15

നെ​ടു​ങ്ക​ണ്ടം: 98 കോ​ടി രൂ​പ മു​ട​ക്കി നി​ര്‍​മാ​ണം ന​ട​ത്തി ഉ​ദ്ഘാ​ട​നം ചെ​യ്ത ക​മ്പം​മെ​ട്ട് - വ​ണ്ണ​പ്പു​റം മ​ല​യോ​ര ഹൈ​വേ​യു​ടെ ആ​ദ്യ റീ​ച്ചി​ന്‍റെ അ​നു​ബ​ന്ധ ജോ​ലി​ക​ള്‍ ഇ​നി​യും ബാ​ക്കി. ക​മ്പം​മെ​ട്ട് മു​ത​ല്‍ എ​ഴു​കും​വ​യ​ല്‍ - ആ​ശാ​രി​ക്ക​വ​ല വ​രെ​യു​ള്ള 34 കി​ലോ​മീ​റ്റ​ര്‍ ദൂ​ര​ത്താ​ണ് പ​ല​യി​ട​ത്തും അ​നു​ബ​ന്ധ ജോ​ലി​ക​ള്‍ പൂ​ര്‍​ത്തി​യാ​കാ​നു​ള്ള​ത്.

ജി​ല്ല​യി​ലെ പ്ര​ധാ​ന വി​നോ​ദ സ​ഞ്ചാ​ര കേ​ന്ദ്ര​മാ​യ രാ​മ​ക്ക​ല്‍​മേ​ട്ടി​ലെ​യും പ​രി​സ​ര പ്ര​ദേ​ശ​ങ്ങ​ളി​ലെ​യും പ്ര​വൃ​ത്തി​ക​ളും മു​ട​ങ്ങി​യ അ​വ​സ്ഥ​യി​ലാ​ണ്. ഇ​ത് നാ​ട്ടു​കാ​രു​ടെ​യും ഇ​വി​ടെ എ​ത്തു​ന്ന വി​നോ​ദ സ​ഞ്ചാ​രി​ക​ളു​ടെ​യും ജീ​വ​നും സു​ര​ക്ഷ​യ്ക്കും വ​ലി​യ ഭീ​ഷ​ണി​യാ​യി മാ​റി​യി​രി​ക്കു​ക​യാ​ണെ​ന്ന് നാ​ട്ടു​കാ​ര്‍ ആ​രോ​പി​ച്ചു. കോ​മ്പ​മു​ക്ക് മു​ത​ല്‍ ഇ​ട​ത്ത​റ മു​ക്കു​വ​രെ​യും ബാ​ല​ന്‍​പി​ള്ള​സി​റ്റി ഭാ​ഗ​ത്തും റോ​ഡി​ന്‍റെ ഇ​രു​വ​ശ​ങ്ങ​ളും പൂ​ര്‍​ണ​മാ​യി വീ​തി​കൂ​ട്ടി കോ​ണ്‍​ക്രീ​റ്റ് ചെ​യ്യ​ണ​മെ​ന്നാ​ണ് നാ​ട്ടു​കാ​ര്‍ ആ​വ​ശ്യ​പ്പെ​ടു​ന്ന​ത്. ബം​ഗ്ലാ​ദേ​ശ് ഭാ​ഗ​ത്തും താ​ന്നി​മൂ​ട് അ​മ്മ​ഞ്ചേ​രി​പ്പ​ടി​യി​ലും ചെ​റി​യ മ​ഴ പെ​യ്താ​ല്‍​പ്പോ​ലും വ​ലി​യ വെ​ള്ള​ക്കെ​ട്ടാ​ണ് രൂ​പ​പ്പെ​ടു​ന്ന​ത്. വെ​ള്ള​ക്കെ​ട്ട് ഒ​ഴി​വാ​ക്കാ​ന്‍ മ​തി​യാ​യ ഓ​ട ഇ​വി​ടെ ഇ​ല്ല. പ​ല​യി​ട​ത്തും റോ​ഡി​ലേ​യ്ക്ക് വ​ള​ര്‍​ന്നു​നി​ല്‍​ക്കു​ന്ന കാ​ടു​ക​ള്‍ വാ​ഹ​ന​ങ്ങ​ളു​ടെ യാ​ത്ര​യും ദു​ഷ്ക​ര​മാ​ക്കു​ക​യാ​ണ്.

ഹൈ​വേ​യും പൊ​തു​മ​രാ​മ​ത്ത് റോ​ഡും ചേ​രു​ന്ന അ​മ്മാ​വ​ന്‍ പ​ടി ജം​ഗ്ഷ​ന്‍ അ​പ​ക​ട​ക്കു​രു​ക്കാ​ണ്. നി​ര​ന്ത​രം ഇ​വി​ടെ അ​പ​ക​ടം ഉ​ണ്ടാ​കു​ക​യാ​ണ്. റോ​ഡി​നാ​യി മ​ണ്ണെ​ടു​ത്ത് വ​ലി​യ മ​ണ്‍​തി​ട്ട രൂ​പ​പ്പെ​ട്ട സ്ഥ​ല​ങ്ങ​ള്‍ ക​ല്ലു​കെ​ട്ടി​യോ കോ​ണ്‍​ക്രീ​റ്റ് ചെ​യ്‌​തോ സം​ര​ക്ഷി​ക്ക​ണം എ​ന്ന ആ​വ​ശ്യ​വും നി​ല​നി​ൽ​ക്കു​ക​യാ​ണ്.

റോ​ഡ് നി​ര്‍​മാ​ണ​ത്തി​നാ​യി നീ​ക്കം​ചെ​യ്ത തെ​രു​വു വി​ള​ക്കു​ക​ളും ബ​സ് കാ​ത്തി​രി​പ്പ് കേ​ന്ദ്ര​ങ്ങ​ളും പു​നഃ​സ്ഥാ​പി​ച്ചി​ട്ടി​ല്ല. അ​പ​ക​ട മേ​ഖ​ല​ക​ളി​ല്‍ സു​ര​ക്ഷാ വേ​ലി, റി​ഫ്‌​ള​ക്ട​ര്‍, ദി​ശാ ബോ​ര്‍​ഡു​ക​ള്‍ എ​ന്നി​വ​യും സ്ഥാ​പി​ക്കാ​നു​ണ്ട്.

വി​ഷ​യം ചൂ​ണ്ടി​ക്കാ​ട്ടി നാ​ട്ടു​കാ​ര്‍ പൊ​തു​മ​രാ​മ​ത്ത് വ​കു​പ്പ് മ​ന്ത്രി, എം​പി, എം​എ​ല്‍​എ, പൊ​തു​മ​രാ​മ​ത്ത് എ​ക്‌​സി​ക്യൂ​ട്ടീ​വ് എ​ൻ​ജി​നി​യ​ർ, ജി​ല്ലാ ക​ള​ക്ട​ർ എ​ന്നി​വ​ര്‍​ക്ക് നി​വേ​ദ​നം ന​ൽ​കി.

Tags : Hill Highway Nattuvishesham District News