ക്ഷീണിക്കുന്ന ക്ഷീര ജീവിതം-2/ സി​ജോ പൈ​നാ​ട​ത്ത്

പൊ​ളി​റ്റി​ക്ക​ൽ സ​യ​ൻ​സി​ൽ ഡി​ഗ്രി പൂ​ർ​ത്തി​യാ​ക്കി​യ ഘ​ട്ട​ത്തി​ൽ, ഉ​പ​രി​പ​ഠ​ന​ത്തി​നു പോ​കാ​ൻ അ​ഭി​ജി​ത് കാ​ളി​ദാ​സി​നെ പ​ല​രും ഉ​പ​ദേ​ശി​ച്ച​താ​ണ്. പോ​യി​ല്ല. മ​ടി​കൊ​ണ്ട​ല്ല; പ​ശു​വ​ള​ർ​ത്ത​ലി​നോ​ടു വ​ല്ലാ​ത്ത ഇ​ഷ്ടം. അ​തി​ലൂ​ടെ ജീ​വി​തം ക്ര​മ​പ്പെ​ടു​ത്താ​നാ​കു​മെ​ന്ന പ്ര​തീ​ക്ഷ​യും. അ​താ​യി​രു​ന്നു പ​ഠ​ന​വ​ഴി​യി​ൽ​നി​ന്ന് 21-ാം വ​യ​സി​ൽ ക്ഷീ​ര​പ​ദ​ത്തി​ലേ​ക്കു ശ്ര​ദ്ധ തി​രി​ക്കാ​ൻ പ്ര​ചോ​ദ​നം.

പ​ത്ത​നം​തി​ട്ട കു​റ്റൂ​ർ സ്വ​ദേ​ശി​യാ​യ അ​ഭി​ജി​ത് ക​ടം​വാ​ങ്ങി​യ പ​ണം​കൊ​ണ്ട് ആ​ദ്യം നാ​ലു പ​ശു​വി​നെ വാ​ങ്ങി. ക്ര​മേ​ണ പ​ശു​ക്ക​ളു​ടെ എ​ണ്ണം കൂ​ട്ടി, വ​രു​മാ​ന​വും. 22 പ​ശു​ക്ക​ളു​ടെ ഉ​ട​മ​യാ​യി അ​ഭി​ജി​ത് മാ​റി​യ​ത് വേ​ഗ​ത്തി​ലാ​യി​രു​ന്നു. വീ​ടി​നോ​ടു ചേ​ർ​ന്നു​ള്ള ഫാ​മി​ൽ​നി​ന്നു രാ​വി​ലെ മാ​ത്രം ക​റ​ന്നെ​ടു​ത്ത​ത് 230-250 ലി​റ്റ​ർ പാ​ൽ. പ്രാ​ദേ​ശി​ക വി​ൽ​പ്പ​ന​യ്ക്കു​ശേ​ഷ​മു​ള്ള പാ​ൽ മി​ൽ​മ​യ്ക്ക്. പ​ശു​ക്ക​ളും അ​ഭി​ജി​ത്തും ഹാ​പ്പി!

വ​ർ​ഷം നാ​ലു ക​ഴി​ഞ്ഞ​പ്പോ​ഴേ​ക്കും പ​ശു​വ​ള​ർ​ത്ത​ലി​ലെ ചെ​ല​വും വ​രു​മാ​ന​വും ത​മ്മി​ൽ കൂ​ട്ടി​മു​ട്ടാ​താ​യി. ഫാ​മി​ൽ​നി​ന്ന് അ​ഴി​ച്ചു​കെ​ട്ടാ​ൻ വേ​റെ സ്ഥ​ല​മി​ല്ല. പു​ല്ല് കി​ട്ടാ​നി​ല്ല. ത​മി​ഴ്നാ​ട്ടി​ൽ​നി​ന്ന് നേ​രി​ട്ടു ചോ​ളം ഇ​റ​ക്കി​യെ​ങ്കി​ലും ചെ​ല​വ​ധി​ക​മാ​യ​തി​നാ​ൽ തു​ട​രാ​നാ​യി​ല്ല.

