എഴുത്തുകാരൻ റഹ്മാൻ കിടങ്ങയം രചിച്ച നോവലിന്റെ തമിഴ് പരിഭാഷ തച്ചിങ്ങനാടം ചന്ദ്രൻ സ്മാരക ഗ്രന്ഥാലയത്തിന് കൈമാറുന്നു.
തച്ചിങ്ങനാടം: എഴുത്തുകാരൻ റഹ്മാൻ കിടങ്ങയം, അദ്ദേഹത്തിന്റെ "അന്നിരുപത്തൊന്നില്’ എന്ന നോവലിന്റെ തമിഴ് പരിഭാഷയായ "അൻറിരുപത്തൊൻറിൽ’ എന്ന കൃതിയുടെ പതിപ്പ് തച്ചിങ്ങനാടം ചന്ദ്രൻ സ്മാരക ഗ്രന്ഥാലയത്തിന് കൈമാറി.
മലയാളത്തിൽ പൂർണ-ഉറൂബ് അവാർഡ് നേടിയ ഈ നോവൽ കെ.അയ്യപ്പൻ വിവർത്തനം ചെയ്ത് ചെന്നൈ ശീർമൈ പബ്ലിഷേഴ്സാണ് തമിഴിൽ പ്രസിദ്ധീകരിച്ചിട്ടുള്ളത്.
ഗ്രന്ഥാലയം സെക്രട്ടറി സി.പി.നജ്മ യൂസഫ് അധ്യക്ഷത വഹിച്ച ചടങ്ങിൽ ഗ്രന്ഥാലയം പ്രസിഡന്റ് കെ. നാരായണൻ ഗ്രന്ഥകാരനിൽ നിന്ന് പുസ്തകം ഏറ്റുവാങ്ങി.
നോവൽ അനുഭവം പങ്കുവച്ച് എസ്.വി.മോഹനൻ, പി.ജി.നാഥ്, പി.എസ്.വിജയകുമാർ, മോഹൻ കർത്ത, സി.പി. രാംമോഹൻ, ഹരിദാസ് അരിന്പൂത്ത്, ടി. മുരളീധരൻ, പി. ബാലസുബ്രഹ്മണ്യൻ, കെ. യൂസഫ്, പി. ജിതീഷ് എന്നിവർ പ്രസംഗിച്ചു.
Tags : Local News Nattuvishesham Malappuram