സു​ഹൃ​ത്തി​നെ കൊലപ്പെടുത്തിയ പ്ര​തി​ക്ക് ഏ​ഴു വ​ർ​ഷം ക​ഠി​ന​ത​ട​വ്
Sunday, August 3, 2025 6:39 AM IST
തി​രു​വ​ന​ന്ത​പു​രം: ത​മാ​ശ പ​റ​യു​ന്ന​തി​നി​ടെ പ്ര​കോ​പി​ത​നാ​യി സു​ഹൃ​ത്തി​നെ കു​ത്തി​ക്കൊ​ല​പ്പെ​ടു​ത്തി​യ ആ​ൾ​ക്ക് ഏ​ഴു വ​ർ​ഷം ക​ഠി​ന​ത​ട​വും 50,000 രൂ​പ പി​ഴ​യും ശി​ക്ഷ. പി​ഴ ഒ​ടു​ക്കി​യി​ല്ലെ​ങ്കി​ൽ മൂ​ന്നു മാ​സം അ​ധി​ക ത​ട​വ് അ​നു​ഭ​വി​ക്ക​ണം. ക​ര​മ​ന നെ​ടു​ങ്കാ​ട് സോ​മ​ൻ ന​ഗ​ർ തു​ണ്ടു​വി​ള വീ​ട്ടി​ൽ വി​ക്ര​മ​നെ​യാ​ണ് കോ​ട​തി ശി​ക്ഷി​ച്ച​ത്.

ക​വ​ടി​യാ​ർ പ​ദ്മ​വി​ലാ​സം റോ​ഡ് കാ​ട്ടു​വി​ളാ​കം പു​ത്ത​ൻ​വീ​ട്ടി​ൽ ബോ​സി​നെ​യാ​ണ് വി​ക്ര​മ​ൻ കൊ​ല​പ്പെ​ടു​ത്തി​യ​ത്. ആ​റാം അ​ഡീ​ഷ​ണ​ൽ സെ​ഷ​ൻ​സ് ജ​ഡ്ജി ആ​ർ. രേ​ഖ​യാ​ണ് ശി​ക്ഷ വി​ധി​ച്ച​ത്. 2022 ഏ​പ്രി​ൽ 29 നാ​യി​രു​ന്നു സം​ഭ​വം. ത​മാ​ശ​യ്ക്കു ക​ളി​യാ​ക്കി​യ​തി​നി​ടെ പ്ര​കോ​പി​ത​നാ​യ വി​ക്ര​മ​ൻ ബോ​സി നെ ​കു​ത്തു​ക​യാ​യി​രു​ന്നു.

നെ​ഞ്ചി​ലേ​റ്റ ആ​ഴ​ത്തി​ലു​ള​ള മു​റി​വ് മ​ര​ണ കാ​ര​ണ​മാ​യി മാ​റി. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യ​വെ അ​ടു​ത്ത ദി​വ​സം ബോ​സ് മ​ര​ണ​മ​ട​ഞ്ഞു. പ്രോ​സി​ക്യൂ​ഷ​നു വേ​ണ്ടി അ​ഡീ​ഷ​ണ​ൽ പ​ബ്ലി​ക് പ്രോ​സി​ക്യൂ​ട്ട​ർ എ.​ആ​ർ. ഷാ​ജി ഹാ​ജ​രാ​യി.
Copyright @ 2018 , Rashtra Deepika Ltd.