചാ​ണ് ഗോ​മ​തി ഒാ​ട്ട​ത്തി​ൽ കൂ​ടു​ത​ൽ ശ്ര​ദ്ധി​ക്കു​ന്ന​ത്. ശ്രുതി​യെ​ന്ന കൂ​ട്ടു​കാ​രി​യാ​ണ് ഗോ​മ​തി​ക്ക് വേ​ണ്ട പ്രോ​ത്സാ​ഹ​നം ന​ൽ​കി​യ​ത്. ബി​എ ഇ​ക്ക​ണോ​മി​ക്സ് പ​ഠ​ന​ത്തോ​ടൊ​പ്പം ഗോ​മ​തി പ​രി​ശീ​ല​നം തു​ട​ങ്ങി. ക​ഠി​ന പ​രീ​ശി​ല​ന​ത്തി​ന്‍റെ ഫ​ലം ല​ഭി​ച്ചു.​കോ​ള​ജ് പ​ഠ​ന​ത്തി​നു ശേ​ഷം സ്പോ​ർ​ട്സ് ക്വാ​ട്ടാ​യി​ൽ ബം​ഗ​ളൂ​രു ഇ​ൻ​കം​ടാ​ക്സ് ഡി​പ്പാ​ർ​ട്ട്മെ​ൻ​റി​ൽ ജോ​ലി ല​ഭി​ച്ച​ത് ചെ​റി​യ ആ​ശ്വാ​സ​മാ​യെ​ങ്കി​ലും സ്വ​ന്ത​മാ​യു​ള്ള ​പ​രി​ശീ​ല​നം ചെ​ല​വേ​റി​യ​താ​യി​രു​ന്നു. 2013 ൽ ​ഏ​ഴാ​മ​തും 2015ൽ ​നാ​ലാ​മ​തും ഫി​നി​ഷ് ചെ​യ്ത ഗോ​മ​തി പ​ക്ഷെ പി​ൻ​മാ​റാ​ൻ ത​യാ​റാ​യി​രു​ന്നി​ല്ല. വീ​ട്ടി​ൽ ദാ​രി​ദ്ര്യം പി​ടി​മു​റു​ക്കി​യി​രി​ക്കു​ക​യാ​ണ്.

അ​ഞ്ചു പേ​ര​ട​ങ്ങു​ന്ന ആ ​കു​ടും​ബ​ത്തി​ൽ ആ​വ​ശ്യ​ത്തി​നു​ള്ള ഭ​ക്ഷ​ണം പ​ല​പ്പോ​ഴും ഉ​ണ്ടാ​യി​രു​ന്നി​ല്ല. പ​ല ദി​വ​സ​ങ്ങ​ളി​ലും ആ ​കു​ടും​ബ​ത്തി​ൽ ദാ​രി​ദ്ര്യം ഫി​നി​ഷിം​ഗ് ലൈ​ൻ ക​ട​ന്നു. അ​ന്ന​ത്തെ കാ​ല​ത്തെ​ക്കു​റി​ച്ച് ഗോ​മ​തി തു​റ​ന്നുപ​റ​യു​ന്നു. ""പ​ല​പ്പോ​ഴും ആ​കെ കു​റ​ച്ച് ഭ​ക്ഷ​ണ​മാണുണ്ടാ​യി​രു​ന്ന​ത്. അ​ഞ്ച് പേ​രു​ള്ള കു​ടും​ബ​ത്തി​ന് ഇ​ത് തി​ക​യു​മാ​യി​രു​ന്നി​ല്ല. പ​രി​ശീ​ല​ന​ത്തി​ന് പോ​കു​ന്ന​തി​നാ​ൽ എ​നി​ക്ക് കൂ​ടു​ത​ൽ ഭ​ക്ഷ​ണം ആ​വ​ശ്യ​മാ​യി​രു​ന്നു. അ​തും പോ​ഷ​കാ​ഹാ​രം.



