ചാനലുകൾക്ക് എന്തുമാകാം. പക്ഷേ എല്ലാവർക്കും അതു പറ്റില്ലല്ലോ. അന്തസ് പാലിക്കണ്ടേ.റേറ്റിംഗ് വർധിപ്പിക്കാനാവുംവിധം അന്തിച്ചർച്ചയ്ക്കുള്ള വിഷയങ്ങൾ കണ്ടുപിടിക്കുകയും സത്യത്തെ വളച്ചൊടിക്കുകയും, മനുഷ്യത്വത്തിന്‍റെ മഹാനദിയിൽ വിഷം കലക്കുകയും ചെയ്യുമ്പോൾ നിങ്ങൾ നശിപ്പിക്കുന്നത് എന്തോ അതാണ് മാധ്യമധർമം. മലയാളി ഈ ദുരന്തത്തെക്കുറിച്ചുള്ള മൗനം വെടിയേണ്ട കാലമായി. അല്ലെങ്കിൽ ഈ അശ്ലീല തിരക്കഥയിൽ നന്മമരങ്ങൾ കടപുഴകി വീഴും. നൂറ്റാണ്ടുകളായി നവോത്ഥാന ദീപങ്ങളായി നിന്ന വിളക്കുമരങ്ങൾ കണ്ണടയ്ക്കും. ചെറിയ പ്രതികരണങ്ങളെങ്കിലും ഉണ്ടാകട്ടെ. അത് ഒരു മതവിഭാഗത്തെയോ സമുദായത്തെയോ രക്ഷിക്കാനല്ല. സാമൂഹിക പ്രതിബദ്ധതയാണ്.
മാർപാപ്പയുടെ സന്ദർശനം ഇത്തിഹാദിൽ തത്സമയം
ഫ്രാൻസിസ് മാർപാപ്പയുടെ യുഎഇ സന്ദർശനത്തെ ഉറ്റുനോക്കുകയാണ് ലോകരാജ്യങ്ങൾ. പാപ്പായുടെ സന്ദർശനത്തിന്‍റെ എല്ലാ ഘട്ടങ്ങളും ലോകത്തെ അറിയിക്കാൻ മാധ്യമങ്ങൾ ഒരുങ്ങിക്കഴിഞ്ഞു. ഈസമയം, ചരിത്രസന്ദർശനം തത്സമയം ആകാശയാത്രികരിൽ എത്തിക്കാനൊരുങ്ങുകയാണ് യു‌എ‌ഇയുടെ ഔദ്യോഗിക വിമാന കമ്പനിയായ ഇത്തിഹാദ് എയർവേയ്സ്. വിമാനത്തിനുള്ളിലെ എന്‍റര്‍ടെയ്ൻമെന്‍റ് സിസ്റ്റത്തിലൂടെയും, ലോകമെമ്പാടുമുള്ള വിമാനത്താവളങ്ങളിലെ ഇത്തിഹാദ് ലോഞ്ചുകളിലും പാപ്പയുടെ യുഎഇ സന്ദർശനം ലഭ്യമാകുമെന്ന് ഇത്തിഹാദ് എയർവേയ്സ് വക്താവ് അറിയിച്ചു.


ഇത്തിഹാദിന്‍റെ എയർബസ് 380, ബോയിങ് 787 ഡ്രീംലൈനർ വിമാനങ്ങളിലായിരിക്കും തത്സമയ പ്രക്ഷേപണം ഉണ്ടാകുക. സഹിഷ്ണുതയും, മാനുഷിക സഹവർത്തിത്വവും മതങ്ങളും സംസ്കാരങ്ങളും തമ്മിലുള്ള സംഭാഷണവും വളർത്തുക എന്നുള്ളതാണ് ഈ സംരംഭത്തിന്‍റെ ലക്ഷ്യമെന്നും ഇത്തിഹാദ് വക്താവ് പറഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.