തെ​ര​ഞ്ഞെ​ടു​പ്പു​ക​ൾ അ​ടു​ത്തു​വ​രു​ന്പോ​ൾ കോ​ൺ​ഗ്ര​സ് ഹൈ​ക്ക​മാ​ൻ​ഡും പാ​ർ​ട്ടി​യു​ടെ കേ​ര​ള​ത്തി​ലെ നേ​താ​ക്ക​ളും ഐ​ക്യ​ത്തി​നു​വേ​ണ്ടി ആ​ത്മാ​ർ​ഥ​മാ​യി മു​റ​വി​ളി ന​ട​ത്തു​ന്നു​ണ്ട്. ഒ​പ്പം ആ​ശ​ങ്ക​ക​ൾ പ​ങ്കു​വ​യ്ക്കു​ന്നു​മു​ണ്ട്. എ​ന്നാ​ൽ, അ​വ​യെ​ല്ലാം ബ​ധി​ര​ക​ർ​ണ​ങ്ങ​ളി​ലാ​ണു പ​തി​ക്കു​ന്ന​തെ​ന്നു തോ​ന്നു​ന്നു. കാ​ര​ണം, വ്യാ​പ​ക​മാ​കു​ന്ന ഗ്രൂ​പ്പി​സം എ​ൽ​ഡി​എ​ഫി​നെ വീ​ണ്ടും അ​ധി​കാ​ര​ത്തി​ലെ​ത്തി​ക്കു​മോ എ​ന്ന ഭ​യം പ്ര​വ​ർ​ത്ത​ക​രെ ബാ​ധി​ച്ചി​രി​ക്കു​ന്നു.

ഈ ​അ​പ​ക​ടാ​വ​സ്ഥ​യെ​ക്കു​റി​ച്ചു പ്രാ​ദേ​ശി​ക, സം​സ്ഥാ​ന നേ​താ​ക്ക​ൾ ര​ഹ​സ്യ​മാ​യും അ​ട​ക്കി​പ്പി​ടി​ച്ചും ന​ൽ​കു​ന്ന ആ​ത്മാ​ർ​ഥ​മാ​യ ഉ​പ​ദേ​ശ​ങ്ങ​ൾ​പോ​ലും ചോ​ർ​ന്നു​പോ​കു​ന്നു​ണ്ട്. ക​ഴി​ഞ്ഞ ആ​ഴ്ച​ക​ളി​ൽ അ​ത്ത​രം ചി​ല റി​ക്കാ​ർ​ഡ് ചെ​യ്ത ഫോ​ൺ സം​ഭാ​ഷ​ണ​ങ്ങ​ൾ പു​റ​ത്തു​വ​ന്നു. ചോ​ർ‌​ന്നു​വ​ന്ന ഒ​രു ടെ​ലി​ഫോ​ൺ സം​ഭാ​ഷ​ണ​ത്തി​ൽ പാ​ലോ​ട് ര​വി സി​പി​എ​മ്മി​നു തു​ട​ർ​ച്ച​യാ​യി മൂ​ന്നാം​ത​വ​ണ​യും ഭ​ര​ണം ല​ഭി​ക്കു​മെ​ന്നും കോ​ൺ​ഗ്ര​സി​നു മോ​ശം ദി​ന​ങ്ങ​ളാ​ണു വ​രാ​നി​രി​ക്കു​ന്ന​തെ​ന്നും പ്ര​വ​ചി​ച്ച​ത് ക​ർ​ക്ക​ട​കാ​കാ​ശ​ത്തി​ലെ മി​ന്ന​ൽ​പ്പി​ണ​ർ​പോ​ലെ അ​തി​വേ​ഗം പ്ര​ച​രി​ച്ചു. ഇ​ത് സം​സ്ഥാ​ന​ത്തെ കോ​ൺ​ഗ്ര​സി​നെ ആ​ശ​യ​ക്കു​ഴ​പ്പ​ത്തി​ലാ​ക്കി. ഇ​ട​തു​പ​ക്ഷ ജ​നാ​ധി​പ​ത്യ മു​ന്ന​ണി​യും മ​റ്റ് പ്ര​തി​പ​ക്ഷ ക​ക്ഷി​ക​ളും ആ​ശ്വാ​സം​കൊ​ള്ളു​ക​യും ചെ​യ്തു. പു​തി​യ രാ​ഷ്‌​ട്രീ​യ​പ​ങ്കാ​ളി​ക​ളെ തേ​ടാ​ൻ ഇ​ത​വ​ർ​ക്ക് പ്ര​തീ​ക്ഷാ​നി​ർ​ഭ​ര​മാ​യ പ്രേ​ര​ണ​യാ​യി.

