2

ഇ​രി​ട്ടി: ആ​റ​ളം ഫാ​മി​ലും പു​ന​ര​ധി​വാ​സ മേ​ഖ​ല​യി​ലും ഭീ​തി സൃ​ഷ്ടി​ച്ച "ക​ണ്ണൂ​ർ മ​ഖ്ന-1' മോ​ഴ​യാ​ന​യെ പി​ടി​കൂ​ടാ​നു​ള്ള ദൗ​ത്യ​ത്തി​ന് ക​രു​ത്താ​യി എ​ത്തി​യ മൂ​ന്ന് കു​ങ്കി​യാ​ന​ക​ൾ നേ​ര​ത്തെ കാ​ട് വി​റ​പ്പി​ച്ചി​രു​ന്ന കൊ​മ്പ​ന്മാ​ർ. മു​ത്ത​ങ്ങ ആ​ന​പ​രി​ശീ​ല​ന കേ​ന്ദ്ര​ത്തി​ൽ പ​രി​ശീ​ല​നം നേ​ടി​യ വി​ക്രം, ഭ​ര​ത്, ഉ​ണ്ണി​കൃ​ഷ്ണ​ൻ എ​ന്നി​വ​രാ​ണ് ഹീ​റോ​ക​ളാ​യ​ത്. അ​ക്ര​മ​കാ​രി​ക​ളാ​യ ഇ​വ​രെ മ​യ​ക്കു​വെ​ടി​വ​ച്ച് പി​ടി​കൂ​ടി നീ​ണ്ട​പ​രി​ശീ​ല​നം ന​ൽ​കി​യാ​ണ് വ​നം വ​കു​പ്പി​ന്‍റെ ല​ക്ഷ​ണ​മൊ​ത്ത കു​ങ്കി ആ​ന​ക​ളാ​യി മാ​റ്റു​ന്ന​ത്.

പ​രി​ശീ​ല​ക​രു​മാ​യി മെ​രു​ങ്ങു​ന്ന​തോ​ടെ കൊ​മ്പ​ൻ​മാ​രെ ആ​ന പ്ര​തി​രോ​ധ പ്ര​വ​ർ​ത്ത​ങ്ങ​ൾ​ക്കാ​യി നി​യോ​ഗി​ക്കും. വേ​ഗ​ത​യും പ്ര​തി​രോ​ധ​ത്തി​ലെ മി​ക​വു​മാ​ണ് മൂ​ന്ന് കു​ങ്കി​യാ​ന​ക​ളെ​യാ​ണ് ആ​റ​ള​ത്തെ ഓ​പ്പ​റേ​ഷ​ൻ ക​ണ്ണൂ​ർ മ​ഖ്‌​ന​ക്കാ​യി എ​ത്തി​ച്ച​ത്.​ നി​ര​വ​ധി ഓ​പ്പ​റേ​ഷ​നു​ക​ളി​ൽ പ​ങ്കെ​ടു​ത്ത ഇ​വ​ർ വ​നം വ​കു​പ്പി​ന്‍റെ ഏ​റ്റ​വും വി​ശ്വ​സ്ത​രാ​യ കു​ങ്കി ആ​ന​ക​ളാ​ണ്. അ​തു​കൊ​ണ്ട് ത​ന്നെ​യാ​ണ് അ​തി​ശ​ക്ത​നാ​യ മോ​ഴ​യെ ത​ള​യ്ക്കാ​ൻ ഇ​വ​രെ ആ​റ​ള​ത്ത് എ​ത്തി​ച്ച​തും.

