ഇ​രി​ട്ടി: കാ​ട്ടാ​ന​ക്കൂ​ട്ട​ത്തി​ന്‍റെ ഭീ​തി​യി​ൽ ജീ​വ​നും സ്വ​ത്തി​നും ഒ​രു സു​ര​ക്ഷി​ത​ത്വ​വു​മി​ല്ലാ​തെ വാ​ള​ത്തോ​ട് നി​വാ​സി​ക​ൾ. ആ​റ​ളം, അ​യ്യ​ൻ​കു​ന്ന് പ​ഞ്ചാ​യ​ത്തു​ക​ളു​ടെ അ​തി​ർ​ത്തി മേ​ഖ​ല​യാ​യ വാ​ള​ത്തോ​ടു​കാ​ർ വീ​ടി​നു​ള്ളി​ൽ പോ​ലും ആ​ന ഭീ​തി കാ​ര​ണം ഉ​റ​ങ്ങാ​ൻ ക​ഴി​യാ​ത്ത അ​വ​സ്ഥ​യി​ലാ​ണ് ജീ​വി​ക്കു​ന്ന​ത്. പ​ത്തം​ഗ​ആ​ന​ക്കൂ​ട്ട​മാ​ണ് പ്ര​ദേ​ശ​ത്തെ ഭീ​തി​യി​ലാ​ഴ്ത്തു​ന്ന​ത്. ആ​ഴ​ച​ക​ളാ​യി ജ​ന​വാ​സ മേ​ഖ​ല​യി​ൽ ത​ന്പ​ടി​ച്ചി​രി​ക്കു​ന്ന ആ​ന​ക്കൂ​ട്ടം വ്യാ​പ​ക​മാ​യി കൃ​ഷി ന​ശി​പ്പി​ക്കു​ന്ന​തി​നൊ​പ്പം വീ​ട്ടു മു​റ്റ​ങ്ങ​ളി​ൽ വ​രെ എ​ത്തു​ന്നു​ണ്ട്. ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ഉ​റ​പ്പാ​ക്കാ​ൻ അ​ധി​കൃ​ത​ർ അ​ടി​യ​ന്ത​ര ന​ട​പ​ടി സ്വീ​ക​രി​ച്ചി​ല്ലെ​ങ്കി​ൽ ക​ക്ഷി​രാ​ഷ്ട്രീ​യ ഭേ​ദ​മ​ന്യേ പ്ര​ത്യ​ക്ഷ സ​മ​ര​പ​രി​പാ​ടി​ക​ളി​ലേ​ക്ക് നീ​ങ്ങു​മെ​ന്ന് പ്ര​ദേ​ശ​വാ​സി​ക​ൾ മു​ന്ന​റി​യി​പ്പ് ന​ൽ​കി.

