29

വൈ​ത്തി​രി: സു​ഗ​ന്ധ​ഗി​രി​യി​ൽ കാ​ട്ടു​നാ​യ്ക്ക വി​ഭാ​ഗ​ത്തി​ൽ​പ്പെ​ട്ട അ​റു​പ​ത്ത​ഞ്ചു​കാ​ര​നാ​യ രാ​ജ​നും ഭാ​ര്യ മാ​ധ​വി​യും മ​ക്ക​ളാ​യ മേ​രി, അ​ർ​ജു​ൻ, സോ​മ​ൻ എ​ന്നി​വ​ര​ട​ങ്ങു​ന്ന അ​ഞ്ചം​ഗ കു​ടും​ബം ക​ഴി​യു​ന്ന​ത് കാ​റ്റി​ലും മ​ഴ​യി​ലും ഏ​തു​നി​മി​ഷ​വും ത​ക​ർ​ന്നു വീ​ഴാ​വു​ന്ന ഒ​രു ചെ​റി​യ കൂ​ര​യി​ലാ​ണ്.

കീ​റി​പ്പ​റി​ഞ്ഞ പ്ലാ​സ്റ്റി​ക് ഷീ​റ്റു​ക​ൾ​കൊ​ണ്ട് വ​ശ​ങ്ങ​ളും മേ​ൽ​ക്കൂ​ര​യും മ​റ​ച്ചു​ണ്ടാ​ക്കി​യ ഈ ​കു​ടി​ലി​ലാ​ണ് ഇ​വ​ർ ദി​ന​രാ​ത്ര​ങ്ങ​ൾ ത​ള്ളി​നീ​ക്കു​ന്ന​ത്. ശാ​രീ​രി​ക അ​സ്വ​സ്ഥ​ത​ക​ൾ കാ​ര​ണം സ്ഥി​ര​മാ​യി ജോ​ലി​ക്ക് പോ​കാ​ൻ ക​ഴി​യാ​ത്ത അ​വ​സ്ഥ​യി​ലാ​ണ് ഈ ​കു​ടും​ബം. ജീ​വി​ത​ത്തി​ന്‍റെ ന​ല്ലൊ​രു പ​ങ്കും മ​രു​ന്നു​ക​ൾ വാ​ങ്ങാ​നാ​യി തു​ക ക​ണ്ടെ​ത്തു​ന്ന​തി​നാ​യി മാ​റ്റി​വ​യ്ക്കേ​ണ്ടി വ​രു​ന്നു.

ഇ​ന്ദി​രാ​ഗാ​ന്ധി സ​ർ​ക്കാ​രി​ന്‍റെ കാ​ല​ത്ത് ഇ​വി​ടു​ത്തെ ഗോ​ത്ര​വ​ർ​ഗ​ക്കാ​രു​ടെ പു​ന​ര​ധി​വാ​സ​ത്തി​നാ​യി 500 ഏ​ക്ക​റോ​ളം വ​രു​ന്ന ഭൂ​മി ഒ​രു​മി​ച്ച് അ​നു​വ​ദി​ച്ച​താ​യി​രു​ന്നു. ദ​ശാ​ബ്ദ​ങ്ങ​ൾ പി​ന്നി​ട്ടി​ട്ടും ഇ​വ​ർ​ക്ക് പ​ട്ട​യം ല​ഭ്യ​മാ​യി​ട്ടി​ല്ല. അ​തു​കൊ​ണ്ട് ത​ന്നെ മ​ണ്ണ് വി​ൽ​ക്കാ​നോ നി​കു​തി അ​ട​ക്കാ​നോ ഇ​വ​ർ​ക്ക് സാ​ധി​ക്കു​ന്നി​ല്ല. നി​യ​മ​പ​ര​മാ​യ രേ​ഖ​ക​ളു​ടെ അ​ഭാ​വം കാ​ര​ണം സ​ർ​ക്കാ​രി​ന്‍റെ ഭ​വ​ന​നി​ർ​മാ​ണ പ​ദ്ധ​തി​ക​ളി​ൽ ഉ​ൾ​പ്പെ​ടാ​നും ഇ​വ​ർ​ക്ക് ക​ഴി​യാ​തെ പോ​കു​ന്നു. ഇ​തി​നു​പു​റ​മേ​യാ​ണ് ഭീ​തി​പ്പെ​ടു​ത്തു​ന്ന വ​ന്യ​മൃ​ഗ​ശ​ല്യം.

വ​ന​മേ​ഖ​ല​യോ​ട് ചേ​ർ​ന്നു കി​ട​ക്കു​ന്ന പ്ര​ദേ​ശ​മാ​യ​തി​നാ​ൽ കാ​ട്ടാ​ന​യും ക​ടു​വ​യും ഉ​ൾ​പ്പെ​ടെ​യു​ള്ള വ​ന്യ​മൃ​ഗ​ങ്ങ​ളു​ടെ ഭീ​ഷ​ണി​യി​ലു​മാ​ണ്. ഇ​നി​യെ​ങ്കി​ലും അ​ധി​കാ​രി​ക​ൾ ക​ണ്ണ് തു​റ​ക്ക​ണ​മെ​ന്നും ത​ങ്ങ​ൾ​ക്ക് സു​ര​ക്ഷി​ത​മാ​യി ജീ​വി​ക്കാ​ൻ ആ​വ​ശ്യ​മാ​യ പ​ട്ട​യ​വും ഉ​റ​പ്പു​ള്ളൊ​രു വീ​ടും അ​നു​വ​ദി​ക്ക​ണ​മെ​ന്നാ​ണ് സു​ഗ​ന്ധ​ഗി​രി​യി​ലെ ഈ ​പാ​വ​പ്പെ​ട്ട മ​നു​ഷ്യ​ർ ഒ​ന്ന​ട​ങ്കം ആ​വ​ശ്യ​പ്പെ​ടു​ന്ന​ത്.

Tags : wild elephants NattuVishasham DistrictNews