ചമ്പക്കുളം: മുഖ്യമന്ത്രിയുടെ ദുരിതാശ്വാസനിധിയില്നിന്ന് സഹായം ലഭിക്കുന്നതിലേക്കായി കുട്ടനാട് മണ്ഡലത്തില്നിന്നു 31.08. 2025 വരെ അപേക്ഷ സമർപ്പിച്ച 4822 പേരിൽനിന്നായി അർഹതയുള്ളവരെ കണ്ടെത്തി 5.59 കോടി രൂപ അനുവദിച്ചതായി തോമസ് കെ. തോമസ് എംഎൽഎ അറിയിച്ചു.
1500 അപേക്ഷകളാണ് കാലയളവിൽ മുഖ്യമന്ത്രിയുടെ ദുരിതാശ്വാസ നിധിയിൽ നിന്നും ചികിത്സാ സഹായത്തിനായി സമർപ്പിക്കപ്പെട്ടിരുന്നത്. ഇതിൽ അപൂർണമായതും അനർഹമായതും കണ്ടെത്തി ഒഴിവാക്കിയിട്ടുണ്ട്. അവസാന പാദത്തിൽ ലഭിച്ച കുറെ അപേക്ഷകളിൻമേലുള്ള അന്വേഷണവും അർഹതാ നിർണയവും പൂർത്തിയായി വരുന്നതായി മുഖ്യമന്ത്രിയുടെ ദുരിതാശ്വാസ നിധിയുമായി ബന്ധപ്പെട്ട് പ്രവർത്തിക്കുന്ന സെല്ലിൽനിന്നും അറിയിച്ചതായും എംഎൽഎ പറഞ്ഞു.
ഈ വിഭാഗത്തിലേക്ക് അപേക്ഷിക്കാനുള്ള അർഹതയും മറ്റും അറിയുന്നതിനും അപേക്ഷിക്കുന്നതിനുമായി എംഎൽഎ ഓഫീസുമായി ബന്ധപ്പെടാവുന്നതാണെന്നും എംഎൽഎ അറിയിച്ചു.
Tags : Relief Fund nattuvisesham local news