ഞാ​ൻ പ​രി​ശീ​ല​ന​ത്തി​ന് പോ​കു​ന്പോ​ൾ അ​ച്ഛ​ൻ എ​നി​ക്കു​ള്ള ഭ​ക്ഷ​ണം എ​ടു​ത്തു​വയ്ക്കും. പ​ല​പ്പോ​ഴും അ​ച്ഛ​ന് ക​ഴി​ക്കാ​ൻ ഒ​ന്നു​മു​ണ്ടാ​കി​ല്ല. ക​ന്നു​കാ​ലി​ക​ൾ​ക്ക് കൊ​ടു​ക്കാ​ൻ വെ​ച്ച ത​വി​ട് ക​ഴി​ച്ചാ​കും അ​ച്ഛ​ൻ വി​ശ​പ്പ​ക​റ്റു​ക. ഇ​പ്പോ​ഴും അ​തി​ന്‍റെ വേ​ദ​ന ഉ​ള്ളി​ലു​ണ്ട്. ട്രാ​ക്കി​ൽ നി​ൽ​ക്കു​ന്പോ​ഴെ​ല്ലാം അ​ത് ഓ​ർ​മ്മയിലെ​ത്തും. ഈ ​നി​മി​ഷ​ത്തി​ൽ എ​ന്‍റെ അ​ച്ഛ​ൻ ഒ​പ്പ​മു​ണ്ടാ​യി​രു​ന്നെ​ങ്കി​ൽ എ​ന്ന് ആ​ഗ്ര​ഹി​ച്ചു​പോ​കു​ന്നു. എ​ന്‍റെ ദൈ​വം ത​ന്നെ​യാ​ണ് അ​ച്ഛ​ൻ.''

നഷ്‌ടങ്ങളുടെ വർഷം

ഗോ​മ​തിയെ സം​ബ​ന്ധി​ച്ച് 2016 ന​ഷ്ട​ങ്ങ​ളു​ടെ വ​ർ​ഷ​മാ​ണ്. ദൈ​വ​ത്തെ​പ്പോ​ലെ ക​രു​തി​യി​രു​ന്ന അ​ച്ഛ​ൻ ഗോ​മ​തി​യെ വി​ട്ടു​പി​രി​ഞ്ഞു. സാ​ന്പ​ത്തി​ക​വും ആ​രോ​ഗ്യ​വും മോ​ശ​മാ​യി​ട്ടും ഗോ​മ​തി​യു​ടെ പ​രി​ശീ​ല​ന​ത്തി​ന് എ​ല്ലാ സ​ഹാ​യ​വും ചെ​യ്തി​രു​ന്ന​ത് മാ​രി​മു​ത്തു​വാ​യി​രു​ന്നു. അ​ച്ഛ​നാ​യി​രു​ന്നു ഗോ​മ​തി​യു​ടെ ക​രു​ത്ത്. ഒ​രു വാ​ഹ​നാ​പ​ക​ട​ത്തി​ൽ പ​രു​ക്കേ​റ്റ​തോ​ടെ മാ​രി​മു​ത്തു​വി​ന് ന​ട​ക്കാ​ൻ ബു​ദ്ധി​മു​ട്ടാ​യി. പ​ക്ഷെ അ​ദ്ദേ​ഹം പി​ന്മാ​റി​യി​ല്ല. മാ​രി​മു​ത്തു​വി​ന് ഒ​രു സ്കൂ​ട്ട​റു​ണ്ടാ​യി​രു​ന്നു. ഗോ​മ​തി രാ​വി​ലെ നാ​ല് മ​ണി​ക്ക് എ​ഴു​ന്നേ​റ്റ് പ​രി​ശീ​ല​ന​ത്തി​ന് പോ​കു​ന്പോൾ ഈ ​സ്കൂ​ട്ട​റി​ൽ മാ​രി​മു​ത്തു ബ​സ് സ്റ്റോ​പ്പി​ൽ കൊ​ണ്ടു​വി​ടും.

