29

പൂ​ച്ചാ​ക്ക​ൽ: അ​യ​ൽ​വാ​സി​ക​ൾ ത​മ്മി​ലു​ള്ള ദീ​ർ​ഘ​കാ​ല വൈ​രാ​ഗ്യം അ​ർ​ധരാ​ത്രി​യി​ലെ വീ​ടു​ക​യ​റി​യു​ള്ള ആ​ക്ര​മ​ണ​ത്തി​ൽ ക​ലാ​ശി​ച്ചു. ആ​യു​ധ​ങ്ങ​ളു​മാ​യി വീ​ട്ടി​ൽ അ​തി​ക്ര​മി​ച്ചു​ക​യ​റി​യ സം​ഘ​ത്തി​ന്‍റെ ആ​ക്ര​മ​ണ​ത്തി​ൽ ഒ​രേകു​ടും​ബ​ത്തി​ലെ അ​ഞ്ചു​പേ​ർ​ക്കു പ​രി​ക്കേ​റ്റു.

ഗു​രു​ത​ര​മാ​യി വെ​ട്ടേ​റ്റ ഗൃ​ഹ​നാ​ഥ​യെ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. അ​രൂ​ക്കു​റ്റി പ​ഞ്ചാ​യ​ത്ത് ഏ​ഴാം വാ​ർ​ഡി​ലെ വ​ടു​ത​ല കൈ​വെ​ട്ടി​ച്ചി​റ ഭാ​ഗ​ത്തെ വി​ഷ്ണു​ഭ​വ​നി​ൽ പ്ര​കാ​ശ​ൻ (60), ഭാ​ര്യ ര​ജ​നി പ്ര​കാ​ശ​ൻ (52), മ​ക​ൻ വി​ഷ്ണു പ്ര​കാ​ശ​ൻ (29), വി​ഷ്ണു​വി​ന്‍റെ ഭാ​ര്യ അ​ധി​നാ വി​ഷ്ണു (23), ഇ​വ​രു​ടെ പി​ഞ്ചു​കു​ഞ്ഞ് എ​ന്നി​വ​ർ​ക്കാ​ണു പ​രി​ക്കേ​റ്റ​ത്. ത​ല​യ്ക്കു ഗു​രു​ത​ര​മാ​യി വെ​ട്ടേ​റ്റ ര​ജ​നി പ്ര​കാ​ശ​ന്‍റെ ആ​രോ​ഗ്യ​നി​ല അ​തീ​വ ഗു​രു​ത​ര​മാ​യി തു​ട​രു​ന്ന​താ​യി ആ​ശു​പ​ത്രി വൃ​ത്ത​ങ്ങ​ൾ അ​റി​യി​ച്ചു.

