ചി​റ​കു​ള്ള പെ​ൺ​കു​ട്ടി! താങ്ങാകേണ്ടവർ തഴഞ്ഞപ്പോഴും അവൾ പറന്നു; കുഞ്ഞിപ്പാത്തു ഡോ. ഫാത്തിമ അസ്‌ലയായ കഥ
എ​ല്ലാ മു​റി​വു​ക​ളും ഉ​ണ​ങ്ങും...
ത​ഴ​ഞ്ഞു മാ​റി​യ​വ​ര്‍ ചേ​ര്‍​ത്തു നി​ര്‍​ത്തും...
ഇ​രു​ട്ടു മാ​റി വീ​ണ്ടും നി​ലാ​വു പ​ര​ക്കും
....................................................
ചി​റ​കു​ക​ള്‍ വീ​ശി ഉ​യ​ര​ങ്ങ​ള്‍ കീ​ഴ​ട​ക്കും
ലോ​കം നി​ന​ക്കു​വേ​ണ്ടി കാ​ത്തി​രി​ക്കും....
കാ​തോ​ര്‍​ത്തി​രി​ക്കും...’


വെ​ള്ള​ക്ക​ട​ലാ​സി​ല്‍ വ​ടി​വൊ​ത്ത അ​ക്ഷ​ര​ത്തി​ല്‍ ആ ​ഇ​രു​പ​ത്തി​നാ​ലു​കാ​രി കു​റി​ച്ച​ത് വെ​റും വാ​ക്കു​ക​ളാ​യി​രു​ന്നി​ല്ല, മ​റി​ച്ചു സ്വ​ന്തം ജീ​വി​ത​മാ​യി​രു​ന്നു. താ​ങ്ങും ത​ണ​ലു​മാ​കേ​ണ്ട​വ​ര്‍ ത​ഴ​ഞ്ഞ​പ്പോ​ഴും അ​വ​ള്‍ പൊ​രു​തി. കു​ഞ്ഞി​പ്പാ​ത്തു ക​ണ്ട സ്വ​പ്ന​ത്തി​ല്‍ നി​ന്ന് ഡോ. ​ഫാ​ത്തി​മാ അ​സ്‌ല എ​ന്ന പേ​രി​ലേ​ക്ക് എ​ത്തി​പ്പെ​ടു​മ്പോ​ള്‍ ക​ണ്ണീ​രി​ന്‍റെ ഉ​പ്പും വി​ജ​യ​ത്തി​ന്‍റെ മാ​ധു​ര്യ​വും ഫാ​ത്തി​മ​യ്ക്കു ന​ന്നാ​യി അ​റി​യാം.

പി​റ​ന്നു​വീ​ണ് മൂ​ന്നാ​മ​ത്തെ ദി​വ​സ​മാ​ണ് കു​ഞ്ഞി​പ്പാ​ത്തു​വി​ന്‍റെ കാ​ലി​ലെ വ​ള​വ് അ​മ്മൂ​മ്മ​യു​ടെ ശ്ര​ദ്ധ​യി​ല്‍​പ്പെ​ടു​ന്ന​ത്. പ്രാ​ഥ​മി​ക പ​രി​ശോ​ധ​ന പൂ​ര്‍​ത്തി​യാ​ക്കി​യ​തോ​ടെ ഡോ​ക്ട​ര്‍​മാ​ര്‍ പ​റ​ഞ്ഞു, വാ​പ്പ​യു​ടെ അ​തേ രോ​ഗ​മാ​ണ് കു​ഞ്ഞി​നെ​യും ബാ​ധി​ച്ചി​രി​ക്കു​ന്ന​ത് ഓ​സ്റ്റി​യോ​ജെ​ന​സി​സ് ഇം​പെ​ർ​ഫെ​ക്ട. ശ​രീ​ര​ത്തി​ലെ എ​ല്ലു​ക​ളെ​ല്ലാം പൊ​ട്ടു​ന്ന ജ​നി​ത​ക​രോ​ഗ​മാ​ണി​ത്. ഒ​ന്നു​റ​ക്കെ തു​മ്മു​ക​യോ ചു​മ​യ്ക്കു​ക​യോ എ​ന്തി​ന് ചി​രി​ച്ചാ​ൽ​പ്പോ​ലും എ​ല്ലു പൊ​ട്ടി​യേ​ക്കാം.

"ചെ​റു​പ്പ​ത്തി​ലെ കാ​ര്യ​ങ്ങ​ള്‍ അ​പ്പ പ​റ​ഞ്ഞ​റി​യാം. കാ​ലി​ന്‍റെ വ​ള​വു മാ​റാ​ന്‍ എ​ത്ര​യോ ദി​വ​സം എ​ന്നെ ത​ല​കീ​ഴാ​യി കെ​ട്ടി​ത്തൂ​ക്കി​യി​ട്ടി​രു​ന്നു. അ​ന്നു മു​ത​ല്‍ ക​ഴി​ഞ്ഞ ഒ​രു വ​ര്‍​ഷം മു​ന്‍​പു​വ​രെ ഒ​ടി​വും പൊ​ട്ട​ലു​മൊ​ക്കെ എ​ന്‍റെ ജീ​വി​ത​ത്തി​ലെ നി​ത്യ​സം​ഭ​വ​ങ്ങ​ളാ​യി മാ​റി. ക​ഴി​ഞ്ഞ വ​ര്‍​ഷം മൂ​ന്നാ​മ​ത്തെ സ​ര്‍​ജ​റി ക​ഴി​ഞ്ഞ​തോ​ടെ വാ​ക്ക​റി​ന്‍റെ സ​ഹാ​യ​ത്തോ​ടെ മെ​ല്ലെ ന​ട​ക്കാം എ​ന്നാ​യി​ട്ടു​ണ്ട്. ഇ​പ്പോ​ള്‍ ആ​രു​ടെ​യും സ​ഹാ​യ​മി​ല്ലാ​തെ കു​റ​ച്ചു​നേ​ര​മൊ​ക്കെ നി​ല്‍​ക്കാ​നും സാ​ധി​ക്കും.’