വ​യ​നാ​ടി​നെ വി​റ​പ്പി​ച്ച വി​ക്രം

വ​യ​നാ​ട്ടി​ൽ മ​നു​ഷ്യ​ർ​ക്കും കൃ​ഷി​ക്കും ഭീ​ഷ​ണി​യാ​യി ആ​ന​യാ​യി​രു​ന്നു വി​ക്രം. നാ​ലാ​ന​ക​ള​ട​ങ്ങി​യ കൂ​ട്ട​ത്തി​ന്‍റെ നേ​താ​വാ​യി​രു​ന്ന വി​ക്രം. വ​ട​ക്ക​നാ​ട് മേ​ഖ​ല​യി​ൽ ജ​ന​വാ​സ​കേ​ന്ദ്ര​ങ്ങ​ളി​ലും കൃ​ഷി​യി​ട​ങ്ങ​ളി​ലും പ്ര​ശ്ന​ങ്ങ​ൾ സൃ​ഷ്ടി​ച്ചി​രു​ന്നു. 2018ൽ ​ഒ​രു ആ​ദി​വാ​സി യു​വാ​വി​നെ കൊ​ല​പ്പെ​ടു​ത്തി​യ​തോ​ടെ​യാ​ണ് ആ​ന​യെ പി​ടി​കൂ​ടാ​ൻ തീ​രു​മാ​നി​ച്ച​ത്. കൊ​ല​യ്ക്കു​ശേ​ഷം ക​ർ​ണാ​ട​ക വ​ന​ത്തി​ലേ​ക്ക് ക​ട​ന്ന വി​ക്ര​മി​നെ ഒ​മ്പ​ത് മാ​സ​ത്തി​ന് ശേ​ഷം 2019 ലാ​ണ് പി​ടി​കൂ​ടി​യ​ത്. തു​ട​ർ​ന്ന് പ​രി​ശീ​ല​നം ന​ൽ​കി കു​ങ്കി​യാ​ന​യാ​ക്കി മാ​റ്റു​ക​യാ​യി​രു​ന്നു. നീ​ള​മു​ള്ള കൊ​മ്പു​ക​ളും നി​ല​ത്തു​തൊ​ടു​ന്ന തു​മ്പി​ക്കൈ​യു​മാ​ണ് വി​ക്ര​മി​ന്‍റെ പ്ര​ത്യേ​ക​ത. 2023ൽ ​പാ​ല​ക്കാ​ട് ധോ​ണി മേ​ഖ​ല​യി​ൽ പ്ര​ശ്ന​ക്കാ​ര​നാ​യ പി​ടി-7 എ​ന്ന കാ​ട്ടാ​ന​യെ പി​ടി​കൂ​ടി​യ ദൗ​ത്യ​ത്തി​ലും വി​ക്രം പ​ങ്കാ​ളി​യാ​യി​രു​ന്നു. 2026 ഏ​പ്രി​ലി​ൽ വ​യ​നാ​ട്ടി​ലെ മു​ട്ടി​ക്കൊ​മ്പ​നെ പി​ടി​കൂ​ടാ​നു​ള്ള ദൗ​ത്യ​ത്തി​ലും വി​ക്രം ഉ​ൾ​പ്പെ​ടെ മു​ത്ത​ങ്ങ​യി​ലെ കു​ങ്കി​ക​ൾ പ​ങ്കെ​ടു​ത്തു.

