19

കോ​ഴി​ക്കോ​ട്: ക​ര്‍​ഷ​ക​ര്‍​ക്ക് ഒ​രു ആ​ശ്വാ​സ കേ​ന്ദ്രം എ​ന്ന നി​ല​യി​ല്‍ ആ​രം​ഭി​ച്ച കോ​ഴി​ക്കോ​ട്ട് വേ​ങ്ങേ​രി ന​ഗ​ര കാ​ർ​ഷി​ക മൊ​ത്ത വി​പ​ണ​ന കേ​ന്ദ്ര​ത്തി​ന്‍റെ പ്ര​വ​ര്‍​ത്ത​നം പ്ര​തി​സ​ന്ധി​യി​ല്‍. സ്ഥ​ല​ത്തെ കോ​ടി​ക്ക​ണ​ക്കി​നു രൂ​പ​യു​ടെ ആ​സ്തി കൂ​ട്ടി​ച്ചേ​ർ​ത്ത് സ്ഥാ​പി​ച്ച കേ​ര​ള അ​ഗ്രോ ബി​സി​ന​സ് ക​മ്പ​നി (കാ​ബ്കോ) പ്ര​വ​ർ​ത്ത​നം താ​ളം തെ​റ്റി.

ര​ണ്ടു വ​ർ​ഷം പി​ന്നി​ട്ടി​ട്ടും ത​ട​മ്പാ​ട്ടു​താ​ഴം കേ​ന്ദ്ര​ത്തി​ലെ 25 ഏ​ക്ക​ർ സ്ഥ​ല​ത്ത് വി​ക​സ​നം സാ​ധ്യ​മാ​കാ​ത്ത സാ​ഹ​ച​ര്യ​ത്തി​ൽ കാ​ബ്കോ വേ​ങ്ങേ​രി മാ​ർ​ക്ക​റ്റി​ലെ വി​വി​ധ ഭാ​ഗ​ങ്ങ​ൾ സ്വ​കാ​ര്യ മേ​ഖ​ല​യ്ക്ക് ക​രാ​ർ വ്യ​വ​സ്ഥ​യി​ൽ ന​ൽ​കു​ക​യാ​ണ്. ഇ​തി​നെ​തി​രേ വ്യാ​പ​ക പ്ര​തി​ഷേ​ധം ഉ​യ​ര്‍​ന്നി​ട്ടു​ണ്ട്. വി​ല​ക്ക​യ​റ്റ​ത്തി​നു​ള്‍​പ്പെ​ടെ കാ​ര​ണ​മാ​കു​മെ​ന്നാ​ണ് വി​മ​ര്‍​ശ​നം.

മാ​ർ​ക്ക​റ്റി​ൽ നേ​ര​ത്തേ പ്ര​വ​ർ​ത്തി​ച്ച കാ​ന്‍റി​ൻ കെ​ട്ടി​ടം ആ​ധു​നി​ക രീ​തി​യി​ൽ അ​റ്റ​കു​റ്റ​പ്പ​ണി ന​ട​ത്തി ടെ​ൻ​ഡ​ർ വ്യ​വ​സ്ഥ​യി​ൽ കൈ​മാ​റാ​നാ​ണ് പ​ദ്ധ​തി. ഇ​തി​നാ​യി 25 ല​ക്ഷം രൂ​പ​യു​ടെ പ്ര​വൃ​ത്തി ആ​രം​ഭി​ച്ചു. അ​റ്റ​കു​റ്റ​പ്പ​ണി ക​ഴി​യു​ന്ന​തോ​ടെ നൂ​റോ​ളം വാ​ഹ​ന​ങ്ങ​ൾ​ക്ക് ഒ​രേ സ​മ​യം പാ​ര്‍​ക്കിം​ഗ് സൗ​ക​ര്യ​മു​ള്ള റ​സ്‌​റ്റോ​റ​ന്‍​ഡാ​യി ഇ​ത് മാ​റും. നേ​ര​ത്തേ ഈ ​കെ​ട്ടി​ടം കു​ടും​ബ​ശ്രീ നേ​തൃ​ത്വ​ത്തി​ൽ ന​ട​ത്തി​യി​രു​ന്നു.