ഒ​രു ദി​വ​സം പോ​ലും മെ​ഡി​ക്ക​ൽ വി​ദ്യാ​ർ​ഥി​നി​യാ​കാ​ൻ ക​ഴി​യി​ല്ലെ​ന്ന് പ​രി​ഹ​സി​ച്ച​വ​ർ​ക്കു മു​ന്നി​ലാ​ണ് ഈ ​പെ​ൺ​കു​ട്ടി ഇ​ന്ന് ചി​രി​ച്ചു നി​ൽ​ക്കു​ന്ന​ത്. ഏ​താ​നും ദി​വ​സ​ങ്ങ​ൾ ക​ഴി​ഞ്ഞാ​ൽ ഫാ​ത്തി​മ അ​സ്‌ല ഡോ​ക്ട​റാ​ണ്. ഫാ​ത്തി​മ​യു​ടെ ക​വി​താ സ​മാ​ഹാ​ര​മാ​യ നി​ലാ​വു​പോ​ലെ ചി​രി​ക്കു​ന്ന പെ​ൺ​കു​ട്ടി​ക്കും മി​ക​ച്ച പ്ര​തി​ക​ര​ണ​മാ​ണ് ല​ഭി​ക്കു​ന്ന​ത്.

കോ​ട്ട​യം കു​റി​ച്ചി എ​എ​ൻ​എ​സ്എ​സ് ഹോ​മി​യോ മെ​ഡി​ക്ക​ൽ കോ​ള​ജ് മു​റ്റ​ത്ത്, ത​ന്‍റെ വീ​ൽചെ​യ​റി​ലി​രു​ന്ന് ഫാ​ത്തി​മ അ​സ്‌ല എ​ന്ന നാ​ലാം വ​ർ​ഷ ബി​എ​ച്ച്എം​എ​സ് വി​ദ്യാ​ർ​ഥി​നി സം​സാ​രി​ച്ചു തു​ട​ങ്ങി.



സ്വ​പ്ന​ങ്ങ​ളെ മു​റു​കെ പി​ടി​ക്ക​ണം

"മു​റി​വു​ക​ളി​ല്‍ മ​രു​ന്നാ​വാം, സ്നേ​ഹ​മാ​വാം, മ​റ്റു​ള്ള​വ​ര്‍​ക്കു ത​ണ​ലാ​വാം’- സ്വ​ന്തം സ്വ​പ്ന​ത്തെ​ക്കു​റി​ച്ചു ഫാ​ത്തി​മ കു​റി​ച്ച​ത് ഇ​ങ്ങ​നെ​യാ​ണ്.

ചെ​റു​പ്പം മു​ത​ല്‍ ആ​ശു​പ​ത്രി വാ​ര്‍​ഡി​ന്‍റെ ചു​വ​രു​ക​ള്‍​ക്കു​ള്ളി​ല്‍, മ​രു​ന്നി​ന്‍റെ മ​ണ​മ​റി​ഞ്ഞ് വ​ള​ര്‍​ന്ന കു​ഞ്ഞി​പ്പെ​ണ്ണ് ക​ണ്ട വ​ലി​യ സ്വ​പ്ന​മാ​ണ് വ​ള​ര്‍​ന്നു​വ​ലു​താ​കു​മ്പോ​ള്‍ ഡോ​ക്ട​റാ​ക​ണ​മെ​ന്ന​ത്. എ​ന്നാ​ല്‍, ക​ണ്ട സ്വ​പ്ന​ങ്ങ​ളെ കൈ​യെ​ത്തി​പ്പി​ടി​ക്കാ​ന്‍ ശ്ര​മി​ച്ച​പ്പോ​ഴൊ​ക്കെ കാ​ലി​ട​റി വീ​ണു. അ​വി​ടെ​നി​ന്നു വീ​ണ്ടും പി​ട​ഞ്ഞെ​ഴു​ന്നേ​റ്റ് ഫാ​ത്തി​മ ആ​വേ​ശ​ത്തോ​ടെ പ​റ​ഞ്ഞു: "എ​നി​ക്കു ഡോ​ക്ട​റാ​ക​ണം’.

"​കു​ട്ടി​ക്കാ​ല​ത്ത് അ​ധ്യാ​പ​ക​രേ​ക്കാ​ള്‍ കൂ​ടു​ത​ല്‍ ഞാ​ന്‍ ഇ​ട​പ​ഴ​കി​യി​ട്ടു​ള്ള​തു ഡോ​ക്ട​ര്‍​മാ​രോ​ടാ​ണ്.' എ​ഴു​തി​യ പ​രീ​ക്ഷ​ക​ളി​ലെ​ല്ലാം മി​ക​ച്ച മാ​ര്‍​ക്ക് ല​ഭി​ക്കു​മെ​ന്നു പ്ര​തീ​ക്ഷി​ക്കു​ന്നു​വെ​ന്നു പ​റ​യു​മ്പോ​ള്‍ ഫാ​ത്തി​മ​യു​ടെ ചി​രി​യി​ല്‍ ആ​ത്മ​വി​ശ്വാ​സ​ത്തി​ന്‍റെ ന​റു​നി​ലാ​വു പ​ട​രു​ന്നു.