ക​ല്ലൂ​ർ കൊ​മ്പ​ൻ എ​ന്ന ഭ​ര​ത്

ഭ​ര​തി​ന്‍റെ ക​ഥ​യും വ്യ​ത്യ​സ്ത​മ​ല്ല. വ​യ​നാ​ട്ടി​ലെ ക​ല്ലൂ​ർ മേ​ഖ​ല​യി​ൽ നി​ര​ന്ത​രം കൃ​ഷി​യി​ട​ങ്ങ​ളി​ലി​റ​ങ്ങി പ്ര​ശ്ന​മു​ണ്ടാ​ക്കി​യി​രു​ന്ന ആ​ന​യാ​യി​രു​ന്നു ഭ​ര​ത്. 2016 ന​വം​ബ​ർ 22ന് ​ക​ർ​ഷ​ക​നെ ആ​ക്ര​മി​ച്ച​തി​നെ​ത്തു​ട​ർ​ന്ന് മ​യ​ക്കു​വെ​ടി ന​ൽ​കി പി​ടി​കൂ​ടു​ക​യാ​യി​രു​ന്നു. തു​ട​ർ​ന്ന് ദീ​ർ​ഘ​കാ​ലം ആ​ന​ക്കൊ​ട്ടി​ലി​ൽ പാ​ർ​പ്പി​ച്ച് പ​രി​ശീ​ല​ന​ത്തി​ലൂ​ടെ കു​ങ്കി​യാ​ന​യാ​ക്കി മാ​റ്റി. 2018 ഒ​ക്ടോ​ബ​റി​ൽ തു​റ​ന്ന ആ​ന​ക്കൂ​ട്ടി​ലേ​ക്ക് മാ​റ്റി​യ ശേ​ഷ​മാ​ണ് ഭ​ര​ത് എ​ന്ന പേ​ര് ല​ഭി​ച്ച​ത്. പി​ന്നീ​ട് പ്ര​ശ്ന​ക്കാ​രാ​യ കാ​ട്ടാ​ന​ക​ളെ നി​യ​ന്ത്രി​ക്കു​ന്ന വി​വി​ധ ദൗ​ത്യ​ങ്ങ​ളി​ൽ ഭ​ര​ത് പ​ങ്കാ​ളി​യാ​യി. 2023ൽ ​പി​ടി-7​നെ പി​ടി​കൂ​ടാ​നു​ള്ള ദൗ​ത്യ​ത്തി​ലും വി​ക്ര​മി​നൊ​പ്പം ഭ​ര​തും നി​ർ​ണാ​യ​ക സാ​ന്നി​ധ്യ​മാ​യി​രു​ന്നു.

ചെ​റു​പ്പ​ക്കാ​ര​ൻ ഉ​ണ്ണി​കൃ​ഷ്ണ​ൻ

മു​ത്ത​ങ്ങ​യു​ടെ ആ​ന​പ​രി​ശീ​ല​ന കേ​ന്ദ്ര​ത്തി​ൽ നി​ന്നാ​ണ് ഉ​ണ്ണി​കൃ​ഷ്ണ​നെ​യും ആ​റ​ള​ത്തേ​ക്ക് എ​ത്തി​ച്ച​ത്. മൂ​ന്ന് കു​ങ്കി ആ​ന​ക​ളി​ൽ പ്രാ​യം​കൊ​ണ്ട് ചെ​റു​പ്പം ഉ​ണ്ണി​കൃ​ഷ്ണ​നാ​ണ്. 2026 സെ​പ്റ്റം​ബ​ർ അ​വ​സാ​ന​ത്തോ​ടെ വി​ക്ര​ത്തി​നും ഭ​ര​തി​നും പി​ന്നാ​ലെ മൂ​ന്നാ​മ​ത്തെ കു​ങ്കി​യാ​യാ​ണ് ഉ​ണ്ണി​കൃ​ഷ്ണ​ൻ വ​ള​യം​ചാ​ലി​ലെ​ത്തി​യ​ത്. 2025​ൽ വ​യ​നാ​ട്ടി​ലെ പൂ​ള​ക്കു​ന്ന് മേ​ഖ​ല​യി​ൽ ജ​ന​വാ​സ​കേ​ന്ദ്ര​ങ്ങ​ളി​ലി​റ​ങ്ങി​യ കാ​ട്ടാ​ന​ക​ളെ തു​ര​ത്താ​നു​ള്ള ദൗ​ത്യ​ത്തി​ൽ ഉ​ണ്ണി​കൃ​ഷ്ണ​നും വി​ക്ര​മും പ​ങ്കെ​ടു​ത്തി​രു​ന്നു. 2026 ഏ​പ്രി​ലി​ൽ മു​ട്ടി​ക്കൊ​മ്പ​നെ പി​ടി​കൂ​ടാ​നു​ള്ള ദൗ​ത്യ​ത്തി​ലും ഉ​ണ്ണി​കൃ​ഷ്ണ​ൻ പ​ങ്കെ​ടു​ത്തു. മേ​യി​ൽ വ​യ​നാ​ട്ടി​ലെ കൃ​ഷി​യി​ട​ങ്ങ​ൾ സം​ര​ക്ഷി​ക്കു​ന്ന​തി​നു​ള്ള പ​ട്രോ​ളിം​ഗ് ദൗ​ത്യ​ത്തി​ലും വി​ന്യ​സി​ച്ചി​രു​ന്നു.

Tags : District News Nattuvishesham Three tuskers Aralam's 'Kunkis'