പ​ശു​ക്ക​ളെ പ​രി​പാ​ലി​ക്കാ​നു​ള്ള ചെ​ല​വേ​റി​യ​തും അ​വ​യ്ക്ക് രോ​ഗ​ങ്ങ​ളും മ​റ്റു ബു​ദ്ധി​മു​ട്ടു​ക​ളും പി​ടി​മു​റു​ക്കി​യ​തും പ്ര​തി​സ​ന്ധി​യാ​യി.

കൊ​ടു​ക്കു​ന്പോ​ൾ 28, വാ​ങ്ങു​ന്പോ​ൾ 45

കു​റ്റൂ​ർ ക്ഷീ​രോ​ത്പാ​ദ​ക സ​ഹ​ക​ര​ണ സം​ഘ​ത്തി​ൽ 2016-18ൽ ​പാ​ൽ അ​ള​ന്നി​രു​ന്ന അ​ഭി​ജി​ത്തി​ന് മി​ൽ​മ അ​ന്നു കൊ​ടു​ത്ത​ത് ലി​റ്റ​റി​ന് പ​ര​മാ​വ​ധി 28 രൂ​പ. അ​ഭി​ജി​ത്ത് അ​ള​ന്ന പാ​ൽ പി​ന്നാ​ലെ വ​രു​ന്ന ഉ​പ​ഭോ​ക്താ​വി​ന് മി​ൽ​മ കൊ​ടു​ത്ത​ത് 45 രൂ​പ​യ്ക്ക്! ഇ​തെ​ങ്ങ​നെ ശ​രി​യാ​കു​മെ​ന്നാ​ണ് അ​ഭി​ജി​ത്തി​ന്‍റെ ചോ​ദ്യം.

പ​ല​യി​ട​ത്തും ചോ​ദ്യ​മു​ന്ന​യി​ച്ചെ​ങ്കി​ലും കു​റ്റൂ​രി​ൽ മാ​ത്ര​മ​ല്ല, കേ​ര​ള​മെ​ങ്ങും അ​ന്നു ക്ഷീ​ര​ക​ർ​ഷ​ക​ന് കി​ട്ടി​യ തു​ക 28 ക​ട​ന്നി​ല്ല! സം​ഘ​ത്തി​ൽ വാ​ങ്ങാ​ൻ വ​ന്ന​വ​ർ​ക്ക് 45 രൂ​പ​യി​ൽ കു​റ​ച്ച് പാ​ൽ കി​ട്ടി​യ​തു​മി​ല്ല!

സ​ങ്ക​ട​ത്തി​രു​വോ​ണം

കാ​ത്സ്യ​ത്തി​ന്‍റെ കു​റ​വും രോ​ഗ​ങ്ങ​ളും മൂ​ലം മൂ​ന്നു പ​ശു​ക്ക​ൾ ച​ത്തു. പ​ശു വീ​ണാ​ൽ അ​ന്ന് മൃ​ഗ​ഡോ​ക്ട​റെ കി​ട്ടാ​ൻ ഭാ​ഗ്യം​കൂ​ടി വേ​ണ​മെ​ന്ന് അ​ഭി​ജി​ത്.

2016ൽ ​തി​രു​വോ​ണ​നാ​ൾ അ​ഭി​ജി​ത്തി​നു മ​റ​ക്കാ​നാ​വി​ല്ല. ഉ​ത്രാ​ട​രാ​ത്രി​യി​ൽ വീ​ണ പ​ശു​വി​നെ പ​രി​ശോ​ധി​ക്കാ​ൻ ഡോ​ക്‌​ട​ർ​മാ​ർ​ക്കാ​യി അ​ഭി​ജി​ത് അ​ന്ന് ഓ​ടാ​ത്ത ഇ​ട​ങ്ങ​ളി​ല്ല. ആ​രും തി​രി​ഞ്ഞു​നോ​ക്കി​യി​ല്ല. തി​രു​വോ​ണ​നാ​ളി​ൽ രാ​വി​ലെ പ​ശു ച​ത്തു.