എ​ന്നാ​ൽ വേ​ണ്ട​ത്ര വി​ജ​യി​ച്ചി​ല്ല. തു​ട​ർ​ന്ന് സ്ഥ​ലം കാ​ബ്കോ ഏ​റ്റെ​ടു​ത്ത് സ്വ​ന്തം നി​ല​യി​ൽ വി​ക​സ​നം ന​ട​ത്താ​നാ​യി​രു​ന്നു ല​ക്ഷ്യം. ര​ണ്ട് വ​ര്‍​ഷം​പി​ന്നി​ട്ടി​ട്ടും ന​ട​ന്നി​ല്ല. അ​തോ​ടെ​യാ​ണ് വീ​ണ്ടും കൃ​ഷി വ​കു​പ്പ് ന​ട​ത്തി​യ രീ​തി​യി​ൽ പ​ഴ​യ പോ​ലെ സ്ഥ​ലം ക​രാ​ർ അ​ടി​സ്ഥാ​ന​ത്തി​ൽ ന​ട​ത്തി​പ്പി​നു ന​ൽ​കു​ന്ന​ത്. 25 ഏ​ക്ക​ർ ഭൂ​മി​യി​ൽ ആ​റ് പ​വ​ലി​യ​നു​ക​ളി​ലാ​യി 118 മു​റി​ക​ളു​ണ്ട്. ഇ​തി​ൽ 116 മു​റി​ക​ളും ലേ​ല​ത്തി​ൽ പോ​യി. ശേ​ഷി​ക്കു​ന്ന ര​ണ്ടു മു​റി​ക​ൾ ലേ​ല​ത്തി​ൽ വ​ച്ചു.

ര​ണ്ടാം പ​വി​ലി​യ​നി​ൽ നേ​ര​ത്തേ കൃ​ഷി​വ​കു​പ്പി​ന്‍റെ മേ​ൽ​നോ​ട്ട​ത്തി​ൽ ന​ട​ത്തി​യ ജി​ല്ലാ കൃ​ഷി ഹ​ബ് മൂ​ന്ന് മാ​സം മു​ൻ​പ് സ്വ​കാ​ര്യ പ​ങ്കാ​ളി​ത്ത​ത്തോ​ടെ എ​വ​ർ​ഗ്രീ​ൻ എ​ഫ്പി​ഒ ഗ്രൂ​പ്പി​ന് കൈ​മാ​റി. ക​ർ​ഷ​ക​രു​ടെ ഉ​ൽ​പ​ന്ന​ങ്ങ​ൾ ശേ​ഖ​രി​ച്ച് വി​ൽ​പ​ന ന​ട​ത്തു​ന്ന കൗ​ണ്ട​റി​ൽ ചെ​റു​ധാ​ന്യ​ങ്ങ​ൾ, തേ​ൻ, പ​ച്ച​ക്ക​റി​ക​ൾ, ക​ശു​വ​ണ്ടി, നാ​ട​ൻ വെ​ളി​ച്ചെ​ണ്ണ തു​ട​ങ്ങി​യ ഉ​ത്പ​ന്ന​ങ്ങ​ളാ​ണ് വി​ൽ​ക്കു​ന്ന​ത്.

കൂ​ടാ​തെ മാ​ർ​ക്ക​റ്റ് ഓ​ഫീ​സി​ന് സ​മീ​പ​ത്തെ ഒ​ഴി​ഞ്ഞ സ്ഥ​ലം സ്വ​കാ​ര്യ വ്യ​ക്തി​ക​ൾ​ക്ക് പ​ച്ച​ക്ക​റി ന​ട​ത്തു​ന്ന​തി​ന് മാ​സ​വാ​ട​ക​യ്ക്ക് ന​ൽ​കി​യി​ട്ടു​ണ്ട്.​മാ​ർ​ക്ക​റ്റി​ന്‍റെ തെ​ക്ക് ഭാ​ഗ​ത്തെ 2.5 ഏ​ക്ക​ർ ഭൂ​മി​യി​ൽ ആ​ധു​നി​ക രീ​തി​യി​ലു​ള്ള വെ​ജി​റ്റ​ബി​ൾ ആ​ൻ​ഡ് കോ​ക്ക​ന​ട്ട് പാ​ർ​ക്ക് പ​ദ്ധ​തി ആ​രം​ഭി​ക്കു​ന്നു​ണ്ട്.

