2

ഐ​ക്യ​രാ​ഷ്ട്ര​സ​ഭ പ്ര​ഖ്യാ​പി​ച്ച അ​ന്താ​രാ​ഷ്ട്ര വ​നി​താ ക​ര്‍​ഷ​ക വ​ര്‍​ഷ​ത്തി​ല്‍ ഭ​ക്ഷ്യ​സു​ര​ക്ഷ, പോ​ഷ​കാ​ഹാ​ര ല​ഭ്യ​ത, ദാ​രി​ദ്ര നി​ര്‍​മാ​ര്‍​ജ​നം എ​ന്നി​വ​യി​ല്‍ മാ​ത്ര​മ​ല്ല, സ​മ​ഗ്ര മേ​ഖ​ല​യി​ലും മു​ന്നേ​റ്റം തു​ട​രു​ക​യാ​ണ് കേ​ര​ള​ത്തി​ലെ വ​നി​താ ക​ര്‍​ഷ​ക​ര്‍.

കാ​ര്‍​ഷി​ക ഉ​ത്പ​ന്ന​ങ്ങ​ളു​ടെ ന​ടീ​ല്‍ മു​ത​ല്‍ വി​ല്‍​പ​ന വ​രെ​യു​ള്ള സം​വി​ധാ​ന​ങ്ങ​ളി​ല്‍ സ്ത്രീ​ക​ള്‍ വ​ഹി​ക്കു​ന്ന പ​ങ്ക് പ്ര​ധാ​ന​മാ​ണ്. സാ​മ്പ​ത്തി​ക സു​ര​ക്ഷി​ത​ത്വ​ത്തി​നാ​യി സ​മൂ​ഹ​ത്തി​ല്‍ പു​തി​യ ച​ല​ന​ങ്ങ​ള്‍ സൃ​ഷ്ടി​ക്കു​ന്ന​തി​ല്‍ വ​നി​ത​ക​ള്‍ ഒ​ട്ടും പി​ന്നി​ല​ല്ല.

സാ​ധാ​ര​ണ കൃ​ഷി​ക​ള്‍​ക്ക​പ്പു​റം വ്യ​ത്യ​സ്ഥ​മാ​യ രീ​തി​ക​ള്‍ തേ​ടു​ക​യാ​ണ് തി​രു​വ​ന​ന്ത​പു​രം ജി​ല്ല​യി​ലെ ക​ല്ലി​യൂ​ര്‍ എ​ന്ന ഗ്രാ​മ​ത്തി​ലെ വ​നി​താ ക​ര്‍​ഷ​ക​ര്‍.

കാ​ര്‍​ഷി​ക​വൃ​ത്തി പ്രാ​ണ​വാ​യു​വാ​ക്കി​യ ന​ന്മ​യു​ള്ള നാ​ട്ടി​ന്‍​പു​റ​മാ​ണ് തി​ര​വ​ന​ന്ത​പു​രം ജി​ല്ല​യു​ടെ തെ​ക്കു ഭാ​ഗ​ത്താ​യി സ്ഥി​തി ചെ​യ്യു​ന്ന ക​ല്ലി​യൂ​ര്‍ ഗ്രാ​മ​പ​ഞ്ചാ​യ​ത്ത്. വെ​ള്ളാ​യ​ണി​ക്കാ​യ​ലി​ന്‍റെ തീ​ര​ത്ത് പ​ച്ച​പ്പു​ക​ള്‍ നി​റ​യ്ക്കു​ന്ന കൃ​ഷി​യി​ട​ങ്ങ​ള്‍.

ക​ല്ലി​യൂ​ര്‍ എ​ന്ന ഗ്രാ​മം കൃ​ഷി​യു​ടെ പ​ര്യാ​യ​മാ​യെ​ങ്കി​ല്‍ അ​തി​ല്‍ പ്ര​ധാ​ന പ​ങ്കു​വ​ഹി​ക്കു​ന്ന​വ​രാ​ണ് അ​വി​ടു​ത്തെ വ​നി​താ ക​ര്‍​ഷ​ക​ര്‍.

