കേ​ര​ള​ത്തി​ൽ അ​പൂ​ർ​വ​വും അ​തീ​വ അ​പ​ക​ട​ക​ര​വു​മാ​യ ഒ​രു അ​ണു​ബാ​ധ വ്യാ​പി​ക്കു​ക​യാ​ണ്. അ​മീ​ബി​ക് മെ​നി​ൻ​ജോ എ​ൻ​സെ​ഫ​ലൈ​റ്റി​സ് എ​ന്ന​റി​യ​പ്പെ​ടു​ന്ന ഈ ​രോ​ഗം കു​ള​ങ്ങ​ൾ, ത​ടാ​ക​ങ്ങ​ൾ, ന​ദി​ക​ൾ, കി​ണ​റു​ക​ൾ പോ​ലു​ള്ള ജ​ല​സ്രോ​ത​സു​ക​ളി​ൽ കാ​ണ​പ്പെ​ടു​ന്ന സൂ​ക്ഷ്മ​ജീ​വി​ക​ളാ​യ അ​മീ​ബ​ക​ൾ മൂ​ല​മാ​ണ് ഉ​ണ്ടാ​കു​ന്ന​ത്. അ​തീ​വ തീ​വ്ര​ത​യു​ള്ള ഈ ​രോ​ഗ​ത്തെ ശ​രി​യാ​യ അ​റി​വും മു​ൻ​ക​രു​ത​ലു​ക​ളും ഉ​ണ്ടെ​ങ്കി​ൽ ത​ട​യാ​ൻ ക​ഴി​യും.

കേ​ര​ള​ത്തി​ൽ സം​ഭ​വി​ക്കു​ന്ന​ത്...

രോ​ഗം സ്ഥി​രീ​ക​രി​ച്ച 69 കേ​സു​ക​ളും 19 മ​ര​ണ​ങ്ങ​ളും 2025ൽ ​മാ​ത്രം കേ​ര​ള​ത്തി​ൽ റി​പ്പോ​ർ​ട്ട് ചെ​യ്തി​ട്ടു​ണ്ട്. മു​ൻ വ​ർ​ഷ​ങ്ങ​ളു​മാ​യി താ​ര​ത​മ്യ​പ്പെ​ടു​ത്തു​മ്പോ​ൾ വ​ലി​യ വ​ർ​ധ​ന​യാ​ണ് കാ​ണി​ക്കു​ന്ന​ത്. ആ​ഗോ​ള​ത​ല​ത്തി​ൽ ഈ ​രോ​ഗ​ത്തി​ന്‍റെ മ​ര​ണ​നി​ര​ക്ക് ഏ​ക​ദേ​ശം 97% ആ​ണെ​ങ്കി​ലും, കേ​ര​ള​ത്തി​ൽ ഇ​ത് 24% ആ​ണ്. അ​തി​ന്‍റെ കാ​ര​ണം വേ​ഗ​ത്തി​ലു​ള്ള രോ​ഗ​നി​ർ​ണ​യ​വും മെ​ച്ച​പ്പെ​ട്ട ചി​കി​ത്സാ​രീ​തി​ക​ളു​മാ​ണ്. ഓ​ഗ​സ്റ്റി​ൽ മ​രി​ച്ച എ​ട്ടു വ​യ​സു​ള്ള പെ​ൺ​കു​ട്ടി​യു​ടെ ര​ണ്ടു സ​ഹോ​ദ​ര​ങ്ങ​ൾ​ക്ക് രോ​ഗം ഭേ​ദ​മാ​യി എ​ന്ന​ത് ആ​ശ്വാ​സ​ക​ര​മാ​യ വാ​ർ​ത്ത​യാ​ണ്.

പ്ര​ശ്നം ഗു​രു​ത​ര​മാ​കു​ന്ന​ത്...