ഓ​ഡി​യോ ക്ലി​പ്പ് പു​റ​ത്തു​വ​ന്ന​യു​ട​ൻ‌ കാ​സ​ർ​ഗോ​ഡ് മു​ത​ൽ തി​രു​വ​ന​ന്ത​പു​രം​വ​രെ യു​ഡി​എ​ഫ് നേ​താ​ക്ക​ൾ പ്ര​തി​ക​രി​ക്കാ​ൻ തു​ട​ങ്ങി. അ​ന​ന്ത​ര​ഫ​ല​ങ്ങ​ളും തു​ട​ർ​ന​ട​പ​ടി​ക​ളും ച​ർ​ച്ച​ചെ​യ്ത അ​വ​ർ, ര​വി​യു​ടെ രാ​ജി​യാ​ണ് ഏ​റ്റ​വും മി​ക​ച്ച ദു​ര​ന്ത​നി​വാ​ര​ണ ന​ട​പ​ടി​യെ​ന്നു പെ​ട്ടെ​ന്ന് നി​ഗ​മ​ന​ത്തി​ലെ​ത്തി. ഉ​ട​ൻ​ത​ന്നെ ഇ​ക്കാ​ര്യം എ​ഐ​സി​സി നേ​തൃ​ത്വ​ത്തെ അ​റി​യി​ച്ചു. ഡി​സി​സി പ്ര​സി​ഡ​ന്‍റാ​യി​രു​ന്ന പാ​ലോ​ട് ര​വി​യെ ഈ ​വി​വ​ര​ങ്ങ​ൾ ധ​രി​പ്പി​ക്കു​ക​യും അ​ദ്ദേ​ഹം ഉ​ട​ൻ​ത​ന്നെ സ്ഥാ​ന​മൊ​ഴി​യു​ക​യും ചെ​യ്തു. പ​ക​രം ആ​രെ​യും തീ​രു​മാ​നി​ച്ചി​രു​ന്നി​ല്ല. ത​ദ്ദേ​ശ​സ്ഥാ​പ​ന തെ​ര​ഞ്ഞെ​ടു​പ്പും നി​യ​മ​സ​ഭാ തെ​ര​ഞ്ഞെ​ടു​പ്പും ക​ഴി​യു​ന്ന​തോ​ടെ കോ​ൺ​ഗ്ര​സ് കേ​ര​ള​ത്തി​ൽ ഇ​ല്ലാ​താ​കും. ഇ​താ​ണ് ചോ​ർ​ന്നു​കി​ട്ടി​യ സം​ഭാ​ഷ​ണ​ത്തി​ൽ ര​വി പ​റ​ഞ്ഞ​ത്. വ​രാ​നി​രി​ക്കു​ന്ന ത​ദ്ദേ​ശ​സ്ഥാ​പ​ന തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സ് മൂ​ന്നാം സ്ഥാ​ന​ത്താ​കു​മെ​ന്നും ര​വി പ്ര​വ​ചി​ച്ച​താ​യി വാ​ർ​ത്താ റി​പ്പോ​ർ​ട്ടു​ക​ൾ പ​റ​യു​ന്നു.

