13

ആ​ലു​വ: ദേ​ശീ​യ​പാ​ത മേ​ൽ​പ്പാ​ല​ത്തി​ന​ടി​യി​ൽ സാ​മൂ​ഹ്യ വി​രു​ദ്ധ​ർ വീ​ണ്ടും താ​വ​ള​മ​ടി​ക്കു​ന്ന​താ​യി പ​രാ​തി. പ​ക​ൽ സ​മ​യ​ങ്ങ​ളി​ൽ​പോ​ലും സം​ഘം തി​രി​ഞ്ഞ് ആ​ക്ര​മ​ണ​വും ബ​ഹ​ള​ങ്ങ​ളും ന​ട​ക്കു​ന്ന​ത് യാ​ത്ര​ക്കാ​ർ​ക്കും ദു​രി​ത​മാ​യി​രി​ക്കു​ക​യാ​ണ്.

ഇ​ന്ന​ലെ​യും നാ​ല പേ​ർ ര​ണ്ട് സം​ഘ​ങ്ങ​ളാ​യി തി​രി​ഞ്ഞ് പ​ര​സ്പ​രം ആ​ക്ര​മി​ച്ചു. ക​ല്ലെ​ടു​ത്ത് ത​ല​യ്ക്ക​ടി​ക്കാ​ൻ നോ​ക്കു​ന്ന​തും വ​ഴി​യാ​ത്ര​ക്കാ​ർ എ​ടു​ത്ത ചി​ത്ര​ങ്ങ​ളി​ൽ കാ​ണാം. ഇ​വ​രി​ൽ നി​ന്ന് ആ​ക്ര​മ​ണം ഭ​യ​ന്ന് സ​മീ​പ​ത്തെ വ്യാ​പാ​രി​ക​ളോ കാ​ൽ​ന​ട​ക്കാ​രോ അ​ടു​ക്കാ​റി​ല്ല.

ക​ഴി​ഞ്ഞ ദി​വ​സം ആ​ക്ര​മ​ണം ക​ണ്ട് പി​ന്തി​രി​പ്പി​ക്കാ​ൻ ചെ​ന്ന​യാ​ൾ​ക്കും ആ​ക്ര​മ​ണ​മേ​റ്റി​രു​ന്നു.

ദേ​ശീ​യ​പാ​ത​യു​ടെ ബൈ​പാ​സ് മേ​ൽ​പ്പാ​ല​ത്തി​ന് സ​മാ​ന്ത​ര​മാ​യി കൊ​ച്ചി മെ​ട്രോ​യു​ടെ തൂ​ണു​ക​ളും പോ​കു​ന്നു​ണ്ട്. അ​തി​നാ​ൽ ആ​ലു​വ ടൗ​ണി​ലെ ഈ ​മേ​ഖ​ല​യി​ൽ വെ​യി​ലോ മ​ഴ​യോ ശ​ല്യ​മ​ല്ല.

ഈ ​സൗ​ക​ര്യം ഉ​പ​യോ​ഗി​ച്ചാ​ണ് സാ​മൂ​ഹ്യ വി​രു​ദ്ധ​ർ 24 മ​ണി​ക്കൂ​റും ഇ​വി​ടെ ത​മ്പ​ടി​ക്കു​ന്ന​ത്. ഇ​തി​നി​ട​യി​ൽ മ​ദ്യ​പാ​നം, മ​യ​ക്കു​മ​രു​ന്നു​പ​യോ​ഗം എ​ന്നി​വ​യും ന​ട​ക്കു​ന്നു​ണ്ട്.

ഇ​വി​ടെ പാ​ർ​ക്ക് ചെ​യ്യു​ന്ന ഇ​രു​ച​ക്ര​വാ​ഹ​ന​ങ്ങ​ൾ മോ​ഷ​ണം പോ​കു​ന്ന​താ​യും പ​രാ​തി​യു​ണ്ട്. സ്വ​കാ​ര്യ ബ​സ് സ്റ്റാ​ൻ​ഡി​ൻെ​റ പി​ൻ​വ​ശം, പ​ച്ച​ക്ക​റി മാ​ർ​ക്ക​റ്റ്, പ​ല​ച​ര​ക്ക് മാ​ർ​ക്ക​റ്റ്, മീ​ൻ മാ​ർ​ക്ക​റ്റ്, ആ​ലു​വ മെ​ട്രോ സ്റ്റേ​ഷ​ൻ തു​ട​ങ്ങി​യ പ്ര​വ​ർ​ത്തി​ക്കു​ന്ന മേ​ഖ​ല​യാ​ണ്.മേ​ൽ​പ്പാ​ല​ത്തി​നി​ട​യി​ലൂ​ടെ വേ​ണം യാ​ത്ര​ക്കാ​ർ​ക്ക് ക​ട​ന്നു പോ​കാ​ൻ. ഇ​വി​ടെ വൃ​ത്തി​ഹീ​ന​വു​മാ​ണ്. കൊ​ച്ചി മെ​ട്രോ സ്ഥാ​പി​ച്ചി​രു​ന്ന പൂ​ന്തോ​ട്ട​ങ്ങ​ൾ ന​ശി​പ്പി​ച്ചും ക​ള​ഞ്ഞു. ഏ​റ്റ​വും കൂ​ടു​ത​ൽ യാ​ത്ര​ക്കാ​ർ ക​ട​ന്നു പോ​കു​ന്ന ആ​ലു​വ​യി​ലെ ഈ ​മേ​ഖ​ല​യി​ൽ ക​യ്യേ​റ്റ​വും വ്യാ​പ​ക​മാ​ണ്.

ആ​ര് മു​ൻ​കൈ എ​ടു​ക്ക​ണ​മെ​ന്ന ത​ർ​ക്ക​ത്തി​ലാ​ണ് ദേ​ശീ​യ പാ​താ അ​തോ​റി​റ്റി​യും ആ​ലു​വ ന​ഗ​ര​സ​ഭ​യും . കൈ​യ്യേ​റ്റം ഒ​ഴി​വാ​ക്കി സൗ​ന്ദ​ര്യ​വ​ൽ​ക്ക​രി​ക്ക​ണ​മെ​ന്നാ​ണ് ദേ​ശീ​യ​പാ​താ അ​തോ​റി​റ്റി​യോ​ടും ആ​ലു​വ ന​ഗ​ര​സ​ഭ​യോ​ടും വ്യാ​പാ​രി​ക​ളും നാ​ട്ടു​കാ​രും ആ​വ​ശ്യ​പ്പെ​ടു​ന്ന​ത്.

Tags : NattuVishesham DistrictNews