മ​ക​ളോ​ട് മാ​രി​മു​ത്തു​വി​ന് ഒ​രു കാ​ര്യ​മേ പ​റ​യാ​നു​ണ്ടാ​യി​രു​ന്നുള്ളു. സ്വ​ർ​ണം നേ​ടാ​ൻ നി​ന​ക്ക് ഒ​ര​വ​സ​രം ല​ഭി​ക്കും. ഏ​ഷ്യ​ൻ അ​ത്‌​ല​റ്റി​ക് ചാ​ന്പ്യ​ൻ​ഷി​പ്പി​ൽ 800 മീ​റ്റ​ർ വി​ഭാ​ഗ​ത്തി​ൽ മ​ത്സ​രി​ക്കു​ന്പോ​ഴും ഗോ​മ​തി​യു​ടെ മ​ന​സി​ലെ​ത്തി​യ ചി​ന്ത​യി​താ​ണ്. അ​വ​സാ​ന​ത്തെ 50 മീ​റ്റ​റി​ൽ അ​ച്ഛ​ൻ പ​റ​ഞ്ഞ ആ ​വാ​ക്കു​ക​ളാ​ണ് ഗോ​മ​തി​ക്ക് ക​രു​ത്തേ​കി​യ​ത്. സ്വ​ർ​ണം നേ​ടി​ക്കൊ​ടു​ത്ത​ത്. ആ ​വ​ർ​ഷം കാ​ൻ​സ​റി​നെ​ത്തു​ട​ർ​ന്ന് മാ​രി​മു​ത്തു മ​രി​ച്ചു. 2017ൽ ​കോ​ച്ച് ഗാ​ന്ധി​യും ഹൃ​ദ​യാ​ഘാത​ത്തെ​ത്തു​ട​ർ​ന്ന് വി​ട​വാ​ങ്ങി.

മേരിയെന്ന മോട്ടിവേറ്റർ

അ​ച്ഛ​ന്‍റെ​യും കോ​ച്ചി​ന്‍റെ​യും മ​ര​ണം ഗോ​മ​തി​യെ ചെ​റു​തൊ​ന്നു​മ​ല്ല ത​ള​ർ​ത്തി​യ​ത്. ത​ന്‍റെ പ്രാ​ണ​നും ല​ക്ഷ്യ​വു​മാ​യ സ്പോ​ർ​ട്സ് അ​വ​സാ​നി​പ്പി​ക്കു​ന്ന​തി​നെ​ക്കു​റി​ച്ച് വ​രെ അ​വ​ർ ചി​ന്തി​ച്ചു. അ​ക്ക എ​ന്ന് ഗോ​മ​തി വി​ളി​ക്കു​ന്ന പി. ​ഫ്രാ​ൻ​സി​സ് മേ​രി​യു​ടെ ഇ​ട​പെ​ട​ലാ​ണ് ഗോ​മ​തി​യെ അ​തി​ൽ നി​ന്ന് പി​ന്തി​രി​പ്പിച്ച​ത്. ചെ​ന്നൈ ട്രാ​ഫി​ക് പോ​ലീ​സി​ലെ എ​സ്ഐ​യാ​ണ് മേ​രി. 2011ൽ ​ന​ട​ന്ന ചീ​ഫ് മി​നി​സ്റ്റേ​ഴ്സ് ട്രോ​ഫി​യി​ലാ​ണ് ഇ​രു​വ​രും ആ​ദ്യ​മാ​യി ക​ണ്ടു​മു​ട്ടു​ന്ന​ത്. ജീ​വി​ത പ​ശ്ചാ​ത്ത​ല​ത്തി​ലെ സാ​മ്യ​ങ്ങ​ൾ ഇ​രു​വ​രെ​യും പെ​ട്ടെ​ന്ന് അ​ടു​പ്പി​ച്ചു.