മു​ഴു​വ​ന്‍ സ​മ​യ ക​ര്‍​ഷ​ക​യാ​യി​രു​ന്ന ക​ല്ലി​യൂ​ര്‍ സ്വ​ദേ​ശി​നി സൗ​മ്യ​യും സു​ഹൃ​ത്തു​ക്ക​ളും മൂ​ന്നു വ​ര്‍​ഷം മ​ന്‍​പാ​ണ് താ​ന്‍ ഉ​ത്പാ​ദി​പ്പി​ക്കു​ന്ന കാ​ര്‍​ഷി​ക വി​ഭ​വ​ങ്ങ​ള്‍ മൂ​ല്യ​വ​ര്‍​ധി​ത ഉ​ത്പ​ന്ന​ങ്ങ​ളാ​ക്കി വി​ല്‍​ക്കു​ന്ന​തി​നെ​ക്കു​റി​ച്ചു ചി​ന്തി​ച്ച​ത്. സാ​മ്പാ​ര്‍, അ​വി​യ​ല്‍, തോ​ര​ന്‍ എ​ന്നി​വ ത​യാ​റാ​ക്കു​ന്ന​തി​നു​ള്ള പ​ച്ച​ക്ക​റി​ക​ള്‍ ക​ട്ട് ചെ​യ്ത് പാ​യ്ക്ക​റ്റു​ക​ളാ​ക്കി ആ​യി​രു​ന്നു തു​ട​ക്കം.

ആ​ഴ്ച​ക​ള്‍​ക്കു​ള്ളി​ല്‍ സം​ഗ​തി ഹി​റ്റാ​യി. മി​ത​മാ​യ വി​ല​യി​ല്‍ ശു​ദ്ധ​മാ​യ പ​ച്ച​ക്ക​റി ഉ​ത്പ​ന്ന​ങ്ങ​ള്‍ പാ​ക്ക​റ്റി​ല്‍ ല​ഭി​ക്കാ​ന്‍ തു​ട​ങ്ങി​യ​തോ​ടെ വാ​ങ്ങു​ന്ന​വ​ര്‍​ക്ക് അ​ടു​ക്ക​ള ജോ​ലി​യും എ​ളു​പ്പം.

അ​ങ്ങ​നെ​യാ​ണ് ക​ല്ലി​യൂ​ര്‍ ഗ്രീ​ന്‍​സ് എ​ന്ന വ​നി​താ സം​രം​ഭം ആ​രം​ഭി​ക്കു​ന്ന​ത്. ക​ല്ലി​യൂ​ര്‍ എ​ന്ന ഗ്രാ​മ​ത്തി​ലെ വ​നി​താ ക​ര്‍​ഷ​ക​രു​ടെ വി​ജ​യ​ചി​ഹ്ന​മാ​ണ് ഇ​ന്ന് ക​ല്ലി​യൂ​ര്‍ ഗ്രീ​ന്‍​സ്.

ആ​ദ്യം ചെ​റി​യ ഷോ​പ്പാ​യി ആ​രം​ഭി​ച്ച ഈ ​സം​ര​ഭം ഇ​ന്ന് ഓ​ണ്‍​ലൈ​നാ​യി തി​രു​വ​ന​ന്ത​പു​രം ന​ഗ​ര​ത്തി​ലെ​ങ്ങും വീ​ട്ടു​പ​ടി​ക്ക​ല്‍ പ​ച്ച​ക്ക​റി​ക​ളും മ​റ്റ് മൂ​ല്യ വ​ര്‍​ധി​ത ഉ​ത്പ​ന്ന​ങ്ങ​ളും എ​ത്തി​ക്കു​ന്നു. ജ​ല​സ​മൃ​ദ്ധി​യു​ള്ള വെ​ള്ളാ​യ​ണി​യു​ടെ മ​ണ്ണി​ല്‍ പു​ത്ത​ന്‍ ആ​ശ​യ​ങ്ങ​ളും വി​ജ​യി​പ്പി​ച്ചെ​ടു​ക്കാ​മെ​ന്നു തെ​ളി​യി​ച്ചി​രി​ക്കു​ക​യാ​ണ് ഈ ​വ​നി​ത​ക​ള്‍.