താ​ങ്ങാ​കേ​ണ്ട​വ​ര്‍ ത​ള​ര്‍​ത്തു​മ്പോ​ള്‍

"വ​ള​രെ സാ​ധാ​ര​ണ കു​ടും​ബ​ത്തി​ലാ​ണ് ഞാ​ന്‍ ജ​നി​ച്ച​തും വ​ള​ര്‍​ന്ന​തും. ഒ​ടി​വു​ക​ള്‍ സം​ഭ​വി​ക്കു​ന്ന​തു​മൂ​ലം എ​നി​ക്കു തു​ട​ര്‍​ച്ച​യാ​യി ക്ലാ​സു​ക​ള്‍ ന​ഷ്ട​മാ​യി. ട്യൂ​ഷ​നു പോ​യി പ​ഠി​ക്കാ​നു​ള്ള സാ​മ്പ​ത്തി​ക​സ്ഥി​തി വീ​ട്ടി​ല്‍ ഉ​ണ്ടാ​യി​രു​ന്നി​ല്ല. അ​തു​കൊ​ണ്ട് എ​ന്‍​ട്ര​ന്‍​സി​നു​ള്ള ത​യാ​റെ​ടു​പ്പു​പോ​ലും സ്വ​യ​മാ​യി​രു​ന്നു. എ​ങ്കി​ലും മെ​ഡി​ക്ക​ല്‍ എ​ന്‍​ട്ര​ന്‍​സി​ന് എ​നി​ക്കു താ​ര​ത​മ്യേ​ന ഭേ​ദ​പ്പെ​ട്ട റാ​ങ്ക് ഉ​ണ്ടാ​യി​രു​ന്നു.

ഹോ​മി​യോ​പ്പ​തി​യോ ആ​യു​ര്‍​വേ​ദ​മോ കി​ട്ടു​മാ​യി​രു​ന്നു. പ​ക്ഷേ, എ​നി​ക്ക​വി​ടെ നേ​രി​ടേ​ണ്ടി​വ​ന്ന​ത് വ​ള​രെ വി​ഷ​മ​ക​ര​മാ​യ അ​നു​ഭ​വ​ങ്ങ​ളാ​ണ്. പ്രോ​ത്സാ​ഹി​പ്പി​ക്കേ​ണ്ട​വ​ര്‍​ത​ന്നെ പ​രി​ഹ​സി​ക്കു​മ്പോ​ള്‍ ആ​ത്മ​വി​ശ്വാ​സം ചോ​ര്‍​ന്നു പോ​കി​ല്ലേ? ഭി​ന്ന​ശേ​ഷി​ക്കാ​രാ​യ​വ​ര്‍​ക്ക് അ​ഡ്മി​ഷ​ന്‍ ന​ല്‍​കാ​നു​ള്ള മെ​ഡി​ക്ക​ൽ ബോ​ർ​ഡി​ലെ പ​ല​രു​ടെ​യും മ​നോ​ഭാ​വം "നീ​യൊ​ക്കെ ഡോ​ക്ട​റാ​യി​ട്ട് എ​ന്തു ചെ​യ്യാ​ന്‍?’ എ​ന്നാ​യി​രു​ന്നു.

അ​ന്ന് അ​വി​ടെ​നി​ന്നി​റ​ങ്ങു​മ്പോ​ള്‍ എ​നി​ക്കു വ​ല്ലാ​തെ പൊ​ള്ളു​ന്നു​ണ്ടാ​യി​രു​ന്നു. എ​ന്‍റെ സ്വ​പ്ന​ങ്ങ​ളെ​യും ആ​ത്മ​വി​ശ്വാ​സ​ത്തെ​യു​മാ​ണ് അ​വ​ര്‍ പ​രി​ഹ​സി​ച്ചു ത​ള്ളി​യ​ത്’ ഫാ​ത്തി​മ​യു​ടെ ക​ണ്ണു​ക​ളി​ല്‍ പ​ട​രു​ന്ന ന​ന​വ് വാ​ക്കു​ക​ളെ ഉ​ള്ളി​ലേ​ക്കു വ​ലി​ച്ചു.

"ആ ​ഹാ​ളി​ല്‍​നി​ന്നു പു​റ​ത്തു​വ​ന്ന എ​ന്നെ കാ​ത്തി​രു​ന്ന​തും വ​ള​രെ വേ​ദ​നി​പ്പി​ക്കു​ന്ന സം​ഭ​വ​ങ്ങ​ളാ​ണ്. അ​ഡ്മി​ഷ​ന്‍ ത​രി​ല്ലെ​ന്നു ബോ​ര്‍​ഡ് പ​റ​ഞ്ഞ​തോ​ടെ സ്പോ​ണ്‍​സ​ര്‍ ചെ​യ്യാ​മെ​ന്ന് ഏ​റ്റി​രു​ന്ന​വ​ര്‍ കൈ​യൊ​ഴി​ഞ്ഞു. അ​പ്പ​യും ഉ​മ്മ​യും സ​ഹോ​ദ​ര​ങ്ങ​ളു​മ​ല്ലാ​തെ ആ​രു​മി​ല്ലെ​ന്നു തി​രി​ച്ച​റി​ഞ്ഞ നി​മി​ഷ​ങ്ങ​ളാ​ണ​ത്.’ ഫാ​ത്തി​മ പ​റ​യു​ന്നു.



പ്ര​തീ​ക്ഷ​ക​ള്‍​ക്കു ചി​റ​കു മു​ള​യ്ക്കു​മ്പോ​ള്‍

ത​ന്‍റെ സ്വ​പ്ന​ങ്ങ​ളെ​ല്ലാം സ്വ​പ്ന​ങ്ങ​ളാ​യി​ത്ത​ന്നെ ഒ​ടു​ങ്ങു​മോ എ​ന്നു ഭ​യ​ന്നി​രു​ന്ന ഫാ​ത്തി​മ​യ്ക്കു മു​ന്നി​ലേ​ക്ക് സ​ഹാ​യ​വു​മാ​യി അ​യാ​ളെ​ത്തി, സ്പോ​ൺ​സ​ർ. പ​ഠ​ന​ച്ചെ​ല​വു മു​ഴു​വ​ന്‍ വ​ഹി​ക്കാ​മെ​ന്നു​റ​പ്പു ന​ല്‍​കി. അ​തോ​ടെ ഫാ​ത്തി​മ​യു​ടെ സ്വ​പ്ന​ങ്ങ​ള്‍​ക്കു വീ​ണ്ടും ചി​റ​കു മു​ള​യ്ക്കു​ക​യാ​യി​രു​ന്നു.