ഉ​യ​രു​ന്ന താ​പ​നി​ല​യും മ​ലി​ന​ജ​ല​വു​മാ​ണ് പ്ര​ശ്നം കൂ​ടു​ത​ൽ ഗു​രു​ത​ര​മാ​ക്കു​ന്ന​ത്. അ​മീ​ബ​ക​ൾ ഉ​യ​ർ​ന്ന താ​പ​നി​ല​യു​ള്ള വെ​ള്ള​ത്തി​ൽ ജീ​വി​ക്കാ​ൻ സ​ജ്ജ​രാ​യ സൂ​ക്ഷ്മ​ജീ​വി​ക​ളാ​ണ്. പ്ര​കൃ​തി​ദ​ത്ത​മാ​യി വെ​ള്ള​ത്തി​ൽ കാ​ണ​പ്പെ​ടു​ന്ന ബാ​ക്‌​ടീ​രി​യ​യും ആ​ൽ​ഗെ​യു​മാ​ണ് ഇ​വ​യു​ടെ പ്ര​ധാ​ന ഭ​ക്ഷ​ണം. കേ​ര​ള​ത്തി​ലെ ജ​ലാ​ശ​യ​ങ്ങ​ളി​ൽ കോ​ളി​ഫോം ബാ​ക്‌​ടീ​രി​യ​യു​ടെ അ​ള​വ് കൂ​ടു​ത​ലാ​യാ​ണു കാ​ണ​പ്പെ​ടു​ന്ന​ത്. ഇ​തു മ​ലി​ന​ജ​ല​ത്തി​ന്‍റെ സൂ​ച​ന​യാ​ണ്. ഈ ​സാ​ഹ​ച​ര്യ​ങ്ങ​ൾ അ​മീ​ബ​ക​ൾ​ക്കു വ​ള​രാ​ൻ അ​നു​യോ​ജ്യ​മാ​യ അ​ന്ത​രീ​ക്ഷം ഒ​രു​ക്കു​ന്നു.

രോ​ഗം പ​ക​രു​ന്നത്

പി​എ​എം പി​ടി​പെ​ടു​ന്ന​ത് മ​ലി​ന​ജ​ലം മൂ​ക്കി​ലൂ​ടെ ശ​രീ​ര​ത്തി​ൽ പ്ര​വേ​ശി​ക്കു​മ്പോ​ഴാ​ണ്. സാ​ധാ​ര​ണ​യാ​യി കു​ള​ങ്ങ​ളി​ലും ത​ടാ​ക​ങ്ങ​ളി​ലും ശു​ദ്ധീ​ക​രി​ക്കാ​ത്ത പൂ​ളു​ക​ളി​ലും മ​റ്റും കു​ളി​ക്കു​മ്പോ​ഴാ​ണ് ഇ​ത് സം​ഭ​വി​ക്കു​ന്ന​ത്. അ​മീ​ബ നാ​സാ​ദ്വാ​ര​ത്തി​ലൂ​ടെ പ്ര​വേ​ശി​ച്ചു മ​സ്തി​ഷ്ക​ത്തി​ൽ എ​ത്തി​ച്ചേ​ർ​ന്നു ത​ല​ച്ചോ​റി​ന്‍റെ കോ​ശ​ങ്ങ​ൾ ഭ​ക്ഷി​ക്കു​ക​യും ത​ല​ച്ചോ​റി​ന്‍റെ പ്ര​വ​ർ​ത്ത​ന​ങ്ങ​ൾ ത​ക​രാ​റി​ലാ​ക്കു​ക​യും ചെ​യു​ന്നു.

ജി​എ​ഇ​യി​ൽ, അ​മീ​ബ​ക​ൾ ശ്വാ​സ​കോ​ശ​ത്തി​ലൂ​ടെ (അ​ന്ത​രീ​ക്ഷ​ത്തി​ൽ കാ​ണ​പ്പെ​ടു​ന്ന പൊ​ടി​പ​ട​ല​ങ്ങ​ൾ വ​ഴി) അ​ല്ലെ​ങ്കി​ൽ ശ​രീ​ര​ത്തി​ലെ മു​റി​വു​ക​ളി​ലൂ​ടെ പ്ര​വേ​ശി​ക്കു​ന്നു. പ്ര​ത്യേ​കി​ച്ച് പ്ര​തി​രോ​ധ​ശ​ക്തി കു​റ​വു​ള്ള​വ​രി​ൽ. ഇ​വ ര​ക്തം വ​ഴി മ​സ്തി​ഷ്ക​ത്തി​ൽ എ​ത്തു​ക​യും മ​ന്ദ​ഗ​തി​യി​ൽ ത​ല​ച്ചോ​റി​ന്‍റെ പ്ര​വ​ർ​ത്ത​ന​ങ്ങ​ൾ ത​ക​രാ​റി​ലാ​ക്കു​ക​യും ചെ​യു​ന്നു.

