29

വി​ഴി​ഞ്ഞം: ഉ​പ​രാ​ഷ്്ട്രപ​തി​യു​ടെ വാ​ഹ​ന വ്യൂ​ഹം ക​ട​ന്ന് പോ​കു​ന്ന​തി​നി​ട​യി​ലേക്ക് ബൈക്ക് ഓ‌ടിച്ചു കയറ്റിയതിന് പി​ടി​യി​ലാ​യ സം​ഘ​ത്തിന്‍റെ ചോ​ദ്യം ചെ​യ്യ​ൽ തു​ട​രു​ന്നു. നി​ല​വി​ൽ ജാ​മ്യം കി​ട്ടു​ന്ന വ​കു​പ്പു​ക​ൾ ചേ​ർ​ത്ത് കോ​വ​ളം പൊലിസ് എ​ടു​ത്ത കേ​സ് ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ന്‍റെ ​അ​ന്വേ​ഷ​ണ​ത്തി​ന് ശേ​ഷം കു​റ്റ​ക്കാ​രെ​ന്ന് ക​ണ്ടെ​ത്തി​യാ​ൽ വ​കു​പ്പു​ക​ൾ മാ​റും. ഞാ​യ​റാ​ഴ്ച വൈ​കു​ന്നേ​രം ഉ​പ​രാ​ഷ്്‌്ട്രപ​തി സി.​പി.​ രാ​ധാ​കൃ​ഷ്ണ​ന്‍റെ തി​രു​വ​ന​ന്ത​പു​രം വി​മാ​ന​ത്താ​വ​ള​ത്തേ​ക്കു​ള്ള മ​ട​ക്ക​യാത്ര​ക്കി​ടെ കോ​വ​ളം ജം​ഗ്ഷ​നി​ലാ​യി​രു​ന്നു വ​ൻ സു​ര​ക്ഷാ വീ​ഴ്ച​യ്ക്ക് വ​ഴി​യൊ​രു​ക്കി​യ സം​ഭ​വം നടന്നത്. വിവി ഐപി വാ​ഹ​ന വ്യൂ​ഹം ക​ട​ന്നു​പോ​കു​ന്ന​തി​നി​ടെ സു​ര​ക്ഷാ ഉ​ദ്യോ​ഗ​സ്ഥ​രു​ടെ​ വി​ല​ക്ക് ലം​ഘി​ച്ച് മ​ദ്യ​പ​സം​ഘം ബൈ​ക്ക് ഓ​ടി​ച്ചു ക​യ​റ്റു​ക​യാ​യി​രു​ന്നു.

പ്ര​തി​ക​ളാ​യ വ​ള്ള​ക്ക​ട​വ് സു​ലൈ​മാ​ൻ സ്ട്രീ​റ്റ് സ്വ​ദേ​ശി​ക​ളാ​യ അ​ഷ്ക്ക​ർ (28), നാ​ദി​ർ​ഷാ (29 ) എ​ന്നി​വ​രെ പൊലിസ് ഓ​ടി​ച്ചിട്ട് പി​ടി​കൂ​ടു​ക​യാ​യി​രു​ന്നു. സം​ഭ​വ​ത്തെ​ ക ു​റി​ച്ച് കേ​ന്ദ്ര ര​ഹ​സ്യാ​ന്വേ​ഷ​ണ ഏ​ജ​ൻ​സി​ക​ളും അ​ന്വേ​ഷ​ണം തു​ട​ങ്ങി​യ​താ​യി അ​റി​യു​ന്നു.​ബാ​ല​രാ​മ​പു​ര​ത്തെ എ​സ്‌യു​ടി അ​ക്കാ​ഡ​മി ഒ​ഫ് മെ​ഡിക്ക​ൽ സ​യ​ൻ​സ​സി​ന്‍റെ ബി​രു​ദ സ​മ​ർ​പ്പ​ണ ച​ട​ങ്ങി​ൽ പ​ങ്കെ​ടു​ത്തു വി​മാ​ന​ത്താ​വ​ള​ത്തി​ലേ​ക്കു മ​ട​ങ്ങു​ക​യാ​യി​രു​ന്നു ഉ​പ​രാ​ഷ്‌ട്രപതി.​