മേ​രി​യു​ടെ കു​ടും​ബ​വും ദ​രി​ദ്ര്യം നി​റ​ഞ്ഞ​താ​യി​രു​ന്നു. അ​ത്‌​ല​റ്റി​ക്കാ​യി​രു​ന്ന മേ​രി​യു​ടെ പ്രോ​ത്സാ​ഹ​ന​വും പി​ന്തു​ണ​യും അ​ച്ഛ​നാ​യി​രു​ന്നു. പ​രി​ക്കു​മൂ​ലം സ്പോ​ർ​ട്സി​നോ​ട് വി​ട​പ​റ​ഞ്ഞ മേ​രി , ഗോ​മ​തി​ക്ക് ത​ന്‍റെ അ​വ​സ്ഥ​യു​ണ്ടാ​വ​രു​തെ​ന്ന് തീ​രു​മാ​നി​ച്ചു. ഇ​രു​വ​രും രാ​ജ്യം മു​ഴു​വ​ൻ ചു​റ്റി സ​ഞ്ച​രി​ച്ചു. പ​രു​ക്കു​മൂ​ലം 2017ൽ ​ഗോ​മ​തി ത​ള​ർ​ന്ന​പ്പോ​ൾ സാന്ത്വന​മാ​യി മേ​രി യെ​ത്തി. മേ​രി​യു​ടെ പ്രോ​ത്സാ​ഹ​ന​മാ​ണ് ഗോ​മ​തി​യെ ഇ​ന്ന​ത്തെ നേ​ട്ട​ത്തി​ന്‍റെ പി​ന്നി​ലെ മ​റ്റൊ​രു കാ​ര​ണം. ഒ​ളി​ന്പി​ക്സി​ൽ സ്വ​ർ​ണം നേ​ടു​ന്ന ഗോ​മ​തി, അ​താ​ണ് മേ​രി​യു​ടെ ബാ​ക്കി​യു​ള്ള സ്വ​പ്നം.

ഗോമതിയുടെ "രാജ്ഞി'

മു​തി​ക​ണ്ട​മെ​ന്ന ഗ്രാ​മ​ത്തി​ൽ ഒ​രു കൊ​ച്ചു വീ​ടി​ന്‍റെ മു​ന്നി​ൽ നി​റ​ഞ്ഞ ക​ണ്ണു​ക​ളു​മാ​യി ഒ​ര​മ്മ നി​ൽ​ക്കു​ന്നു​ണ്ട്. രാ​സാ​ത്തി- ഗോ​മ​തി​യു​ടെ അ​മ്മ. മാ​ധ്യ​മ​ങ്ങ​ൾ നി​ർ​ബ​ന്ധി​ച്ച​പ്പോ​ഴാ​ണ് ആ ​അ​മ്മ പു​റ​ത്തേ​ക്ക് വ​ന്ന​ത്. കൈ​യി​ൽ നി​റ​യെ മെ​ഡ​ലു​ക​ൾ തൂ​ക്കി​പ്പി​ടി​ച്ചാ​ണ് രാ​സാ​ത്തി എ​ത്തി​യ​ത്. എ​ല്ലാം ഗോ​മ​തി പൊ​രു​തി നേ​ടി​യ​താ​ണ്. മ​ക​ളു​ടേ​ത് വ​ലി​യ നേ​ട്ട​മാ​ണെ​ന്ന് രാ​സാ​ത്തി​ക്ക​റി​യാം. അ​ത്ര​മാ​ത്രം.