ഒ​രു ല​ക്ഷം രൂ​പ​യി​ല​ധി​കം ചെ​ല​വ​ഴി​ച്ചു ത​മി​ഴ്നാ​ട്ടി​ൽ​നി​ന്ന് കൊ​ണ്ടു​വ​ന്ന പ​ശു​വാ​ണ്. പ​രി​പാ​ലി​ക്കാ​നും ആ​യി​ര​ക്ക​ണ​ക്കി​നു രൂ​പ ചെ​ല​വ​ഴി​ച്ചു. പെ​ട്ടെ​ന്നൊ​രു നാ​ൾ! അ​തേ​ക്കു​റി​ച്ചു പ​റ​യു​ന്പോ​ൾ അ​ഭി​ജി​ത്തി​നു വാ​ക്കു​ക​ൾ ഇ​ട​റു​ന്നു.

ക​ടം ക​യ​റി​യ തൊ​ഴു​ത്ത്!

സ​ബ്സി​ഡി ഉ​റ​പ്പാ​ക്കാ​ൻ​വേ​ണ്ടി​യാ​ണു ത​മി​ഴ്നാ​ട്ടി​ൽ​നി​ന്ന് ഒ​ന്നി​ന് 1.10 ല​ക്ഷം രൂ​പ​യി​ല​ധി​കം കൊ​ടു​ത്ത് അ​ഭി​ജി​ത് പ​ശു​ക്ക​ളെ കൊ​ണ്ടു​വ​ന്ന​ത്. നാ​ട്ടി​ലെ​ത്തി​ച്ചാ​ൽ ഇ​വി​ട​ത്തെ കാ​ലാ​വ​സ്ഥ​യും അ​നു​ബ​ന്ധ​പ്ര​ശ്ന​ങ്ങ​ളും പ​ശു​വി​നെ അ​ല​ട്ടു​ന്ന​തു പ​തി​വാ​യി. പ​ല​രി​ൽ​നി​ന്നാ​യി ക​ടം വാ​ങ്ങി​യാ​ണു പ​ല​പ്പോ​ഴും പ​ശു​വി​നെ വാ​ങ്ങി​യ​ത്. വ​രു​മാ​നം കു​റ​ഞ്ഞ​തും ചെ​ല​വേ​റി​യ​തും ഏ​താ​നും പ​ശു​ക്ക​ൾ ച​ത്ത​തു​മെ​ല്ലാം മ​ന​സ് മ​ടു​പ്പി​ച്ചെ​ന്ന് അ​ഭി​ജി​ത്.


കാ​ര്യ​ങ്ങ​ൾ കൈ​വി​ട്ടു​പോ​കു​ന്ന ഘ​ട്ട​മെ​ത്തി. ഇ​ഷ്‌​ട​പ്പെ​ട്ടു ചെ​യ്തു​തു​ട​ങ്ങി​യ, ഏ​ഴു വ​ർ​ഷ​ത്തി​ല​ധി​കം മു​ന്നോ​ട്ട് കൊ​ണ്ടു​പോ​യ പ​ശു​വ​ള​ർ​ത്ത​ലി​ൽ​നി​ന്ന് അ​ഭി​ജി​ത് പി​ൻ​വാ​ങ്ങാ​ൻ തീ​രു​മാ​നി​ച്ചു. ആ ​തീ​രു​മാ​ന​മെ​ടു​ത്ത​പ്പോ​ഴേ​ക്കും പ​ശു​വ​ള​ർ​ത്ത​ലി​ലൂ​ടെ അ​ഭി​ജി​ത്തി​നു​ണ്ടാ​യ ബാ​ധ്യ​ത​യു​ടെ ക​ണ​ക്ക് ഒ​ന്പ​തു ല​ക്ഷം രൂ​പ പി​ന്നി​ട്ടി​രു​ന്നു...!

