ശ്രീ​ല​ങ്ക​യി​ലും ജ​സീ​ന്ദ വ​ന്നി​രു​ന്നെ​ങ്കി​ൽ...
തീ​വ്ര​വാ​ദ​ത്തെ​യും വം​ശീ​യ​ത​യെ​യും സ​മാ​ധാ​ന​കാം​ക്ഷി​ക​ളാ​യ ഭ​ര​ണാ​ധി​കാ​രി​ക​ൾ അം​ഗീ​ക​രി​ക്കി​ല്ലെ​ന്ന​തി​ന് ഉ​ദാ​ത്ത​മാ​യ തെ​ളി​വാ​യി​രു​ന്നു മാ​ർ​ച്ചി​ൽ ന്യൂ​സി​ലൻ​ഡി​ൽ കാ​ണാ​നാ​യ​ത്.
ന്യൂ​സി​ല​ൻ​ഡി​ലെ ക്രൈ​സ്റ്റ് ച​ർ​ച്ച് ന​ഗ​ര​ത്തി​ൽ അ​ൽ നൂ​ർ, ലി​ൻ​വു​ഡ് മോസ്കുക​ളി​ലാ​യി​രു​ന്നു അ​തി​ദാ​രു​ണ​മാ​യ ആ​ക്ര​മ​ണം. മാ​ർ​ച്ച് 15ന് ​വം​ശീ​യ​ഭ്രാ​ന്ത​നാ​യ ഓ​ട്രേ​സ്ട്രേ​ലി​യ​ൻ യു​വാ​വ് വെ​ള്ളി​യാ​ഴ്ച പ്രാ​ർ​ഥ​ന​യ്ക്കി​ടെ മോസ്കിൽ അ​തി​ക്ര​മി​ച്ചു​ക​ട​ന്നു ന​ട​ത്തി​യ കൂ​ട്ട​ക്കൊ​ല​യി​ൽ ലോ​കം ന​ടു​ങ്ങി; വ​ത്തി​ക്കാ​ൻ ഉ​ൾ​പ്പെ​ടെ രാ​ജ്യ​ങ്ങ​ൾ അ​പ​ല​പി​ച്ചു. കൊ​ടു​ങ്ങ​ല്ലൂ​ർ സ്വ​ദേ​ശി അ​ൻ​സി അ​ലി ബാ​വ എ​ന്ന യു​വ​തി​യും മ​റ്റ് നാ​ലു ഭാ​ര​തീ​യ​രും ഉ​ൾ​പ്പെ​ടെ 50 പേ​ർ വെ​ടി​യേ​റ്റു​മ​രി​ച്ചു. ഏ​റെ​പ്പേ​ർ​ക്കു പ​രി​ക്കേ​റ്റു. നി​സ്കാ​ര​ത്തി​നെ​ത്തി​യ ബം​ഗ്ലാ​ദേ​ശ് ക്രി​ക്ക​റ്റ് ടീം ​ത​ല​നാ​രി​ഴ​യ്ക്ക് ര​ക്ഷ​പ്പെ​ട്ടു. നീ​ച​മാ​യ ആ ​സം​ഭ​വ​ത്തി​ൽ ന്യൂ​സി​ലൻ​ഡ് പ്ര​ധാ​ന​മ​ന്ത്രി ജ​സീ​ന്ദ ആ​ർ​ഡ​ൻ പു​ല​ർ​ത്തി​യ സ​മീ​പ​നം ലോ​കം നി​റ​ക​ണ്ണു​ക​ളോ​ടെ​യാ​ണ് വീ​ക്ഷി​ച്ച​ത്. ഉ​റ്റ​വ​രെ ന​ഷ്ട​പ്പെ​ട്ട​വ​രു​ടെ വീ​ടു​ക​ളി​ലെ​ത്തി ജ​സീ​ന്ദ ന​ൽ​കി​യ സാ​ന്ത്വ​നം എ​ങ്ങ​നെ ഒ​രു സാ​ഹ​ച​ര്യ​ത്തോ​ടു പ്ര​തി​ക​രി​ക്ക​ണ​മെ​ന്ന​തി​ന് അ​ന്നും ഇ​ന്നും സാ​ക്ഷ്യ​മാ​ണ്.

