കോട്ടയം: തദ്ദേശ തെരഞ്ഞെടുപ്പിനായുള്ള വോട്ടിംഗ് യന്ത്രങ്ങള് നഗരസഭകളിലെയും ബ്ലോക്ക് പഞ്ചായത്തുകളിലെയും വിതരണ കേന്ദ്രങ്ങളിലേക്ക് എത്തിച്ചുതുടങ്ങി.
യന്ത്രങ്ങള് സൂക്ഷിച്ചിരിക്കുന്ന ഏറ്റുമാനൂര് സത്രം വെയര് ഹൗസില്നിന്ന് ബ്ലോക്ക്, മുനിസിപ്പല് റിട്ടേണിംഗ് ഓഫീസര്മാര് കൈപ്പറ്റി. ഏറ്റുമാനൂര്, ചങ്ങനാശേരി നഗരസഭകള്, വൈക്കം, കടുത്തുരുത്തി, പാമ്പാടി ബ്ലോക്കുകള് എന്നിവിടങ്ങളിലേക്കുള്ള വോട്ടിംഗ് യന്ത്രങ്ങളാണ് ഇന്നലെ നല്കിയത്. ജില്ലാ തെരഞ്ഞെടുപ്പ് ഓഫീസര് കൂടിയായ കളക്ടര് ചേതന്കുമാര് മീണ സത്രം വെയര് ഹൗസ് സന്ദര്ശിച്ചു.
ജില്ലയിലെ 11 ബ്ലോക്കുകളിലും ആറു നഗരസഭകളിലുമായുള്ള 17 വിതരണ - സ്വീകരണകേന്ദ്രങ്ങളിലെ സ്ട്രോംഗ് റൂമുകളിലെത്തിക്കുന്ന വോട്ടിംഗ് യന്ത്രങ്ങള് തെരഞ്ഞെടുപ്പിന്റെ തലേന്ന് പോളിംഗ് ഉദ്യോഗസ്ഥര്ക്കു കൈമാറും. ഇന്ന് ഏറ്റുമാനൂര്, പള്ളം, ളാലം, ഈരാറ്റുപേട്ട ബ്ലോക്കുകള്, കോട്ടയം, ഈരാറ്റുപേട്ട നഗരസഭകള്.
നാളെ പാലാ, വൈക്കം നഗരസഭകള്, വാഴൂര്, മാടപ്പള്ളി, ഉഴവൂര്, കാഞ്ഞിരപ്പള്ളി ബ്ലോക്കുകള് എന്നിവിടങ്ങളിലേക്കുള്ള യന്ത്രങ്ങള് കൈമാറും. ഇവിഎം നോഡല് ഓഫീസര് എം. അരുണ്, തദ്ദേശ സ്വയംഭരണ വകുപ്പ് ജൂണിയര് സൂപ്രണ്ട് പി.കെ. സുനില് കുമാര്, തദ്ദേശ സ്വയംഭരണ വകുപ്പ് ഉദ്യോഗസ്ഥരായ ജിതിന് സി. മാത്യു, അജിത് മാത്യു, അരവിന്ദ് സുധീശന് വെയര് ഹൗസ് കീപ്പര് പി.ഐ. നൗഷാദ് എന്നിവര് നേതൃത്വം നല്കി
Tags : local nattuvishesham Voting machines