30

ഫി​ഫ 2026 ലോ​ക​ക​പ്പി​ലെ സ​ഹ ആ​തി​ഥേ​യ​രാ​യ കാ​ന​ഡ പ്രീ​ക്വാ​ര്‍​ട്ട​റി​ല്‍. ച​രി​ത്ര​ത്തി​ല്‍ ആ​ദ്യ​മാ​യാ​ണ് കാ​ന​ഡ ലോ​ക​ക​പ്പ് ഫു​ട്‌​ബോ​ളി​ന്‍റെ പ്രീ​ക്വാ​ര്‍​ട്ട​റി​ല്‍ പ്ര​വേ​ശി​ക്കു​ന്ന​ത്.

ദ ​റെ​ഡ്‌​സ് (ലെ ​റൂ​ഷ്) എ​ന്ന​റി​യ​പ്പെ​ടു​ന്ന ക​നേ​ഡി​യ​ന്‍ ടീം ​റൗ​ണ്ട് ഓ​ഫ് 32ല്‍ ​ദ​ക്ഷി​ണാ​ഫ്രി​ക്ക​യെ മ​റു​പ​ടി​യി​ല്ലാ​ത്ത ഒ​രു ഗോ​ളി​നു കീ​ഴ​ട​ക്കി അ​വ​സാ​ന 16ല്‍ ​ഇ​ടം​പ​ടി​ച്ചു. ഗോ​ള്‍​ര​ഹി​ത​മാ​യ 90 മി​നി​റ്റി​നു​ശേ​ഷം സ്റ്റോ​പ്പേ​ജ് ടൈ​മി​ല്‍ (90+2) സ്റ്റീ​ഫ​ന്‍ യൂ​സ്റ്റാ​ക്വി​യോ​യാ​ണ് കാ​ന​ഡ​യു​ടെ ക​ന​വ് സ​ഫ​ല​മാ​ക്കി​യ ഗോ​ള്‍ സ്വ​ന്ത​മാ​ക്കി​യ​ത്.

എ​ക്‌​സ്ട്രാ ടൈ​മി​ലേ​ക്കു നീ​ണ്ടേ​ക്കു​മെ​ന്നു തോ​ന്നി​പ്പി​ച്ച സ​മ​യ​ത്താ​യി​രു​ന്നു യൂ​സ്റ്റാ​ക്വി​യോ​യു​ടെ ഗോ​ള്‍. നെ​ത​ര്‍​ല​ന്‍​ഡ്‌​സ്/​മൊ​റോ​ക്കോ മ​ത്സ​ര ജേ​താ​ക്ക​ളാ​ണ് പ്രീ​ക്വാ​ര്‍​ട്ട​റി​ല്‍ കാ​ന​ഡ​യു​ടെ എ​തി​രാ​ളി​ക​ള്‍. ഇ​ന്ത്യ​ന്‍ സ​മ​യം ഇ​ന്നു രാ​വി​ലെ 6.30നാ​ണ് നെ​ത​ര്‍​ല​ന്‍​ഡ്‌​സ് x മൊ​റോ​ക്കോ റൗ​ണ്ട് ഓ​ഫ് 32 പോ​രാ​ട്ടം അ​ര​ങ്ങേ​റു​ന്ന​ത്.

ക​നേ​ഡി​യ​ന്‍ ഹീ​റോ​സ്

ധീ​രോ​ചി​ത പോ​രാ​ട്ട​ത്തി​നു​ശേ​ഷം ച​രി​ത്ര​നേ​ട്ട​ത്തോ​ടെ പ്രീ​ക്വാ​ര്‍​ട്ട​റി​ല്‍ പ്ര​വേ​ശി​ച്ച ടീം ​അം​ഗ​ങ്ങ​ളെ മൈ​താ​ത്തു​വ​ച്ച് കോ​ച്ച് ജെ​സ്സെ മാ​ര്‍​ച്ച് അ​ഭി​സം​ബോ​ധ​ന ചെ​യ്ത​ത് ക​നേ​ഡി​യ​ന്‍ ഹീ​റോ​സ് എ​ന്നാ​യി​രു​ന്നു. ‘നി​ങ്ങ​ള്‍ ക​നേ​ഡി​യ​ന്‍ ഹീ​റോ​സ് ആ​ണ്! ക​നേ​ഡി​യ​ന്‍ ഹീ​റോ​സ്' ജെ​സ്സെ മാ​ര്‍​ച്ച് പ്ര​ഖ്യാ​പി​ച്ചു.