മു​സ്ലിം കു​ടും​ബാം​ഗ​ങ്ങ​ളു​ടെ വീ​ടു​ക​ളി​ൽ പ​ർ​ദ ധ​രി​ച്ചാ​ണ് നി​റ​ക​ണ്ണു​ക​ളോ​ടെ ക​ട​ന്നു​ചെ​ന്ന് അ​വ​രെ ആ​ലിം​ഗ​നം ചെ​യ്ത് ആ​ശ്വ​സി​പ്പി​ച്ച​ത്. ജസീ​ന്ദ​യെ സാ​ന്ത്വ​ന​ത്തി​ന്‍റെ മാ​ലാ​ഖ​യെ​ന്ന് ലോ​ക​മാ​ധ്യ​മ​ങ്ങ​ൾ വി​ശേ​ഷി​പ്പി​ച്ചു. കേ​വ​ലം ഒ​രു ശ​ത​മാ​നം മാ​ത്ര​മാ​ണ് ന്യൂ​സി​ലൻ​ഡി​ലെ മു​സ്ലിം ജ​ന​സം​ഖ്യ​യെ​ന്ന തി​രി​ച്ച​റി​വി​ൽ വേ​ണം ആ ​രാ​ഷ്ട്ര​ത്തി​ന്‍റെ പ്ര​ധാ​ന​മ​ന്ത്രി സ്വീ​ക​രി​ച്ച സ​ത്വ​ര ന​ട​പ​ടി​ക​ളെ ശ്രീ​ല​ങ്ക​ൻ സം​ഭ​വ​ത്തോ​ടു കൂ​ട്ടി​വാ​യി​ക്കാ​ൻ. അ​സ്സ​ലാ​മു അ​ലൈ​ക്കും അ​ഭി​സം​ബോ​ധ​ന​യോ​ടെ​യാ​ണ് മു​സ്ലീം പ​ള്ളി​യി​ലു​ണ്ടാ​യ കൂ​ട്ട​ക്കൊ​ല​യെ അ​പ​ല​പി​ക്കാ​ൻ ചേ​ർ​ന്ന അ​ടി​യ​ന്തര പാ​ർ​ല​മെ​ന്‍റ് സ​മ്മേ​ള​ന​ത്തി​ൽ ജ​സീ​ന്ദ സം​സാ​രി​ച്ചു തു​ട​ങ്ങി​യ​ത്.