ക​ല്ലി​യൂ​ര്‍ കൃ​ഷി​ഭ​വ​നു കീ​ഴി​ലു​ള്ള രാ​ഗ് കൃ​ഷി​ക്കൂ​ട്ട​ത്തി​ന്‍റെ സം​രം​ഭ​ങ്ങ​ളാ​ണ് ക​ല്ലി​യൂ​ര്‍ ഗ്രീ​ന്‍​സ്, ഫാം ​വേ​വ്‌​സ്, സൗ​മ്യാ​സ് ബ​ഹു​ര​സം എ​ന്നി​വ. ക​ല്ലി​യൂ​ര്‍ ഗ്രീ​ന്‍​സ് എ​ന്ന പേ​രി​ല്‍ ക​ട്ട് വെ​ജി​റ്റ​ബി​ളു​ക​ളും ഫാം ​വേ​വ്‌​സ് എ​ന്ന പേ​രി​ല്‍ പൊ​ടി ഐ​റ്റ​ങ്ങ​ളും സൗ​മ്യാ​സ് ബ​ഹു​ര​സം എ​ന്ന പേ​രി​ല്‍ റെ​ഡി ടു ​ഈ​റ്റ് വി​ഭ​വ​ങ്ങ​ളും ഇ​ന്ന് വി​ത​ര​ണം ചെ​യ്യു​ന്നു.

ചെ​റി​യ തു​ട​ക്കം

2023ല്‍ 10-15 ​പാ​ക്ക​റ്റു​ക​ളി​ലാ​യി സാ​മ്പാ​ര്‍, അ​വി​യ​ല്‍, തേ​ര​ന്‍ എ​ന്നി​വ​യ്ക്കു​ള്ള പ​ച്ച​ക്ക​റി​ക​ള്‍ അ​രി​ഞ്ഞു ത​യ്യാ​റാ​ക്കി​യാ​യി​രു​ന്നു സൗ​മ്യ​യു​ടെ നേ​തൃ​ത്വ​ത്തി​ലു​ള്ള വ​നി​താ​സം​ഘം ഈ ​രം​ഗ​ത്തേ​ക്ക് കാ​ലെ​ടു​ത്തു വ​ച്ച​ത്. അ​വി​യ​ല്‍, സാ​മ്പാ​ര്‍ കൂ​ട്ടു​ക​ള്‍ 450 ഗ്രാം, ​തോ​ര​ന്‍ വി​ഭ​വ​ങ്ങ​ള്‍ 250 ഗ്രാം ​എ​ന്നി​ങ്ങ​നെ​യാ​യി​രു​ന്നു തൂ​ക്കം. അ​വി​യ​ല്‍, സാ​മ്പാ​ര്‍ കൂ​ട്ടു​ക​ള്‍​ക്ക് 45 രൂ​പ​യും തോ​ര​ന്‍ കൂ​ട്ടി​ന് 35 രൂ​പ​യു​മാ​യി​രു​ന്നു വി​ല.

ചീ​ര, മ​ത്ത​ങ്ങ, പാ​വ​ക്ക, പ​ട​വ​ലം തു​ട​ങ്ങി​യ​വ​യെ​ല്ലാം വൃ​ത്തി​യാ​ക്കി അ​രി​ഞ്ഞ് തൂ​ക്കി പാ​ക്ക​റ്റു​ക​ളി​ലാ​ക്കി വി​പ​ണി​യി​ലെ​ത്തി​ച്ചു. ആ​ദ്യം ആ​ളു​ക​ള്‍ കൗ​തു​ക​ത്തി​നു വേ​ണ്ടി​യാ​യി​രു​ന്നു വാ​ങ്ങി​യി​രു​ന്ന​തെ​ന്നു സൗ​മ്യ ഓ​ര്‍​മി​ക്കു​ന്നു. പി​ന്നീ​ട് ആ​ളു​ക​ള്‍ ത​ങ്ങ​ളു​ടെ ഉ​ത്പ​ന്ന​ങ്ങ​ള്‍ അ​ന്വേ​ഷി​ച്ചു വ​ന്നു തു​ട​ങ്ങി. ഡി​മാ​ന്റ് വ​ര്‍​ധി​ച്ച​തോ​ടെ കൂ​ടു​ത​ല്‍ പാ​ക്ക​റ്റു​ക​ള്‍ ത​യാറാ​ക്കി.