വി​ധി വൈ​പ​രീ​ത്യ​മെ​ന്നോ​ണം, ര​വി തു​ട​ർ​ന്നു പ​റ​ഞ്ഞു: “അ​തു​പോ​ലെ അ​ടു​ത്ത നി​യ​മ​സ​ഭാ തെ​ര​ഞ്ഞെ​ടു​പ്പി​ലും പാ​ർ​ട്ടി നി​ലം​പ​രി​ശാ​കും. 60 നി​യ​മ​സ​ഭാ മ​ണ്ഡ​ല​ങ്ങ​ളി​ൽ ബി​ജെ​പി എ​ന്തു ചെ​യ്യു​മെ​ന്ന് നി​ങ്ങ​ൾ കാ​ത്തി​രു​ന്നു കാ​ണു​ക. പാ​ർ​ല​മെ​ന്‍റ് തെ​ര​ഞ്ഞെ​ടു​പ്പി​ൽ ചെ​യ്ത​പോ​ലെ അ​വ​ർ പ​ണം കൊ​ടു​ത്തു വോ​ട്ട് വാ​ങ്ങും. കോ​ൺ​ഗ്ര​സ് മൂ​ന്നാം​സ്ഥാ​ന​ത്തേ​ക്കു ത​ള്ള​പ്പെ​ടു​ക​യും സി​പി​എം അ​ധി​കാ​ര​ത്തി​ൽ വ​രി​ക​യും ചെ​യ്യും. ഇ​താ​ണ് കേ​ര​ള​ത്തി​ൽ സം​ഭ​വി​ക്കാ​ൻ പോ​കു​ന്ന​ത്. അ​തി​നു​ശേ​ഷം കോ​ൺ​ഗ്ര​സ് ഇ​ല്ലാ​താ​കും. ന​മ്മ​ളോ​ടൊ​പ്പ​മു​ള്ള മു​സ്‌​ലിം​ക​ൾ ഇ​ട​തു​പ​ക്ഷ​ത്തേ​ക്കും മ​റ്റു പാ​ർ​ട്ടി​ക​ളി​ലേ​ക്കും കൂ​റു​മാ​റും. കോ​ൺ​ഗ്ര​സ് ആ​ർ​ക്കും ഉ​പ​കാ​ര​മി​ല്ലാ​ത്ത പാ​ർ​ട്ടി​യാ​യി മാ​റും.” എ​ട്ട് മി​നി​റ്റ് ദൈ​ർ​ഘ്യ​മു​ള്ള ക്ലി​പ്പി​നെ​ക്കു​റി​ച്ചു​ള്ള റി​പ്പോ​ർ​ട്ടു​ക​ളി​ൽ ഇ​ങ്ങ​നെ കാ​ണു​ന്നു.

ര​വി സം​സാ​രി​ച്ച പ്രാ​ദേ​ശി​ക നേ​താ​വി​നെ​തി​രേ ന​ട​പ​ടി​യെ​ടു​ക്കു​ക എ​ന്ന​താ​യി​രു​ന്നു കോ​ൺ​ഗ്ര​സ് നേ​തൃ​ത്വം സ്വീ​ക​രി​ച്ച അ​ടു​ത്ത ന​ട​പ​ടി. തു​ട​ർ​ന്ന് വാ​മ​ന​പു​രം ബ്ലോ​ക്ക് സെ​ക്ര​ട്ട​റി എ. ​ജ​ലീ​ലി​നെ പാ​ർ​ട്ടി​വി​രു​ദ്ധ പ്ര​വ​ർ​ത്ത​ന​ങ്ങ​ൾ​ക്കു പാ​ർ​ട്ടി​യി​ൽ​നി​ന്ന് പു​റ​ത്താ​ക്കി​യ​താ​യി കെ​പി​സി​സി പ്ര​സി​ഡ​ന്‍റ് സ​ണ്ണി ജോ​സ​ഫ് പ​റ​ഞ്ഞു. ഈ ​അ​ച്ച​ട​ക്ക​ന​ട​പ​ടി പാ​ർ​ട്ടി​യി​ൽ ശാ​ന്തി​യും സ​മാ​ധാ​ന​വും കൊ​ണ്ടു​വ​രു​മെ​ന്നു മു​തി​ർ​ന്ന നേ​താ​ക്ക​ൾ ക​രു​തി​യി​രി​ക്കാം. അ​തു​പോ​ലെ തെ​ര​ഞ്ഞെ​ടു​പ്പു പ്ര​ചാ​ര​ണം തു​ട​ങ്ങു​ന്ന​തോ​ടെ പ്ര​വ​ർ​ത്ത​ക​ർ വ​ഴ​ക്കു​നി​ർ​ത്തി പാ​ർ​ട്ടി​യു​ടെ നി​യ​മ​ങ്ങ​ളും ച​ട്ട​ങ്ങ​ളും പാ​ലി​ച്ച് പ്ര​വ​ർ​ത്തി​ക്കു​മെ​ന്നും അ​വ​ർ ചി​ന്തി​ച്ചി​ട്ടു​ണ്ടാ​കും. അ​ങ്ങ​നെ പോ​ളിം​ഗ്ബൂ​ത്തി​ലെ മി​ക​ച്ച പ്ര​ക​ട​നം ഉ​റ​പ്പു​വ​രു​ത്താ​മെ​ന്നും.