2026 ലോ​ക​ക​പ്പി​ല്‍ കാ​ന​ഡ​യു​ടെ ഗോ​ള്‍​നേ​ട്ടം ഒ​മ്പ​ത് ആ​യി. ഒ​രു ലോ​ക​ക​പ്പ് എ​ഡി​ഷ​നി​ല്‍ കോ​ണ്‍​കാ​കാ​ഫ് മേ​ഖ​ല​യി​ല്‍​നി​ന്നു​ള്ള ടീം ​നേ​ടു​ന്ന ഏ​റ്റ​വും കൂ​ടു​ത​ല്‍ ഗോ​ളാ​ണി​ത്.

1985, 2000 വ​ര്‍​ഷ​ങ്ങ​ളി​ല്‍ കോ​ണ്‍​കാ​കാ​ഫ് ഗോ​ള്‍​ഡ് ക​പ്പ് നേ​ടി​യ​താ​ണ് കാ​ന​ഡ​യു​ടെ ഇ​തു​വ​രെ​യു​ള്ള മി​ക​ച്ച പ്ര​ക​ട​നം. വ​നി​താ വി​ഭാ​ഗ​ത്തി​ല്‍ 2020 ടോ​ക്കി​യോ ഒ​ളി​മ്പി​ക്‌​സ് സ്വ​ര്‍​ണം നേ​ടി​യി​ട്ടു​ണ്ട്.

01

ഫി​ഫ ലോ​ക​ക​പ്പ് ച​രി​ത്ര​ത്തി​ല്‍ സ്വ​ന്തം നാ​ടി​നു പു​റ​ത്ത് നോ​ക്കൗ​ട്ട് ക​ളി​ക്കു​ന്ന ആ​ദ്യ ആ​തി​ഥേ​യ ടീ​മാ​ണ് കാ​ന​ഡ. ഗ്രൂ​പ്പ് ബി​യി​ല്‍ ര​ണ്ടാം സ്ഥാ​ന​ക്കാ​രാ​യ​തോ​ടെ കാ​ന​ഡ​യു​ടെ റൗ​ണ്ട് ഓ​ഫ് 32 മ​ത്സ​രം ക​ലി​ഫോ​ര്‍​ണി​യ​യി​ലെ സോ​ഫി സ്റ്റേ​ഡി​യ​ത്തി​ലാ​യി. കാ​ന​ഡയും അ​മേ​രി​ക്കയും മെ​ക്‌​സി​ക്കോയും സം​യു​ക്ത​മാ​യാ​ണ് 2026 ലോ​ക​ക​പ്പി​ന് ആ​തി​ഥേ​യ​ത്വം വ​ഹി​ക്കു​ന്ന​ത്.

അ​ച്ഛ​നും അ​മ്മ​യ്ക്കു​മാ​യി...

ഇം​ഗ​ല്‍​വു​ഡി​ലെ സോ​ഫി സ്റ്റേ​ഡി​യ​ത്തി​ലാ​യി​രു​ന്നു ദ​ക്ഷി​ണാ​ഫ്രി​ക്ക x കാ​ന​ഡ പോ​രാ​ട്ടം. ലോ​സ് ആ​ഞ്ച​ല​സി​ല്‍​നി​ന്നും 10 മൈ​ല്‍ അ​ക​ലെ​യു​ള്ള സ്റ്റേ​ഡി​യം.

