ക​റ്റാ​നം: ക​രി​മു​ട്ട​ത്ത് ജം​ഗ്‌​ഷ​ൻ-​ക​ണ്ണ​ങ്ക​ര ജം​ഗ്‌​ഷ​ൻ റോ​ഡി​ലൂ​ടെ നാ​ട്ടു​കാ​ർ​ക്ക് ദു​രി​ത​യാ​ത്ര. മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച് നി​ല​വി​ലു​ണ്ടാ​യി​രു​ന്ന റോ​ഡി​ന്‍റെ ടാ​റിം​ഗ് ഇ​ള​ക്കി പു​ന​ർ​നി​ർ​മാ​ണ​ത്തി​നാ​യി മെ​റ്റ​ൽ വി​രി​ച്ചി​ട്ട റോ​ഡി​ലാ​ണ് യാ​ത്രാ ദു​രി​തം. നി​ർ​മാ​ണ​ത്തി​നാ​യി വി​രി​ച്ച മെ​റ്റ​ൽ ഇ​ള​കി​ക്കി​ട​ക്കു​ന്ന​ത് ഇ​രു​ച​ക്ര​വാ​ഹ​ന യാ​ത്രി​ക​ർ​ക്ക് ഇ​പ്പോ​ൾ അ​പ​ക​ട​ക്കെ​ണി​യാ​യി മാ​റി.
ഇ​ള​കി​ക്കി​ട​ക്കു​ന്ന മെ​റ്റ​ലി​ൽ ക​യ​റി സ്ത്രീ​ക​ള​ട​ക്കം ഒ​ട്ടേ​റെ ഇ​രു​ച​ക്ര​വാ​ഹ​ന യാ​ത്രി​ക​രാ​ണ് അ​പ​ക​ട​ത്തി​ൽ​പ്പെ​ടു​ന്ന​ത്. മെ​റ്റ​ൽ തു​ള​ച്ചു​ക​യ​റി ഇ​രു​ച​ക്ര​വാ​ഹ​ന​ങ്ങ​ളു​ടെ ട​യ​ർ പ​ഞ്ച​റാ​കു​ന്ന​തും പ​തി​വാ​ണ്. വ​ർ​ഷ​ങ്ങ​ളാ​യി ഈ ​റോ​ഡ് ടാ​റിം​ഗ് ഇ​ള​കി കു​ണ്ടും കു​ഴി​ക​ളു​മാ​യി വെ​ള്ള​ക്കെ​ട്ടാ​യ നി​ല​യി​ലാ​യി​രു​ന്നു. പ്ര​ദേ​ശ​വാ​സി​ക​ളു​ടെ നി​ര​ന്ത​ര​മു​ള്ള ആ​വ​ശ്യം പ​രി​ഗ​ണി​ച്ചാ​ണ് റോ​ഡ് പു​ന​ർ​നി​ർ​മി​ക്കാ​ൻ മു​ൻ ജി​ല്ല പ​ഞ്ചാ​യ​ത്തം​ഗം നി​കേ​ഷ് ത​മ്പി ഇ​ട​പെ​ട്ട് ജി​ല്ല പ​ഞ്ചാ​യ​ത്ത് ഫ​ണ്ടി​ൽ​നി​ന്ന് 50 ല​ക്ഷം രൂ​പ അ​നു​വ​ദി​പ്പി​ച്ച​ത്.

നി​ർ​മാ​ണ​ത്തി​നാ​യി റോ​ഡ് പൊ​ളി​ച്ച് മെ​റ്റ​ൽ നി​ര​ത്തി​യി​ട്ട് എ​ട്ടു​മാ​സ​മാ​യി. ക​ഴി​ഞ്ഞ മാ​ർ​ച്ച് മാ​സ​ത്തി​ൽ നി​യ​മ​സ​ഭാ തെ​ര​ഞ്ഞെ​ടു​പ്പ് പ്ര​ഖ്യാ​പി​ക്കു​ന്ന​തി​ന്‌ ഏ​താ​നും ദി​വ​സം മു​മ്പാ​ണ് നി​ല​വി​ലു​ണ്ടാ​യി​രു​ന്ന ടാ​റിം​ഗ് മ​ണ്ണു​മാ​ന്തി​യ​ന്ത്ര​മു​പ​യോ​ഗി​ച്ച് ഇ​ള​ക്കി​യ​ശേ​ഷം മെ​റ്റ​ൽ വി​രി​ച്ച​ത്. മാ​സ​ങ്ങ​ൾ ക​ഴി​ഞ്ഞി​ട്ടും പി​ന്നീ​ട് പ​ണി​ക​ളൊ​ന്നും ന​ട​ന്നി​ല്ല.

ക​റ്റാ​നം-​ചൂ​നാ​ട് റോ​ഡി​നെ​യും ക​റ്റാ​നം-​ക​ണ്ണ​നാ​കു​ഴി വ​ഴി നാ​മ്പു​കു​ള​ങ്ങ​ര​യി​ലേ​ക്കു​ള്ള റോ​ഡി​നെ​യും ബ​ന്ധി​പ്പി​ക്കു​ന്ന പ്ര​ധാ​ന പാ​ത​യാ​ണി​ത്. ക​റ്റാ​നം തെ​ക്ക്, ഇ​ലി​പ്പ​ക്കു​ളം വ​ട​ക്ക് വാ​ർ​ഡു​ക​ളി​ലെ ജ​ന​ങ്ങ​ൾ ക​റ്റാ​നം ജം​ഗ്‌​ഷ​നി​ലേ​ക്കു പോ​കാ​നും കെ.​പി. റോ​ഡി​ൽ കോ​യി​ക്ക​ൽ​ച​ന്ത​യി​ലെ​ത്തി വി​വി​ധ സ്ഥ​ല​ങ്ങ​ളി​ലേ​ക്കു പോ​കാ​നും ഉ​പ​യോ​ഗി​ക്കു​ന്ന ഏ​ക​മാ​ർ​ഗ​മാ​ണി​ത്. റോ​ഡ് അ​ടി​യ​ന്ത​ര​മാ​യി സ​ഞ്ചാ​ര​യോ​ഗ്യ​മാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

Tags : NattuVishesham DistrictNews