ഈ ​മ​ദ്യം വി​ള​ന്പ​ൽ നാ​ടി​നെ ന​ശി​പ്പി​ക്കും!
ആർച്ച്ബിഷപ് ജോ​സ​ഫ് പെ​രു​ന്തോ​ട്ടം

കെഎ​സ്ആ​ർടി​സി ബ​സ്‌​സ്റ്റാ​ൻ​ഡ് കോം​പ്ല​ക്സു​ക​ളി​ലും വി​ദേ​ശ​മ​ദ്യ​വി​ല്പ​ന​ശാ​ല​ക​ൾ തു​ട​ങ്ങാ​ൻ പോ​കു​ന്നു​വെ​ന്നു​ള്ള വാ​ർ​ത്ത ശ​രി​യാ​ണെ​ങ്കി​ൽ, ഇ​പ്പോ​ൾ​ത്ത​ന്നെ സം​ഭ​വി​ച്ചു​കൊണ്ടി​രി​ക്കു​ന്ന ഒ​രു ദു​ര​ന്ത​ത്തി​ന് ആ​ക്കം​കൂ​ട്ടു​ന്ന ന​ട​പ​ടി​യാ​യി​രി​ക്കു​മ​ത്. ഓ​രോ​ദി​വ​സ​വും റി​പ്പോ​ർ​ട്ടു​ചെ​യ്യ​പ്പെ​ടു​ന്ന കൊ​ല​പാ​ത​ക​ങ്ങ​ളു​ടെ​യും പീ​ഡ​ന​ങ്ങ​ളു​ടെ​യും അ​ടി​പി​ടി​ക​ളു​ടെ​യു​മൊ​ക്കെ പി​ന്നി​ലെ ഒ​രു പ്ര​ധാ​ന ​കാ​ര​ണം മ​ദ്യ​ത്തി​ന്‍റെ​യും മ​യ​ക്കു​മ​രു​ന്നു​ക​ളു​ടെ​യും ദു​രു​പ​യോ​ഗ​മാ​ണ്. മ​ദ്യ​ത്തി​ന​ടി​മ​പ്പെ​ട്ട​വ​ർ എ​ങ്ങ​നെ​യും അ​ത് ക​ര​സ്ഥ​മാ​ക്കാ​ൻ ശ്ര​മി​ക്കും.

മോ​ഷ​ണ​ത്തി​ലേ​ക്കും വ​ഴ​ക്കു​ക​ളി​ലേ​ക്കും കൊ​ല​പാ​ത​ക​ങ്ങ​ളി​ലേ​ക്കു​മൊ​ക്കെ അ​ത് ന​യി​ക്കാം. എ​ത്ര​യോ ന​ല്ല മ​നു​ഷ്യ​ബ​ന്ധ​ങ്ങ​ളാ​ണ് മ​ദ്യ​പാ​നം​മൂ​ലം ത​ക​രു​ന്ന​ത്! മി​ത്ര​ങ്ങ​ൾ ശ​ത്രു​ക്ക​ളാ​കു​ന്നു, അ​മ്മ​പെ​ങ്ങന്മാ​രെ​പ്പോ​ലും തി​രി​ച്ച​റി​യാ​നാ​വാ​ത്ത​വി​ധം സു​ബോ​ധ​വും വി​വേ​ക​വും ന​ഷ്ട​പ്പെ​ടു​ന്നു, കു​ടും​ബ​ബ​ന്ധ​ങ്ങ​ൾ ത​ക​രു​ന്നു, സ​ദാ​ചാ​ര​ചി​ന്ത വ​ഴി​മാ​റു​ന്നു. എ​ത്ര​യോ കു​ടും​ബ​ങ്ങ​ളാ​ണ് മ​ദ്യം​മൂ​ലം ത​ക​ർ​ന്ന​ടി​യു​ന്ന​ത്; പ​ട്ടി​ണി​യി​ലാ​കു​ന്ന​ത്, മ​ക്ക​ളു​ടെ ഭാ​വി ന​ശി​പ്പി​ക്കു​ന്ന​ത്!

ആ​ളു​ക​ളു​ടെ ആ​രോ​ഗ്യം ന​ശി​ച്ച് രോ​ഗ​ത്തി​ന​ടി​മ​ക​ളാ​കു​ന്ന​തു​വ​ഴി എ​ന്തു​ നേ​ട്ട​മാ​ണ് നാ​ടി​നു ല​ഭി​ക്കു​ന്ന​ത്? ശ​രീ​ര​ത്തി​ലും മ​ന​സി​ലും ആ​ത്മാ​വി​ലും നാ​ശം​വി​ത​യ്ക്കു​ന്ന മ​ദ്യ​ത്തി​ന്‍റെ ല​ഭ്യ​ത വ​ർ​ധി​പ്പി​ച്ചും, ഇ​ഷ്ടാ​നു​സ​ര​ണം വാ​ങ്ങി​ക്കാ​നു​ള്ള സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തി​യും വ​രു​മാ​നം​കൂ​ട്ടാ​നാ​ണ് ശ്ര​മി​ക്കു​ന്ന​തെ​ങ്കി​ൽ അ​തൊ​രു തീ​രാ​ന​ഷ്ട​മാ​യേ ക​ലാ​ശി​ക്കൂ. ഒ​രു​വ​ന്‍റെ മ​ദ്യാ​സ​ക്തി​പോ​ലു​ള്ള ബ​ല​ഹീ​ന​ത​ക​ളെ ചൂ​ഷ​ണം ചെ​യ്ത്, ദു​രി​ത​ത്തി​ലാ​ക്കി സ​ർ​ക്കാ​റി​ന്‍റെ ഖ​ജ​നാ​വു​നി​റ​ച്ച് ആ​രെ ര​ക്ഷി​ക്കാ​നാ​ണ്? മ​നു​ഷ്യ​നെ ന​ശി​പ്പി​ച്ചാ​ണോ അ​വ​നെ ര​ക്ഷി​ക്കു​ക!


