മേ​ലൂ​ർ: ഗ്രാ​മ​പ​ഞ്ചാ​യ​ത്തി​ലെ ഒ​ന്നാംവാ​ർ​ഡ് ശാ​ന്തി​പു​രം ചെ​ക്ക്ഡാം റോ​ഡി​ൽ പ്ര​വ​ർ​ത്തി​ക്കു​ന്ന ഓ​യി​ൽ മി​ല്ലി​ന് തീ​പ്പി​ടി​ച്ച് യ​ന്ത്ര​സാ​മ​ഗ്രി​ക​ളും വെ​ളി​ച്ചെ​ണ്ണ​യും ക​ത്തി​ന​ശി​ച്ചു. ഏ​ക​ദേ​ശം അ​ഞ്ചു​ല​ക്ഷം രൂ​പ​യു​ടെ ന​ഷ്ട​മു​ണ്ടാ​യ​താ​യി ഉ​ട​മ സ്റ്റെ​ഫി നെ​റ്റി​ക്കാ​ട​ൻ പ​റ​ഞ്ഞു. ക​ഴി​ഞ്ഞദി​വ​സം രാ​ത്രി​യി​ലാ​ണ് തീ​പി​ടി​ത്ത​മു​ണ്ടാ​യ​തെ​ന്നാ​ണ് ക​രു​തു​ന്ന​ത്.

സ്റ്റെ​ഫി നെ​റ്റി​ക്കാ​ട​ൻ ന​ട​ത്തു​ന്ന എ​സ്​വി​എ​ൻ ഓ​യി​ൽ ആ​ൻ​ഡ് ഫ്ല​വ​ർ മി​ല്ലി​ലെ എ​ണ്ണ​യാ​ട്ട് യ​ന്ത്ര​ങ്ങ​ൾ ഉ​ൾ​പ്പെ​ടെ​യു​ള്ള ഉ​പ​ക​ര​ണ​ങ്ങ​ളും വി​ൽ​പ്പ​ന​യ്ക്കാ​യി സൂ​ക്ഷി​ച്ചി​രു​ന്ന വെ​ളി​ച്ചെ​ണ്ണ​യു​മാ​ണ് തീ​പ്പി​ടി​ത്ത​ത്തി​ൽ ക​ത്തി​ന​ശി​ച്ച​ത്. ഇ​ന്ന​ലെ രാ​വി​ലെ മി​ൽ തു​റ​ക്കാ​നെ​ത്തി​യ​പ്പോ​ഴാ​ണ് തീ​പ്പി​ടി​ത്ത​ത്തെ​ക്കു​റി​ച്ച് സ്റ്റെ​ഫി അ​റി​യു​ന്ന​ത്. അ​പ്പോ​ഴേ​ക്കും മി​ല്ലി​ലെ ഉ​പ​ക​ര​ണ​ങ്ങ​ളും എ​ണ്ണ​യും ക​ത്തി​യ​മ​ർ​ന്നി​രു​ന്നു.

സ്റ്റെ​ഫി​യു​ടെ ഇ​ള​യ​പ്പ​നാ​യ ജോ​യി നെ​റ്റി​ക്കാ​ട​ൻ ന​ട​ത്തി​യി​രു​ന്ന മി​ൽ ഏ​താ​നും വ​ർ​ഷം മു​മ്പാ​ണ് സ്റ്റെ​ഫി ഏ​റ്റെ​ടു​ത്ത് ന​ട​ത്തി​ത്തു​ട​ങ്ങി​യ​ത്. തീ​പി​ടി​ത്ത​ത്തി​ന്‍റെ കാ​ര​ണം വ്യ​ക്ത​മ​ല്ല. വി​വ​ര​മ​റി​ഞ്ഞ് വാ​ർ​ഡ് മെ​മ്പ​ർ എം.​എ​സ്. ബി​ജു​വും പ്ര​ദേ​ശ​വാ​സി​ക​ളും സ്ഥ​ല​ത്തെ​ത്തി. സം​ഭ​വ​ത്തി​ൽ സ്റ്റെ​ഫി കൊ​ര​ട്ടി പൊലി​സി​ൽ പ​രാ​തി ന​ൽ​കി​യി​ട്ടു​ണ്ട്.

Tags :