ടി​വി ഒാ​ണാ​ക്കാ​ൻ പോ​ലു​മ​റി​യാ​ത്ത രാ​സാ​ത്തി മ​ക​ൾ സ്വ​ർ​ണം നേ​ടി​യ വി​വ​ര​മ​റി​ഞ്ഞ​ത്. അ​യ​ൽ​ക്കാ​ർ വ​ന്നു പ​റ​ഞ്ഞ​പ്പോ​ഴാ​ണ്. ""ക​ഴി​ഞ്ഞ ആ​ഴ്ച​യി​ൽ മ​ക​ൾ ഫോ​ണ്‍ ചെ​യ്ത​പ്പോ​ൾ പ​റ​ഞ്ഞി​രു​ന്നു വി​ദേ​ശ​ത്ത് പോ​കു​ന്നു​ണ്ട് അ​വി​ടെ ഒ​രു മ​ത്സ​രം ഉ​ണ്ട് എ​ന്നൊ​ക്കെ, 25 -ാം തീ​യ​തിയേ തി​രി​ച്ചു​വ​രൂ എ​ന്നും. എ​ന്നാ​ൽ ത​നി​ക്ക് അ​ത്ത​രം കാ​ര്യ​ങ്ങ​ളി​ൽ വ​ലി​യ അ​റി​വൊ​ന്നും ഇ​ല്ല, ഇ​പ്പോ​ൾ എ​ന്താ​ണ് പ​റ​യേ​ണ്ട​ത് എ​ന്നും അ​റി​യി​ല്ല, ടി​വി വെ​ക്കാ​ൻ ഒ​ന്നും എ​നി​ക്ക​റി​യി​ല്ല. അ​തു​കൊ​ണ്ട് ഇ​തൊ​ന്നും അ​റി​ഞ്ഞി​രു​ന്നി​ല്ല. രാ​വി​ലെ 9.30 ഒ​ക്കെ ആ​യ​പ്പോ​ഴാ​ണ് അ​ടു​ത്ത വീ​ട്ടി​ലു​ള്ള ഒ​രാ​ൾ വ​ന്നു പ​റ​ഞ്ഞ​ത് മ​ക​ൾ മ​ത്സ​ര​ത്തി​ൽ സ്വ​ർ​ണ മെ​ഡ​ൽ നേ​ടി​യ വി​വ​രം, അ​ത് ടി​വി​യി​ൽ കാ​ണി​ക്കു​ന്നു എ​ന്നൊ​ക്കെ. എ​ന്‍റെ മ​ക​ളി​ൽ ഒ​രു​പാ​ട് അ​ഭി​മാ​നം തോ​ന്നു​ന്നു. ഇ​തെ​ല്ലാം അ​വ​ളു​ടെ ക​ഠി​നാ​ധ്വാ​ന​ത്തി​ന്‍റെ ഫ​ല​മാ​ണ്.'' -രാ​സാ​ത്തി നി​റ​ഞ്ഞ ക​ണ്ണു​ക​ളോ​ടെ ത​ന്നെ കാ​ണാ​നെ​ത്തി​യ​വ​രോ​ട് പ​റ​യു​ന്നു. സ​ന്തോ​ഷം മാ​ത്ര​മ​ല്ല, ക​ഴി​ഞ്ഞ കാ​ല​ങ്ങ​ളി​ലെ ബു​ദ്ധി​മു​ട്ടു​ക​ളും ക​ഷ്‌​ട​പ്പാ​ടു​ക​ളും അ​വ​രു​ടെ ക​ണ്ണി​ൽ കാ​ണാം.