പി​ന്നീ​ട് ഉ​പ​ഭോ​ക്താ​ക്ക​ളു​ടെ ആ​വ​ശ്യം പ​രി​ഗ​ണി​ച്ചാ​ണ് ഇ​വ ഓ​ണ്‍​ലൈ​നാ​യി ഓ​ര്‍​ഡ​ര്‍ ചെ​യ്യു​ന്ന​തി​നു​ള്ള സൗ​ക​ര്യ​മൊ​രു​ക്കി​യ​ത്. ഹോം ​ഡെ​ലി​വ​റി ല​ഭി​ക്കു​മെ​ന്നാ​യ​തോ​ടെ സാ​ധ​ന​ങ്ങ​ളു​ടെ ഡി​മാ​ന്റ് വീ​ണ്ടും വ​ര്‍​ധി​ച്ചു. ആ​ദ്യ​മൊ​ക്കെ നേ​രി​ട്ട് വി​ല്‍​പ​ന ന​ട​ത്തി​യി​രു​ന്ന ഉ​ത്പ​ന്ന​ങ്ങ​ള്‍ ഇ​പ്പോ​ള്‍ ഇ ​കാ​ട്ട് ഡോ​ട്ട്.​ഇ​ന്‍ എ​ന്ന ആ​പ്പ് വ​ഴി​യാ​ണ് വി​ല്‍​പ​ന ന​ട​ത്തു​ന്ന​ത്.

നി​ര​വ​ധി ഉ​ത്പ​ന്ന​ങ്ങ​ളും അ​ധി​ക​മാ​യി പ​ട്ടി​ക​യി​ല്‍ ഉ​ള്‍​പ്പെ​ടു​ത്തി. ഇ​തി​ല്‍ പ​ച്ച​ക്ക​റി​ക​ള്‍ മു​ത​ല്‍ വാ​ല്യൂ ആ​ഡ​ഡ് ഉ​ത്പ​ന്ന​ങ്ങ​ള്‍ വ​രെ​യു​ണ്ട്. ഇ​പ്പോ​ള്‍ 220 ഉ​ത്പ​ന്ന​ങ്ങ​ളാ​ണ് ആ​പ്പ് വ​ഴി ഓ​ര്‍​ഡ​ര്‍ ചെ​യ്യാ​വു​ന്ന​ത്. ഇ​തി​ല്‍ വാ​ഴ​ക്കൂ​മ്പ് ചാ​യ, സൂ​പ്പ്, വാ​ഴ​ത്ത​ട അ​ച്ചാ​ര്‍ തു​ട​ങ്ങി​യ​വ​യെ​ല്ലാ​മു​ണ്ട്.

ക​ട്ട് ചെ​യ്ത വെ​ജി​റ്റ​ബി​ള്‍​സ് തു​ട​ങ്ങി​യ റെ​ഡി ടു ​കു​ക്ക് ഉ​ത്പ​ന്ന​ങ്ങ​ള്‍, പേ​സ്റ്റു​ക​ള്‍, തൊ​ലി ക​ള​ഞ്ഞ​വ, സാ​മ്പാ​ര്‍ കൂ​ട്ട്, അ​വി​യി​ല്‍ കൂ​ട്ട്, തോ​ര​ന്‍ ക​ട്ട് മി​ക്‌​സ്, ചീ​ര, മ​ത്ത​ങ്ങ അ​രി​ഞ്ഞ​ത്, തേ​ങ്ങ ചി​ര​കി​യ​ത്, തേ​ങ്ങാ​പ്പാ​ല്‍, ഏ​ത്ത​ക്കാ​പ്പൊ​ടി, മ​ര​ച്ചീ​നി പൊ​ടി തു​ട​ങ്ങി​യ​വ​യെ​ല്ലാ​മു​ണ്ട് ഇ​വ​രു​ടെ ആ​പ്പി​ല്‍.

