വാ​ട്ട​ര്‍ അ​ഥോ​റി​റ്റി​യി​ല്‍ ത​സ്തി​കക​ള്‍ കുറയ്ക്കാ​നു​ള്ള നീ​ക്ക​ത്തി​ല്‍ പ്ര​തി​ഷേ​ധം
Sunday, August 3, 2025 6:39 AM IST
പേ​രൂ​ര്‍​ക്ക​ട: വാ​ട്ട​ര്‍ അ​ഥോ​റി​റ്റി​യി​ല്‍ ഇ​ന്‍റേ​ണ​ല്‍ വി​ജി​ല​ന്‍​സി​ലെ ത​സ്തി​ക​ക​ള്‍ വെ​ട്ടി​ക്കു​റ​യ്ക്കാ​നു​ള്ള നീ​ക്ക​ത്തി​ല്‍ വ്യാ​പ​ക പ്ര​തി​ഷേ​ധം. ഇ​ന്‍റേ​ര്‍​ണ​ല്‍ വി​ജി​ല​ന്‍​സി​ല്‍ ഒ​രു ഡെ​പ്യൂ​ട്ടി ചീ​ഫ് എ​ൻ​ജി​നീ​യ​റും ഒ​രു എ​ക്‌​സി​ക്യൂ​ട്ടീ​വ് എ​ൻ​ജി​നീ​യ​റും മൂ​ന്ന് അ​സി​സ്റ്റ​ന്‍റ് എ​ക്‌​സി​ക്യൂ​ട്ടീ​വ് എ​ന്‍​ജി​നീ​യ​റും മി​നി​സ്റ്റീ​രി​യ​ല്‍ വി​ഭാ​ഗ​ത്തി​ലു​ള്ള ഏ​താ​നും ഉ​ദ്യോ​ഗ​സ്ഥ​രു​മാ​ണു​ള്ള​ത്.

പു​തി​യ പ​ദ്ധ​തി​ക​ള്‍ വാ​ട്ട​ര്‍ അ​ഥോ​റി​റ്റി ഏ​റ്റെ​ടു​ക്കു​ന്നു എ​ന്ന പേ​രി​ല്‍ വി​ജി​ല​ന്‍​സ് വി​ഭാ​ഗ​ത്തി​ലെ ഒ​രു അ​സി​സ്റ്റ​ന്‍റ് എ​ക്‌​സി​ക്യൂ​ട്ടീ​വ് എ​ൻ​ജി​നീ​യ​റു​ടെ പോ​സ്റ്റ് മാ​റ്റാ​നാ​ണ് ശ്ര​മം ന​ട​ത്തു​ന്ന​ത്. കൊ​ച്ചി​യി​ലെ എ​ഡി​ബി പ​ദ്ധ​തി ന​ട​പ്പാ​ക്കാ​ന്‍ എ​ന്ന പേ​രി​ലാ​ണ് ഇ​പ്പോ​ള്‍ മാ​റ്റാ​ന്‍ ശ്ര​മി​ക്കു​ന്ന​ത്. ഈ ​വി​ഭാ​ഗ​ത്തി​ന്‍റെ ഡ​പ്യൂ​ട്ടി ചീ​ഫ് എ​ന്‍​ജി​നീ​യ​റെ പു​തി​യ സ​ര്‍​ക്കി​ള്‍ രൂ​പീ​ക​രി​ച്ച് മാ​റ്റാ​നും നീ​ക്ക​മു​ണ്ട്. അ​തോ​ടെ ഈ ​വി​ഭാ​ഗം ത​ന്നെ ഇ​ല്ലാ​താ​കും.

നേ​ര​ത്തെ ഒ​രു സീ​നി​യ​ര്‍ സൂ​പ്ര​ണ്ടി​ന്‍റെ പോ​സ്റ്റ് വി​ജി​ല​ന്‍​സ് വി​ഭാ​ഗ​ത്തി​ല്‍​നി​ന്ന് ഷി​ഫ്റ്റ് ചെ​യ്ത് കാ​യം​കു​ള​ത്തേ​ക്ക് മാ​റ്റി​യി​രു​ന്നു. ഉ​ദ്യോ​ഗ​സ്ഥ​രു​മാ​യി ബ​ന്ധ​പ്പെ​ട്ട് ധാ​രാ​ളം കേ​സു​ക​ള്‍ പെ​ന്റി​ങ്ങി​ലാ​ണ്. വി​ജി​ല​ന്‍​സ് ക​മ്മി​റ്റി​യു​ടെ അ​ന്തി​മ തീ​രു​മാ​നം കാ​ത്ത് 600-ല്‍​പ്പ​രം ഫ​യ​ലു​ക​ളാ​ണ് ഉ​ള്ള​ത്. പി​ഡ​ബ്ല്യ​ഡി, കെ​എ​സ്ഇ​ബി തു​ട​ങ്ങി​യ ടെ​ക്‌​നി​ക്ക​ല്‍ ഡി​പ്പാ​ര്‍​ട്ട്‌​മെ​ന്‍റു​ക​ളി​ല്‍ ഇ​ന്‍റേ​ര്‍​ണ​ല്‍ വി​ജി​ല​ന്‍​സ് വി​ഭാ​ഗം കാ​ര്യ​ക്ഷ​മ​മാ​യി പ്ര​വ​ര്‍​ത്തി​ക്കു​ന്ന​തി​നു വി​പു​ല​മാ​യ സം​വി​ധാ​നം ഉ​ണ്ട്.