ഒളിന്പിക്സ് സ്വപ്നം

പ്ര​ക​ട​ന​ത്തി​ൽ പു​രോ​ഗ​തി​യി​ല്ലെ​ന്നു പ​റ​ഞ്ഞ് മൂ​ന്നു വ​ർ​ഷം മു​ൻ​പ് ഇ​ന്ത്യ​ൻ ക്യാ​ന്പി​ൽ നി​ന്ന് പു​റ​ത്താ​ക്ക​പ്പെ​ട്ട​വ​ളാ​ണ് ഗോ​മ​തി മാ​രി​മു​ത്തു. സ്ഥി​രോ​ത്സാ​ഹ​വും ക​ഠി​ന പ്ര​യ​ത്ന​വു​മാ​ണ് ഗോ​മ​തി​ക്ക് മു​ന്നി​ൽ വീ​ണ്ടും ഇ​ന്ത്യ​ൻ ക്യാ​ന്പി​ലേ​ക്കു​ള്ള വാ​തി​ൽ തു​റ​ക്കാ​ൻ ഇ​ട​യാ​ക്കി​യ​ത്. മ​ത്സ​ര​ത്തി​ന് ഒ​രു മാ​സം മു​ന്പു​വ​രെ ത​നി​യെ​യാ​ണ് ഗോ​മ​തി പ​രി​ശീ​ല​നം ന​ട​ത്തി​യ​ത്. അ​തും സ്വ​ന്ത​മാ​യി പ​ണം ചെ​ല​വ​ഴി​ച്ച്. താ​ൻ പോ​രാ എ​ന്നു​പ​റ​ഞ്ഞ അ​തേ കോ​ച്ചി​ന്‍റെ ശി​ക്ഷ​ണ​ത്തി​ൽ ക​ഴി​ഞ്ഞ മാ​ർ​ച്ചി​ൽ പ​രി​ശീ​ല​നം പു​ന​രാ​രം​ഭി​ച്ച​പ്പോ​ൾ ഈ ​അ​ദ്ഭു​തം ഗോ​മ​തി​യും പ്ര​തീ​ക്ഷി​ച്ചി​ല്ല. ദോ​ഹ​യി​ൽ നി​ന്ന് സ്വ​ർ​ണ​വു​മാ​യി മ​ട​ങ്ങി​യെ​ത്തി​യ ഗോ​മ​തി​യെ നാ​ടും നാ​ട്ടു​കാ​രും ബ​ന്ധു​ക്ക​ളും തോ​ളി​ലു​യ​ർ​ത്തി. അ​തു​വ​രെ ഒ​രു സ​ഹാ​യ​വും ന​ൽ​കാ​തി​രു​ന്ന സ​ർ​ക്കാ​ർ ല​ക്ഷ​ങ്ങ​ൾ സ​മ്മാ​ന​മാ​യി ന​ൽ​കി. ത​മി​ഴ ്താ​രം വി​ജ​യ് സേ​തു​പ​തി അ​ഞ്ചു​ല​ക്ഷം രൂ​പ​യും ഡി​എം​കെ നേ​താ​വ് എം ​കെ സ്റ്റാ​ലി​ൻ പ​ത്ത് ല​ക്ഷം രൂ​പയും സ​മ്മാ​ന​മാ​യി ന​ൽ​കി​യി​രു​ന്നു.

ഗോ​മ​തി​യു​ടെ സ്വ​പ്ന​ങ്ങ​ൾ ദോ​ഹ​യി​ൽ അ​വ​സാ​നി​ക്കു​ന്നി​ല്ല. 2020ലെ ​ടോ​ക്യോ ഒ​ളി​ന്പി​ക്സ്. അ​തി​നാ​യു​ള്ള പ​രി​ശീ​ല​നം ആ​രം​ഭി​ച്ചു ക​ഴി​ഞ്ഞു ഗോ​മ​തി. ക​ഠി​ന​മാ​യ ജീ​വി​ത സാ​ഹ​ച​ര്യ​ങ്ങ​ളോ​ട് ഏ​റ്റു​മു​ട്ടി​യാ​ണ് ഗോ​മ​തി ഒ​രു ജ​ന​ത​യു​ടെ അ​ഭി​മാ​ന​മാ​യി തീ​ർ​ന്ന​ത്. പ​ണ​ത്തി​ന്‍റെ​യും നി​റ​ത്തി​ന്‍റെ​യും ജാ​തി​യു​ടെ​യും മ​ത​ത്തി​ന്‍റെ​യും പേ​രി​ൽ എ​ത്തി​ച്ചേ​രേ​ണ്ട ഇ​ട​ങ്ങ​ളി​ൽ എ​ത്തി​ച്ചേ​രാ​ൻ ക​ഴി​യാ​ത്ത അ​നേ​കം ഗോ​മ​തി​മാ​ർ ഇ​പ്പോ​ഴും ന​മ്മു​ടെ ചു​റ്റു​മു​ണ്ട്. ചെ​റി​യ പ്രോ​ത്സാ​ഹ​നം മ​തി അ​വ​ർ​ക്കും നേ​ട്ട​ങ്ങ​ൾ കൊ​യ്യാ​ൻ...

സോനു തോമസ്


Copyright @ 2022 , Rashtra Deepika Ltd.