ല​ളി​ത​മാ​യി ആ​പ്പ് പ​രി​ശോ​ധി​ച്ച് ആ​വ​ശ്യ​മു​ള്ള​വ തെ​ര​ഞ്ഞെ​ടു​ക്കാം. ഇ​വ​യ്ക്കു പു​റ​മേ വാ​ഴ​പ്പ​ഴം ഹ​ല്‍​വ, ക​റി മ​സാ​ല​ക​ള്‍, അ​ച്ചാ​റു​ക​ള്‍ എ​ല്ലാ​മാ​യി അ​ടു​ക്ക​ള​യി​ലേ​ക്കു വേ​ണ്ട​ത് എ​ല്ലാം ഇ​വി​ടെ റെ​ഡി.

ഹൈ​ടെ​ക് സം​വി​ധാ​ന​ങ്ങ​ൾ

ത​ലേ​ന്നു ത​ന്നെ പി​റ്റേ​ന്ന​ത്തേ​ക്കു​ള്ള ഐ​റ്റ​ങ്ങ​ളെ​ക്കു​റി​ച്ചു​ള്ള വി​വ​ര​ങ്ങ​ള്‍ വാ​ട്‌​സാ​പ്പ് ഗ്രൂ​പ്പു​ക​ളി​ല്‍ അ​പ്‌​ഡേ​റ്റ് ചെ​യ്യും. വാ​ട്‌​സാ​പ്പ് മെ​സേ​ജാ​യും സാ​ധാ​ര​ണ ഫോ​ണ്‍ കോ​ളാ​യും ഓ​ര്‍​ഡ​റു​ക​ള്‍ സ്വീ​ക​രി​ക്കു​ന്ന രീ​തി ഇ​വ​ര്‍​ക്കു​ണ്ട്.

ഇ​വ​രു​ടെ ത​ന്നെ വാ​ഹ​ന​ത്തി​ല്‍ വീ​ടു​ക​ളി​ല്‍ എ​ത്തി​ക്കു​ന്ന​താ​ണ് രീ​തി. ബി​ല്‍ വാ​ട്‌​സാ​പ്പാ​യി ല​ഭി​ക്കും. ഇ​ത് ക്യാ​ഷ് ഓ​ണ്‍ ഡെ​ലി​വ​റി​യാ​യോ ഗൂ​ഗി​ല്‍ പേ ​വ​ഴി​യോ ന​ല്‍​കാം. ഇ​ല​ക്ട്രി​ക് ഓ​ട്ടോ​റി​ക്ഷ​യി​ലാ​ണ് ന​ഗ​ര​ത്തി​ല്‍ ഇ​വ​ര്‍ ഉ​ത്പ​ന്ന​ങ്ങ​ള്‍ വി​ത​ര​ണം ചെ​യ്യു​ന്ന​ത്.

വ​ര്‍​ഷ​ങ്ങ​ളാ​യി കാ​ര്‍​ഷി​ക രം​ഗ​ത്ത് സ​ജീ​വ​മാ​യി പ്ര​വ​ര്‍​ത്തി​ക്കു​ന്ന സൗ​മ്യ സാ​ഗ​റാ​ണ് ഈ ​സം​രം​ഭ​ത്തി​ന് ചു​ക്കാ​ന്‍ പി​ടി​ക്കു​ന്ന​ത്. സു​മ, ഗി​രി​ജ, ശ്രീ​ജ, കോ​മ​ളം, വ​ന​ജ, കു​മാ​രി, ത​ങ്കി എ​ന്നി​വ​രാ​ണ് സൗ​മ്യ​യ്‌​ക്കൊ​പ്പം ഈ ​സം​രം​ഭ​ത്തി​ല്‍ പ്ര​വ​ര്‍​ത്തി​ക്കു​ന്ന​ത്.

ക​ല്ലി​യൂ​ര്‍ ഊ​ക്കോ​ട് ആ​ണ് ഇ​വ​രു​ടെ കേ​ന്ദ്രം പ്ര​വ​ര്‍​ത്തി​ക്കു​ന്ന​ത്. ജൈ​വ രീ​തി​യി​ലാ​ണ് ഇ​വ​ര്‍ പ​ച്ച​ക്ക​റി​ക​ള്‍ ഉ​ത്പാ​ദി​പ്പി​ക്കു​ന്ന​ത് എ​ന്ന​താ​ണ് ഏ​റ്റ​വും വ​ലി​യ പ്ര​ത്യേ​ക​ത.

