പത്തനംതിട്ട: ജില്ലാ പഞ്ചായത്തിൽ ചട്ടവിരുദ്ധമായി സ്ഥിരംസമിതി യോഗങ്ങൾ വിളിച്ചതു സംബന്ധിച്ച് അന്വേഷണം നടത്തണമെന്ന് എൽഡിഎഫ് പാർലമെന്ററി പാർട്ടി നേതാവ് എ.എൻ. സലിം. ആരോഗ്യം, വിദ്യാഭ്യാസ സ്ഥിരം സമിതി അധ്യക്ഷ ശ്രീനാദേവി കുഞ്ഞമ്മ എല്ലാ ചട്ടങ്ങളും ലംഘിച്ചാണ് കമ്മിറ്റി യോഗം വിളിച്ചത്.
അംഗങ്ങളെ നിർബന്ധിച്ച് യോഗത്തിൽ പങ്കെടുപ്പിച്ചു. എന്നാൽ യോഗം ചട്ടലംഘനമാണെന്നു മമസിലാക്കി ബോധപൂർവം അധ്യക്ഷയും യുഡിഎഫ് അംഗങ്ങളും ഒഴിവായെന്ന് എൽഡിഎഫ് ആരോപിച്ചു.
തീരുമാനമാക്കേണ്ട പലവിഷയങ്ങളുടെയും പ്രാധാന്യം കണക്കിലെടുത്ത് യോഗം കൃത്യമായി ചേരണമെന്നും എൽഡിഎഫ് ആവശ്യപ്പെട്ടു. 46 സ്കൂളുകൾ ജില്ലാ പഞ്ചായത്തിന്റെ നിയന്ത്രണത്തിലുണ്ട്. സ്കൂളുകളുമായി ബന്ധപ്പെട്ട വിഷയങ്ങളും ആരോഗ്യമേഖലയിലെ പ്രശ്നങ്ങൾക്കും പരിഹാരം കണ്ടെത്തേണ്ടത് ആരോഗ്യ, വിദ്യാഭ്യാസ സ്ഥിരംസമിതിയാണെന്ന് എ.എൻ. സലിം ചൂണ്ടിക്കാട്ടി.
Tags : Local News Nattuvishesham Pathanamthitta