മുണ്ടക്കയം മിനി സിവിൽ സ്റ്റേഷന്റെ ശിലാസ്ഥാപനകർമം റവന്യുമന്ത്രി കെ. രാജൻ ഓൺലൈനായി നിർവഹിക്കുന്നു.
മുണ്ടക്കയം: മുണ്ടക്കയം മിനി സിവിൽ സ്റ്റേഷന്റെ നിർമാണോദ്ഘാടനം റവന്യുമന്ത്രി കെ. രാജൻ ഓൺലൈനായി നിർവഹിച്ചു. മുണ്ടക്കയം പുത്തൻചന്തയിലുള്ള റവന്യുഭൂമിയിലാണ് അത്യാധുനിക സൗകര്യങ്ങളോടെയുള്ള സിവിൽ സ്റ്റേഷൻ ഉയരുന്നത്.
സെബാസ്റ്റ്യൻ കുളത്തുങ്കൽ എംഎൽഎയുടെ ആസ്തി വികസന ഫണ്ടിൽനിന്ന് അഞ്ചു കോടി രൂപ വിനിയോഗിച്ചാണ് പദ്ധതി നടപ്പിലാക്കുന്നത്. പുത്തൻചന്തയിൽ മുന്പ് കെഎസ്ആർടിസിക്കായി നിർമിച്ച കെട്ടിടം കൂടി പ്രയോജനപ്പെടുത്തുന്ന രീതിയിലാണ് പുതിയ സിവിൽ സ്റ്റേഷന്റെ രൂപകല്പന.
മുണ്ടക്കയം പഞ്ചായത്ത് കോൺഫറൻസ് ഹാളിൽ നടന്ന ചടങ്ങിൽ സെബാസ്റ്റ്യൻ കുളത്തുങ്കൽ എംഎൽഎ അധ്യക്ഷത വഹിച്ചു. കോട്ടയം ആർഡിഒ പി. ഷിബു, ജില്ലാ പഞ്ചായത്തംഗം പി. ജീരാജ്, കോരുത്തോട് പഞ്ചായത്ത് പ്രസിഡന്റ് പി.എൻ. പീതാംബരൻ, പഞ്ചായത്ത് അംഗങ്ങളായ സി.വി. അനിൽ കുമാർ, ബെന്നി നെയ്യൂർ, ടി.ടി. സാബു, റോയ് കപ്പലുമാക്കൽ, കാഞ്ഞിരപ്പള്ളി തഹസിൽദാർ അനീഷ്, വിവിധ രാഷ്ട്രീയകക്ഷി പ്രതിനിധികൾ തുടങ്ങിയവർ പ്രസംഗിച്ചു.