30

കാ​സ​ർ​ഗോ​ഡ്: കെ​എ​സ്ആ​ർ​ടി​സി​യി​ലെ പ്രി​യ​ദ​ർ​ശി​നി സൗ​ജ​ന്യ​യാ​ത്ര സ്വ​കാ​ര്യ ബ​സ് സ​ർ​വീ​സു​ക​ളെ അ​ക്ഷ​രാ​ർ​ത്ഥ​ത്തി​ൽ​ത​ന്നെ ഇ​ല്ലാ​താ​ക്കു​ന്ന സാ​ഹ​ച​ര്യ​ത്തി​ലേ​ക്ക് നീ​ങ്ങു​ന്നു. ജി​ല്ല​യി​ൽ ഈ ​മാ​സം ഇ​തു​വ​രെ 10 സ്വ​കാ​ര്യ ബ​സ് ഉ​ട​മ​ക​ളാ​ണ് സ​ർ​വീ​സ് നി​ർ​ത്തി​വ​യ്ക്കു​ന്ന​തി​നാ​യി ആ​ർ​ടി​ഒ മു​മ്പാ​കെ ജി-​ഫോം സ​മ​ർ​പ്പി​ച്ച​ത്. നേ​ര​ത്തേ അ​ട​ച്ച ത്രൈ​മാ​സ നി​കു​തി​യു​ടെ കാ​ലാ​വ​ധി തീ​രു​ന്ന 30ന് ​സ​ർ​വീ​സ് അ​വ​സാ​നി​പ്പി​ക്കാ​നാ​ണ് ഇ​വ​രു​ടെ തീ​രു​മാ​നം.

സ​ർ​വീ​സ് പൂ​ർ​ണ​മാ​യി നി​ർ​ത്തി​വ​യ്ക്കേ​ണ്ടി​വ​രു​മ്പോ​ൾ മോ​ട്ടോ​ർ​വാ​ഹ​ന വ​കു​പ്പി​ന്‍റെ നി​യ​മ​പ്ര​കാ​രം തു​ട​ർ​ന്നു​ള്ള റോ​ഡ് നി​കു​തി ഒ​ഴി​വാ​ക്കി​ക്കി​ട്ടു​ന്ന​തി​നാ​ണ് ജി-​ഫോം സ​മ​ർ​പ്പി​ക്കേ​ണ്ട​ത്. ഇ​തു സ​മ​ർ​പ്പി​ച്ചു​ക​ഴി​ഞ്ഞാ​ൽ ബ​ന്ധ​പ്പെ​ട്ട സ്വ​കാ​ര്യ ബ​സ് ഓ​ട്ടം നി​ർ​ത്തി​യ​താ​യി ഔ​ദ്യോ​ഗി​ക​രേ​ഖ​യി​ൽ അ​ട​യാ​ള​പ്പെ​ടു​ത്തും.

പ​ശ്ചി​മേ​ഷ്യ​യി​ലെ യു​ദ്ധം മൂ​ലം ഡീ​സ​ലി​ന്‍റെ വി​ല വീ​ണ്ടും കൂ​ടി​യ​തോ​ടെ സ്വ​കാ​ര്യ ബ​സ് വ്യ​വ​സാ​യം ന​ഷ്ട​ത്തി​ലേ​ക്കു നീ​ങ്ങി​യി​രു​ന്നു. ഇ​തി​നു പി​ന്നാ​ലെ​യാ​ണ് കെ​എ​സ്ആ​ർ​ടി​സി ബ​സു​ക​ളി​ൽ സ്ത്രീ​ക​ൾ​ക്ക് സൗ​ജ​ന്യ​യാ​ത്ര അ​നു​വ​ദി​ച്ച​തോ​ടെ സ്വ​കാ​ര്യ ബ​സു​ക​ളി​ലെ യാ​ത്ര​ക്കാ​രു​ടെ എ​ണ്ണം പ​കു​തി​യി​ലും താ​ഴെ​യാ​യി കു​റ​ഞ്ഞ​ത്.

സ്ത്രീ ​യാ​ത്ര​ക്കാ​ർ നാ​മ​മാ​ത്ര​മാ​യി മാ​ത്ര​മാ​ണ് ഇ​പ്പോ​ൾ സ്വ​കാ​ര്യ ബ​സു​ക​ളെ ആ​ശ്ര​യി​ക്കു​ന്ന​ത്. കെ​എ​സ്ആ​ർ​ടി​സി ഓ​ടാ​ത്ത റൂ​ട്ടു​ക​ളി​ൽ നി​ന്നു​പോ​ലും ദേ​ശീ​യ​പാ​ത​യി​ലെ​ത്തു​ന്ന​തു​വ​രെ മാ​ത്രം സ്വ​കാ​ര്യ ബ​സു​ക​ളി​ൽ വ​ന്ന് അ​വി​ടെ വ​ച്ച് കെ​എ​സ്ആ​ർ​ടി​സി​യി​ലേ​ക്ക് മാ​റി​ക്ക​യ​റു​ക​യാ​ണെ​ന്ന് ബ​സ് ഓ​പ്പ​റേ​റ്റേ​ഴ്സ് അ​സോ​സി​യേ​ഷ​ൻ നേ​താ​ക്ക​ൾ പ​റ​യു​ന്നു.
ഇ​തി​നൊ​പ്പം പ​ല സ്വ​കാ​ര്യ ബ​സു​ക​ളും ട്രി​പ്പു​ക​ളു​ടെ എ​ണ്ണം കു​റ​ച്ചി​ട്ടു​ണ്ട്. കു​റ​ച്ചെ​ങ്കി​ലും യാ​ത്ര​ക്കാ​രെ കി​ട്ടു​ന്ന രാ​വി​ലെ​യും വൈ​കി​ട്ടു​മു​ള്ള ട്രി​പ്പു​ക​ളി​ൽ ബ​സ് ഓ​ടി​ച്ച് ഇ​ട​യ്ക്കു​ള്ള ട്രി​പ്പു​ക​ളെ​ല്ലാം ഒ​ഴി​വാ​ക്കു​ക​യാ​ണ് ചെ​യ്യു​ന്ന​ത്. സ്ഥി​തി​ഗ​തി​ക​ൾ ഇ​തേ​പോ​ലെ തു​ട​ർ​ന്നാ​ൽ വ​രും​ദി​വ​സ​ങ്ങ​ളി​ൽ കൂ​ടു​ത​ൽ ബ​സു​ക​ൾ ഓ​ട്ടം നി​ർ​ത്താ​നാ​ണ് സാ​ധ്യ​ത​യെ​ന്ന് ഉ​ട​മ​ക​ൾ പ​റ​യു​ന്നു.

Tags : 10 owners Nattuvishesham District news