പ​ശു​വി​നെ വി​ട്ടു, അ​ന​ന്ത​രം ശാ​ന്തി...

ബി​രു​ദ​ത്തി​ള​ക്ക​ത്തി​ൽ പ​ശു​വി​നെ വ​ള​ർ​ത്താ​ൻ തൊ​ഴു​ത്തി​ൽ ക​യ​റി​യ അ​ഭി​ജി​ത് കാ​ളി​ദാ​സ്, ഇ​പ്പോ​ൾ അ​തെ​ല്ലാം വി​ട്ട് അ​ക്ഷ​രാ​ർ​ഥ​ത്തി​ൽ ശാ​ന്തി​മാ​ർ​ഗ​ത്തി​ലാ​ണ്! ഇ​പ്പോ​ൾ സ​മീ​പ​ത്തെ അ​ന്പ​ല​ത്തി​ലെ ശാ​ന്തി​ക്കാ​ര​നാ​ണ് അ​ഭി​ജി​ത്. ഒ​പ്പം, സ്വ​കാ​ര്യ ഫൈ​നാ​ൻ​സ് സ്ഥാ​പ​ന​ത്തി​ൽ പാ​ർ​ട്ട് ടൈം ​ഫീ​ൽ​ഡ് വ​ർ​ക്കും.

ഏ​റെ ഇ​ഷ്ട​പ്പെ​ട്ടി​രു​ന്ന​താ​ണെ​ങ്കി​ലും ഇ​ന്ന് പേ​രി​നു​പോ​ലും ഒ​രു പ​ശു​വി​നെ വ​ള​ർ​ത്തു​ന്നി​ല്ല. ഇ​നി ആ ​വ​ഴി​ക്കി​ല്ലെ​ന്ന് ഉ​റ​പ്പി​ച്ചു പ​റ​യു​ന്നു, 32കാ​ര​നാ​യ അ​ഭി​ജി​ത്.

കാ​ലി​ക​ൾ കു​റ​ഞ്ഞു, വ​ള​ർ​ത്തു​ന്ന​വ​രും

സം​സ്ഥാ​ന​ത്ത് ക​ന്നു​കാ​ലി​ക​ളു​ടെ എ​ണ്ണ​ത്തി​ൽ ഓ​രോ വ​ർ​ഷ​വും കു​റ​വു​ണ്ടാ​കു​ന്ന​താ​യി സ​ർ​ക്കാ​രി​ന്‍റെ ഔ​ദ്യോ​ഗി​ക ക​ണ​ക്കു​ക​ൾ വ്യ​ക്ത​മാ​ക്കു​ന്നു. മൃ​ഗ​സം​ര​ക്ഷ​ണ​വ​കു​പ്പി​ന്‍റെ 2024 ലെ ​ലൈ​വ്‌​സ്റ്റോ​ക്‌ സെ​ൻ​സ​സ്‍ (പൂ​ർ​ത്തി​യാ​യ​ത് 2025 ഏ​പ്രി​ലി​ൽ) പ്ര​കാ​രം സം​സ്ഥാ​ന​ത്തു കാ​ലി​ക​ളു​ടെ എ​ണ്ണ​ത്തി​ൽ 32.15 ശ​ത​മാ​നം കു​റ​വു​ണ്ടാ​യെ​ന്നു ക​ണ്ടെ​ത്തി​യി​ട്ടു​ണ്ട്. 2019ലെ ​സെ​ൻ​സ​സു​മാ​യി താ​ര​ത​മ്യം ചെ​യ്തു​ള്ള ക​ണ​ക്കാ​ണി​ത്.

