അ​മ്പ​ല​പ്പു​ഴ: മൂ​ന്ന് പ​തി​റ്റാ​ണ്ട് മു​ൻ​പ് നി​ർ​മി​ച്ച പു​റം ബ​ണ്ടി​ന്‍റെ ബ​ല​ക്കു​റ​വ് മൂ​ലം പാ​ട​ശേ​ഖ​രം മ​ട​വീ​ഴ്ചാ ഭീ​ഷ​ണി​യി​ൽ. വെ​ള്ളം ക​യ​റി​യും മ​ഴ​യി​ലും കൊ​യ്യാ​ൻ പാ​ക​മാ​യ 10 ഏ​ക്ക​റോ​ളം കൃ​ഷി ന​ശി​ച്ചു. ക​ർ​ഷ​ക​ർ​ക്ക് ല​ക്ഷ​ങ്ങ​ളു​ടെ ന​ഷ്ടം. അ​ധി​കൃ​ത​രു​ടെ അ​നാ​സ്ഥ​യെ​ത്തു​ട​ർ​ന്ന് കൃ​ഷി ഉ​പേ​ക്ഷി​ക്കാ​നൊ​രു​ങ്ങി ക​ർ​ഷ​ക​ർ.
അ​മ്പ​ല​പ്പു​ഴ തെ​ക്ക് പ​ഞ്ചാ​യ​ത്ത് അ​ഞ്ചാം വാ​ർ​ഡ് ക​ട്ട​ക്കു​ഴി പു​ളി​ക്ക​ൽ പാ​ട​ശേ​ഖ​ര​ത്താ​ണ് കൃ​ഷി ന​ശി​ച്ച​ത്.79 ഏ​ക്ക​റു​ള്ള ഇ​വി​ടെ 67ഓ​ളം ചെ​റു​കി​ട ക​ർ​ഷ​ക​രാ​ണു​ള്ള​ത്. 900 മീ​റ്റ​റു​ള്ള ഇ​തി​ന്‍റെ പു​റം​ബ​ണ്ട് 35 വ​ർ​ഷം മു​ൻ​പ് നി​ർ​മി​ച്ച​താ​ണ്. പു​റം​ബ​ണ്ട് പൂ​ർ​ണ​മാ​യും ത​ക​ർ​ന്നി​രി​ക്കു​ക​യാ​ണ്.

ക​ഴി​ഞ്ഞ ദി​വ​സ​മു​ണ്ടാ​യ ക​ന​ത്ത മ​ഴ​യി​ലും പു​റം ബ​ണ്ടി​ന്‍റെ അ​ടി​യി​ലൂ​ടെ വെ​ള്ളം ക​യ​റി​യും 10 ഏ​ക്ക​റോ​ളം നെ​ല്ലാ​ണ് വീ​ണ് ന​ശി​ച്ച​ത്. 20 ദി​വ​സ​ത്തി​ന് ശേ​ഷം കൊ​യ്യാ​ൻ പാ​ക​മാ​യ നെ​ല്ല് വീ​ണ് ന​ശി​ച്ച​തോ​ടെ ക​ർ​ഷ​ക​ർ​ക്ക് ല​ക്ഷ​ങ്ങ​ളു​ടെ ന​ഷ്ട​മാ​ണ് സം​ഭ​വി​ച്ചി​രി​ക്കു​ന്ന​ത്.

ര​ണ്ട് മാ​സം മു​ൻ​പും ക​ന​ത്ത മ​ഴ​യി​ൽ മ​ട​വീ​ഴ്ചഭീ​ഷ​ണി ഉ​ണ്ടാ​യ​തോ​ടെ മു​പ്പ​തി​നാ​യി​ര​ത്തി​ല​ധി​കം രൂ​പ ചെ​ല​വ​ഴി​ച്ചാ​ണ് ബ​ണ്ട് സം​ര​ക്ഷി​ച്ച് കൃ​ഷി നി​ല​നി​ർ​ത്തി​യ​ത്. ക​ഴി​ഞ്ഞ ദി​വ​സം പെ​യ്ത ക​ന​ത്ത മ​ഴ​യി​ലും വ്യാ​പ​ക കൃ​ഷി നാ​ശ​മാ​ണ് സം​ഭ​വി​ച്ച​ത്. ഇ​പ്പോ​ൾ ഹി​റ്റാ​ച്ചി​യു​ടെ​യും മ​റ്റ് തൊ​ഴി​ലാ​ളി​ക​ളു​ടെ​യും സ​ഹാ​യ​ത്താ​ൽ ബ​ണ്ട് സം​ര​ക്ഷി​ച്ച് ശേ​ഷി​ക്കു​ന്ന നെ​ല്ല് കൂ​ടി നി​ല​നി​ർ​ത്താ​നു​ള്ള ശ്ര​മ​ത്തി​ലാ​ണ് ക​ർ​ഷ​ക​ർ.

