കാഞ്ഞിരപ്പള്ളി പ്രാഥമിക സഹകരണ കാർഷിക ഗ്രാമവികസന ബാങ്കിന്റെ വാർഷികസമ്മേളനത്തിൽ കെ.എം. മാണി മെമ്മോറിയൽ കർഷക അവാർഡ് ജേതാവായ റെജി കുര്യാക്കോസ് ആനത്താ
കാഞ്ഞിരപ്പള്ളി: കാർഷികമേഖലയുടെ പുരോഗതിക്ക് നബാർഡ് സഹായത്തോടെ കുറഞ്ഞ പലിശയ്ക്കു വായ്പകൾ നൽകുന്ന കാർഷികവികസന ബാങ്കുകൾ കാർഷികമേഖലയ്ക്കു മാതൃകയാണെന്നും കർഷകർ വീണ്ടും കാർഷികമേഖലയിലേക്കു തിരികെവരുന്നതിന് കാർഷികവികസന ബാങ്കുകൾ വഹിക്കുന്ന പ ങ്കു വലുതാണെന്നും ചീഫ് വിപ്പ് ഡോ. എൻ. ജയരാജ്. കാഞ്ഞിരപ്പള്ളി പ്രാഥമിക സഹകരണ കാർഷിക ഗ്രാമവികസന ബാങ്കിന്റെ വാർഷിക പൊതുയോഗത്തോടനുബന്ധിച്ച് നടന്ന സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
കെ.എം. മാണിയുടെ പേരിൽ ബാങ്ക് ഏർപ്പെടുത്തിയിരുന്ന കർഷക അവാർഡുകൾ വിതരണം ചെയ്തു. മികച്ച കർഷകരായി റെജി കുര്യാക്കോസ് ആനത്താനം, ജെസിൻ മാത്യു അട്ടക്കുഴിയിൽ, ബാബു ചെറിയാൻ, വിനീത് കൊച്ചുമുറിയിൽ എന്നിവർ തെരഞ്ഞെടുക്കപ്പെട്ടു.
ബാങ്ക് പ്രസിഡന്റ് സാജൻ തൊടുക അധ്യക്ഷത വഹിച്ചു. വൈസ്പ്രസിഡന്റ് സാജൻ കുന്നത്ത്, ഭരണസമിതിയംഗങ്ങളായ സണ്ണിക്കുട്ടി അഴകംപ്രയിൽ, ആന്റണി കുര്യാക്കോസ് കിഴക്കേത്തലക്കൽ, പി.സി. ജേക്കബ് പനയ്ക്കൽ, സുമേഷ് ആൻഡ്രൂസ്, ബിജോയ് ജോസ് മുണ്ടുപാലം, അജി ഏബ്രഹാം വെട്ടുകല്ലാംകുഴി, പി.പി. സുകുമാരൻ, കെ.എൻ. ദാമോദരൻ, സെലിൻ സിജോ, ലിസി പോൾ, ഗ്രേസി ജോണി, ബാങ്ക് സെക്രട്ടറി അജേഷ്കുമാർ എന്നിവർ പ്രസംഗിച്ചു.