"ചു​രു​ങ്ങി​യ ദി​വ​സ​ങ്ങ​ള്‍​ക്കു​ള്ളി​ല്‍ ഞാ​ന്‍ ക​ര​ഞ്ഞു​തീ​ര്‍​ത്ത ക​ണ്ണീ​രി​നു പ​ട​ച്ച​വ​ൻ ത​ന്നെ മ​റു​പ​ടി​യാ​യി​ട്ടാ​ണ് ഞാ​ന്‍ ആ ​തു​ട​ക്ക​ത്തെ ക​ണ്ട​ത്. വീ​ണ്ടും എ​ന്‍​ട്ര​ന്‍​സ് എ​ഴു​താ​ന്‍ തീ​രു​മാ​നി​ച്ചു. കോ​ഴി​ക്കോ​ട് പ്രൈം ​എ​ന്ന സ്ഥാ​പ​ന​ത്തി​ല്‍ ചേ​ര്‍​ന്നു. ത​ള​ര്‍​ന്നു പോ​യ​പ്പോ​ഴൊ​ക്കെ പ്രൈ​മി​ലെ അ​ധ്യാ​പ​ക​രും ജീ​വ​ന​ക്കാ​രു​മെ​ല്ലാം ഒ​പ്പം​നി​ന്നു. ’ ഫാ​ത്തി​മ പ​റ​ഞ്ഞു.

വി​ജ​യ​ത്തി​ലേ​ക്കു​ള്ള ച​വി​ട്ടു​പ​ടി​ക​ൾ

ര​ണ്ടാം​വ​ട്ടം എ​ന്‍​ട്ര​ന്‍​സ് ക്വാ​ളി​ഫൈ​ഡ് ആ​യ​ശേ​ഷം ഫാ​ത്തി​മ പാ​ന​ലി​നു മു​ന്നി​ലേ​ക്കു ചെ​ന്ന​തു ന​ട​ന്നാ​ണ്. ആ ​വി​ശേ​ഷ​ങ്ങ​ള്‍ പ​ങ്കു​വ​ച്ചു തു​ട​ങ്ങി​യ​പ്പോ​ള്‍​ത​ന്നെ ഫാ​ത്തി​മ​യു​ടെ മു​ഖം സ​ന്തോ​ഷം കൊ​ണ്ടു ചു​വ​ന്നു.

"താ​ന്‍ വീ​ണ്ടും വ​ന്നോ​ടോ’ എ​ന്ന ചോ​ദ്യ​ത്തോ​ടെ​യാ​ണ് എ​ന്നെ പാ​ന​ല്‍ സ്വീ​ക​രി​ച്ച​ത്. ഇ​ക്കു​റി സ​ന്തോ​ഷ​ത്തോ​ടെ​യാ​യി​രു​ന്നു ചോ​ദ്യം. ’വ​രാ​ണ്ട് പ​റ്റൂ​ല​ല്ലോ സാ​ര്‍’ എ​ന്നു ഞാ​ൻ പ​റ​ഞ്ഞു. അ​വ​ര്‍ ഇ​രി​ക്കാ​നാ​യി ക​സേ​ര നീ​ട്ടി​യെ​ങ്കി​ലും ഇ​രി​ക്കാ​നു​ള്ള ധൈ​ര്യം ഉ​ണ്ടാ​യി​ല്ല.

ആ​ദ്യ​ത്തെ പ്രാ​വ​ശ്യം വീ​ല്‍​ചെ​യ​റി​ല്‍ പോ​യ ആ​ള്‍ തൊ​ട്ട​ടു​ത്ത വ​ര്‍​ഷം ന​ട​ന്നു​ചെ​ല്ലു​ന്ന​ത് ക​ണ്ട​പ്പോ​ള്‍ അ​വ​ര്‍​ക്കും എ​ന്നി​ല്‍ വി​ശ്വാ​സം തോ​ന്നി​ക്കാ​ണും. എ​ന്‍​ട്ര​ന്‍​സ് കോ​ച്ചിം​ഗി​നൊ​പ്പം ന​ട​ക്കാ​നും ഞാ​ൻ പ​ഠി​ച്ചു. തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജി​ലെ വ​ലി​യ ഹാ​ള്‍ ന​ട​ന്നു പു​റ​ത്തേ​ക്കി​റ​ങ്ങു​മ്പോ​ള്‍ ലോ​കം​ത​ന്നെ കീ​ഴ​ട​ക്കി​യ സ​ന്തോ​ഷ​മാ​യി​രു​ന്നു എ​നി​ക്ക്.

ഞാ​നേ​റ്റ​വും അ​ഭി​മാ​നി​ക്കു​ന്ന നി​മി​ഷ​ങ്ങ​ളി​ൽ ഒ​ന്നാ​ണ​ത്. പ​ല​പ്പോ​ഴും എ​നി​ക്കു​ത​ന്നെ അ​ദ്ഭു​തം തോ​ന്നാ​റു​ണ്ട്. എ​നി​ക്കി​തൊ​ക്കെ സാ​ധി​ച്ച​ല്ലോ എ​ന്ന്.’ ഇ​ക്കു​റി സം​സാ​രി​ച്ചു നി​ർ​ത്തി​യ​പ്പോ​ൾ ഫാ​ത്തി​മ​യു​ടെ മു​ഖ​ത്തു വി​രി​ഞ്ഞ​ത് ആ​ശ്ച​ര്യ​മാ​ണ്.