മ​റ്റൊ​രാ​ളി​ലേ​ക്കു പ​ക​രില്ല

ഈ ​രോ​ഗം മ​നു​ഷ്യ​രി​ൽ​നി​ന്നു മ​നു​ഷ്യ​രി​ലേ​ക്കു പ​ക​രു​ന്നി​ല്ല. മ​ലി​ന​ജ​ലം കു​ടി​ക്കു​ന്ന​തു സാ​ധാ​ര​ണ​യാ​യി അ​പ​ക​ട​ക​ര​മ​ല്ല. കാ​ര​ണം, അ​മീ​ബ​ക​ൾ വ​യ​റ്റി​ലെ ആ​സി​ഡുകൊ​ണ്ട് ന​ശി​ക്കു​ന്നു. പി​എ​എം, മൂ​ക്കി​ലൂ​ടെ വെ​ള്ളം ശ​ക്തി​യാ​യി പ്ര​വേ​ശി​ക്കു​മ്പോ​ഴാ​ണ് അ​പ​ക​ടം. ജി​എ​ഇ​യും മ​റ്റൊ​രാ​ളി​ലേ​ക്കു പക​രു​ന്നി​ല്ല. ഇ​ത് പ​രി​സ്ഥി​തി​യി​ൽ​നി​ന്നു​ള്ള പൊ​ടി, മ​ണ്ണ്, അ​ല്ലെ​ങ്കി​ൽ ത്വ​ക്കി​ലൂ​ടെ​യാ​ണു പ​ക​രു​ന്ന​ത്.

ഇ​തു ഭ​യ​പ്പെ​ടേ​ണ്ട സ​മ​യ​മ​ല്ലെങ്കിലും ജാ​ഗ്ര​ത പാ​ലി​ക്കേ​ണ്ടതുണ്ട്. ഈ ​രോ​ഗാ​വ​സ്ഥ​യു​ടെ കാ​ര​ണം സൂ​ക്ഷ്മ​മാ​യ​താ​യി​രി​ക്കാം. എന്നാൽ, അ​ന​ന്ത​ര​ഫ​ല​ങ്ങ​ൾ അ​തീ​വ ഗു​രു​ത​ര​മാ​ണ്. ല​ളി​ത​മാ​യ മു​ൻ​ക​രു​ത​ലു​ക​ൾ സ്വീ​ക​രി​ച്ച്, അ​റി​വോ​ടെ പ്ര​വ​ർ​ത്തി​ച്ചാ​ൽ, ഈ ​അ​പ​ക​ടം ത​ട​യാ​നും ന​മ്മു​ടെ സ​മൂ​ഹ​ത്തെ സം​ര​ക്ഷി​ക്കാ​നും ക​ഴി​യും.

(കൊ​ല്ലം ഫാ​ത്തി​മ മാ​താ നാ​ഷ​ണ​ൽ കോ​ള​ജി​ലെ സു​വോ​ള​ജി വി​ഭാ​ഗം അ​സി​സ്റ്റ​ന്‍റ് പ്ര​ഫ​സ​റാ​ണ് ലേ​ഖി​ക)

അ​മീ​ബ​യു​മാ​യി ബ​ന്ധ​പ്പെ​ട്ട മ​സ്തി​ഷ്ക അ​ണു​ബാ​ധ ര​ണ്ടു വി​ധം

പ്രൈ​മ​റി അ​മീ​ബി​ക് മെ​നി​ൻ​ജോ​എ​ൻ​സെ​ഫ​ലൈ​റ്റി​സ് (പി​എ​എം): നീ​ഗ്ലേ​റി​യ ഫൗ​ലെ​റി എ​ന്ന അ​മീ​ബ​യാ​ണ് ഈ ​രോ​ഗ​ത്തി​നു കാ​ര​ണം. ‘ബ്രെ​യി​ൻ ഈ​റ്റിം​ഗ് അ​മീ​ബ’ എ​ന്ന് ഇ​ത് അ​റി​യ​പ്പെ​ടു​ന്നു. ത​ല​വേ​ദ​ന, ജ്വ​രം, ഛർ​ദ്ദി, ക​ഴു​ത്തി​ലെ പേ​ശി​ക​ൾ​ക്ക് അ​നു​ഭ​വ​പ്പെ​ടു​ന്ന കാ​ഠി​ന്യം, അ​പ​സ്മാ​രം എ​ന്നി​വ ഒ​ന്നു മു​ത​ൽ ഒ​ന്പ​ത് ദി​വ​സ​ത്തി​നു​ള്ളി​ൽ രോ​ഗി​യി​ൽ പ്ര​ത്യ​ക്ഷ​പ്പെ​ടു​ന്നു. രോ​ഗം വ​ള​രെ വേ​ഗ​ത്തി​ൽ ഗു​ര​ത​ര​മാ​കു​ന്നു.


