നെന്മാറ: ഓണവിപണി ലക്ഷ്യമിട്ട് ചെണ്ടുമല്ലികൃഷിക്ക് തുടക്കം കുറിച്ചു. ഒരേക്കർ സ്ഥലത്ത് 5000 ചെണ്ടുമല്ലി തൈകളാണ് നട്ടുപിടിപ്പിച്ചത്. വാർഷിക പദ്ധതിയിൽ ഉൾപ്പെടുത്തി 80000 തൈകളാണ് 75ശതമാനം സബ്സിഡി നിരക്കിൽ പഞ്ചായത്തിൽ വിതരണം ചെയ്യുന്നത്. മുന്നൂറോളം കർഷകർ ഇതിന്റെ ഭാഗമായി വരുംദിവസങ്ങളിൽ കൃഷിയിറക്കും. പരീക്ഷണാടിസ്ഥാനത്തിൽ ചെയ്ത ചെണ്ടുമല്ലികൃഷി വൻവിജയമായതിനെതുടർന്നാണ് കൃഷി വ്യാപിപ്പിക്കാൻ തീരുമാനിച്ചത്.
ഇതിനായി നെന്മാറ പഞ്ചായത്ത് മൂന്നുലക്ഷംരൂപ വകയിരുത്തിയിട്ടുണ്ട്. നെന്മാറ ഗ്രാമപഞ്ചായത്ത് പ്രസിഡന്റ് സി.സി. സുനിൽ ഉദ്ഘാടനം നിർവഹിച്ചു.
വൈസ് പ്രസിഡന്റ് പ്രബിത ജയൻ അധ്യക്ഷത വഹിച്ചു. ജില്ലാ പഞ്ചായത്ത് മെംബർ കെ.ജി. എൽദോ, ബ്ലോക്ക് പഞ്ചായത്ത് വൈസ് പ്രസിഡന്റ് തോട്ടം നാരായണൻ, വികസനകാര്യ സ്റ്റാന്റിംഗ് കമ്മിറ്റി ചെയർമാൻ എം.ആർ. നാരായണൻ, കൃഷി ഓഫീസർ എസ്. കൃഷ്ണ, പഞ്ചായത്ത് സെക്രട്ടറി ശ്രീപ്രിയ, അസിസ്റ്റന്റ് കൃഷി ഓഫീസർ സി. സന്തോഷ്, സി. പ്രകാശൻ, പി.സി. രാജൻ പ്രസംഗിച്ചു.
Tags : Nattuvishesham Local Desk Red clover cultivation Nenmara