വെ​ള്ള​റ​ട: പ​ഞ്ചാ​യ​ത്ത് സ്റ്റേഡി​യ​ത്തി​ല്‍ ക​ളി​ക്കു​ന്ന വി​ദ്യാ​ര്‍​ഥിക​ളി​ല്‍നി​ന്നും ബോ​ളു​ക​ള്‍ സ​മീ​പ​ത്തെ വീ​ട്ടി​ലും പരിസ രത്തും പതിക്കുന്നുവെന്ന പ​രാ​തി​യെ തു​ട​ര്‍​ന്ന് ഭാഗികമാ യി സുരക്ഷാ വേലി നിർമിക്കുന്നത് സമീപത്തെ ഉടമ തടസപ്പെടുത്തി. മ​തി​യാ​യ അ​ള​വി​ല്‍ മ​റ​യ്ക്കാ​തെ ഭാ​ഗി​ക​മാ​യി മ​റ​യ്ക്കാ​നു​ള്ള ശ്ര​മ​ത്തെ​യാ​ണു വീ​ട്ടു​ട​മ​യാ​യ രാ​ജേ​ന്ദ്ര​ന്‍ ത​ട​ഞ്ഞ​ത്.

ഇ​ന്ന​ലെ രാ​വി​ലെ​യാ​ണ് ക​രാ​ര്‍ തൊ​ഴി​ലാ​ളി വീ​ടി​നു സ​മീ​പ​ത്തു ഭാ​ഗി​ക​മാ​യി ഷീ​റ്റ് അ​ടി​ച്ച് ബ​ല​പ്പെ​ടു​ത്താ​നെ ത്തി​യ​ത്. 30 അ​ടി നീ​ള​ത്തി​ല്‍ നാ​ല​ടി ഉ​യ​ര​ത്തി​ൽ ഷീ​റ്റ് അ​ടി​ച്ച് ബ​ല​പ്പെ​ടു​ത്താ​നാ​യി രു​ന്നു പ​ഞ്ചാ​യ​ത്തി​ന്‍റെ തീ​രു​മാ​നം. എ​ന്നാ​ല്‍ വീ​ടി​ന്‍റെ പു​റ​കു വ​ശ​ത്ത് 45 അ​ടി നീ​ള​ത്തി​ല്‍ ഷീ​റ്റ് അ​ടി​ച്ചാ​ല്‍ മാ​ത്ര​മേ സു​ര​ക്ഷി​ത​ത്വ​മു​ണ്ടാ​കൂ​വെ​ന്നാ​യി​രു​ന്നു രാ​ജേ​ന്ദ്ര​ന്‍റെ ആ​വ​ശ്യം. ഇ​ക്കാ​ര്യം പ​റ​ഞ്ഞ് രാ​ജേ​ന്ദ്ര​ൻ ക​രാ​റു​കാ​ര​നു​മാ​യി വാ​ക്കേ​റ്റ​ത്തി​ലേ​ർ​പ്പെ​ടു​ക​യും ചെ​യ്തു. തു​ട​ര്‍​ന്നു പ​ഞ്ചാ​യ​ത്തി​ല്‍​നി​ന്നും ജീ​വ​ന​ക്കാ​രെ​ത്തി 12,000 രൂ​പ മാ​ത്ര​മാ​ണു വ​ക കൊ​ള്ളി​ച്ചി​ട്ടു​ള്ള​തെ​ന്നും 12,000 രൂ​പ​യ്ക്ക് 30 അ​ടി നീ​ള​ത്തി​ലും നാ​ല​ടി ഉ​യ​ര​ത്തി​ലും മാ​ത്ര​മേ മ​റ​ക്കാ​ന്‍ ക​ഴി​യു​ക​വെ​ന്നും അ​റി​യി​ക്കു​ക​യാ​യി​രു​ന്നു. എ​ന്നാ​ൽ പ​ണി​ക​ൾ ന​ട​ത്തേ​ണ്ടെ​ന്നു രാ​ജേ​ന്ദ്ര​ൻ നി​ല​പാ​ടെ​ടു​ത്ത​തോ​ടെ പ​ഞ്ചാ​യ​ത്ത് ജീ​വ​ന​ക്കാ​ര്‍ 45 അ​ടി നീ​ള​ത്തി​ല്‍ അ​ഞ്ച​ടി ഉ​യ​ര​ത്തി​ല്‍ വീ​ടി​ന് ഉ​പ​ദ്ര​വ​മു​ണ്ടാ​കാ​ത്ത രീ​തി​യി​ല്‍ ത​ക​ര​ത്തി​ല്‍ മ​റ​യ്ക്കു​വാ​നു​ള്ള തീ​രു​മാ​ന​മെ​ടു​ത്തു പി​രി​യു​ക​യാ​യി​രു​ന്നു.

സ്റ്റേ​ഡി​യ​ത്തി​ൽ​നി​ന്നു ബോ​ളു​ക​ൾ നി​ര​ന്ത​രം വീ​ടി​ന​ക​ത്തു പ​തി​ച്ച​തോ​ടെ രാ​ജേ​ന്ദ്ര​ന്‍ പ​ഞ്ചാ​യ​ത്തി​ലും പൊ​ലി​സി​ലും വ​കു​പ്പ് മ​ന്ത്രി​ക്കും പ​രാ​തി ന​ല്‍​കി​യ​തി​നെ തു​ട​ര്‍​ന്നാ​ണ് ന​ട​പ​ടി​യെ​ടു​ക്കാ​ൻ പ​ഞ്ചാ​യ​ത്തി​നു നി​ർ​ദേ​ശം ല​ഭി​ച്ച​ത്. എ​സ്റ്റി​മേ​റ്റ് എ​ടു​ത്ത് പ​ണി ചെ​യ്യ​ണ​മെ​ങ്കി​ല്‍ ഒ​രു​ല​ക്ഷം രൂ​പ​യെ​ങ്കി​ലും വ​ക​കൊ​ള്ളി​ക്ക​ണെ​ന്ന ആ​വ​ശ്യ​ത്തി​ൽ ഒ​രു​മാ​സ​ത്തോ​ള​മാ​യി നീ​ട്ടി കൊ​ണ്ടു​പോ​വു​ക​യാ​യി​രു​ന്നു. അ​വ​സാ​നം 12,000 വ​ക കൊ​ള്ളി​ച്ച് വീ​ടി​നു സു​ര​ക്ഷ ഒ​രു​ക്കി മ​റ​ക്കു​വാ​നു​ള്ള തീ​രു​മാ​ന​ത്തി​ലെ​ത്തി​യ​പ്പോ​ഴാ​ണ് വീ​ണ്ടും പ്ര​ശ്ന​മാ​യ​ത്. തു​ട​ര്‍​ന്ന് 17,000 രൂ​പ എ​സ്റ്റി​മേ​റ്റ് അ​നു​സ​രി​ച്ച് ക​രാ​റു​കാ​ര​നോ​ട് പ​ണി ചെ​യ്യാ​ന്‍ പ​റ​ഞ്ഞ​ശേ​ഷ​മാ​ണ് വാ​ക്കേ​റ്റ​ത്തി​നും വാ​ദ​പ്ര​തി​വാ​ദ​ങ്ങ​ള്‍​ക്കും അ​റു​തി​യാ​യ​ത്.

Tags :