കേ​ര​ള​ത്തി​ൽ ബ്രി​ട്ടീ​ഷ് സാ​മ്രാ​ജ്യ​ത്തി​നെ​തി​രേ യു​ദ്ധം പ്ര​ഖ്യാ​പി​ച്ച ആ​ദ്യ നാ​ട്ടു​രാ​ജാ​ക്കന്മാ​രി​ലൊ​രാ​ളാ​യി​രു​ന്നു കേ​ര​ള​വ​ർ​മ്മ പ​ഴ​ശ്ശി​രാ​ജാ. വടക്കേ മലബാറിലെ പഴശ്ശി ആസ്ഥാനമായുള്ള കോട്ടയം രാജവംശത്തിൽ ജനനം. വീ​ര​കേ​ര​ള സിം​ഹം എ​ന്നാ​ണ് ഇ​ന്ത്യ​ൻ സ്വാ​ത​ന്ത്ര്യ സ​മ​ര ച​രി​ത്ര​ങ്ങ​ളി​ൽ പഴശ്ശിയെ വി​ശേ​ഷി​പ്പി​ക്കു​ന്ന​ത്.

മ​ല​ഞ്ച​ര​ക്കു​ക​ൾ​ക്കും സു​ഗ​ന്ധ​വ്യ​ഞ്ജ​ന​ങ്ങ​ൾ​ക്കും വ​യ​നാ​ട​ൻ മ​ല​നി​ര​ക​ൾ പ്ര​ശ​സ്ത​മാ​യി​രു​ന്ന​തി​നാ​ൽ 17ാം ​നൂ​റ്റാ​ണ്ടി​ൽ ത​ന്നെ യൂ​റോ​പ്യ​ൻ ക​ച്ച​വ​ട​ക്കാ​ർ ഇ​വി​ടത്തെ വാ​ണി​ജ്യാ​ധി​പ​ത്യ​ത്തി​നാ​യി മ​ത്സ​രി​ച്ചി​രു​ന്നു. ത​മ്മി​ൽ ക​ല​ഹി​ച്ചു​കൊ​ണ്ടി​രു​ന്ന ചെ​റു​നാ​ടു​വാ​ഴി​ക​ൾ വി​ദേ​ശ അ​ധി​നി​വേ​ശം ക്ഷ​ണി​ച്ചു​വ​രു​ത്തു​ക​യാ​യി​രു​ന്നു.​ ബ്രിട്ടീഷുകാർക്കെതിരേ പ​ട​പൊ​രു​താ​നു​ള്ള പ​ഴ​ശ്ശി​യു​ടെ ആ​ഹ്വാ​ന​ത്തി​ൽ ആ​ത്മാ​ഭി​മാ​നം ഉ​ണ​ർ​ന്ന ജ​ന​ങ്ങ​ൾ വ​യ​നാ​ട​ൻ കു​ന്നു​ക​ളി​ലെ ഗൂ​ഢ​സ​ങ്കേ​ത​ങ്ങ​ളി​ൽ ആ​യു​ധ​പ​രി​ശീ​ല​നം നേ​ടി. ഒ​ളി​യു​ദ്ധ​വും പരിശീലിച്ചു. ത​ല​ക്ക​ൽ ച​ന്തു​വാ​യി​രു​ന്നു സേ​നാ​ധി​പ​ൻ.


1804-​ൽ ത​ല​ശ്ശേ​രി​യി​ലെ സ​ബ്ക​ളക്ട​റാ​യെ​ത്തി​യ തോ​മ​സ് ഹാ​ർ​വെ ബാ​ബ​ർ പു​തി​യ യു​ദ്ധ​ത​ന്ത്ര​ങ്ങ​ളു​മാ​യി പ​ഴ​ശ്ശി​യോ​ടേ​റ്റു​മു​ട്ടി. 1805 ന​വം​ബ​ർ 29 രാ​ത്രി ഒ​റ്റു​കാ​രി​ൽ​നി​ന്നും ല​ഭി​ച്ച വി​വ​രം അ​നു​സ​രി​ച്ചെ​ത്തി​യ ക​ന്പ​നി​സൈ​ന്യം പു​ൽ​പ്പ​ള്ളി കാ​ട്ടി​ൽ വി​ശ്ര​മി​ക്കു​ക​യാ​യി​രു​ന്ന പ​ഴ​ശ്ശി​യേ​യും സേ​നാ​നാ​യ​ക​രെയും ആ​ക്ര​മി​ച്ചു. 1805 ന​വം​ബ​ർ 30 ന് ​ബ്രി​ട്ടീ​ഷ് സൈ​ന്യ​ത്തി​ന്‍റെ വെ​ടി​യേ​റ്റ് മ​രി​ച്ചു. കീ​ഴ​ട​ങ്ങാ​തി​രി​ക്കാ​ൻ അ​ദ്ദേ​ഹം ആ​ത്മ​ഹ​ത്യ ചെ​യ്യുകയായിരുന്നു​വെ​ന്നും പ​റ​യ​പ്പെ​ടു​ന്നു.