ചി​രി​കൊ​ണ്ടു നേ​രി​ട്ട വെ​ല്ലു​വി​ളി​ക​ള്‍

കു​റി​ച്ചി​യി​ലെ ഹോ​മി​യോ മെ​ഡി​ക്ക​ല്‍ കോ​ള​ജി​ലേ​ക്ക് വ​രു​മ്പോ​ള്‍ ഫാ​ത്തി​മ​യെ നോ​ക്കി ക​ണ്ണു​രു​ട്ടി​യ​ത് മു​ക​ളി​ലേ​ക്കു ത​ല​യെ​ടു​പ്പോ​ടെ നി​ന്ന പ​ടി​ക്കെ​ട്ടു​ക​ളാ​ണ്. എ​ന്നാ​ല്‍ ക​ണ്ണു​രു​ട്ടി പേ​ടി​പ്പി​ച്ച പ​ടി​ക്കെ​ട്ടു​ക​ളെ ഫാ​ത്തി​മ ക​ണ്ണി​റു​ക്കി കാ​ണി​ച്ചു.​

"കോ​ള​ജി​ലെ​ത്തി സ്റ്റെ​പ് ക​ണ്ട​പ്പോ​ൾ എ​ന്തു ചെ​യ്യു​മെ​ന്ന​റി​യാ​തെ നി​ന്നു. പ​ക്ഷേ ആ​ദ്യ ദി​വ​സം ത​ന്നെ ക്ലാ​സി​ലെ കു​ട്ടി​ക​ൾ എ​നി​ക്ക് തു​ണ​യാ​യി. ആ​ൺ​കു​ട്ടി​ക​ൾ ഓ​ടി​വ​ന്ന് വീ​ൽ​ചെ​യ​റോ​ടെ എ​ന്നെ എ​ടു​ത്ത് ക്ലാ​സ് മു​റി​യി​ലേ​ക്കു കൊ​ണ്ടു​പോ​യി. വീ​ൽ​ചെ​യ​ർ ഇ​ല്ലാ​തെ എ​വി​ടെ​യെ​ങ്കി​ലും പോ​കേ​ണ്ട​താ​യി വ​ന്നാ​ൽ പെ​ൺ​കു​ട്ടി​ക​ൾ തോ​ളി​ലേ​റ്റും.

അ​വ​സാ​ന വ​ർ​ഷ​ത്തെ കോ​ള​ജ് ടൂ​റി​നും അ​വ​ർ എ​ന്നെ എ​ടു​ത്തു​കൊ​ണ്ടാ​ണ് പോ​യ​ത്. വ​ഴി​മു​ട്ടി നി​ൽ​ക്കു​ന്പോ​ഴെ​ല്ലാം എ​ന്‍റെ ജീ​വി​ത​ത്തി​ലേ​ക്ക് ഒ​രു വെ​ളി​ച്ചം ക​ട​ന്നു വ​രാ​റു​ണ്ട്. കോ​ള​ജി​ൽ അ​തെ​ന്‍റെ സു​ഹൃ​ത്തു​ക്ക​ളാ​യി​രു​ന്നു. അ​വ​രു​ണ്ടാ​യി​രു​ന്ന​തു​കൊ​ണ്ട് പി​ടി​ച്ചു​നി​ൽ​ക്കു​ക എ​ന്ന​ത് വ​ലി​യ ബു​ദ്ധി​മു​ട്ടാ​യി​രു​ന്നി​ല്ല.’ കൂ​ട്ടു​കാ​ർ ഒ​പ്പം കൂ​ടി​യ​തോ​ടെ കോ​ള​ജി​ലെ നാ​ലു വ​ര്‍​ഷം ത​നി​ക്കു സ്വ​ര്‍​ഗ​മാ​യി​രു​ന്നു​വെ​ന്ന് ഫാ​ത്തി​മ പ​റ​യു​ന്നു.

പ്ര​ചോ​ദ​ന​മാ​കാം, പ്ര​കാ​ശം പ​ര​ത്താം

"സ്വ​കാ​ര്യ നേ​ട്ട​ത്തി​ന​പ്പു​റം ഈ ​വി​ജ​യ​ത്തെ ഞാ​ൻ കാ​ണു​ന്ന​ത് എ​ന്നെ​പ്പോ​ലു​ള്ള ഒ​രു​പാ​ടു​പേ​ർ​ക്കു​ള്ള സ​ന്ദേ​ശ​മാ​യാ​ണ്. ജീ​വി​ത​ത്തി​ൽ പ​ല​പ്പോ​ഴും പ​ല​യി​ട​ങ്ങ​ളി​ലും ഞാ​ൻ മാ​റ്റി​നി​ർ​ത്ത​പ്പെ​ട്ടി​ട്ടു​ണ്ട്. അ​തു​പോ​ലെ എ​ത്ര​യെ​ത്ര കു​ട്ടി​ക​ളു​ണ്ടാ​കും. എ​ന്‍റെ ജീ​വി​തം​കൊ​ണ്ട് ഞാ​ൻ അ​വ​രോ​ടു പ​റ​യു​ന്ന​ത് ഇ​ത്ര​യേ ഉ​ള്ളൂ, "ഫാ​ത്തി​മ​യ്ക്കു ക​ഴി​ഞ്ഞെ​ങ്കി​ൽ നി​ങ്ങ​ൾ​ക്കും സാ​ധി​ക്കും’.