ആ​രു​ടെ​യും ഭാ​വി​യി​ലെ പെ​രു​മാ​റ്റം പ്ര​വ​ചി​ക്കാ​ൻ ക​ഴി​യി​ല്ല. അ​ണി​ക​ളി​ൽ മു​ന്പും അ​ച്ച​ട​ക്ക​മി​ല്ലാ​യ്മ​യും ധി​ക്കാ​ര​വും ഉ​ണ്ടാ​യി​ട്ടു​ണ്ട്. പ്ര​ചാ​ര​ണ​വേ​ള​ക​ളി​ൽ പ​ല പി​ള​ർ​പ്പു​ക​ളും വ​ഴി​പി​രി​യ​ലു​ക​ളും ഉ​ണ്ടാ​യി​ട്ടു​ണ്ട്. കൂ​ടാ​തെ, പു​തി​യ സ​ർ​ക്കാ​രു​ണ്ടാ​ക്കാ​ൻ ചി​ല​ർ കൂ​റു​മാ​റി മ​റ്റ് പാ​ർ​ട്ടി​ക​ളി​ലേ​ക്കു പോ​യി​ട്ടു​മു​ണ്ട്. “ആ​യാ റാം, ​ഗ​യാ റാം” ​എ​ന്ന​ത് പ​ല തെ​ര​ഞ്ഞെ​ടു​പ്പു​ക​ൾ​ക്കു​ശേ​ഷ​വും ഇ​ന്ത്യ​ൻ രാ​ഷ്‌​ട്രീ​യ​ത്തി​ലെ പ​തി​വു​കാ​ഴ്ച​യാ​ണ്. അ​ത്ത​രം സ​ങ്ക​ട​ക​ര​മാ​യ പ​ഴ​ങ്ക​ഥ​ക​ളി​ലേ​ക്ക് പോ​കാ​ൻ രാ​ഷ്‌​ട്രീ​യ​ലേ​ഖ​ക​നെ സ്ഥ​ല​പ​രി​മി​തി അ​നു​വ​ദി​ക്കു​ന്നി​ല്ല.


രാ​ഷ്‌​ട്രീ​യ പാ​ർ​ട്ടി​ക​ൾ സീ​റ്റു​ക​ൾ അ​നു​വ​ദി​ച്ചു ക​ഴി​ഞ്ഞാ​ലും കൂ​റു​മാ​റ്റ​ങ്ങ​ളും പാ​ർ​ട്ടി ടി​ക്ക​റ്റി​നാ​യു​ള്ള പോ​രാ​ട്ട​ങ്ങ​ളും പ്ര​തീ​ക്ഷി​ക്കാം. അ​തെ​ല്ലാം പ​ത്ര​ങ്ങ​ളി​ൽ മു​ൻ​പേ​ജ് വാ​ർ​ത്ത​യു​മാ​കും. പ​ക്ഷേ പൊ​തു​ജ​ന​ത്തി​നി​തു ര​സ​ക​ര​മാ​യ ക​ഥ​ക​ളാ​ണ്. വ​രാ​നി​രി​ക്കു​ന്ന തെ​ര​ഞ്ഞെ​ടു​പ്പി​ലെ ത​മാ​ശ​ക​ളാ​യാ​ണ് അ​വ​രി​തി​നെ കാ​ണു​ക.