ഗ്രാ​നു​ലോ​മാ​റ്റ​സ് അ​മീ​ബി​ക് എ​ൻ​സെ​ഫ​ലൈ​റ്റി​സ് (ജി​എ​ഇ): അ​കാ​ന്താ​മീ​ബ, ബാ​ല​മു​തി​യ എ​ന്നീ അ​മീ​ബ​ക​ളാ​ണ് കാ​ര​ണ​കാ​രി​ക​ൾ. ത​ല​വേ​ദ​ന, ജ്വ​രം, അ​പ​സ്മാ​രം എ​ന്നി​വ അ​നേ​കം ആ​ഴ്ച​ക​ൾ​ക്കോ മാ​സ​ങ്ങ​ൾ​ക്കോ ശേ​ഷം പ്ര​ത്യ​ക്ഷ​പ്പെ​ടാം. അ​തി​നാ​ൽ, രോ​ഗ​നി​ർ​ണ​യം വൈ​കു​ക​യോ തെ​റ്റു​ക​യോ ചെ​യ്യാം.

സു​ര​ക്ഷി​ത​ മാർഗങ്ങൾ

നി​ങ്ങ​ളെ​യും കു​ടും​ബ​ത്തെ​യും സം​ര​ക്ഷി​ക്കാ​ൻ ല​ളി​ത​മാ​യ മു​ൻ​ക​രു​ത​ലു​ക​ൾ:

മലിനജലത്തി​ൽ കു​ളി​ക്കാ​തി​രി​ക്കു​ക, പ്ര​ത്യേ​കി​ച്ച് കു​ള​ങ്ങ​ൾ, ത​ടാ​ക​ങ്ങ​ൾ, ശു​ദ്ധീ​ക​രി​ക്കാ​ത്ത പൂ​ളു​ക​ൾ എ​ന്നി​വ​യി​ൽ.

വെ​ള്ളം മൂ​ക്കി​ൽ പ്ര​വേ​ശി​ക്കാ​തി​രി​ക്കാ​ൻ ശ്ര​ദ്ധി​ക്കുക. ആ​വ​ശ്യ​മെ​ങ്കി​ൽ നോ​സ് ക്ലി​പ്പ് ഉ​പ​യോ​ഗി​ക്കു​ക.

ടാ​ങ്കു​ക​ൾ, പൂ​ളു​ക​ൾ എ​ന്നി​വ ശു​ദ്ധീ​ക​രി​ച്ചി​രി​ക്ക​ണം. ക്ലോ​റി​നേ​ഷ​ൻ ഉ​റ​പ്പാ​ക്കു​ക.

മൂ​ക്കു​വ​ഴി മ​ത​പ​ര​മാ​യ ശു​ദ്ധീ​ക​ര​ണ​ത്തി​നും മ​റ്റും ഉ​പ​യോ​ഗി​ക്കു​ന്ന വെ​ള്ളം തി​ള​പ്പി​ച്ച​ശേ​ഷം മാ​ത്രം ഉ​പ​യോ​ഗി​ക്കു​ക.

ത്വ​ക്കി​ലെ മു​റി​വു​ക​ൾ സം​ര​ക്ഷി​ക്കു​ക: മ​ണ്ണ്, മ​ലി​ന​ജ​ലം, പൊ​ടി എ​ന്നി​വ​യു​മാ​യി സ​മ്പ​ർ​ക്കം ഒ​ഴി​വാ​ക്കു​ക. കു​ളി​ക്കു​മ്പോ​ഴും തോ​ട്ട​ത്തി​ലും മ​റ്റും പ​ണി​യെ​ടു​ക്കു​മ്പോ​ഴും വാ​ട്ട​ർ​പ്രൂ​ഫ് ബാ​ൻ​ഡേ​ജ് ഉ​പ​യോ​ഗി​ക്കു​ക.

