കുടുംബസംഗമത്തിൽ അഡ്വ. ജിമ്മി ചെറുകാട്ടിൽ പ്രസംഗിക്കുന്നു.
കൂടരഞ്ഞി: ഗ്രീൻസ് കൂടരഞ്ഞിയുടെ നേതൃത്വത്തിൽ കുടുംബസംഗമം സംഘടിപ്പിച്ചു. കൂടരഞ്ഞി പാരിഷ് ഹാളിൽ നടന്ന സംഗമത്തിൽ ഗ്രീൻസ് വൈസ് പ്രസിഡന്റ് അഡ്വ. ജിമ്മി ചെറുകാട്ടിൽ അധ്യക്ഷത വഹിച്ചു. കുടുംബാംഗങ്ങൾ തമ്മിലുള്ള സ്നേഹബന്ധങ്ങളും സൗഹൃദവും ശക്തിപ്പെടുത്തുന്നതിലൂടെ മാനസിക സന്തോഷവും ആത്മവിശ്വാസവും വർധിപ്പിക്കാനാകുമെന്ന് സംഗമം ചൂണ്ടിക്കാട്ടി. ജയേഷ് സ്രാമ്പിക്കൽ, ടോമി പ്ലാത്തോട്ടം, അഗസ്റ്റിൻ മുതലക്കുഴിയിൽ, ഷിജോ പന്തപ്പിള്ളിൽ എന്നിവർ പ്രസംഗിച്ചു. സിൽവിൻ പുതുപ്പള്ളി, ജോളി കാരക്കാട്ടിൽ, ജോയി മച്ചുകുഴിയിൽ, തോമസ് തറപ്പേൽ, ഷെർലറ്റ് പോൾ, സാജു വേലിക്കകത്ത് എന്നിവർ നേതൃത്വം നൽകി.