ഏ​ക്ക​ർ ക​ണ​ക്കി​ന് കൃ​ഷി​യി​ട​ങ്ങ​ളാ​ണ് ഒ​രാ​ഴ്ച​യ്ക്കു​ള്ളി​ൽ ആ​ന​ക്കൂ​ട്ടം ന​ശി​പ്പി​ച്ച​ത്. റ​ബ​ർ, തെ​ങ്ങ്, ക​മു​ക്, വാ​ഴ, ക​ശു​മാ​വ് തു​ട​ങ്ങി​യ ന​ശി​പ്പി​ച്ച​തോ​ടെ ക​ർ​ഷ​ക​ർ വ​ലി​യ പ്ര​തി​സ​ന്ധി​യാ​ണ് നേ​രി​ടു​ന്ന​ത്. കു​ര്യാ​ച്ച​ൻ മ​ഠ​ത്തി​പ്പു​റ​ത്ത്, ജി​തി​ൻ കു​ന്നും​പു​റ​ത്ത്, മ​നോ​ജ് ഉ​ണ്ണി​മാ​ക്ക​ൽ, ജോ​സ് ജീ​ര​ക​ശേ​രി, സ​ദാ​ന​ന്ദ​ൻ ക​ടു​പ്പി​ൽ, ബാ​ബു പു​ത്ത​ന​റ​യി​ൽ, കാ​ർ​ത്തി​കേ​യ​ൻ നാ​ര​ങ്ങാ​മു​റി​യി​ൽ, വെ​ട്ടി​ക്ക​ൽ ജി​ബി​ൻ തു​ട​ങ്ങി​യ​വ​രു​ടെ കൃ​ഷി​യി​ട​ങ്ങ​ളി​ലാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ ആ​ന​ക്കൂ​ട്ടം വ്യാ​പ​ക​മാ​യി നാ​ശം വി​ത​ച്ച​ത്. ഏ​ക​ദേ​ശം 300 കു​ടും​ബ​ങ്ങ​ളാ​ണ് കാ​ട്ടാ​ന ഭീ​ഷ​ണി​യി​ൽ ക​ഴി​ഞ്ഞു വ​രു​ന്ന​ത്. വ​ർ​ഷ​ങ്ങ​ളോ​ളം അ​ധ്വാ​നി​ച്ച് കെ​ട്ടി​പ്പ​ടു​ത്ത വീ​ടും കൃ​ഷി​യി​ട​വും ഉ​പേ​ക്ഷി​ച്ച് സു​ര​ക്ഷി​ത​മാ​യ മ​റ്റൊ​രി​ട​ത്തേ​ക്ക് കു​ടി​യി​റ​ങ്ങേ​ണ്ടി വ​രു​മോ എ​ന്ന ആ​ശ​ങ്ക​യാ​ണ് ക​ർ​ഷ​ക​രി​ൽ ഇ​പ്പോ​ൾ ഉ​യ​രു​ന്ന​ത്.

ആ​റ​ളം ഫാ​മി​ൽ നി​ന്ന് തു​ര​ത്തു​ന്ന ആ​ന​ക​ളാ​ണ് വാ​ള​ത്തോ​ട് എ​ത്തു​ന്ന​തെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്. ഫാം ​മേ​ഖ​ല​യി​ൽ നി​ന്ന് വ​ന്യ​ജീ​വി സ​ങ്കേ​ത​ത്തി​ലേ​ക്ക് തു​ര​ത്തു​ന്ന ആ​ന​ക​ൾ നീ​ലാ​യ് ഭാ​ഗ​ത്തു​കൂ​ടി​യാ​ണ് ഇ​വി​ടേ​ക്ക് വ​രു​ന്ന​തെ​ന്നാ​ണ് ഇ​വ​ർ ആ​രോ​പി​ക്കു​ന്ന​ത്.
ജി​തി​ന്‍റെ കു​ടും​ബം

ര​ക്ഷ​പ്പെട്ട​ത് ത​ല​നാ​രി​ഴ​യ്ക്ക്

ക​ഴി​ഞ്ഞ ദി​വ​സ​ം ജി​തി​ൻ കു​ന്നും​പു​റ​ത്തി​ന്‍റെ വീ​ടി​ന് ചു​റ്റും പ​ത്തം​ഗ ആ​ന​ക്കൂ​ട്ട​മാ​ണ് എ​ത്തി​യ​ത്. ആ​ന​ക്കൂ​ട്ട​ത്തെ ക​ണ്ട് ഭാ​ര്യ അ​മ്പി​ളി, അ​മ്മ ലീ​ലാ​മ്മ, മ​ക്ക​ളാ​യ ക്രി​സ്റ്റ​യും ആ​ദി​ലും ആ​ഗ്ന​സും ഭ​യ​ന്നു​വി​റ​ച്ചു. മ​ക്ക​ളെ ചേ​ർ​ത്തു​പി​ടി​ച്ച് അ​മ്പി​ളി സ​ഹാ​യ​ത്തി​നാ​യി നി​ല​വി​ളി​ച്ച​പ്പോ​ൾ ജി​തി​ൻ യ​ന്ത്ര​വാ​ൾ പ്ര​വ​ർ​ത്തി​പ്പി​ച്ചും ആ​ദി​ൽ ബ​ക്ക​റ്റി​ൽ ക​മ്പു​കൊ​ണ്ട് അ​ടി​ച്ച് ശ​ബ്ദ​മു​ണ്ടാ​ക്കി​യു​മാ​ണ് ആ​ന​ക​ളെ തു​ര​ത്താ​ൻ ശ്ര​മി​ച്ച​ത്. ശ​ബ്ദം കേ​ട്ട് നാ​ട്ടു​കാ​ർ ഓ​ടി​യെ​ത്തി​യെ​ങ്കി​ലും ആ​ന​ക​ൾ പി​ൻ​മാ​റാ​ഞ്ഞ​തോ​ടെ ആ​ളു​ക​ൾ​ക്കും ഒ​ന്നും ചെ​യ്യാ​ൻ ക​ഴി​ഞ്ഞി​ല്ല.