38കാ​രി​യാ​യ പ്ര​ധാ​ന​മ​ന്ത്രി ഇ​ങ്ങ​നെ പ​റ​ഞ്ഞു: ‘തീ​വ്ര​വാ​ദി​ക​ൾ​ക്ക് ന്യൂ​സി​ല​ൻ​ഡി​ന്‍റെ മ​ണ്ണി​ൽ മാ​ത്ര​മ​ല്ല ലോ​ക​ത്തു ത​ന്നെ സ്ഥാ​ന​മി​ല്ല. ആ ​വെ​ള്ളി​യാ​ഴ്ച രാ​ജ്യ​ത്തി​ന്‍റെ ക​റു​ത്ത ദി​ന​മാ​യി എ​ണ്ണ​പ്പെ​ടും. ന്യൂ​സി​ല​ൻഡിനെ വീ​ടാ​യി തെ​ര​ഞ്ഞെ​ടു​ത്ത​വ​രാ​ണ് ഈ ​സ​ഹോ​ദ​ര​ങ്ങ​ൾ. കു​ടി​യേ​റ്റ​ക്കാ​രു​ടെ വീ​ടു​ത​ന്നെ​യാ​ണ് ഈ ​രാ​ജ്യം’. അ​വ​ർ തു​ട​ർ​ന്നു. ‘നി​ങ്ങ​ൾ ഇ​പ്പോ​ൾ എ​നി​ക്കൊ​പ്പ​മാ​ണ്. എ​ന്‍റെ കൂ​ടെ ഉ​പ​പ്ര​ധാ​ന​മ​ന്ത്രി​യും പാ​ർ​ല​മെ​ന്‍റം​ഗ​ങ്ങ​ളും ഉ​ണ്ട്. രാ​ജ്യം മൊ​ത്തം ദു​ര​ന്ത​ത്തി​ൽ​പ്പെ​ട്ട​വ​രു​ടെ​യും ബ​ന്ധു​ക്ക​ളു​ടെ​യും വേ​ദ​ന​യ്ക്കൊ​പ്പ​മാ​ണ്. ഇ​പ്പോ​ൾ ഞ​ങ്ങ​ൾ ഇ​വി​ടെ​യു​ണ്ട്. ഇ​നി എ​പ്പോ​ഴെ​ല്ലാം നി​ങ്ങ​ൾ ആ​ഗ്ര​ഹി​ക്കു​ന്നു​വോ അ​പ്പോ​ഴും ഞ​ങ്ങ​ൾ ഇ​വി​ടെ​യെ​ത്തും. ഭീ​ക​രാ​ക്ര​മ​ണം ന​ട​ത്തി​യയാ​ളെ പേ​രി​ല്ലാ​ത്ത​വ​നും മ​നു​ഷ്യ​ത്വ​മി​ല്ലാ​ത്ത​വ​നു​മാ​യി ക​ണ​ക്കാ​ക്കും. ഭീ​ക​രാ​ക്ര​മ​ണ​ത്തി​ൽ മ​രി​ച്ച ഇ​ര​ക​ളു​ടെ പേ​രാ​ണ് ലോ​കം വി​ളി​ച്ചു​പ​റ​യേ​ണ്ട​ത്. അ​ല്ലാ​തെ അ​ക്ര​മി​യു​ടേ​ത​ല്ല.
ഞ​ങ്ങ​ൾ ആ​ക്ര​മ​ണ​ത്തി​ന്‍റെ​യും വ​ർ​ണ്ണ​വി​വേ​ച​ന​ത്തി​ന്‍റെ​യും പാ​ത പി​ന്തു​ട​രു​ന്ന​വ​ര​ല്ല. വൈ​വി​ധ്യ​മാ​ർ​ന്ന സം​സ്കാ​ര​വും പ​ര​സ്പ​ര​സ്നേ​ഹ​വു​മു​ള്ള നാ​ടാ​ണി​ത്. അ​ഭ​യാ​ർ​ഥി​ക​ളു​ടെ​യും നാ​ടാ​ണി​ത്. അ​വ​ർ​ക്കും ഇ​വി​ടെ ജീ​വി​ക്ക​ണം’. അ​വ​ർ ന​ട​ത്തി​യ പ്ര​സം​ഗം ലോ​ക​സാ​മൂ​ഹി​ക മാ​ധ്യ​മ​ങ്ങ​ളി​ലും ചാ​ന​ലു​ക​ളി​ലും വൈ​റ​ലാ​യി.