ഭി​ന്ന​ശേ​ഷി​ക്കാ​രാ​യ കു​ട്ടി​ക​ളെ മു​ൻ​വി​ധി​യോ​ടെ മാ​റ്റി​നി​ർ​ത്തു​ന്ന ഒ​രു​പാ​ടു​പേ​രു​ണ്ട്. അ​തു മാ​റ​ണം. എ​ന്‍റെ ജീ​വി​ത​ത്തി​ൽ നി​ന്ന് പ്ര​ചോ​ദ​നം ഉ​ൾ​ക്കൊ​ണ്ട് ഒ​രാ​ളെ​ങ്കി​ലും അ​യാ​ളു​ടെ സ്വ​പ്ന​ങ്ങ​ൾ നേ​ടി​യെ​ടു​ത്താ​ൽ വ​ലി​യ സ​ന്തോ​ഷം തോ​ന്നും. എ​ന്‍റെ​യു​ള്ളി​ലെ കൊ​ച്ചു​കൊ​ച്ചു സ​ന്തോ​ഷ​ങ്ങ​ളും ആ​ശ​യ​ങ്ങ​ളും പ​ങ്കു​വ​യ്ക്കു​ക എ​ന്ന ഉ​ദ്ദേ​ശ​ത്തോ​ടെ മാ​ത്ര​മാ​ണ് സോ​ഷ്യ​ൽ​മീ​ഡി​യ അ​ക്കൗ​ണ്ടു​ക​ൾ തു​ട​ങ്ങി​യ​ത്. ഡ്രീം ​ബി​യോ​ണ്ട് ഇ​ൻ​ഫി​നി​റ്റി എ​ന്ന യൂ​ട്യൂ​ബ് ചാ​ന​ൽ ഫാ​ത്തി​മ ആ​രം​ഭി​ച്ച​തും അ​ങ്ങ​നെ ത​ന്നെ.

എ​ന്നാ​ൽ ഇ​തൊ​ക്കെ പ​ല​ർ​ക്കും പ്ര​ചോ​ദ​ന​മാ​കാ​റു​ണ്ടെ​ന്നു പ​റ​യു​ന്നു. പ​ല​രും ഇ​ൻ​ബോ​ക്സി​ൽ വ​ന്ന് അ​വ​രു​ടെ അ​നു​ഭ​വ​ങ്ങ​ൾ പ​ങ്കു​വ​യ്ക്കാ​റു​ണ്ട്. ചെ​റി​യ കു​ട്ടി​ക​ൾ മു​ത​ൽ മു​തി​ർ​ന്ന​വ​ർ​വ​രെ അ​വ​ർ മു​ന്നോ​ട്ടു വ​രാ​ൻ ശ്ര​മി​ക്കു​ന്നു​ണ്ട് എ​ന്നു പ​റ​യു​ന്പോ​ൾ പ​റ​ഞ്ഞ​റി​യി​ക്കാ​ൻ പ​റ്റാ​ത്ത​ത്ര സ​ന്തോ​ഷം തോ​ന്നും’ ഫാ​ത്തി​മ​യു​ടെ വാ​ക്കു​ക​ളി​ൽ അ​ഭി​മാ​നം നി​റ​ഞ്ഞു.



നി​ലാ​വ് പോലെ ചി​രി​ക്കു​ന്ന പെ​ൺ​കു​ട്ടി

ചെ​റു​പ്പം മു​ത​ൽ പു​സ്ത​ക​ങ്ങ​ൾ മാ​ത്രം കൂ​ട്ടി​നു​ണ്ടാ​യി​രു​ന്ന പാ​ത്തു​മ്മ അ​വ​ളു​ടെ മ​ന​സി​ലെ തോ​ന്ന​ലു​ക​ളും ചി​ന്ത​ക​ളു​മെ​ല്ലാം പു​സ്ത​ക​ങ്ങ​ളി​ലും ക​ട​ലാ​സു ക​ഷ്ണ​ങ്ങ​ളി​ലും കു​റി​ച്ചി​ട്ടു. മ​റ്റു കു​ട്ടി​ക​ളെ​പ്പോ​ലെ പു​റ​ത്തി​റ​ങ്ങി ക​ളി​ച്ചാ​ൽ ഒ​ടി​വു​ണ്ടാ​കു​മോ എ​ന്ന ഭ​യം അ​വ​ളെ പു​സ്ത​ക​ങ്ങ​ളു​ടെ പ്രി​യ​പ്പെ​ട്ട കൂ​ട്ടു​കാ​രി​യാ​ക്കി.

വ​ള​രും​തോ​റും പാ​ത്തു​വി​ന്‍റെ​യു​ള്ളി​ലെ ആ​ശ​യ​ങ്ങ​ളും വ​ള​ർ​ന്നു. പ​ല​പ്പോ​ഴും വി​ഷ​യ​മാ​യ​ത് സ്വ​ന്തം നോ​വു​ക​ളും അ​നു​ഭ​വ​ങ്ങ​ളും ത​ന്നെ​യാ​ണ്. അ​ങ്ങ​നെ എ​ഴു​തി​യ ക​വി​ത​ക​ളു​ടെ ശേ​ഖ​ര​മാ​ണ് പെ​ൻ​ഡു​ലം ബു​ക്സ് പു​റ​ത്തി​റ​ക്കി​യി​രി​ക്കു​ന്ന നി​ലാ​വു പോ​ലെ ചി​രി​ക്കു​ന്ന പെ​ൺ​കു​ട്ടി എ​ന്ന പു​സ്ത​കം.

"​നി​ലാ​വി​നെ​ക്കു​റി​ച്ചു പ​റ​യാ​ൻ വാ​ക്കു​ക​ളി​ല്ല. ഒ​രു​പാ​ടു സ്നേ​ഹം അ​നു​ഭ​വി​ച്ചു​കൊ​ണ്ടി​രി​ക്കു​ക​യാ​ണ്. പു​സ്ത​കം വാ​യി​ച്ച​ശേ​ഷം ഓ​രോ​രു​ത്ത​രും പ​റ​യു​ന്ന ന​ല്ല വാ​ക്കു​ക​ൾ ക​ണ്ണു നി​റ​യ്ക്കും. വാ​യ​ന​യ്ക്കും പ​ങ്കു​വ​യ്ക്ക​ലി​നും എ​ല്ലാ​വ​രും ത​രു​ന്ന സ്നേ​ഹ​ത്തി​നും എ​ങ്ങ​നെ​യാ​ണ് ന​ന്ദി പ​റ​യേ​ണ്ട​ത് എ​ന്ന​റി​യി​ല്ല. എ​നി​ക്ക് ചു​റ്റു​മു​ള്ള മ​നു​ഷ്യ​രെ​ല്ലാം എ​ന്നെ അ​ദ്ഭു​ത​പ്പെ​ടു​ത്തി​ക്കൊ​ണ്ടി​രി​ക്കു​ക​യാ​ണ്.’

