നിപ്മറില് നിര്മിക്കുന്ന 250 ബെഡുകളുള്ള റീഹാബ് ആശുപത്രിയുടെയും കോളജ് കെട്ടിടത്തിന്റെയും ഭരണാനുമതിരേഖകള് എക്സിക്യൂട്ടീവ് ഡയറക്ടര് ഡോ. അബ്ബാസലിക്കു മ
ഇരിങ്ങാലക്കുട: ഭിന്നശേഷിയുള്ളവര്ക്ക് നൂതന ശാസ്ത്രീയ പരിശീലനം നല്കുന്നതിനുള്ള പദ്ധതി നിപ്മര് ആവിഷ്കരിച്ചിട്ടുണ്ടെന്ന് ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്. ബിന്ദു. ഇതിനുള്ള പ്രവര്ത്തനങ്ങള് ഉടന് തുടങ്ങും.
ഭിന്നശേഷിക്കാരായവരെ സ്വയം പര്യാപ്തരാക്കാന് ഭിന്നശേഷി സ്വയം സഹകരണ സംഘങ്ങള്ക്കുള്ള അനുമതി ഒരു മാസത്തിനകം ലഭ്യമാകുമെന്നും മന്ത്രി പറഞ്ഞു. 73 കോടി രൂപ ചെലവഴിച്ച് 250 ബെഡുകളുള്ള റീഹാബ് ആശുപത്രിയും കോളജ് കെട്ടിടവുമാണ് നിപ്മര് പരിസരത്ത് നിര്മിക്കുന്നത്.
നിപ്മര് ഇരിങ്ങാലക്കുട എംസിപി കണ്വന്ഷന് സെന്ററില് സംഘടിപ്പിച്ച നിപ്മറിലെ ഭൗതിക വികസന പദ്ധതികളുടെ പ്രഖ്യാപനവും ഭിന്നശേഷി സംഗമവും ഉദ്ഘാടനം ചെയ്യുകയായിരുന്നു മന്ത്രി. ചടങ്ങില് വികസന പദ്ധതികളുടെ ഭരണാനുമതി നിപ്മര് എക്സിക്യൂട്ടീവ് ഡയറക്ടര് ഡോ. അബ്ബാസലിക്ക് മന്ത്രി കൈമാറി. മുന് എക്സിക്യൂട്ടീവ് ഡയറക്ടര് സി. ചന്ദ്രബാബുവിനെ മന്ത്രി ആദരിച്ചു.
ജില്ലാ പഞ്ചായത്ത് വൈസ് പ്രസിഡന്റ്് ടി.കെ. സുധീഷ് അധ്യക്ഷത വഹിച്ചു. സംസ്ഥാന ഭിന്നശേഷി ക്ഷേമ കോര്പ്പറേഷന് ചെയര്പേഴ്സണ് അഡ്വ. ജയഡാളി, ഭിന്നശേഷി കമ്മീഷണര് ഡോ. പി.ടി. ബാബുരാജ്, ബ്ലോക്ക് പഞ്ചായത്ത് പ്രസിഡന്റുമാരായ ടി.ജി. ശങ്കരനാരായണന്, വത്സല ബാബു, സുഭാഷിണി രാജീവ്, മണ്ഡലത്തിലെ വിവിധ പഞ്ചായത്ത് പ്രസിഡന്റുമാര് എന്നിവര് സംബന്ധിച്ചു. നിപ്മര് എക്സിക്യുട്ടീവ് ഡയറക്ടര് ഡോ. ടി.കെ. അബ്ബാസ് അലി സ്വാഗതവും സാമൂഹ്യ നീതി വകുപ്പ് ജില്ലാ ഓഫീസര് കെ.ആര്. പ്രദീപന് നന്ദിയും പറഞ്ഞു.