തി​ങ്ക​ളാ​ഴ്ച അ​ർ​ധരാ​ത്രി​യോ​ടെ​യാ​യി​രു​ന്നു സം​ഭ​വം അ​ര​ങ്ങേ​റി​യ​ത്. പ്ര​ദേ​ശ​ത്ത് ഏ​റെ​നാ​ളാ​യി നി​ല​നി​ന്നി​രു​ന്ന അ​യ​ൽ​വാ​സി​ക​ളു​ടെ ത​ർ​ക്ക​മാ​ണ് ഒ​ടു​വി​ൽ ര​ക്ത​ച്ചൊ​രി​ച്ചി​ലി​ൽ ക​ലാ​ശി​ച്ച​ത്. വി​ഷ്ണു പ്ര​കാ​ശ​ന്‍റെ വീ​ട്ടി​ലേ​ക്ക് സു​ഹൃ​ത്തു​ക്ക​ൾ നി​ര​ന്ത​രം എ​ത്തു​ന്ന​തു​മാ​യി ബ​ന്ധ​പ്പെ​ട്ട് അ​യ​ൽ​വാ​സി​യും ബ​ന്ധു​വു​മാ​യ സു​രേ​ഷും അ​ദ്ദേ​ഹ​ത്തി​ന്‍റെ മൂ​ന്നു മ​ക്ക​ളും വി​ഷ്ണു​വും ത​മ്മി​ൽ മു​ൻ​പും ത​ർ​ക്ക​ങ്ങ​ളും സം​ഘ​ർ​ഷ​ങ്ങ​ളും ഉ​ണ്ടാ​യി​രു​ന്ന​താ​യി പോ​ലീ​സ് പറഞ്ഞു. ഈ ​വി​ഷ​യ​ത്തി​ൽ പൂ​ച്ചാ​ക്ക​ൽ പോ​ലീ​സ് സ്റ്റേ​ഷ​നി​ൽ നേ​ര​ത്തെ കേ​സു​ക​ൾ ര​ജി​സ്റ്റ​ർ ചെ​യ്തി​രു​ന്നു.
ഞാ​യ​റാ​ഴ്ച രാ​ത്രി യാ​ത്ര ക​ഴി​ഞ്ഞ് സു​രേ​ഷി​ന്‍റെ മ​ക്ക​ൾ വീ​ട്ടി​ലെ​ത്തി​യ​തി​നു പി​ന്നാ​ലെ സം​ഘം പ്ര​കാ​ശ​ന്‍റെ വീ​ട്ടി​ൽ അ​തി​ക്ര​മി​ച്ചു​ക​യ​റി ആ​യു​ധ​ങ്ങ​ൾ ഉ​പ​യോ​ഗി​ച്ച് ആ​ക്ര​മ​ണം ന​ട​ത്തു​ക​യാ​യി​രു​ന്നു​വെ​ന്നാ​ണ് പ​രാ​തി.

വീ​ടി​നു​ള്ളി​ൽനി​ന്നു​യ​ർ​ന്ന ബ​ഹ​ള​വും ക​ര​ച്ചി​ലും കേ​ട്ട് ഓ​ടി​യെ​ത്തി​യ നാ​ട്ടു​കാ​രാ​ണ് വി​വ​രം പോ​ലീ​സി​ൽ അ​റി​യി​ച്ച​ത്. തു​ട​ർ​ന്ന് സ്ഥ​ല​ത്തെ​ത്തി​യ പൂ​ച്ചാ​ക്ക​ൽ പോ​ലീ​സും നാ​ട്ടു​കാ​രും ചേ​ർ​ന്നാ​ണ് പ​രി​ക്കേ​റ്റ​വ​രെ ആ​ശു​പ​ത്രി​യി​ലെ​ത്തി​ച്ച​ത്. സം​ഘ​ർ​ഷ​ത്തി​നി​ട​യി​ൽ എ​തി​ർ​വി​ഭാ​ഗ​ത്തി​ലെ സു​രേ​ഷി​നും മ​ക​ൻ സു​ജി​ത്തി​നും പ​രി​ക്കേ​റ്റ​തി​നെ തു​ട​ർ​ന്ന് ഇ​രു​വ​രും ചി​കി​ത്സ തേ​ടി​യി​ട്ടു​ണ്ട്.

സം​ഭ​വ​വു​മാ​യി ബ​ന്ധ​പ്പെ​ട്ട് ഇ​രു​വി​ഭാ​ഗ​ങ്ങ​ൾ​ക്കെ​തി​രെ​യും പോ​ലീ​സ് വീ​ണ്ടും കേ​സെ​ടു​ത്തി​ട്ടു​ണ്ട്. പൂ​ച്ചാ​ക്ക​ൽ പോ​ലീ​സ് ഇ​ൻ​സ്പെ​ക്ട​റു​ടെ നേ​തൃ​ത്വ​ത്തി​ൽ കേ​സി​ന്‍റെ അ​ന്വേ​ഷ​ണം ഊ​ർ​ജി​ത​മാ​ക്കി​യി​ട്ടു​ണ്ട്.

Tags : Nattuvishesham DistrictNews DeepikaNews attack