ക​ണ്ണു​ക​ളു​ടെ സം​ര​ക്ഷ​ണ​ത്തി​ന് സ്റ്റെ​റൈ​ൽ സൊ​ലൂ​ഷ​നു​ക​ൾ ഉ​പ​യോ​ഗി​ക്കു​ക: അ​കാ​ന്താ​മീ​ബ ക​ണ്ണിൽ അ​ണു​ബാ​ധ​യ്ക്ക് കാ​ര​ണ​മാ​കാം.

പൊ​തു​ജ​ന​ങ്ങ​ൾ​ക്കാ​യി ജ​ല​സു​ര​ക്ഷ​യെ​ക്കു​റി​ച്ച് ബോ​ധ​വ​ത്ക​ര​ണം ന​ട​ത്തു​ക.

ജ​ല​സ​മ്പ​ർ​ക്ക​ത്തി​നു​ശേ​ഷം ജ്വ​രം, ത​ല​വേ​ദ​ന, ആ​ശ​യ​ക്കു​ഴ​പ്പം തു​ട​ങ്ങി​യ ല​ക്ഷ​ണ​ങ്ങ​ൾ കണ്ടാൽ ഉ​ട​ൻ ഡോ​ക്‌​ട​റെ കാ​ണു​ക.

കിണർ ക്ലോറിനേഷൻ ഫലപ്രദമല്ല

പ്ര​ഫ. എം.​ജി. സി​റി​യ​ക്

അ​മീ​ബി​ക് മ​സ്തി​ഷ്കജ്വ​രം നി​യ​ന്ത്രി​ക്കു​ന്ന​തി​നു കി​ണ​ർ ക്ലോ​റി​നേ​ഷ​ൻ ഉ​ത്ത​മ​മാ​ണ് എ​ന്ന് ചി​ല​രു​ടെ അ​ഭി​പ്രാ​യം കാ​ണാ​നി​ട​യാ​യി. എ​ന്നാ​ൽ, ഇ​ത് ഒ​രു ഫ​ല​പ്ര​ദ​മാ​യ നി​വാ​ര​ണ മാ​ർ​ഗ​മ​ല്ല.
അ​തി​നു​ള്ള ചി​ല കാ​ര​ണ​ങ്ങ​ൾ താ​ഴെ​ച്ചേ​ർ​ക്കു​ന്നു:

1) ക്ലോ​റി​ൻ വെ​ള്ള​ത്തി​ൽ ചേ​ർ​ക്കു​മ്പോ​ൾ ന​ല്ല​തു​പോ​ലെ ഇ​ള​ക്കി​ച്ചേ​ർ​ക്ക​ണം. എ​ന്നാ​ൽ മാ​ത്ര​മാ​ണ് ജ​ല​ത്തി​ന്‍റെ എ​ല്ലാ ഭാ​ഗ​ത്തും ക്ലോ​റി​ൻ എ​ത്തു​ക​യും ജ​ല​ശു​ദ്ധീ​ക​ര​ണം പൂ​ർ​ത്തി​യാ​കു​ക​യും ചെ​യ്യു​ന്ന​ത്. കി​ണ​റ്റി​ൽ പൊ​തു​വെ ഇ​ത് അ​സാ​ധ്യ​മാ​ണ്. കി​ണ​റി​ൽ​നി​ന്ന് വെ​ള്ളം പ​മ്പ് ചെ​യ്യു​ന്ന പ​മ്പുസെ​റ്റി​ന്‍റെ ഫു​ട്ട് വാ​ൽ​വ് അ​ടി​യി​ലാ​ണെ​ങ്കി​ൽ ക്ലോ​റി​ൻ അ​വി​ടെ എ​ത്ത​ണ​മെ​ന്നു​ത​ന്നെ​യി​ല്ല.