തൊ​ട്ട​ടു​ത്ത വെ​ള​ളി​യാ​ഴ്ച രാ​ജ്യ​ത്തൊ​ട്ടാ​കെ ബങ്ക് വി​ളി സം​പ്രേ​ഷണം ചെ​യ്യാ​നും ജസീ​ന്ദ ആ​ഹ്വാ​നം ചെ​യ്തു. മു​സ്ലീം പ​ള്ളി​ക​ളി​ലെ അ​ക്ര​മ​ത്തി​നു പി​ന്നാ​ലെ ജസീ​ന്ദ രാ​ജ്യ​ത്തെ തോ​ക്കു നി​യ​മ​ങ്ങ​ൾ പ​രി​ഷ്ക​രി​ച്ച് ഉ​ത്ത​ര​വി​റ​ക്കി. യ​ന്ത്ര​ത്തോ​ക്കു​ക​ളു​ടെ​യും പ്ര​ഹ​ര​ശേ​ഷി കൂ​ടു​ത​ലു​ള്ള റൈ​ഫി​ളു​ക​ളു​ടെ​യും സെ​മി ഓ​ട്ടോ​മാ​റ്റി​ക് തോ​ക്കു​ക​ളു​ടെ​യും വി​ല്പ​ന അ​വ​ർ നി​രോ​ധി​ച്ചു. സാ​ധാ​ര​ണ തോ​ക്കു​ക​ളെ പ്ര​ഹ​ര​ശേ​ഷി കൂ​ടി​യ മി​ലി​ട്ട​റി സ്റ്റൈ​ൽ സെ​മി ഓ​ട്ടോ​മാ​റ്റി​ക് റൈ​ഫി​ളു​ക​ളാ​ക്കി മാ​റ്റാ​നു​പ​യോ​ഗി​ക്കു​ന്ന ഉ​പ​ക​ര​ണ​ങ്ങ​ളും നി​രോ​ധി​ച്ചു.

നി​രോ​ധി​ക്ക​പ്പെ​ട്ട ആ​യു​ധ​ങ്ങ​ൾ കൈ​വ​ശം വ​ച്ച​വ​രി​ൽ നി​ന്ന് തി​രി​ച്ചെ​ടു​ക്കാ​നു​ള്ള ന​ട​പ​ടി സ്വീ​ക​രി​ച്ചു. തോ​ക്കു​ക​ൾ മ​ട​ക്കി​ന​ൽ​കി​യി​ല്ലെ​ങ്കി​ൽ പി​ഴ​യും ത​ട​വും അ​ട​ക്കം ശി​ക്ഷ​ക​ൾ പ്ര​ഖ്യാ​പി​ച്ചു.
2008 മു​ത​ൽ അ​ഞ്ചു ത​വ​ണ ന്യൂ​സി​ലൻ​ഡ് പാ​ർ​ല​മെ​ൻ​റി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട ജ​സീ​ന്ദ ന്യൂ​സി​ല​ൻ​ഡ് പ്ര​തി​പ​ക്ഷ​നേ​താ​വാ​യും പ്ര​വ​ർ​ത്തി​ച്ചി​ട്ടു​ണ്ട്. 2017 ഒ​ക്ടോ​ബ​റി​ൽ ന്യൂ​സി​ലൻ​ഡി​ലെ നാ​ൽ​പ്പ​താ​മ​ത് പ്ര​ധാ​ന​മ​ന്ത്രി​യാ​യി തെ​ര​ഞ്ഞെ​ടു​ക്ക​പ്പെ​ട്ടു.

കാ​ലാ​വ​സ്ഥ, അ​സ​മ​ത്വം, സ്ത്രീ ​സു​ര​ക്ഷ, പ്രാ​ദേ​ശി​ക വി​ക​സ​നം, ദാ​രി​ദ്ര്യം തു​ട​ങ്ങി​യ വി​ഷ​യ​ങ്ങ​ൾ​ക്ക് മു​ൻ​ഗ​ണ​ന ന​ൽ​കു​മെ​ന്ന ആ​ഹ്വാ​ന​ത്തോ​ടെ​യാ​ണ് ജസീ​ന്ദ ആ​ർ​ഡ​ൻ പ്ര​ധാ​ന​മ​ന്ത്രി​യാ​യി പ്ര​വ​ർ​ത്ത​നം തു​ട​ങ്ങി​യ​ത്.

റെ​ജി ജോ​സ​ഫ്


Copyright @ 2022 , Rashtra Deepika Ltd.