വി​ജി​ല​ന്‍​സ് ആ​ൻ​ഡ് ആ​ന്‍റി ക​റ​പ്ഷ​ന്‍ ബ്യൂ​റോ​യു​ടെ ഉ​ള്‍​പ്പ​ടെ​യു​ള്ള അ​ന്വേ​ഷ​ണ​ങ്ങ​ളി​ല്‍ സം​യു​ക്ത​മാ​യി സ​ല​പ​രി​ശോ​ധ​ന​യും റി​പ്പോ​ര്‍​ട്ട് ത​യ്യാ​റാ​ക്ക​ലും ഉ​ള്‍​പ്പെ​ടെ​യു​ള്ള ജോ​ലി ചെ​യ്തു​വ​രു​ന്ന​ത് ഈ ​വി​ഭാ​ഗ​മാ​ണ്. ജ​ല്‍ ജീ​വ​ന്‍ മി​ഷ​ന്‍ പ​ദ്ധ​തി​യു​ടെ ഭാ​ഗ​മാ​യി 40,000 കോ​ടി രൂ​പ​യു​ടെ നൂ​റു​ക​ണ​ക്കി​ന് സ​മ​ഗ്ര പ​ദ്ധ​തി​ക​ള്‍ നി​ല​വി​ല്‍ ന​ട​പ്പി​ലാ​ക്കു​ന്ന​തി​നി​ട​യി​ല്‍ പ്ര​വൃ​ത്തി​യി​ലെ സു​താ​ര്യ​ത​യും ഗു​ണ​നി​ല​വാ​ര​വും ഉ​റ​പ്പ് വ​രു​ത്തു​ന്ന​തി​ന് വി​ജി​ല​ന്‍​സ് പ​രി​ശോ​ധ​ന സം​വി​ധാ​നം ശ​ക്തി​പ്പെ​ടു​ത്തേ​ണ്ട​ത് അ​നി​വാ​ര്യ​മാ​ണ്.

ഇ​തി​നു വി​ഭി​ന്ന​മാ​യി ഈ ​സം​വി​ധാ​നം ത​ന്നെ ത​ള​ര്‍​ത്തു​ന്ന ന​ട​പ​ടി അ​ഴി​മ​തി​ക്ക് വ​ഴി​വെ​ട്ടാ​ന്‍ സ​ഹാ​യ​ക​മാ​കു​മെ​ന്ന് അ​ക്വ (അ​സോ​സി​യേ​ഷ​ന്‍ ഓ​ഫ് കേ​ര​ള വാ​ട്ട​ര്‍ അ​ഥോ​റി​റ്റി ഓ​ഫീ​സേ​ഴ്‌​സ്) ആ​രോ​പി​ച്ചു. റീ​ജ​ണ​ൽ ത​ല​ത്തി​ലേ​ക്കെ​ങ്കി​ലും വി​ജി​ല​ന്‍​സ് സം​വി​ധാ​നം വി​പു​ല​പ്പെ​ടു​ത്തു​ക​യും പ​ദ്ധ​തി പ്ര​വ​ര്‍​ത്ത​ന​ങ്ങ​ള്‍​ക്ക് അ​ഥോ​റി​റ്റി​ക്കു ത​ന​താ​യ മാ​ര്‍​ഗ​നി​ര്‍​ദേ​ശ​ങ്ങ​ള്‍ ഉ​ണ്ടാ​ക്കു​ക​യും വേ​ണ​മെ​ന്നു സം​ഘ​ട​ന ന​ല്‍​കി​യ പ​രാ​തി​യി​ല്‍ ആ​വ​ശ്യ​പ്പെ​ട്ടു.
Copyright @ 2018 , Rashtra Deepika Ltd.