നാടുകാണിച്ചുരത്തിൽ യാത്രക്കാരൻ വലിച്ചെറിഞ്ഞ അജൈവ മാലിന്യങ്ങൾ.
എടക്കര: നാടുകാണിച്ചുരം പാതയോരത്ത് അലക്ഷ്യമായി അജൈവ മാലിന്യങ്ങൾ വലിച്ചെറിഞ്ഞ യാത്രക്കാരനിൽ നിന്ന് ഗ്രാമപഞ്ചായത്ത് അധികൃതർ പിഴ ഈടാക്കി. യാത്രയ്ക്കിടെ ചുരത്തിൽ മാലിന്യം വലിച്ചെറിഞ്ഞ കോഴിക്കോട് കുറ്റ്യാടി സ്വദേശിയിൽ നിന്നുമാണ് ഗ്രാമപഞ്ചായത്ത് അധികൃതർ പിഴ ഈടാക്കിയത്.
അയ്യായിരം രൂപയാണ് പിഴയായി ഈടാക്കിയത്. ചുരം പാതയിലെയും പൊതുസ്ഥലങ്ങളിലെയും മാലിന്യ നിക്ഷേപം നിയമംമൂലം നിരോധിച്ച സാഹചര്യത്തിലാണ് നടപടി. നിയമലംഘനങ്ങൾക്കെതിരേ കർശന നടപടി തുടരുമെന്ന് ഗ്രാമപഞ്ചായത്ത് അധികൃതർ അറിയിച്ചു.
Tags : Local News Nattuvishesham Malappuram