2) കി​ണ​റ്റി​ലെ വെ​ള്ളം എ​പ്പോ​ഴും ഒ​രു സ്ഥ​ല​ത്തു നി​ൽ​ക്ക​ണ​മെ​ന്നി​ല്ല. അ​ത് മ​ണ്ണി​ന​ടി​യി​ലൂ​ടെ പ​തു​ക്കെ സ​ഞ്ച​രി​ക്കു​ന്നു​ണ്ടാ​കും. അ​പ്പോ​ൾ ക്ലോ​റി​ൻ ചേ​ർ​ത്ത വെ​ള്ളം കു​റ​ച്ചു സ​മ​യം ക​ഴി​യു​മ്പോ​ൾ അ​വി​ടെ​യു​ണ്ടാ​ക​ണ​മെ​ന്നി​ല്ല.

3) കി​ണർ വെള്ളത്തി​ൽ ന​മ്മ​ൾ ചേ​ർ​ക്കു​ന്ന ബ്ലീ​ച്ചി​ങ് പൗ​ഡ​റി​ലു​ള്ള ക്ലോ​റി​ൻ സ​മ്പ​ർ​ക്ക സാ​ധ്യ​ത അ​ധി​ക​മാ​യ​തി​നാ​ൽ വ​ള​രെ പെ​ട്ടെന്ന് അ​ന്ത​രീ​ക്ഷ​ത്തി​ലേ​ക്കും വ​ശ​ങ്ങ​ളി​ലേ​ക്കും വ്യാ​പി​ച്ചു പോ​കു​ന്നു. അ​ത് ക്ലോ​റി​നേ​ഷ​ന്‍റെ ഫ​ല​പ്രാ​പ്തി കു​റ​യ്ക്കു​ന്നു.

എ​ന്നാ​ൽ, കി​ണ​ർ ക്ലോ​റി​നേ​ഷ​ൻ ആ​വ​ശ്യ​മാ​കു​ന്ന ചി​ല സാ​ഹ​ച​ര്യ​ങ്ങ​ളു​ണ്ട്. കി​ണ​ർ ന​ല്ല​തു​പോ​ലെ മ​ലി​നീ​ക​രി​ക്ക​പ്പെ​ട്ടാ​ൽ ഹൈ ​ഡോ​സ് ക്ലോ​റി​ൻ ചേ​ർ​ത്ത് 24 മ​ണി​ക്കൂ​ർ ഉ​പേ​യാ​ഗി​ക്കാ​തെ കി​ണ​ർ ശു​ദ്ധ​മാ​ക്കു​ന്ന സം​വി​ധാ​ന​മു​ണ്ട്. ഇ​തി​ന്‍റെ മാ​ർ​ഗ​നി​ർ​ദേ​ശ​ങ്ങ​ൾ ലോ​കാ​രോ​ഗ്യ സം​ഘ​ട​ന​യി​ൽ​നി​ന്നു ല​ഭ്യ​മാ​ണ്.

നാം ​ഇ​പ്പോ​ൾ നേ​രി​ടു​ന്ന​തു​പോ​ലെ​യു​ള്ള സ​ന്നി​ഗ്ധ സാ​ഹ​ച​ര്യ​ങ്ങ​ളി​ൽ ക്ലോ​റി​നേ​ഷ​ൻ നി​ർ​ബ​ന്ധ​മാ​യും ടാ​ങ്കി​ൽ​ത​ന്നെ ചെ​യ്യ​ണം. വ​ലി​യ മ​ലി​നീ​ക​ര​ണ​മി​ല്ലാ​ത്ത വെ​ള്ള​മാ​ണെ​ങ്കി​ൽ 1,000 ലി​റ്റ​ർ വെ​ള്ള​ത്തി​ൽ നാ​ല് ഗ്രാം ​ബ്ലീ​ച്ചി​ങ് പൗ​ഡ​ർ മി​ക്സ് ചെ​യ്ത തെ​ളി​നീ​രെ​ടു​ത്തു ടാ​ങ്കി​ൽ മി​ക്സ് ചെ​യ്താ​ൽ അ​ര മ​ണി​ക്കൂ​ർ ക​ഴി​യു​മ്പോ​ൾ വെ​ള്ളം സു​ര​ക്ഷി​ത​മാ​കും. സെ​ൽ​ഫ് ക്ലീ​നിം​ഗ് ടാ​ങ്കു​ക​ൾ ഉ​പ​യോ​ഗി​ക്കു​ന്ന​ത് എ​പ്പോ​ഴും ന​ല്ല​താ​ണ്.