വി​ള​ക​ള്‍ മൂ​ല്യ​വ​ര്‍​ധി​ത ഉ​ത്പ​ന്ന​ങ്ങ​ളാ​ക്കി​യാ​ല്‍ മാ​ത്ര​മേ ന​ല്ല വി​ല ല​ഭി​ക്കൂ എ​ന്ന ചി​ന്ത വ​ന്ന​തോ​ടെ​യാ​ണ് ക​ട്ട് വെ​ജി​റ്റ​ബി​ള്‍​സ് എ​ന്ന ആ​ശ​യം അ​വ​ത​രി​പ്പി​ച്ച​തെ​ന്നു സൗ​മ്യ പ​റ​യു​ന്നു. ഉ​പ​ഭോ​ക്താ​ക്ക​ളി​ലേ​ക്ക് ഇ​ട​നി​ല​ക്കാ​രെ ഒ​ഴി​വാ​ക്കി ഉ​ത്പ​ന്ന​ങ്ങ​ള്‍ എ​ത്തി​ക്കു​ന്ന​തി​നാ​ല്‍ ഇ​രു കൂ​ട്ട​ര്‍​ക്കും സാ​മ്പ​ത്തി​ക ലാ​ഭ​മു​ണ്ട്.

വെ​റൈ​റ്റി ഐ​റ്റ​ങ്ങ​ള്‍!

നി​ര​വ​ധി വെ​റൈ​റ്റി ഉ​ത്പ​ന്ന​ങ്ങ​ളാ​ണ് ഇ​വ​ര്‍ ഉ​ത്പാ​ദി​പ്പി​ച്ചു വി​പ​ണി​യി​ലെ​ത്തി​ക്കു​ന്ന​ത്. വാ​ഴ​ക്കൂ​മ്പ് പൊ​ടി ഇ​തി​ല്‍ പ്ര​ധാ​ന​മാ​ണ്. ചെ​റു​താ​യി അ​രി​ഞ്ഞ് ഉ​ണ​ക്കി​പ്പൊ​ടി​ച്ചാ​ണ് വാ​ഴ​ക്കൂ​മ്പ് പൊ​ടി​യു​ണ്ടാ​ക്കു​ന്ന​ത്. ചാ​യ​പ്പൊ​ടി​ക്കു പ​ക​ര​മാ​യി ഇ​ത് ഉ​പ​യോ​ഗി​ക്കാം.

പാ​ലി​ല്‍ ചേ​ര്‍​ത്ത് കു​ടി​ക്കു​ക​യു​മാ​കാം. വാ​ഴ​ക്കൂ​മ്പ് ക​ഴി​ക്കു​ന്ന​തി​ന്‍റെ എ​ല്ലാ ഗു​ണ​ങ്ങ​ളും ഇ​തി​നും ല​ഭി​ക്കു​മെ​ന്ന് ഇ​വ​ര്‍ പ​റ​യു​ന്നു. ഓ​ണ്‍​ലൈ​ന്‍ വി​പ​ണി​യി​ല്‍ ഏ​റ്റ​വും അ​ധി​കം ആ​വ​ശ്യ​ക്കാ​രു​ള്ള​ത് ക​ട്ട് ചെ​യ്ത പ​ച്ച​ക്ക​റി​ക​ള്‍​ക്കാ​ണെ​ങ്കി​ലും വാ​ഴ​ക്കൂ​മ്പ് പൊ​ടി​ക്കും വാ​ഴ​ത്ത​ട അ​ച്ചാ​റി​നു​മെ​ല്ലാം ആ​വ​ശ്യ​ക്കാ​ര്‍ ഏ​റെ​യാ​ണ്.