ഇ​തി​നാ​യി സ്ഥ​ലം ഒ​രു​ക്ക​ൽ ക​ഴി​ഞ്ഞു. ഇ​തോ​ടൊ​പ്പം കാ​ബ്കോ​യു​ടെ നേ​തൃ​ത്വ​ത്തി​ൽ സ്ഥി​രം എ​ക്സി​ബി​ഷ​നു​ള്ള കൂ​റ്റ​ൻ പ​വി​ലി​യ​നും നി​ർ​മി​ക്കു​ന്നു​ണ്ട്. വി​വാ​ഹം, പൊ​തു സ​മ്മേ​ള​ന​ങ്ങ​ൾ, കൂ​ടാ​തെ പ്ര​ദ​ർ​ശ​ന വി​പ​ണ​ന മേ​ള എ​ന്നി​വ​യ്ക്ക് യോ​ജ്യ​മാ​യ കെ​ട്ടി​ട​മാ​ണ് നി​ർ​മി​ക്കു​ക. നേ​ര​ത്തേ 2022ൽ ​മാ​ർ​ക്ക​റ്റി​ൽ 'അ​ഗ്രി ഫെ​സ്റ്റ്' എ​ന്ന പേ​രി​ൽ മേ​ള ന​ട​ത്തി​യി​രു​ന്നു.

അ​ട​ച്ചു​പൂ​ട്ട​ല്‍ ഭീ​ഷ​ണി​യി​ല്‍ അ​ഗ്രോ സൂ​പ്പ​ർ ബ​സാ​ർ

ക​ർ​ഷ​ക​ർ​ക്കാ​വ​ശ്യ​മാ​യ യ​ന്ത്ര​ങ്ങ​ളും, വ​ളം, അ​നു​ബ​ന്ധ സാ​ധ​ന​ങ്ങ​ളും സ​ബ്സി​ഡി നി​ര​ക്കി​ൽ ന​ൽ​കു​ന്ന​തി​ന് ഒ​രു വ​ർ​ഷം മു​ൻ​പ് വേ​ങ്ങേ​രി മാ​ർ​ക്ക​റ്റി​ൽ കേ​ര​ള അ​ഗ്രി ഇ​ൻ​ഡ​സ്ട്രി​യ​ൽ കോ​ർ​പ​റേ​ഷ​ൻ ലി​മി​റ്റ​ഡി​ന്‍റെ കീ​ഴി​ൽ ആ​രം​ഭി​ച്ച അ​ഗ്രോ സൂ​പ്പ​ർ ബ​സാ​ർ അ​ട​ച്ചു പൂ​ട്ട​ൽ ഭീ​ഷ​ണി​യി​ലാ​ണ്.

 ക​ഴി​ഞ്ഞ വ​ർ​ഷ​മാ​ദ്യം 25 ല​ക്ഷം രൂ​പ​യി​ലേ​റെ മു​ട​ക്കി 2,500 സ്ക്വ​യ​ർ ഫീ​റ്റി​ൽ പ്ര​വ​ർ​ത്ത​നം തു​ട​ങ്ങി​യ സ്ഥാ​പ​ന​മാ​ണ് മു​റി​ക​ൾ മാ​ത്ര​മാ​യി അ​വ​ശേ​ഷി​ക്കു​ന്ന​ത്.

നി​ല​വി​ലു​ള്ള ജീ​വ​ന​ക്കാ​രെ വി​വി​ധ ഓ​ഫീ​സി​ലേ​ക്ക് മാ​റ്റി​യും താ​ൽ​ക്കാ​ലി​ക ജീ​വ​ന​ക്കാ​രെ പി​രി​ച്ചു​വി​ട്ടും പ്ര​വ​ർ​ത്ത​നം നി​ല​ച്ച രീ​തി​യി​ലാ​ണ്. പേ​രി​നു ഒ​രു സ​ർ​ക്കാ​ർ ജീ​വ​ന​ക്കാ​ര​ൻ മാ​ത്ര​മാ​ണു​ള്ള​ത്.അ​വ​ശ്യ സാ​ധ​ന​ങ്ങ​ൾ ഇ​ല്ലാ​തെ മു​റി​ക​ൾ ഷ​ട്ട​റി​ട്ടു. ഇ​പ്പോ​ൾ ഓ​ഫി​സ് മാ​ത്ര​മാ​ണ് പ്ര​വ​ർ​ത്തി​ക്കു​ന്ന​ത്. ഒ​രു കോ​ടി​യി​ലേ​റെ വി​ല​വ​രു​ന്ന ട്രാ​ക്ട​ർ, നി​ലം ഉ​ഴു​ത് യ​ന്ത്ര​ങ്ങ​ൾ തു​രു​മ്പെ​ടു​ത്ത​തി​നാ​ൽ ലേ​ല​ത്തി​നു വി​റ്റി​രു​ന്നു.

Tags : Vengeri Agricultural Marketing