പാ​ലോ​ട് ര​വി​യു​ടെ വോ​യ്സ് ക്ലി​പ് വി​ഷ​യ​ത്തി​ൽ പ​രി​ഹാ​ര​ന​ട​പ​ടി​ക​ളാ​ണ് കോ​ൺ​ഗ്ര​സ് നേ​താ​ക്ക​ൾ ഇ​ഷ്ട​പ്പെ​ട്ട​ത്. കാ​ര​ണം, അ​ല്ലെ​ങ്കി​ലി​ത് പ്ര​തി​പ​ക്ഷ​ത്തി​ന് ആ​യു​ധ​മാ​കും. അ​വ​രു​ടെ സ്വ​ന്തം വ്യാ​ഖ്യാ​ന​ങ്ങ​ളോ​ടെ കോ​ൺ​ഗ്ര​സി​നെ ആ​ക്ര​മി​ക്കു​ന്ന​തി​നു മാ​ത്ര​മേ വ​ഴി​വ​യ്ക്കൂ. വി​ശേ​ഷി​ച്ചും, സി​പി​എം അ​ധി​കാ​ര​ത്തി​ൽ തി​രി​ച്ചു​വ​രു​മെ​ന്ന ര​വി​യു​ടെ പ്ര​വ​ച​നം. നി​യ​മ​സ​ഭാ തെ​ര​ഞ്ഞെ​ടു​പ്പി​നു മാ​സ​ങ്ങ​ളേ​യു​ള്ളൂ എ​ന്ന​തും പ്ര​ധാ​നം. മാ​ത്ര​വു​മ​ല്ല, വ​രു​ന്ന നി​യ​മ​സ​ഭ​യി​ൽ യു​ഡി​എ​ഫ് 100 സീ​റ്റ് നേ​ടു​മെ​ന്നാ​ണ് കോ​ൺ​ഗ്ര​സി​ന്‍റെ അ​വ​കാ​ശ​വാ​ദം. ചോ​ർ​ന്നു​പോ​യ ശ​ബ്ദ​രേ​ഖ കോ​ൺ​ഗ്ര​സി​നെ നാ​ണം​കെ​ടു​ത്തി. പാ​ർ​ട്ടി തെ​ര​ഞ്ഞെ​ടു​പ്പു​ക​ളി​ൽ​പോ​ലും ഇ​തു പ്ര​തി​കൂ​ല വ്യാ​ഖ്യാ​ന​ങ്ങ​ൾ​ക്കു വ​ഴി​തെ​ളി​ച്ചേ​ക്കാം. കോ​ൺ​ഗ്ര​സി​നു​ള്ളി​ൽ പാ​ർ​ട്ടി താ​ത്പ​ര്യ​ങ്ങ​ൾ​ക്ക് വി​രു​ദ്ധ​മാ​യ തീ​വ്ര​വി​മ​ർ​ശ​ന​ങ്ങ​ൾ​ക്കു കാ​ര​ണ​മാ​കാ​നു​ള്ള സാ​ധ്യ​ത​യു​മു​ണ്ട്.

പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്‍റെ​യും എ​സ്എ​ൻ​ഡി​പി നേ​താ​വ് വെ​ള്ളാ​പ്പ​ള്ളി ന​ടേ​ശ​ന്‍റെ​യും പ്ര​സ്താ​വ​ന​ക​ളും ഇ​തി​നി​ടെ വാ​ർ​ത്ത​ക​ളി​ൽ ഇ​ടം​നേ​ടി. ബു​ദ്ധി​മാ​നും കൗ​ശ​ല​ക്കാ​ര​നു​മാ​യ സ​തീ​ശ​ൻ ഈ ​വി​ഷ​യ​ത്തി​ൽ കൂ​ടു​ത​ൽ ച​ർ​ച്ച അ​നു​വ​ദി​ച്ചി​ല്ല. സ​തീ​ശ​ൻ ഈ​ഴ​വ വി​രു​ദ്ധ നി​ല​പാ​ട് എ​ടു​ക്കു​ന്നു എ​ന്ന വെ​ള്ളാ​പ്പ​ള്ളി​യു​ടെ പ​രാ​മ​ർ​ശ​ത്തി​ന് സ​തീ​ശ​ൻ പ്ര​തി​ക​രി​ച്ചു, “എ​ന്നെ എ​ന്‍റെ വോ​ട്ട​ർ​മാ​ർ​ക്ക് ന​ന്നാ​യ​റി​യാം. എ​ന്‍റെ മ​ണ്ഡ​ല​ത്തി​ലെ 52 ശ​ത​മാ​നം വോ​ട്ട​ർ​മാ​രും ഈ​ഴ​വ​രാ​ണ്. ഞാ​ൻ ഈ​ഴ​വ സ​മു​ദാ​യ​ത്തി​നെ​തി​രേ എ​ന്തു പ​റ​ഞ്ഞു? ഞാ​ൻ ഗു​രു​വി​നെ ഇ​ഷ്ട​പ്പെ​ടു​ന്നു, അ​ദ്ദേ​ഹ​ത്തി​ന്‍റെ ത​ത്വ​ശാ​സ്ത്ര​ത്തി​ൽ വി​ശ്വ​സി​ക്കു​ന്നു.

അ​ത്ത​രം വ​ർ​ഗീ​യ പ്ര​സ്താ​വ​ന​ക​ൾ ന​ട​ത്തു​ന്ന ആ​രെ​യും ഞാ​ൻ എ​തി​ർ​ക്കും.” മു​ൻ മു​ഖ്യ​മ​ന്ത്രി​മാ​രാ​യ ഉ​മ്മ​ൻ​ചാ​ണ്ടി​യു​ടെ​യും വി.​എ​സ്. അ​ച്യു​താ​ന​ന്ദ​ന്‍റെ​യും അ​ന്ത്യ​യാ​ത്ര​ക​ളെ താ​ര​ത​മ്യം ചെ​യ്തു സാ​മൂ​ഹി​ക മാ​ധ്യ​മ​ങ്ങ​ളി​ൽ വ​ന്ന പ്ര​ചാ​ര​ണ​ത്തെ ത​ള്ളി സ​തീ​ശ​ൻ പ​റ​ഞ്ഞു, “ഉ​മ്മ​ൻ​ചാ​ണ്ടി​യു​ടെ മൃ​ത​ദേ​ഹം വ​ഹി​ച്ച വാ​ഹ​നം എം​സി റോ​ഡി​ലൂ​ടെ കോ​ട്ട​യ​ത്തേ​ക്ക് പോ​യി. വി​എ​സി​ന്‍റെ വി​ലാ​പ​യാ​ത്ര എം​ജി റോ​ഡി​ലൂ​ടെ സ​ഞ്ച​രി​ച്ച് മൃ​ത​ദേ​ഹം ആ​ല​പ്പു​ഴ​യി​ൽ സം​സ്ക​രി​ച്ചു. ഈ ​ര​ണ്ടു നേ​താ​ക്ക​ളെ​യും ജ​ന​ങ്ങ​ൾ ഇ​ഷ്ട​പ്പെ​ട്ടു. വി​എ​സി​നെ​തി​രേ മോ​ശം പ​രാ​മ​ർ​ശ​ങ്ങ​ൾ ന​ട​ത്തി​യ​വ​രെ സ​ർ​ക്കാ​ർ വീ​ട്ടി​ൽ​നി​ന്ന് അ​റ​സ്റ്റ് ചെ​യ്തു. എ​ന്നാ​ൽ, ഉ​മ്മ​ൻ​ചാ​ണ്ടി​യെ അ​പ​കീ​ർ​ത്തി​പ്പെ​ടു​ത്തി​യ​വ​ർ​ക്കെ​തി​രേ പോ​ലീ​സ് ന​ട​പ​ടി​യെ​ടു​ത്തി​ല്ല.”

