4

പാ​ല​ക്കാ​ട്: ജി​ല്ലാ ഭ​ര​ണ​കൂ​ട​ത്തി​ന്‍റെ നേ​തൃ​ത്വ​ത്തി​ൽ അ​ട്ട​പ്പാ​ടി മേ​ഖ​ല​യു​ടെ സ​മ​ഗ്ര വി​ക​സ​ന​ത്തി​നാ​യി രൂ​പ​ക​ല്പ​ന ചെ​യ്ത തു​ണൈ ക​ർ​മ​പ​ദ്ധ​തി​യു​ടെ ഭാ​ഗ​മാ​യി ജി​ല്ലാ ക​ള​ക്ട​ർ എം.​എ​സ്. മാ​ധ​വി​ക്കു​ട്ടി​യു​ടെ നേ​തൃ​ത്വ​ത്തി​ൽ അ​ദാ​ല​ത്ത് ന​ട​ത്തി. അ​ദാ​ല​ത്തി​ൽ 48 പ​രാ​തി​ക​ൾ ല​ഭി​ച്ചു. പ​രാ​തി പ​രി​ഹ​രി​ക്കാ​നാ​യു​ള്ള ന​ട​പ​ടി​ക​ൾ സ്വീ​ക​രി​ക്കു​ന്ന​തി​നാ​യി ബ​ന്ധ​പ്പെ​ട്ട വ​കു​പ്പു​ക​ൾ​ക്ക് കൈ​മാ​റി.

അ​ദാ​ല​ത്തി​ന് ശേ​ഷം അ​ട്ട​പ്പാ​ടി​യി​ലെ പ്ര​ശ്ന​ങ്ങ​ളു​മാ​യി ബ​ന്ധ​പ്പെ​ട്ട് വി​വി​ധ വ​കു​പ്പു​ക​ളു​ടെ അ​വ​ലോ​ക​ന​യോ​ഗ​വും ചേ​ർ​ന്നു. ജി​ല്ലാ ക​ള​ക്ട​റു​ടെ നേ​തൃ​ത്വ​ത്തി​ൽ ജി​ല്ലാത​ല ഉ​ദ്യോ​ഗ​സ്ഥ​ർ അ​ട​ങ്ങു​ന്ന സം​ഘം ഓ​രോ​മാ​സ​വും ബ​ന്ധ​പ്പെ​ട്ട ഓ​രോ ഗ്രാ​മ​പ​ഞ്ചാ​യ​ത്തു​ക​ളി​ൽ നേ​രി​ട്ടെ​ത്തി മേ​ഖ​ല​യി​ലെ ജ​ന​ങ്ങ​ളു​ടെ പ്ര​ശ്ന​ങ്ങ​ൾ​ക്ക് ജ​ന​പ്ര​തി​നി​ധി​ക​ളു​ടെ പ​ങ്കാ​ളി​ത്ത​തോ​ടെ പ​രി​ഹാ​രം ക​ണ്ടെ​ത്തു​ക എ​ന്ന ല​ക്ഷ്യ​ത്തോ​ടെ​യാ​ണ് തു​ണൈ അ​ദാ​ല​ത്ത് ന​ട​ത്തു​ന്ന​ത്.

പു​തൂ​ർ ഗ്രാ​മ​പ​ഞ്ചാ​യ​ത്ത് ക​മ്യൂ​ണി​റ്റി ഹാ​ളി​ൽ ന​ട​ന്ന അ​ദാ​ല​ത്തി​ൽ ഡെ​പ്യൂ​ട്ടി ക​ള​ക്ട​ർ എ​സ്.​എ​സ്. അ​ൽ​ഫ, ഡെ​പ്യൂ​ട്ടി ക​ള​ക്ട​ർ എ​സ്. ശ്രീ​ജി​ത്ത്, അ​ട്ട​പ്പാ​ടി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് മ​രു​തി മു​രു​ഗ​ൻ, അ​ഗ​ളി, ഷോ​ള​യൂ​ർ, പു​തൂ​ർ ഗ്രാ​മ​പ​ഞ്ചാ​യ​ത്ത് ജ​ന​പ്ര​തി​നി​ധി​ക​ൾ, വി​വി​ധ വ​കു​പ്പ് ജി​ല്ലാ ത​ല ഉ​ദ്യോ​ഗ​സ്ഥ​രും അ​ദാ​ല​ത്തി​ൽ പ​ങ്കെ​ടു​ത്തു.

Tags : Attappadi nattuvisesham local news