കണ്ണൂർ: കേരളത്തിലെ സഹകരണ മേഖലക്ക് ദിശബോധം നൽകുന്നതിനും ജനകീയ പ്രസ്ഥാനമാക്കി മാറ്റുന്നതിനും എം.വി.ആർ നൽകിയ പങ്ക് വളരെ വലുതാണെന്ന് ടി.കെ ഗോവിന്ദൻ എംഎൽഎ. കേരള കോ- ഓപറേറ്റീവ് വർക്കേഴ്സ് ഫെഡറേഷൻ (എച്ച്എംഎസ്)കണ്ണൂർ ജില്ലാ കമ്മിറ്റി ഇ.പി. സ്മാരക മന്ദിരത്തിൽ സംഘടിപ്പിച്ച യാത്രയയപ്പ് പരിപാടിയും അനുമോദന സദസും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
കെസിഡബ്ല്യു എഫ് ജില്ലാ പ്രസിഡന്റ് കെ. രവീന്ദ്രൻ അധ്യക്ഷത വഹിച്ചു.സർവീസിൽ നിന്ന് വിരമിച്ച ജീവനക്കാരെ സിഎംപി സംസ്ഥാന എക്സിക്യൂട്ടീവ് അംഗം മാണിക്കര ഗോവിന്ദൻ ആദരിച്ചു . വിവിധ പരീക്ഷകളിൽ ഉന്നത വിജയം നേടിയവരെ സംസ്ഥാന സെക്രട്ടറി എൻ.സി. സുമോദും ജില്ലാ സെക്രട്ടറി സുധീഷ് കടന്നപ്പള്ളിയും നിർവഹിച്ചു.
കാഞ്ചന മാച്ചേരി, എം.കെ. കുഞ്ഞിക്കണ്ണൻ, എം.കെ. രഘുനാഥ്, ബി. സജിത്ത് ലാൽ, കെ.പി. സലിം, പി പ്രജിൽ, ദൃശ്യ പദ്മനാഭൻ, സി.വി. ഗോപിനാഥ്, വി.എൻ. അഷറഫ്, കെ. സിന്ധുഎന്നിവർ പ്രസംഗിച്ചു.