കു​റ​വി​ല​ങ്ങാ​ട്: ലെയോ പ​തി​നാ​ലാ​മ​ൻ മാ​ർ​പാ​പ്പ​യു​ടെ ​സൗ​ഖ്യ​ത്തി​നാ​യി കു​റ​വി​ല​ങ്ങാ​ട് മു​ത്തി​യ​മ്മ​യ്ക്ക​രു​കി​ൽ പ്രാ​ർ​ഥി​ച്ച് ഇ​റ്റാ​ലി​യ​ൻ ആ​ർ​ച്ച്ബി​ഷ​പ്. ക്രൈ​സ്ത​വ ഐ​ക്യം പ്രോ​ത്സാ​ഹി​പ്പി​ക്കു​ന്ന വ​ത്തി​ക്കാ​ൻ ഡി​ക്കാ​സ്റ്റ​റി​യു​ടെ സെ​ക്ര​ട്ട​റി ആ​ർ​ച്ച്ബി​ഷ​പ് ഫ്ലാ​വി​യോ പേ​സാ​ണ് കു​റ​വി​ല​ങ്ങാ​ട് പ​ള്ളി സ​ന്ദ​ർ​ശി​ച്ച​ത്.

ഇ​ന്ന​ലെ വൈ​കു​ന്നേ​രം പ​ള്ളി​യി​ലെ​ത്തി​യ ആ​ർ​ച്ച്ബി​ഷ​പ് അ​ദ്ഭു​ത ഉ​റ​വ​യി​ലെ വെ​ള്ളം കു​ടി​ച്ചും ചെ​റി​യ പ​ള്ളി​യി​ലെ വി​ള​ക്കി​ൽ എ​ണ്ണ​യൊ​ഴി​ച്ചും പ്ര​ത്യേ​കം പ്രാ​ർ​ഥ​ന ന​ട​ത്തി. ര​ണ്ടു സ്ഥ​ല​ങ്ങ​ളി​ലും മാ​ർ​പാ​പ്പ​യു​ടെ ​സൗ​ഖ്യ​ത്തി​നാ​യി ഇ​ക്കാ​ര്യ​ങ്ങ​ൾ ചെ​യ്യു​ന്നു​വെ​ന്ന് ആ​ർ​ച്ച്ബി​ഷ​പ് വ്യ​ക്ത​മാ​ക്കി. മാ​ർ​പാ​പ്പ​യ്ക്കാ​യി പ്ര​ത്യേ​കം പ്രാ​ർ​ഥി​ക്ക​ണ​മെ​ന്ന ആ​ഹ്വാ​ന​വും ആ​ർ​ച്ച്ബി​ഷ​പ് ന​ൽ​കി.

ക്രൈ​സ്ത​വ സ​ഭ​ക​ളു​ടെ ഐ​ക്യം സം​ബ​ന്ധി​ച്ച ച​ർ​ച്ച​ക​ൾ​ക്കാ​യാ​ണ് ആ​ർ​ച്ച്ബി​ഷ​പ് ഇ​ന്ത്യ​യി​ൽ എ​ത്തി​യ​ത്. വി​വി​ധ ക്രൈ​സ്ത​വ വി​ഭാ​ഗ​ങ്ങ​ൾ കു​റ​വി​ല​ങ്ങാ​ട്ട് ഒ​രു​മി​ച്ച് സ​മ്മേ​ളി​ച്ച ന​സ്രാ​ണി മ​ഹാ​സം​ഗ​മ​ത്തി​ന്‍റെ സ്മാ​ര​ക ​ശി​ലാഫ​ല​കം ആ​ർ​ച്ച്ബി​ഷ​പ്പി​ന് പ്ര​ത്യേ​ക പ​ഠ​ന വി​ഷ​യ​മാ​യി മാ​റി. ന​സ്രാ​ണി മ​ഹാ​സം​ഗ​മ​ത്തെ​ക്കു​റി​ച്ച് ആ​ർ​ച്ച്പ്രീ​സ്റ്റ് ഫാ.​ഡോ. തോ​മ​സ് മേ​നാ​ച്ചേ​രി​യോ​ട് ആ​ർ​ച്ച്ബി​ഷ​പ് വി​ശ​ദ​മാ​യി ചോ​ദി​ച്ച​റി​ഞ്ഞു.
പൗ​ര​സ്ത്യസ​ഭ​ക​ൾ​ക്കാ​യു​ള്ള ഡി​ക്കാ​സ്റ്റ​റി​യു​ടെ അ​ണ്ട​ർ സെ​ക്ര​ട്ട​റി​യാ​യും ആ​ർ​ച്ച്ബി​ഷ​പ് ഫ്ലാ​വി​യോ പേ​സ് സേ​വ​ന​മ​നു​ഷ്ഠി​ച്ചി​ട്ടു​ണ്ട്.

സീ​രി കോ​ട്ട​യം ഡ​യ​റ​ക്ട​ർ ഫാ.​ഡോ. ജേ​ക്ക​ബ് തെ​ക്കേ​പ്പ​റ​മ്പി​ലും ആ​ർ​ച്ച്ബി​ഷ​പ്പി​നൊ​പ്പം എ​ത്തി​യി​രു​ന്നു. സീ​നി​യ​ർ അ​സി​സ്റ്റ​ന്‍റ് വി​കാ​രി ഫാ. ​ജോ​സ​ഫ് മ​ണി​യ​ഞ്ചി​റ, അ​സി​സ്റ്റ​ന്‍റ് വി​കാ​രി​മാ​രാ​യ ഫാ. ​ജോ​സ​ഫ് ചൂ​ര​യ്ക്ക​ൽ, ഫാ. ​ജോ​വാ​നി കു​റ​വാ​ച്ചി​റ, ഫാ. ​ജോ​ർ​ജ് ചാ​ത്ത​ൻ​കു​ന്നേ​ൽ, പാ​സ്റ്റ​റ​ൽ അ​സി​സ്റ്റ​ന്‍റ് ഫാ. ​ജോ​സ് കോ​ട്ട​യി​ൽ, കൈ​ക്കാ​ര​ന്മാ​ർ എ​ന്നി​വ​ർ ചേ​ർ​ന്ന് ആ​ർ​ച്ച്ബി​ഷ​പ്പി​നെ സ്വീ​ക​രി​ച്ചു.

Tags : NattuVishesham DistrictNews