തി​രു​വ​ല്ലം ഭാ​ഗ​ത്തു നി​ന്നു വ​ന്ന ബൈ​ക്ക് കോ​വ​ളം ജം​ഗ്ഷ​നി​ലെ​ത്തി​യ​പ്പോ​ൾ സു​ര​ക്ഷാ ചു​മ​ത​ല​യു​ണ്ടാ​യി​രു​ന്ന പൊ​ലി​സ് സം​ഘം ത​ട​യാ​ൻ ശ്ര​മി​ച്ചെ​ങ്കി​ലും നി​ർ​ത്താ​തെ ഓ​ടി​ച്ച് പോ​യി. പ്ര​ശ്‌​നം ഗു​രു​ത​ര​മെ​ന്ന് മ​ന​സി​ലാ​ക്കി​യ​ പൊ​ലിസ് ബൈ​ക്കി​നെ നാ​ല് കി​ലോ​മീ​റ്റ​റോ​ളം ദൂ​രം പി​ന്തു​ട​ർ​ന്നു. ഒ​ടു​വി​ൽ കാ​ഞ്ഞിം​കു​ള​ത്തി​ന് സ​മീ​പ​ത്ത് നി​ന്ന് ബൈ​ക്ക് ത​ട​ഞ്ഞ് നി​ർ​ത്തി ഇ​രുവ​രെ​യും ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു.​തി​രു​വ​ല്ലം ഭാ​ഗ​ത്തു നി​ന്നു​ള്ള യാ​ത്ര​യ്ക്കി​ടെ പ​ല​യി​ട​ത്തും പൊ​ലിസ് വി​ല​ക്ക് ലം​ഘി​ച്ചാ​ണ് സം​ഘം യാ​ത്ര തു​ട​ർ​ന്ന​തെ​ന്നും വി​വ​രം ല​ഭി​ച്ചു.

നി​ല​വി​ൽ കോ​വ​ളം എ​സ്എ​ച്ച്ഒ ​ഷീ​ന​ക്കാ​ണ് അ​ന്വേ​ഷ​ണ ചു​മ​ത​ല. വി​വി​ധ ര​ഹ​സ്യാ​ന്വേ​ഷ​ണ ഏ​ജ​ൻ​സി​ക​ൾ പ്ര​തി​ക​ളെ ചോ​ദ്യം ചെ​യ്യാ​നെ​ത്തു​മെ​ന്നാ​ണ് വി​വ​രം. പി​ടി​കൂ​ടി​യ​വ​ർ​ക്കെ​തി​രെ ആ​വ​ശ്യ​മെ​ങ്കി​ൽ കൂ​ടു​ത​ൽ വ​കു​പ്പു​ക​ൾ ചു​മ​ത്തി കേ​സെ​ടു​ക്കു​മെന്ന് ​കോ​വ​ളം സിഐയും ​അ​റി​യി​ച്ചു.

യു.​നാ​ദി​ർ​ഷാ​യു​ടെ വാ​ഹ​നം അഷ്ക​റാ​യി​രു​ന്നു ഓ​ടി​ച്ച​തെ​ന്നും പൊ​ലി​സ് പ​റ​ഞ്ഞു. പ്ര​തി​ക​ൾ​ക്ക് മ​റ്റ് കേ​സു​ക​ൾ ഇ​ല്ലെ​ന്ന് പ്രാ​ഥ​മി​ക അ​ന്വേ​ഷ​ണ​ത്തി​ൽ ക​ണ്ടെ​ത്തി​യ​താ​യും അ​ധി​കൃ​ത​ർ പ​റ​യു​ന്നു. ജാ​മ്യ​ത്തി​ൽ ഇ​റ​ങ്ങി​യാ​ലും ആ​വ​ശ്യ​മെ​ങ്കി​ൽ കൂ​ടു​ത​ൽ ചോ​ദ്യം ചെ​യ്യാ​ൻ നോ​ട്ടീ​സ് ന​ൽ​കി വി​ളി​പ്പി​ക്കു​മെ​ന്നും പൊലിസ് അ​റി​യി​ച്ചു.

Tags : Nattuvishesham DistrictNews DeepikaNews