17

നെ​യ്യാ​ർ​ഡാം: കാ​ടുനിറഞ്ഞ് ഇ​ഴ​ജ​ന്തു​ക്ക​ൾ താ​മ​സ​മാ​ക്കി​യ പാ​ർ​ക്കി​ന് ശാ​പമോ​ക്ഷം. നെ​യ്യാ​ർ​ഡാ​മി​ലെ കു​ട്ടി​ക​ളു​ടെ പാ​ർ​ക്ക് ഇ​നി പു​തി​യ രൂ​പ​ത്തി​ൽ. വ​രു​ന്ന ഓ​ണ​ത്തി​ന് പാ​ർ​ക്ക് കു​ട്ടി​ക​ൾ​ക്കാ​യി തു​റ​ന്നു​കൊ​ടു​ക്കും. 30 ല​ക്ഷം രൂ​പ​യ്ക്കു​ള്ള ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്കം കു​റി​ച്ചു. വ​ള​രെ ദ​യ​നീ​യ​മാ​യി​രു​ന്നു നെ​യ്യാ​ർ ഡാ​മി​ലെ കു​ട്ടി​ക​ളു​ടെ പാ​ർ​ക്കിന്‍റെ സ്ഥിതി. കാ​ടു​മൂ​ടി​യ ഉ​ദ്യാ​ന​ത്തി​ൽ ഇ​ഴ​ജ​ന്തു​ക്ക​ളും പി​ന്നെ തു​രു​മ്പി​ച്ച ഉ​പ​ക​ര​ണ​ങ്ങ​ളും മാത്രമായിരുന്നു ഉ ണ്ടായിരുന്നത്.

അ​ഗ​സ്ത്യ​മ​ല​നി​ര​ക​ളി​ൽ നി​ന്നും ചു​ര​ത്തു​ന്ന നെ​യ്യാ​റി​നെ മെ​രു​ക്കി നെ​യ്യാ​ർ അ​ണ​കെ​ട്ടി​യ​ത് 1956 ൽ ആണ്. അ​ണ​ക്കെ​ട്ട് നി​ർ​മി​ക്കു​മ്പോ​ൾ അ​തി​നെ ഒ​രു വി​നോ​ദ​സ​ഞ്ചാ​ര​കേ​ന്ദ്ര​വു​മാ​ക്ക​ണ​മെ​ന്ന ആ​ശ​യ​ത്തിന്‍റെ പി​ൻ​ബ​ല​ത്തി​ലാ​ണ് ഇ​വി​ടെ ഉ​ദ്യാ​നം പി​റ​ന്ന​ത്. പി​ന്നാ​ലെ കു​ട്ടി​ക​ൾ​ക്കാ​യി പാ​ർ​ക്കും തു​ട​ങ്ങി. ഒ​രു കാ​ല​ത്ത് നാ​ടി​ന്‍റെ വി​വി​ധ​യി​ട​ങ്ങ​ളി​ൽ നി​ന്നും അ​യ​ൽ സം​സ്ഥാ​ന​ത്തു​നി​ന്നു​പോ​ലും വ​രു​ന്ന സ​ഞ്ചാ​രി​ക​ളു​ടെ പ്ര​ധാ​ന ആ​ക​ർ​ഷ​ണ​കേ​ന്ദ്ര​മാ​യി​രു​ന്നു കു​ട്ടി​ക​ളു​ടെ പാ​ർ​ക്ക്. അ​ണ​ക്കെ​ട്ടി​നോ​ടു ചേ​ർ​ന്ന് വി​ശാ​ല​മാ​യ സ്ഥ​ല​ത്താ​ണ് പാ​ർ​ക്ക് നി​ർ​മിച്ച​ിരുന്നത്.

പാർക്കി ലേക്ക് ഒരുകാലത്ത് കു​ട്ടി​ക​ളു​ടെ ഒ​ഴു​ക്കാ​യി​രു​ന്നു. എ​ന്നാ​ൽ ഇ​പ്പോ​ൾ കാ​ടു​മൂ​ടി​യ പാ​ർ​ക്കാ​ണ് കാ​ണാ​ൻ ക​ഴി​യു​ന്ന​ത്. മാ​ത്ര​മ​ല്ല ഇ​ഴ​ജ​ന്തു​ക്ക​ളു​ടെ കേ​ന്ദ്ര​വും കൂ​ടി​യാ​യി ഈ ​പാ​ർ​ക്ക് മാറി. അ​റ്റ​കു​റ്റ​പ​ണി​ക​ൾ ന​ട​ത്താ​തി​നാ​ൽ പാ​ർ​ക്കി​ലെ ഉ​പ​ക​ര​ണ​ങ്ങ​ളും തു​രു​ന്പുകയ​റി ന​ശി​ച്ചു. പാ​ർ​ക്കി​ലെ ന​ട​പ്പാ​ത നാ​ശ​ത്തി​നന്‍റെ വ​ക്കി​ലാ​യി മാ​റി.