ന​ല്ല ഭ​ര​ണ​വും ജ​ന​കീ​യ​തീ​രു​മാ​ന​ങ്ങ​ളും മു​ൻ​നി​ർ​ത്തി വി​എ​സി​നോ​ടും ഉ​മ്മ​ൻ​ചാ​ണ്ടി​യോ​ടും ജ​ന​ങ്ങ​ൾ ഊ​ഷ്മ​ള​മാ​യും വാ​ത്സ​ല്യ​ത്തോ​ടെ​യും പ്ര​തി​ക​രി​ച്ചു എ​ന്ന​താ​ണ് ശ്ര​ദ്ധേ​യ​മാ​യ കാ​ര്യം. ഓ​ഡി​യോ ക്ലി​പ്പി​ലൂ​ടെ കോ​ൺ​ഗ്ര​സി​നെ വി​ഷ​മ​ത്തി​ലാ​ക്കി ഡി​സി​സി പ്ര​സി​ഡ​ന്‍റ് സ്ഥാ​നം ഒ​ഴി​ഞ്ഞ പാ​ലോ​ട് ര​വി പ​റ​ഞ്ഞ​തും ശ്ര​ദ്ധേ​യ​മാ​ണ്. പ്ര​വ​ർ​ത്ത​ക​നോ​ട് കൂ​ടു​ത​ൽ ക​രു​ത​ലോ​ടെ​യി​രി​ക്കാ​ൻ ആ​വ​ശ്യ​പ്പെ​ട്ട​തേ​യു​ള്ളൂ എ​ന്നാ​ണ് ഓ​ഡി​യോ പു​റ​ത്തു​വ​ന്ന​ശേ​ഷം ര​വി പ​റ​ഞ്ഞ​ത്. ഒ​രു ടീ​മാ​യി പ്ര​വ​ർ​ത്തി​ക്കാ​നും ജ​ന​ങ്ങ​ളു​മാ​യി ബ​ന്ധ​പ്പെ​ടാ​നു​മു​ള്ള സ​ന്ദേ​ശ​മാ​ണ് ഡി​സി​സി എ​പ്പോ​ഴും ന​ൽ​കി​യി​രു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

“ജ​ന​ങ്ങ​ൾ​ക്കു ഭ​ര​ണ​മാ​റ്റം വേ​ണം. ഞാ​ൻ മു​തി​ർ​ന്ന കോ​ൺ​ഗ്ര​സ് നേ​താ​വാ​ണ്. രാ​ഷ്‌​ട്രീ​യ എ​തി​രാ​ളി​ക​ളു​മാ​യി ഞാ​ൻ കൂ​ട്ടു​കൂ​ടി​യെ​ന്ന ആ​രോ​പ​ണ​ങ്ങ​ൾ അ​ടി​സ്ഥാ​ന​ര​ഹി​ത​മാ​ണ്. ബി​ജെ​പി​യും തെ​ര​ഞ്ഞെ​ടു​പ്പു​രം​ഗ​ത്തു​ള്ള​തു​കൊ​ണ്ട് ഞ​ങ്ങ​ൾ പ്ര​വ​ർ​ത്ത​ക​രോ​ടു ജാ​ഗ്ര​ത പാ​ലി​ക്കാ​ൻ ആ​വ​ശ്യ​പ്പെ​ടു​ക​യാ​യി​രു​ന്നു” - ര​വി ചൂ​ണ്ടി​ക്കാ​ട്ടി.

കേ​ര​ള​ത്തി​ന് ആ​ദ​ർ​ശ​നി​ഷ്ഠ​യു​ള്ള കോ​ൺ​ഗ്ര​സ് പ്ര​വ​ർ​ത്ത​ക​രെ​യും ഉ​റ​ച്ച​ബോ​ധ്യ​മു​ള്ള ഖ​ദ​ർ​ധാ​രി​ക​ളെ​യും ശ​രി​ക്കും ആ​വ​ശ്യ​മാ​ണ്.