കൊ​ര​ട്ടി: വ്ര​ത​ശു​ദ്ധി​യോ​ടെ​യും പാ​ര​മ്പ​ര്യ ആ​ചാ​ര​ങ്ങ​ൾ കാ​ത്തു​സൂ​ക്ഷി​ച്ചും കൊ​ര​ട്ടി​മു​ത്തി​യു​ടെ തി​രു​നാ​ളി​ൽ ഉ​പ​ചാ​രം ചൊ​ല്ലാ​ൻ പാ​ക്ക​നാ​ർ സം​ഘ​മെ​ത്തി. ത​ല​മു​റ​ക​ളാ​യി തു​ട​ർ​ന്നു​വ​രു​ന്ന വി​ശ്വാ​സാ​ചാ​ര​ത്തി​ന്‍റെ ഭാ​ഗ​മാ​യി ആ​റ്റ​പ്പാ​ട​ത്തെ സ​മു​ദാ​യ ക്ഷേ​ത്ര​ത്തി​ൽ​നി​ന്നു​ള്ള 24 കു​ടും​ബ​ങ്ങ​ളി​ലെ പ്ര​തി​നി​ധി​ക​ളാ​ണ് പ്ര​ധാ​ന തി​രു​നാ​ൾ​ദി​ന​മാ​യ ഇ​ന്ന​ലെ കൊ​ര​ട്ടി പ​ള്ളി​യി​ലെ​ത്തി​യ​ത്.
സ്ത്രീ​ക​ളു​ടെ മു​ടി​യാ​ട്ട​വും തെ​യ്യ​വും വാ​ദ്യ​മേ​ള​ങ്ങ​ളു​മ​ട​ക്ക​മു​ള്ള നാ​ട​ൻ ക​ലാ​രൂ​പ​ങ്ങ​ൾ പ്ര​ദ​ക്ഷി​ണ​ത്തി​നു പൈ​തൃ​ക​ത്ത​നി​മ പ​ക​ർ​ന്നു. മൂ​ന്നു കി​ലോ​മീ​റ്റ​ർ അ​ക​ലെ​യു​ള്ള വെ​ളു​ത്തു​പ​റ​മ്പി​ൽ ഭ​ദ്ര​കാ​ളി മു​ത്ത​പ്പ​ൻ ക്ഷേ​ത്ര​ത്തി​ൽ​നി​ന്ന് പു​റ​പ്പെ​ട്ട സം​ഘം ഇ​ന്ന​ലെ ഉ​ച്ച​യോ​ടെ കി​ഴ​ക്കേ ക​പ്പേ​ള​യ്ക്കു സ​മീ​പ​ത്തെ​ത്തി. വ​ഴി​നീ​ളെ വി​വി​ധ​യി​ട​ങ്ങ​ളി​ൽ സം​ഘ​ത്തി​നു സ്വീ​ക​ര​ണ​വും ല​ഭി​ച്ചു. മു​ത്തി​യു​ടെ അ​ത്ഭു​ത​രൂ​പം വ​ഹി​ച്ച് നാ​ല​ങ്ങാ​ടി ചു​റ്റി​യു​ള്ള പ്ര​ദ​ക്ഷി​ണം കി​ഴ​ക്കേ ക​പ്പേ​ള​യി​ലെ ത്തി​യ​പ്പോ​ൾ പാ​ക്ക​നാ​ർ സം​ഘ​വും അ​തി​നൊ​പ്പം ചേ​ർ​ന്നു.

പ്ര​ദ​ക്ഷി​ണം ദേ​വാ​ല​യ​ത്തി​ലെ​ത്തി​യ​ശേ​ഷം തി​രു​ന​ട​യി​ൽ പ​റ നി​റ​ച്ചും വ​ർ​ഷം​തോ​റും ല​ഭി​ക്കു​ന്ന ദ​ക്ഷി​ണ സ്വീ​ക​രി​ച്ചു​മാ​ണ് സം​ഘം മ​ട​ങ്ങി​യ​ത്. പാ​ക്ക​നാ​ർ വം​ശ​വും കൊ​ര​ട്ടി പ​ള്ളി​യു​മാ​യു​ള്ള ച​രി​ത്ര​ബ​ന്ധ​ത്തി​ന്‍റെ ഓ​ർ​മ പു​തു​ക്കു​ന്ന ഈ ​സ​മ​ർ​പ്പ​ണം കാ​ല​ങ്ങ​ളാ​യി മു​ട​ങ്ങാ​തെ തു​ട​രു​ന്ന ആ​ചാ​ര​മാ​ണ്.
കൊ​ച്ചി രാ​ജാ​ക്ക​ന്മാ​രു​ടെ ഭ​ര​ണ​കാ​ല​ത്ത് പ്ര​ദേ​ശ​ത്തി​ന്‍റെ ചു​മ​ത​ല പ​റ​ക്കാ​ട്ടി ത​മ്പു​രാ​ട്ടി​ക്കാ​യി​രു​ന്നു​വെ​ന്നും കോ​ട​ശേ​രി ക​ർ​ത്താ​ക്ക​ൾ പ​ട​യു​മാ​യി എ​ത്തി​യ​പ്പോ​ൾ പാ​ക്ക​നാ​രാ​ണ് ത​മ്പു​രാ​ട്ടി​ക്ക് അ​ഭ​യം ന​ൽ​കി​യ​തെ​ന്നു​മാ​ണ് വി​ശ്വാ​സം. ഇ​തി​നു പ്ര​ത്യു​പ​കാ​ര​മാ​യി പാ​ക്ക​നാ​ർ വം​ശ​ത്തി​ന് ല​ഭി​ച്ച ഭൂ​മി​യി​ലാ​ണ് ക്ഷേ​ത്രം സ്ഥാ​പി​ച്ച​തെ​ന്നും ക​രു​ത​പ്പെ​ടു​ന്നു. തു​ട​ർ​ന്നാ​ണ് സ​മീ​പ​ത്തെ ആ​രാ​ധ​നാ​കേ​ന്ദ്ര​മാ​യ കൊ​ര​ട്ടി പ​ള്ളി​യി​ലേ​ക്കും വ​ർ​ഷം​തോ​റു​മു​ള്ള സ​മ​ർ​പ്പ​ണം ആ​രം​ഭി​ച്ച​ത്. വി.​കെ. കു​മാ​ര​ൻ, വി.​ആ​ർ. രാ​മ​കൃ​ഷ്ണ​ൻ, വി.​സി. അ​യ്യ​പ്പ​ൻ, വി.​കെ. സു​ബ്ര​ൻ എ​ന്നി​വ​രു​ടെ നേ​തൃ​ത്വ​ത്തി​ലാ​ണു പാ​ക്ക​നാ​ർ സം​ഘം പ​ള്ളി​യി​ലെ​ത്തി​യ​ത്.

Tags : NattuVishesham DistrictNews