വാ​ക്കു​ക​ൾ​ക്കി​ട​യി​ൽ ഫാ​ത്തി​മ അ​റി​യാ​തെ ത​ന്നെ കൈ​കൂ​പ്പു​ന്പോ​ൾ ആ ​ക​ണ്ണു​ക​ളി​ൽ കാ​ണാം ഒ​പ്പ​മു​ള്ള​വ​രോ​ടു​ള്ള സ്നേ​ഹ​വും ന​ന്ദി​യും.

പ്രി​ൻ​സ​സ് ഓ​ൺ വീ​ൽ​സ്

ഫാ​ത്തി​മ​യു​ടെ സോ​ഷ്യ​ൽ മീ​ഡി​യ പോ​സ്റ്റു​ക​ളി​ൽ പ​തി​വാ​യി കാ​ണു​ന്ന ഹാ​ഷ്ടാ​ഗ് ആ​ണ് പ്രി​ൻ​സ​സ് ഓ​ൺ വീ​ൽ​സ്. എ​ന്താ​ണ​ത് എ​ന്ന ചോ​ദ്യ​ത്തി​നു ഫാ​ത്തി​മ​യു​ടെ ഉ​ത്ത​രം ഇ​ങ്ങ​നെ: "എ​ന്‍റെ നേ​ർ​ക്ക് ഏ​റ്റ​വും കൂ​ടു​ത​ൽ വ​ന്നി​ട്ടു​ള്ള​ത് സ​ഹ​താ​പം നി​റ​ഞ്ഞ നോ​ട്ട​ങ്ങ​ളാ​ണ്. പ​ല​പ്പോ​ഴും അ​ത് എ​ന്നോ​ട​ല്ല, ഞാ​നി​രി​ക്കു​ന്ന ഈ ​വീ​ൽചെ​യ​ർ കാ​ണു​ന്പോ​ഴു​ള്ള അ​സ്വ​സ്ഥ​ത​യാ​ണ്.

ഞാ​ൻ ഇ​ങ്ങ​നെ​യാ​ണ്. അ​പ്പോ​ൾ പി​ന്നെ എ​ന്താ​ണ് എ​നി​ക്കൊ​പ്പം എ​ന്‍റെ വീ​ൽ​ചെ​യ​റി​നേ​യും അം​ഗീ​ക​രി​ച്ചാ​ൽ? ഇ​ങ്ങ​നെ​യാ​യ​തി​ൽ ഞാ​ൻ സ​ന്തു​ഷ്ട​യാ​ണ്. അ​തു സൂ​ചി​പ്പി​ക്കാ​നാ​ണ് ഞാ​ൻ എ​ന്നെ പ്രി​ൻ​സ​സ് ഓ​ൺ വീ​ൽ​സ് എ​ന്നു വി​ളി​ക്കു​ന്ന​ത്.'

പ​ച്ച​മ​രു​ന്നി​ന്‍റെ മ​ണ​മു​ള്ള രാ​ത്രി​ക​ൾ

സ്വ​പ്ന​ങ്ങ​ൾ​ക്കു പി​ന്നാ​ലെ​യു​ള്ള പാ​ച്ചി​ലി​ൽ വേ​ദ​ന​ക​ളെ മ​റ​ക്കാ​നാ​ണി​ഷ്ടം എ​ന്നു പ​റ​യു​ന്പോ​ഴും ചി​ല രാ​ത്രി​ക​ളി​ൽ പോ​യ​കാ​ല​ത്തി​ന്‍റെ നോ​വു​ക​ൾ ത​ല​പൊ​ക്കി​നോ​ക്കു​മെ​ന്ന് ഫാ​ത്തി​മ പ​റ​യു​ന്നു.

"ഇ​ട​യ്ക്കി​പ്പോ​ഴും ശ​രീ​ര​ത്തി​ൽ നേ​ർ​ത്ത വേ​ദ​ന അ​നു​ഭ​വ​പ്പെ​ടാ​റു​ണ്ട്. വേ​ദ​ന നേ​ർ​ത്ത​താ​ണെ​ങ്കി​ലും ഓ​ടി​വു​ണ്ടാ​കു​മോ എ​ന്ന പേ​ടി​ക്ക് ന​ല്ല ഭാ​ര​മു​ണ്ടാ​കും. പ​ല രാ​ത്രി​ക​ളും ഉ​റ​ങ്ങാ​തെ നേ​രം വെ​ളു​പ്പി​ച്ചി​ട്ടു​ണ്ട്. ഉ​റ​ക്ക​ത്തി​ൽ പ​ച്ച​മ​രു​ന്നി​ന്‍റെ മ​ണം എ​ന്നെ തേ​ടി വ​രും. ശ​രീ​ര​ത്തി​ലെ​വി​ടെ​യൊ​ക്കെ​യോ ഓ​ടി​വു​ക​ളു​ണ്ടെ​ന്നു തോ​ന്നും. വാ​യ മൂ​ടി​പ്പി​ടി​ച്ച്, ശ​ബ്ദ​മു​ണ്ടാ​ക്കാ​തെ ക​ര​യും. അ​ന്നേ​ര​മു​ള്ളി​ൽ പ​ട​ച്ച​വ​നോ​ടു​ള്ള പ്രാ​ർ​ഥ​ന മാ​ത്ര​മാ​ണ് ഉ​ണ്ടാ​വു​ക.

