ടോക്കിംഗ് പാർലർ ജില്ലാതല ഉദ്ഘാടനത്തോടനുബന്ധിച്ച് വലഞ്ചുഴിയിൽ സംസ്ഥാന കോ-ഓർഡിനേറ്റർ കെ. ചന്ദ്രദാസ് പദ്ധതി വിശദീകരണം നടത്തുന്നു.
പത്തനംതിട്ട: വയോജനക്ഷേമ വകുപ്പിന്റെ വിവിധ പദ്ധതികൾ രൂപീകരിക്കുന്നതിന്റെ ഭാഗമായി മുതിർന്ന പൗരന്മാരിൽനിന്ന് അഭിപ്രായങ്ങളും നിർദേശങ്ങളും തേടുന്നതിന് ടോക്കിംഗ് പാർലർ സംഘടിപ്പിച്ചു. വലഞ്ചുഴിയിലെ അങ്കണവാടിയിൽ നടന്ന പരിപാടിയുടെ ജില്ലാതല ഉദ്ഘാടനം ഡിസിസി വൈസ് പ്രസിഡന്റും നഗരസഭാ മുൻ ചെയർമാനുമായ എ. സുരേഷ് കുമാർ നിർവഹിച്ചു.
വയോജനക്ഷേമ പദ്ധതികളുടെ ചർച്ചകൾക്ക് പുറമേ വയോധികരായ അയൽക്കാരെ ഒരുമിച്ചുകൊണ്ടുവന്ന് കഥകൾ, കവിതകൾ, അനുഭവങ്ങൾ തുടങ്ങിയ സൃഷ്ടികൾ പങ്കിടുന്നതിനുമാണ് ടോക്കിംഗ് പാർലർ എന്ന പരിപാടി സംഘടിപ്പിച്ചത്.
ടോക്കിംഗ് പാർലറിന്റെ ജില്ലയിലെ ആദ്യ കൂട്ടായ്മയാണ് വലഞ്ചുഴിയിൽ നടന്നത്. വാർഡ് കൗൺസിലർ ഗീത സുരേഷ് കുമാർ അധ്യക്ഷത വഹിച്ചു. ടോക്കിംഗ് പാർലർ സംസ്ഥാന കോ -ഓർഡിനേറ്റർ കെ. ചന്ദ്രദാസ്, യൂണിവേഴ്സിറ്റി ഓഫ് തേർഡ് ഏജ് എന്ന വയോജന സംഘടനയുടെ ജില്ലാ കോ -ഓർഡിനേറ്റർ പ്രഫ. പി.ജി. ഫിലിപ്പ് തുടങ്ങിയവർ സംസാരിച്ചു. ടോക്കിംഗ് പാർലർ കൺവീനറായി രാജമ്മ വാലുപറമ്പിലിനെ തെരഞ്ഞെടുത്തു.
Tags : Local News Nattuvishesham Pathanamthitta