വ​ർ​ഷം തോ​റും കു​ട്ടി​ക​ളു​ടെ പാ​ർ​ക്ക് മി​നു​ക്കു​പ​ണി ന​ട​ത്താ​ൻ ഫ​ണ്ട് വ​ക​യി​രു​ത്താ​റു​ണ്ട്. അ​ണ​ക്കെ​ട്ടി​ന്‍റെ ഉ​ദ്യാ​ന ​ന​വീ​ക​ര​ണ​വും റ​സ്റ്റ്ഹൗ​സ് ന​വീ​ക​ര​ണ​വും കാ​ന്‍റീൻ നി​ർ​മാ​ണ​വും ഉ​ൾ​പ്പ​ടെ പ​ണി ആ​രം​ഭി​ക്കു​ക​യും ചെ​യ്യാ​നാ​യി​രു​ന്നു പ​ദ്ധ​തി. എ​ന്നാ​ൽ മ​റ്റു പ​ദ്ധ​തി​ക​ൾ പൂ​ർ​ത്തി​യാ​യി​ട്ടും കു​ട്ടി​ക​ളു​ടെ പാ​ർ​ക്കി​നെ അധികൃതർ അ​വ​ഗ​ണി​ക്കുകയായിരുന്നു. പ​രാ​തി ഉ​യ​ർ​ന്ന​തി​നെ തു​ട​ർ​ന്നാ​ണ് പാ​ർ​ക്കി​നെ അ​ധി​കൃത​ർ ശ്ര​ദ്ധി​ച്ച​ത്. സ്ഥ​ലം എം​എ​ൽ​എ സി.​കെ. ഹ​രീ​ന്ദ്ര​ൻ ഇ​ക്കാ​ര്യ​ത്തി​ൽ ഇ​ട​പെ​ടു​ക​യും ചെ​യ്തു. തു​ട​ർ​ന്നാ​ണ് പാ​ർ​ക്കി​നാ​യി ഫ​ണ്ടി​ടു​ന്ന​ത്.

30 ല​ക്ഷം രൂ​പ​യാ​ണ് പാ​ർ​ക്കി​നാ​യി ടൂ​റി​സം വ​കു​പ്പ് വി​നി​യോ​ഗി​ക്കു​ന്ന​ത്. ഇ​തി​ന​കം പാ​ർ​ക്കി​ന​ക​ത്തെ കാ​ടു വെട്ടിമാ​റ്റി. തു​രു​മ്പി​ച്ച ഉ​പ​ക​ര​ണ​ങ്ങ​ളും നീ​ക്കം ചെ​യ്തു. ആ​ധു​നി​ക സൗ​ക​ര്യ​ങ്ങ​ളോ​ടെ​യാ​വും പാ​ർ​ക്ക് ന​വീ​ക​രി​ക്കു​ക. ഇ​തി​നാ​യുള്ള ഉ​പ​ക​ര​ണ​ങ്ങ​ൾ എ​ത്തി ക​ഴി​ഞ്ഞു. പാ​ർ​ക്കി​ന​ക​ത്ത് പ്ര​ത്യേ​ക കൂ​ടാ​ര​ങ്ങ​ളും സ​ജ്ജ​മാ​ക്കും.

പു​തി​യ രീ​തി​യി​ലെ ഊ​ഞ്ഞാ​ൽ നി​ർ​മിക്കും. കു​ട്ടി​ക​ൾ​ക്കാ​യി സൈ​ക്കിൾ പാ​ർ​ക്കും നി​രീ​ക്ഷ​ണ കാ​മ​റ​ക​ളും സ്ഥാ​പി​ക്കുന്നു ണ്ട്. കു​ട്ടി​ക​ൾ​ക്കാ​യി റൈ​ഡു​ക​ൾ, ഇ​രി​പ്പി​ട​ങ്ങ​ൾ, വൈ​ദ്യു​ത ദീ​പാ​ല​ങ്കാ​ര​ങ്ങ​ൾ, എന്നിവയും ഉ​ദ്യാ​ന​ ന​വീ​ക​ര​ണ പ​ദ്ധ​തി​യു​ടെ ഭാ​ഗ​മാ​ണ്.​ വ​രു​ന്ന ഓ​ണ​ക്കാ​ല​ത്ത് പാ​ർ​ക്ക് കു​ട്ടി​ക​ൾ​ക്കാ​യി തു​റ​ന്നു കൊ​ടു​ക്കാ​നാ​ണ് ബ​ന്ധ​പ്പെ​ട്ട​വ​ർ ശ്ര​മി​ക്കു​ന്ന​ത്.

Tags : Local News Nattuvishesham Thiruvananthapuram