തിരുവമ്പാടി മണ്ഡലം കോൺഗ്രസ് വാർഡ് പ്രസിഡന്റുമാരുടെ ശില്പശാലയുടെ ഉദ്ഘാടനം എഐസിസി ജനറൽ സെക്രട്ടറി ദീപാ ദാസ് മുൻഷി നിർവഹിക്കുന്നു.
കോടഞ്ചേരി: മലയോരമേഖലയിലെ കർഷകരുടെ പ്രശ്നങ്ങൾ കേന്ദ്ര-സംസ്ഥാന സർക്കാരുകൾ അവഗണിക്കുകയാണെന്ന് എഐസിസി ജനറൽ സെക്രട്ടറി ദീപാ ദാസ് മുൻഷി. തിരുവമ്പാടി മണ്ഡലം കോൺഗ്രസ് വാർഡ് പ്രസിഡന്റുമാരുടെ ശില്പശാല ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. മനുഷ്യ വന്യമൃഗ സംഘർഷം തടയാൻ ഗവൺമെന്റുകൾ കാലാനുസൃതമായി ഒന്നും ചെയ്യുന്നില്ല.
കോൺഗ്രസ് അധികാരത്തിൽ വന്നാൽ കർഷകരുടെ പ്രശ്നങ്ങൾക്കും മനുഷ്യ വന്യമൃഗ സംഘർഷം തടയാൻ ശാശ്വത പരിഹാരം കാണുമെന്നും അവർ പറഞ്ഞു. ചടങ്ങിൽ ഡിസിസി പ്രസിഡന്റ് അഡ്വ. കെ. പ്രവീൺകുമാർ അധ്യക്ഷത വഹിച്ചു.
എഐസിസി സെക്രട്ടറി മൻസൂർ അലിഖാൻ, കെപിസിസി മെമ്പർമാരായ പി.സി. ഹബീബ് തമ്പി, ആദം മുൻഷി, ഡിസിസി ജനറൽ സെക്രട്ടറിമാരായ ബാബു പൈക്കാട്ടിൽ, സി.ജെ. ആന്റണി, ബ്ലോക്ക് കോൺഗ്രസ് പ്രസിഡന്റുമാരായ ജോബി ഇലന്തൂർ, എം. സിറാജുദ്ദീൻ, ബോസ് ജേക്കബ്, എം.ഡി. അഷറഫ്, വിൻസെന്റ് വടക്കേമുറിയിൽ, അലക്സ് തോമസ് ചെമ്പകശേരി, സണ്ണി കാപ്പാട്ട് മല എന്നിവർ പ്രസംഗിച്ചു.
Tags : Deepa Das Munshi Local News Kozhikode Nattuvishesham