ക​ഴി​ഞ്ഞ ദി​വ​സം മാ​ത്രം മൂ​ന്നു​ത​വ​ണ​യാ​ണ് ആ​ന​ക്കൂ​ട്ടം ജ​ന​വാ​സ മേ​ഖ​ല​യി​ലെ​ത്തി​യ​ത്. വൈ​കു​ന്നേ​രം ആ​റോ​ടെ എ​ത്തി​യ ആ​ന​ക​ളെ വ​ന​പാ​ല​ക​ർ ഉ​ൾ​പ്പെ​ടെ ചേ​ർ​ന്ന് തു​ര​ത്തി. എ​ന്നാ​ൽ രാ​ത്രി 9.30ഓ​ടെ ആ​ന​ക്കൂ​ട്ടം തി​രി​ച്ചെ​ത്തി. നാ​ട്ടു​കാ​രു​ടെ സ​ഹാ​യ​ത്തോ​ടെ അ​ർ​ധ​രാ​ത്രി​യോ​ടെ ആ​ന​ക​ളെ വീ​ണ്ടും തു​ര​ത്തി​യെ​ങ്കി​ലും പു​ല​ർ​ച്ചെ തി​രി​ച്ചെ​ത്തു​ക​യും വ്യാ​പ​ക​മാ​യി കൃ​ഷി ന​ശി​പ്പി​ക്കു​ക​യും ചെ​യ്തു. ജി​നി​തി​ന്‍റെ 250 വാ​ഴ​ക​ളും 25 ക​മു​കു​ക​ളും നാ​ലു ക​ട​പ്ലാ​വു​ക​ളു​മാ​ണ് ഒ​റ്റ ദി​വ​സം കൊ​ണ്ട് ആ​ന​ക്കൂ​ട്ടം ന​ശി​ച്ചി​പ്പി​ച്ച​ത്.

ടാ​പ്പിം​ഗ് നി​ല​ച്ചു

കാ​ട്ടാ​ന ഭീ​തി കാ​ര​ണം പു​ല​ർ​ച്ചെ​യു​ള്ള റ​ബ​ർ ടാ​പ്പിം​ഗ് വ​രെ പ​ല​രും നി​ർ​ത്തി വ​ച്ചി​രി​ക്കു​ക​യാ​ണ്. ടാ​പ്പിം​ഗി​നാ​യി പു​ല​ർ​ച്ചെ പു​റ​ത്തി​റ​ങ്ങി​യാ​ൽ ഏ​തു സ​മ​യ​വും കാ​ട്ടാ​ന​യ്ക്കു മു​ന്നി​ൽ പെ​ടാ​മെ​ന്ന ഭീ​തി​ൽ ടാ​പ്പിം​ഗ് തൊ​ഴി​ലാ​ളി​ക​ളും ക​ർ​ഷ​ക​രും നി​ർ​ബ​ന്ധി​ത​രാ​യി ത​ങ്ങ​ളു​ടെ വ​രു​മാ​ന​മാ​ർ​ഗം ഉ​പേ​ക്ഷി​ക്കേ​ണ്ടി വ​ന്നി​രി​ക്കു​ക​യാ​ണ്. മേ​ഖ​ല​യി​ലെ വ​ഴി​വി​ള​ക്കു​ക​ൾ ക​ത്താ​ത്ത​തും ജ​ന​ങ്ങ​ളെ പ്ര​തി​സ​ന്ധി​യി​ലാ​ക്കു​ന്നു​ണ്ട്.

Tags :