ആദിവാസി സംഘത്തിന്റെ പരമ്പരാഗത നൃത്തത്തിനൊപ്പം എംഎൽഎയും കളക്ടറും ചുവടുവയ്ക്കുന്നു.
കോതമംഗലം: ആദിവാസി സംഘത്തിന്റെ പരമ്പരാഗത നൃത്തത്തിനൊപ്പം ചുവടുവച്ച് എംപിയും എംഎല്എയും കളക്ടറും. ഉന്നതിയിലെ പരമ്പരാഗത സ്വീകരണവും അതിനോടനുബന്ധിച്ചുള്ള സൗഹൃദ നിമിഷങ്ങളും ശ്രദ്ധേയമായ കാഴ്ചയായി.
പരിപാടിയുടെ ഭാഗമായി രാവിലെ മേട്നപ്പാറ ഉന്നതിയിലെത്തിയ ഡീൻ കുര്യാക്കോസ് എംപി, ഷിബു തെക്കുംപുറം എംഎല്എ, ജില്ലാ കളക്ടര് ജി. പ്രിയങ്ക, ഡിടിപിസി ഉദ്യോഗസ്ഥര് എന്നിവരടങ്ങിയ സംഘത്തിന് ഉന്നതിയിലെ മൂപ്പനും സംഘവും പരമ്പരാഗത രീതിയില് സ്വീകരണം നല്കി.
അതോടൊപ്പം ആദിവാസികളുടെ തനത് ഭക്ഷണരീതിയായ കുമ്പംകാച്ചി ഒരുക്കി. ആദിവാസി ജീവിതവും സംസ്കാരവും അടുത്തറിയുന്നതിനുള്ള അവസരവും സംഘത്തിന് ലഭിച്ചു.
ഉദ്ഘാടനച്ചടങ്ങിന് ശേഷം മാമലക്കണ്ടത്തുനിന്ന് കൊയ്നിപ്പാറയിലേക്ക് ട്രക്കിംഗുമുണ്ടായിരുന്നു.
Tags : NattuVishesham DistrictNews