കൃ​ഷി നാ​ശം കൂ​ടാ​തെ ബ​ണ്ട് സം​ര​ക്ഷ​ണ​ത്തി​നും ല​ക്ഷ​ങ്ങ​ൾ ചെ​ല​വ​ഴി​ക്കേ​ണ്ട അ​വ​സ്ഥ​യി​ലാ​ണ് ക​ർ​ഷ​ക​ർ. ഏക്ക​റി​ന് അ​റു​പ​തി​നാ​യി​ര​ത്തോ​ളം രൂ​പ ചെ​ല​വ​ഴി​ച്ചാ​ണ് കൃ​ഷി ന​ട​ത്തു​ന്ന​ത്. ഇ​തും അ​ധി​ക പ​ലി​ശ​ക്ക് പ​ണ​മെ​ടു​ത്താ​ണ് ചെ​യ്യു​ന്ന​ത്. കൃ​ഷി നാ​ശ​വും ബ​ണ്ട് സം​ര​ക്ഷ​ണ​വും കൂ​ടി വ​ന്ന​തോ​ടെ ക​ർ​ഷ​ക​ർ​ക്ക് അ​ധി​ക ചെ​ല​വ് വ​ന്നി​രി​ക്കു​ക​യാ​ണ്.

കൃ​ഷി ഭ​വ​നി​ലും പ​ഞ്ചാ​യ​ത്തി​ലു​മൊ​ക്കെ പ​രാ​തി ന​ൽ​കി​യി​ട്ടും യാ​തൊ​രു ഫ​ല​വു​മു​ണ്ടാ​യി​ട്ടി​ല്ലെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. സ​മീ​പ​ത്തെ തോ​ട്ടി​ൽ കാ​ക്കാ​ഴം കാ​പ്പി​ത്തോ​ട്ടി​ൽ നി​ന്നു​ള്ള മ​ലി​ന ജ​ലം ക​ല​ർ​ന്നി​രി​ക്കു​ക​യാ​ണ്.

ഈ ​വെ​ള്ള​മാ​ണ് കൃ​ഷി​ക്ക് ഉ​പ​യോ​ഗി​ക്കു​ന്ന​ത്. ഇ​തി​നെ തു​ട​ർ​ന്ന് പാ​ട​ശേ​ഖ​ര​മാ​കെ എ​ണ്ണ​മ​യം ക​ല​ർ​ന്നി​രി​ക്കു​ക​യാ​ണ്. ഇ​തി​നും പ​രി​ഹാ​രം തേ​ടി പ​ല​യി​ട​ത്തും പോ​യി​ട്ടും പ്ര​യോ​ജ​ന​മു​ണ്ടാ​കാ​തെ വ​ന്ന​തോ​ടെ ഇ​നി കൃ​ഷി ഉ​പേ​ക്ഷി​ക്കേ​ണ്ട അ​വ​സ്ഥ​യി​ലാ​ണെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.

കൃ​ഷി ന​ട​ത്താ​തെ വ​രു​ന്ന​തോ​ടെ പു​റം ബ​ണ്ടി​ന് ചു​റ്റു​മു​ള്ള 60 ഓ​ളം വീ​ടു​ക​ളും വെ​ള്ള​ക്കെ​ട്ടി​ലാ​കും.

വി​ത്ത് ന​ൽ​കു​ന്ന​ത​ല്ലാ​തെ മ​റ്റ് യാ​തൊ​രു ആ​നു​കൂ​ല്യ​മോ സ​ഹാ​യ​മോ സ​ർ​ക്കാ​ർ ഭാ​ഗ​ത്തു നി​ന്ന് ത​ങ്ങ​ൾ​ക്കു​ണ്ടാ​കു​ന്നി​ല്ലെ​ന്നാ​ണ് ക​ർ​ഷ​ക​രു​ടെ പ​രാ​തി. ഇ​ത്ര​യും കൃ​ഷി നാ​ശ​മു​ണ്ടാ​യി​ട്ടും ന​ഷ്ട പ​രി​ഹാ​രം ല​ഭ്യ​മാ​ക്കാ​ൻ ഉ​ദ്യോ​ഗ​ഥ​ർ ത​യ്യാ​റാ​കു​ന്നി​ല്ലെ​ന്നും ക​ർ​ഷ​ക​ർ പ​റ​യു​ന്നു.

ഈ ​സാ​ഹ​ച​ര്യ​ത്തി​ൽ കൃ​ഷി ഉ​പേ​ക്ഷി​ക്കു​ക​യ​ല്ലാ​തെ മ​റ്റ് മാ​ർ​ഗ​മി​ല്ലെ​ന്നാ​ണ് ഇ​വ​ർ പ​റ​യു​ന്ന​ത്.

Tags :