കേരള പുലയന് മഹാസഭ തൊടുപുഴ താലൂക്ക് യൂണിയന്റെ നേതൃത്വത്തില് നടത്തിയ അയ്യങ്കാളി ജയന്തി ദിനാഘോഷം ചീഫ് വിപ്പ് അപു ജോണ് ജോസഫ് ഉദ്ഘാടനം ചെയ്യുന്നു.
തൊടുപുഴ: സമൂഹത്തിലെ പിന്നാക്ക വിഭാഗങ്ങള്ക്ക് പുരോഗതി കൈവരിക്കാന് കഴിയാത്ത അവസ്ഥ ഇന്നും നിലനില്ക്കുന്നുണ്ടെന്നും അവരെ സമൂഹത്തിന്റെ മുഖ്യധാരയിലേക്ക് ഉയര്ത്താനുള്ള പരിശ്രമം ഉണ്ടാകണമെന്നും ചീഫ് വിപ്പ് അപു ജോണ് ജോസഫ് പറഞ്ഞു.
കേരള പുലയന് മഹാസഭ താലൂക്ക് യൂണിയന്റെ നേതൃത്വത്തില് നടത്തിയ അയ്യങ്കാളിയുടെ ജയന്തി ദിനാഘോഷം ഉദ്ഘാടനം ചെയ്യുകയായിരുന്നു അദ്ദേഹം. താലൂക്ക് പ്രസിഡന്റ് സി.കെ. ഗോപാലന് അധ്യക്ഷത വഹിച്ചു.
സംസ്ഥാന പ്രസിഡന്റ് എന്.കെ. ഉണ്ണികൃഷ്ണന്, സെക്രട്ടറി പി.എ. ചന്ദ്രന്, മുന് ജനറല് സെക്രട്ടറി പി.പി. അനില്കുമാര്, ബിജു കെ. കുമാരന്, പി. ശാരദ, സി.എസ്. സൈജു, പി.വി. പൊന്നപ്പന്, പി.കെ.ഹരിഹരന് തുടങ്ങിയവര് പ്രസംഗിച്ചു. സമ്മേളനത്തില് പി. ശാരദയ്ക്ക് മഹാസഭ താലൂക്ക് കമ്മിറ്റി അയ്യങ്കാളി പുരസ്കാരവും സമ്മാനിച്ചു.
Tags : Nattuvishesham DistrictNews DeepikaNews Backward