മ​ദ്യ​ല​ഭ്യ​ത ക്ര​മേ​ണ കു​റ​യ്ക്കു​മെ​ന്നു പ​റ​ഞ്ഞ് അ​ധി​കാ​ര​ത്തി​ലേ​റി​യ സ​ർ​ക്കാ​ർ അ​തി​നാ​യി എ​ന്തു ചെ​യ്തു? മ​ദ്യ​വ​ർ​ജ​നം പ്രോ​ത്സാ​ഹി​പ്പി​ക്കാ​നും ല​ഹ​രി​ക്കെ​തിരേ ബോ​ധ​വ​ത്ക​ര​ണ​ത്തി​നും​വേണ്ടി സ​ർ​ക്കാ​ർ "വി​മു​ക്തി’ എ​ന്ന പ​ദ്ധ​തി ആ​രം​ഭി​ച്ച​പ്പോ​ൾ വ​ള​രെ പ്ര​തീ​ക്ഷ​യുണ്ടാ​യി​രു​ന്നു. അ​ന്ന് 30 ബാ​റു​ക​ളുണ്ടാ​യി​രു​ന്നു.

അ​ഞ്ചു​ വ​ർ​ഷം ക​ഴി​ഞ്ഞ​പ്പോ​ൾ എ​ണ്ണം 600-നു ​മു​ക​ളി​ൽ! മ​ദ്യ​വ​ർജനം എ​ന്നു പ​റ​യു​ക​യും മ​ദ്യ​ല​ഭ്യ​ത വ​ർ​ധി​പ്പി​ക്കു​ക​യും ചെ​യ്യു​ന്ന​ത് എ​ന്തു ന​യ​മാ​ണ്? "വി​മു​ക്തി’ പ​ദ്ധ​തി എ​ന്ന ആ​ശ​യം ന​ല്ല​താ​ണ്, അ​ത് കാ​ര്യ​ക്ഷ​മ​ത​യോ​ടെ ന​ട​പ്പി​ലാ​ക്കാ​ൻ സാ​ധി​ക്കു​മെ​ങ്കി​ൽ. അ​തി​നു​ള്ള മ​ന​സും ആ​ത്മാ​ർ​ത്ഥ​ത​യും സ​ർ​ക്കാ​ർ പു​ല​ർ​ത്ത​ണം.

പെ​ട്ടെ​ന്ന് പ​ണം ല​ഭി​ക്കാ​ൻ മ​ദ്യ​വി​ൽ​പ്പ​ന​യാ​ണ് ഏ​റ്റ​വും എ​ളു​പ്പം. പ​ക്ഷ,േ അ​വി​ടെ യ​ഥാ​ർ​ഥ​ത്തി​ൽ സം​ഭ​വി​ക്കു​ന്ന​ത് മ​നു​ഷ്യ​നെ വി​ൽ​ക്കു​ന്ന ക്രൂ​ര​ത​യാ​ണ്. മ​ദ്യ​ത്തി​ന് സ്വ​യം ന​ൽ​കി ഇ​ല്ലാ​താ​കു​ന്ന മ​നു​ഷ്യ​ൻ! അ​തു​വ​ഴി ഒ​രു സ​മൂ​ഹ​ത്തി​ന്‍റെ കെ​ട്ടു​റ​പ്പും നാ​ടി​ന്‍റെ ഭാ​വി​യു​മാ​ണ് അ​പ​ക​ട​ത്തി​ലാ​കു​ന്ന​ത്.

മ​നു​ഷ്യ​ന്‍റെ നന്മ​യ്ക്കും ന​ല്ല ഭാ​വി​ക്കും ഭീ​ഷ​ണി​യാ​യ മ​ദ്യത്തിന്‍റെയും ല​ഹ​രി​യു​ടെ​യും ല​ഭ്യ​ത വ​ർ​ധി​പ്പി​ച്ച് കെഎസ്ആർടിസി​യു​ടെ ന​ഷ്ടം നി​ക​ത്താ​നു​ള്ള നീ​ക്ക​ത്തെ ഒ​രു​വി​ധ​ത്തി​ലും നീ​തീ​ക​രി​ക്കാ​നാ​വി​ല്ല. മ​ദ്യ​പാ​നി​ക​ളു​ടെ​യും മ​ദ്യ​ക്ക​ച്ച​വ​ട​ക്കാ​രു​ടെ​യും കൈ​യ​ടി അ​തി​നു ല​ഭി​ച്ചേ​ക്കാം. എ​ന്നാ​ൽ, മ​നു​ഷ്യ​ന്‍റെ നന്മ ​ആ​ഗ്ര​ഹി​ക്കു​ന്ന മ​നു​ഷ്യ​സ്നേ​ഹി​ക​ൾ​ക്ക് അ​തം​ഗീ​ക​രി​ക്കാ​നാ​വി​ല്ല.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.