പി​ന്തു​ണ​യു​മാ​യി കൃ​ഷി വ​കു​പ്പ്

പി​ന്തു​ണ​യു​മാ​യി സ​ര്‍​ക്കാ​ര്‍

ഇ​വ​രു​ടെ സം​രം​ഭ​ത്തി​നു സ​ര്‍​ക്കാ​രി​ന്‍റെ​യും പ​ഞ്ചാ​യ​ത്തി​ന്‍റെ​യും കൃ​ഷി​വ​കു​പ്പി​ന്‍റെ​യും സാ​മ്പ​ത്തി​ക​വും സാ​ങ്കേ​തി​ക​വു​മാ​യ എ​ല്ലാ പി​ന്തു​ണ​യു​മു​ണ്ട്. കൃ​ഷി​ഭ​വ​ന്‍റെ സ​പ്പോ​ര്‍​ട്ട് വ​ള​റെ വ​ലു​താ​ണെ​ന്ന് ഇ​വ​ര്‍ പ​റ​യു​ന്നു.

ക​ല്ലി​യൂ​ര്‍ കൃ​ഷി ഓ​ഫീ​സ​ര്‍ മേ​രി ല​ത, അ​സി​സ്റ്റ​ന്‍റ് അ​ഗ്രി​ക​ള്‍​ച​ര്‍ ഓ​ഫീ​സ​ര്‍ കെ.​ര​മ​ണി, കൃ​ഷി അ​സി​സ്റ്റ​ന്റു​മാ​രാ​യ ജെ.​എ​സ്.​അ​നി​ല്‍​കു​മാ​ര്‍, എ​സ്.​കെ.​ഷി​നു, കാ​ര്‍​ഷി​ക ക​ര്‍​മ​സേ​ന സൂ​പ്പ​ര്‍​വൈ​സ​ര്‍ ടി.​വി​ദ്യ എ​ന്നി​വ​ര്‍ വി​ത്തു ന​ടു​ന്ന​തു മു​ത​ലു​ള്ള എ​ല്ലാ സാ​ഹ​യ​ങ്ങ​ള്‍​ക്കും ഒ​പ്പ​മു​ണ്ട്.

വാ​ടും മു​ന്‍​പ് അ​ടു​ക്ക​ള​യി​ല്‍

ഓ​ര്‍​ഡ​ര്‍ ല​ഭി​ക്കു​ന്ന​വ പു​ല​ര്‍​ച്ചെ ത​ന്നെ കൃ​ഷി​യി​ട​ത്തു നി​ന്നും ശേ​ഖ​രി​ക്കു​ന്ന​താ​ണ് ഇ​വ​രു​ടെ രീ​തി. ആ​വ​ശ്യാ​നു​സ​ര​ണം പ​ച്ച​ക്ക​റി​ക​ള്‍ വി​ള​വെ​ടു​ക്കു​ന്നു. ഇ​വ പ്ര​ത്യേ​കം പ്ര​ത്യേ​ക​മാ​യി പാ​യ്ക്ക് ചെ​യ്ത് പു​റ​ത്ത് ക​ല്ലി​യൂ​ര്‍ ഗ്രീ​ന്‍​സി​ന്‍റെ സ്റ്റി​ക്ക​റും ഒ​ട്ടി​ച്ച ശേ​ഷ​മാ​ണ് ഇ​ല​ക്ട്രി​ക് ഓ​ട്ടോ​റി​ക്ഷ​യി​ല്‍ ഇ​വ​യു​ടെ വി​ത​ര​ണ​ത്തി​നാ​യി പോ​കു​ന്ന​ത്.

ന​ഗ​ര​ത്തി​ല്‍ 15 കി​ലോ​മീ​റ്റ​ര്‍ ചു​റ്റ​ള​വി​ല്‍ ഹോം ​ഡെ​ലി​വ​റി സം​വി​ധാ​നം ഏ​ര്‍​പ്പെ​ടു​ത്തി​യി​ട്ടു​ണ്ട്. മൂ​ല്യ​വ​ര്‍​ധി​ത ഉ​ത്പ​ന്ന​ങ്ങ​ള്‍ മ​റ്റു ജി​ല്ല​ക​ളി​ലേ​ക്ക് കോ​റി​യ​ര്‍ ചെ​യ്തു കൊ​ടു​ക്കു​ന്ന രീ​തി​യു​മു​ണ്ട്.

Tags : Agriculture Karshakan