ഇ​ട​യ്ക്കെ​പ്പൊ​ഴോ ഞെ​ട്ടി​യു​ണ​ർ​ന്നു നോ​ക്കു​ന്പോ​ൾ മ​ന​സി​ലാ​കും എ​ല്ലാം ദുഃ​സ്വ​പ്ന​മാ​ണെ​ന്ന്. നെ​ടു​വീ​ർ​പ്പി​ട്ട്, വീ​ണ്ടും കി​ട​ക്കു​മെ​ങ്കി​ലും ഉ​റ​ക്കം വ​രി​ല്ല. ക​ണ്ട​ത് ദുഃ​സ്വ​പ്ന​മാ​ണെ​ങ്കി​ലും അ​ത്ത​രം ദി​വ​സ​ങ്ങ​ളി​ലൂ​ടെ​യാ​ണ് എ​ന്‍റെ കു​ട്ടി​ക്കാ​ല​മ​ത്ര​യും ക​ട​ന്നു പോ​യ​ത്.

ഭ​യം കീ​ഴ്പ്പെ​ടു​ത്തു​ന്ന, വേ​ദ​ന​ക​ൾ ത​ള​ർ​ത്തു​ന്ന ദി​വ​സ​ങ്ങ​ൾ. ആ ​ഓ​ർ​മ​ക​ളെ​യെ​ല്ലാം ചി​രി​ക​ളാ​യി അ​ട​യാ​ള​പ്പെ​ടു​ത്താ​നു​ള്ള ശ്ര​മ​ത്തി​ലാ​ണു ഞാ​നി​പ്പോ​ൾ. ക​ട​ന്നു പോ​കു​ന്ന ഓ​രോ ദി​വ​സ​ത്തേ​യും ഞാ​ൻ കാ​ണു​ന്ന​ത് അ​തി​ജീ​വ​ന​ത്തി​ന്‍റെ നാ​ഴി​ക​ക്ക​ല്ലു​ക​ളാ​യാ​ണ്. ’

കൂ​ട്ടാ​യ് അ​വ​ർ

‌ഏ​തു വേ​ന​ലി​ലും ഓ​ടി​ക്ക​യ​റാ​വു​ന്ന ത​ണ​ലാ​ണ് ഫാ​ത്തി​മ​യ്ക്ക് കു​ടും​ബം. അ​പ്പ അ​ബ്ദു​ൾ നാ​സ​റും ഉ​മ്മി​ച്ചി ആ​മി​ന​യും സ​ഹോ​ദ​ര​ങ്ങ​ളാ​യ അ​സ്‌ല​മും അ​ഫ്സ​ലും ആ​യി​ഷ​യും ചേ​രു​ന്ന​താ​ണ് ഫാ​ത്തി​മ​യു​ടെ ചെ​റി​യ വ​ലി​യ ലോ​കം.

"​തു​ട​ര്‍​ച്ച​യാ​യി ഒ​ടി​വു​ക​ള്‍ സം​ഭ​വി​ച്ചി​രു​ന്ന​തി​നാ​ല്‍ പ​തി​വാ​യി ക്ലാ​സു​ക​ള്‍ മു​ട​ങ്ങി​യി​രു​ന്നു. എ​ന്നാ​ല്‍, പ​ഠി​ക്കാ​നു​ള്ള എ​ന്‍റെ ആ​ഗ്ര​ഹം മ​ന​സി​ലാ​ക്കി ഉ​മ്മി​ച്ചി എ​ന്നേ​യും തോ​ളി​ലേ​റ്റി കി​ലോ​മീ​റ്റ​റു​ക​ള്‍ അ​ക​ലെ​യു​ള്ള സ്കൂ​ളി​ലേ​ക്കു ന​ട​ക്കും. എ​ല്‍​പി സ്കൂ​ളി​ലേ​ക്ക് ഉ​മ്മ​യു​ടെ തോ​ളി​ലി​രു​ന്നു പോ​യ​ത് എ​നി​ക്കി​പ്പോ​ഴും ഓ​ര്‍​മ​യു​ണ്ട്.

അ​പ്പ​യും ഉ​മ്മി​ച്ചി​യും ഇ​ല്ലാ​യി​രു​ന്നെ​ങ്കി​ൽ എ​ന്തു ചെ​യ്തേ​നെ എ​ന്നു പ​ല​പ്പോ​ഴും ഞാ​ൻ ചി​ന്തി​ച്ചി​ട്ടു​ണ്ട്. സാ​ന്പ​ത്തി​ക​മാ​യോ വി​ദ്യാ​ഭ്യാ​സ​പ​ര​മാ​യോ ഉ​യ​ർ​ന്ന​വ​ര​ല്ലെ​ങ്കി​ലും ഞാ​ൻ സ്വ​പ്നം ക​ണ്ടു എ​ന്ന​തു​കൊ​ണ്ടു മാ​ത്രം എ​ന്നെ ഡോ​ക്ട​റാ​ക്കി​യ​വ​രാ​ണ് ര​ണ്ടാ​ളും. താ​മ​ര​ശേരി​യി​ലെ വീട്ടിൽ നി​ന്ന് എ​ന്നെ​യുംകൂ​ട്ടി കോ​ഴി​ക്കോ​ട്ടേ​ക്കും കോ​ട്ട​യ​ത്തേ​ക്കും വ​ന്ന​ത് എ​ന്‍റെ സ്വ​പ്നം യാ​ഥാ​ർ​ഥ്യ​മാ​ക്കാ​നാ​ണ്. ഇ​ക്കാ​ക്ക​യും അ​നി​യ​നും അ​നി​യ​ത്തി​യു​മെ​ല്ലാം അ​ങ്ങ​നെ ത​ന്നെ​യാ​ണ്. ’

അ​ഞ്ജ​ലി അ​നി​ൽ​കു​മാ​ർ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.