ഗുരുവായൂർ: മമ്മിയൂരുള്ള വസന്തം ലോട്ടറിക്കടയിലേക്ക് പന്നിപ്പടക്കം എറിഞ്ഞ കേസിലെ പ്രതിയെ ടെമ്പിൾ പോലീസ് അറസ്റ്റ് ചെയ്തു.
പാലക്കാട് വിളയൂർ കരിങ്ങനാട് കാളത്തൊടി വീട്ടിൽ അനീഷ്(32)ആണ് അറസ്റ്റിലായത്.സ്ഫോടക വസ്തു എറിഞ്ഞതിനും ലോട്ടറി ഉടമയുടെ മകന് കേൾവി ശക്തി കുറയുന്നതിന് ഇടയായതിനുമായിരുന്നു കേസ്.
കഴിഞ്ഞ അഞ്ചിന് രാത്രി 9.30 നായിരുന്നു സംഭവം.
മമ്മിയൂർ മുതൽ ചാവക്കാട് വരെയുള്ള സിസിടിവി പരിശോധിച്ചതിനുശേഷമാണ് ചാവക്കാട് ബീച്ചിലെ ഭാര്യവീട്ടിൽനിന്ന് പ്രതിയെ പിടികൂടിയത്.
ടെമ്പിൾ എസ്എച്ച്ഒ വിനോദ് വലിയാട്ടൂരിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.