തിരുവനന്തപുരം: കേരള ഹിന്ദി പ്രചാര സഭ നടത്തുന്ന ദ്വിവത്സര ആചാര്യ ബിഎഡ് കോഴ്സ് ഹൈസ്കൂൾ, ഹയർ സെക്കൻഡറി അധ്യാപക യോഗ്യതയായി സർക്കാർ അംഗീകരിച്ച് ഉത്തരവായി.
2019 മുതൽ രണ്ടു വർഷ കോഴ്സ് ആയി നടത്തുന്ന ആചാര്യ ബിഎഡ് കോഴ്സ് കേരള സർവകലാശാലയും ഉന്നത വിദ്യാഭ്യാസ വകുപ്പും ബിഎഡിനു തുല്യമായി അംഗീകരിച്ച് 2021ൽ ഉത്തരവു പുറപ്പെടുവിച്ചിരുന്നു.
എന്നാൽ പൊതുവിദ്യാഭ്യാസ വകുപ്പ് ഉത്തരവ് പുറപ്പെടുവിക്കാത്തതിനാൽ നിയമനങ്ങൾക്കു തടസം നേരിട്ടിരുന്നു. ഇപ്പോൾ പുതിയ ഉത്തരവു വന്നതോടെ ആചാര്യ കോഴ്സ് പാസായ ഉദ്യോഗാർഥികൾക്കു നിയമനത്തിനുള്ള തടസം നീങ്ങി.
Tags : Hindi Prachar Sabha Acharya Course