2019ൽ ​കേ​ര​ള​ത്തി​ൽ 13,41,996 ക​ന്നു​കാ​ലി​ക​ളാ​ണു​ണ്ടാ​യി​രു​ന്നു. ഇ​പ്പോ​ൾ ഇ​ത് 9,10,556ലേ​ക്കെ​ത്തി. എ​ല്ലാ ജി​ല്ല​ക​ളി​ലും ക​ന്നു​കാ​ലി​ക​ളു​ടെ എ​ണ്ണം കു​റ​ഞ്ഞെ​ന്നു ലൈ​വ് സ്റ്റോ​ക്ക് സെ​ൻ​സ​സ് രേ​ഖ​ക​ൾ വ്യ​ക്ത​മാ​ക്കു​ന്നു.

പ​ശു​വ​ള​ർ​ത്ത​ലും ക്ഷീ​ര​ക​ർ​ഷ​ക​രും വ​ലി​യ തോ​തി​ൽ ഉ​ണ്ടാ​യി​രു​ന്ന ഇ​ടു​ക്കി ജി​ല്ല​യി​ൽ അ​ഞ്ചു വ​ർ​ഷ​ത്തി​നി​ടെ കാ​ലി​ക​ളു​ടെ എ​ണ്ണ​ത്തി​ലു​ണ്ടാ​യ കു​റ​വ് 42.05 ശ​ത​മാ​ന​മാ​ണ്. 2019ൽ 97,395 ​ക​ന്നു​കാ​ലി​ക​ളു​ണ്ടാ​യി​രു​ന്ന ഇ​ടു​ക്കി​യി​ൽ ഇ​പ്പോ​ഴു​ള്ള​ത് 56,444 എ​ണ്ണം മാ​ത്രം. ക്ഷീ​ര​മേ​ഖ​ല​യി​ൽ ക​ർ​ഷ​ക​രെ പി​ടി​ച്ചു​നി​ർ​ത്താ​നു​ള്ള സ​ർ​ക്കാ​രി​ന്‍റെ പ​ദ്ധ​തി​ക​ൾ​ക്കെ​ന്തു പ​റ്റി? അ​തേ​ക്കു​റി​ച്ചു നാളെ.



കന്നുകാ​ലി​ക​ൾ കു​റ​യു​ന്ന​ത് എ​ന്തു​കൊ​ണ്ട്?

☛ ഉ​ത്പാ​ദ​ന​ച്ചെ​ല​വി​ന​നു​സ​രി​ച്ച് പാ​ലി​ന് വി​ല ല​ഭി​ക്കു​ന്നി​ല്ല.
☛ ചെ​റു​കി​ട ക്ഷീ​ര​ക​ർ​ഷ​ക​രി​ൽ പ​ല​രും പ​ശു​വ​ള​ർ​ത്ത​ൽ ഉ​പേ​ക്ഷി​ച്ചു.
☛ പു​തി​യ ത​ല​മു​റ​യ്ക്കു താ​ത്പ​ര്യ​ക്കു​റ​വ്.
☛ ക​ടു​ത്ത വേ​ന​ലി​ൽ പ​ശു​ക്ക​ൾ​ക്ക് ജീ​വ​ഹാ​നി.
☛ കാ​ലി​ത്തീ​റ്റ വി​ല​യി​ൽ വ​ർ​ധ​ന.
☛ പ​ച്ച​പ്പു​ല്ലും വ​യ്ക്കോ​ലും ല​ഭി​ക്കാ​ൻ ബു​ദ്ധി​മു​ട്ട്.
☛ കാ​ലി​ക​ളി​ലെ രോ​ഗ​ബാ​ധ​ക​ൾ.
☛ ക്ഷീ​ര​ക​ർ​ഷ​ക സൗ​ഹൃ​ദ​പ​ദ്ധ​തി​ക​ളു​ടെ അ​ഭാ​വം.

(തു​ട​രും)