ലോ​സ് ആ​ഞ്ച​ല​സി​ന്‍റെ സ്വ​ന്ത​ക്കാ​ര​നാ​ണ് കാ​ന​ഡ​യു​ടെ വി​ജ​യ​ഗോ​ള്‍ നേ​ടി​യ സ്റ്റീ​ഫ​ന്‍ യൂ​സ്റ്റാ​ക്വി​യോ; അ​മേ​രി​ക്ക​ന്‍ മേ​ജ​ര്‍ ലീ​ഗ് സോ​ക്ക​ര്‍ ക്ല​ബ്ബാ​യ ലോ​സ് ആ​ഞ്ച​ല​സ് എ​ഫ്‌​സി​യു​ടെ താ​രം.

29കാ​ര​നാ​യ മ​ധ്യ​നി​ര​താ​രം പി​റ​ന്ന​ത് കാ​ന​ഡ​യി​ലാ​യി​രു​ന്നെ​ങ്കി​ലും ആ​ദ്യ​കാ​ല​ങ്ങ​ളി​ല്‍ പ​ന്തു​ത​ട്ടിയ​ത് പോ​ര്‍​ച്ചു​ഗ​ലി​നാ​യി. കാ​ന​ഡ​യു​ടെ അ​ണ്ട​ര്‍ 17 ടീ​മി​ല്‍ ക​ളി​ച്ച​ശേ​ഷം പോ​ര്‍​ച്ചു​ഗ​ലി​ന്‍റെ അ​ണ്ട​ര്‍ 21 ടീ​മി​നൊ​പ്പം ചേ​ര്‍​ന്നു.

2019 മു​ത​ല്‍ കാ​ന​ഡ സീ​നി​യ​ര്‍ ടീ​മി​ല്‍. യൂ​സ്റ്റാ​ക്വി​യോ​യു​ടെ മാ​താ​പി​താ​ക്ക​ള്‍ പോ​ര്‍​ച്ചു​ഗീ​സു​കാ​രാ​ണ്. 2023ല്‍ ​ബ്ര​യി​ന്‍ കാ​ന്‍​സ​റി​നെ​ത്തു​ട​ര്‍​ന്ന് അ​മ്മ​യും 2024ല്‍ ​ഹാ​ര്‍​ട്ട് അ​റ്റാ​ക്കി​നെ​ത്തു​ട​ര്‍​ന്ന് പി​താ​വും മ​രി​ച്ച ആ​ഘാ​ത​ത്തി​ലാ​യി​രു​ന്നു യൂ​സ്റ്റാ​ക്വി​യോ.

“അ​വ​ന്‍റെ (യൂ​സ്റ്റാ​ക്വി​യോ) മാ​താ​പി​താ​ക്ക​ള്‍ ഈ ​മു​ഹൂ​ര്‍​ത്തം ആ​കാ​ശ​ങ്ങ​ളി​ലി​രു​ന്നു കാ​ണു​ന്നു​ണ്ടാ​കു​മെ​ന്ന് എ​നി​ക്കു​റ​പ്പാ​ണ്. അ​വി​ശ്വ​സ​നീ​യ​മാ​യ ഒ​രു​സം​ഘം ക​ളി​ക്കാ​രു​ള്ള ഈ ​ടീ​മി​ല്‍, ടീ​മി​ന്‍റെ ച​രി​ത്ര​ജ​യ​ത്തി​നു വ​ഴി​തെ​ളി​ക്കാ​ന്‍ ഇ​ത്ര​യും അ​ര്‍​ഹ​നാ​യ മ​റ്റൊ​രാ​ളി​ല്ല. ഞാ​ന്‍ ശ​രി​ക്കും സ​ന്തു​ഷ്ട​നാ​ണ്”- ക​നേ​ഡി​യ​ന്‍ ടീം ​കോ​ച്ച് ജെ​സ്സെ മാ​ര്‍​ച്ച് പ​റ​ഞ്ഞു.

Tags : FIFA World Cup Football Canada Stephen Eustaquio